6
1 စီၤလ့ၤဝံအိၣ်ဒီးအဖိခွါသၢဂၤလၢအမ့ၢ်, စီၤက့ရၡိၣ်, စီၤကဃးဒီးစီၤမရၤရံၤန့ၣ်လီၤ.
2 စီၤကဃးအိၣ်ဒီးအဖိခွါလွံၢ်ဂၤလၢအမ့ၢ်, စီၤဧၤမရၣ်, စီၤယံးစဟၢ်, စီၤဃ့ဘြိၣ်ဒီးစီၤဧူးစံၤအ့လးန့ၣ်လီၤ.
3 စီၤဧၤမရၣ်အိၣ်ဒီးအဖိခွါခံဂၤလၢအမ့ၢ်စီၤအၤဟရိၣ်ဒီးစီၤ မိၤၡ့, ဒီးအဖိမုၣ်တဂၤလၢအမ့ၢ်နီၢ်မံးရယၣ်န့ၣ်လီၤ. ဒီးစီၤအၤဟရိၣ်အိၣ်ဒီးအဖိခွါလွံၢ်ဂၤလၢအမ့ၢ်စီၤနဒး, စီၤအဘံဟူၤ, စီၤအလၤဧစၢ်ဒီးစီၤအံသမၢ်န့ၣ်လီၤ.
4 စီၤအလၤဧစၢ်အစၢၤအသွဲၣ်တဖၣ်လၢစိၤတစိၤဘၣ်တစိၤန့ၣ်မ့ၢ်ဝဲ စီၤဖံၤနဃၣ်, စီၤအဘံၤၡူ,
5 စီၤဘူးကံၤ, စီၤဧူၤစံ,
6-7 စီၤစရၤဃယၤ, စီၤမရၤယိး, စီၤအမၤရယၤ, စီၤအဃံတူာ်,
8-9 စီၤစၤဒိး, စီၤအဃံမၤဧး, စီၤဧစၤရယၤ, စီၤယိဃၤနၤ,
10 စီၤဧစၤရယၤ (ပှၤလၢအမၤတၢ်လၢတၢ်လုၢ်ဟံၣ်လၢစီၤၡလိၤမိၤသူၣ် ထီၣ်ဝဲလၢဝ့ၢ်ယရူၤၡလ့ၣ်အပူၤ)
11-12 စီၤအမၤရယၤ, စီၤအဃံတူာ်, စီၤစၤဒိး, စီၤၡၤလူၣ်,
13-14 စီၤဃံးလကံယၤ, စီၤဧစၤရယၤ, စီၤစရါယၤ, စီၤယဃိၤစါဒးတဖၣ်န့ၣ်လီၤ.
15 စီၤပၤနဘူၤကးန့စၢ်ဟီထီၣ်ကွံာ်စီၤယဃိၤစါဒးဃုာ်ဒီးကီၢ် ယူဒၤဒီးဝ့ၢ်ယရူၤၡလ့ၣ်အပှၤဂီၢ်မုၢ်တဖၣ်လၢယွၤဆှၢအီၤဆူတၢ် စိာ်မၢကဲကုၢ်အပူၤန့ၣ်လီၤ.
16 စီၤလ့ၤဝံအိၣ်ဒီးအဖိခွါသၢဂၤလၢအမ့ၢ်, စီၤက့ရၡိၣ်, စီၤကဃးဒီးစီၤမရၤရံၤန့ၣ်လီၤ.
17 အဝဲသ့ၣ်တဂၤဘၣ်တဂၤအိၣ်ဒီးအဖိခွါတဖၣ်လီၤ. စီၤက့ရၡိၣ်မ့ၢ်စီၤလံးဘနံၤဒီးစီၤၡံမံၤအပၢ်,
18 စီၤကဃးမ့ၢ်စီၤဧၤမရၣ်, စီၤယံးစဟၢ်, စီၤဃ့ဘြိၣ်ဒီးစီၤ ဧူးစံၤအ့လးတဖၣ်အပၢ်,
19 ဒီးစီၤမရၤရံၤမ့ၢ်စီၤမၤဃလံဒီးစီၤမူၡံၤအပၢ်န့ၣ်လီၤ.
20 အအံၤမ့ၢ်စီၤက့ရၡိၣ်အစၢၤအသွဲၣ်တဖၣ်လၢစိၤတစိၤဘၣ်တစိၤန့ၣ် လီၤ. စီၤလံးဘနံၤ, စီၤယၤဃး, စီၤစံးမၤ,
21 စီၤယိအၤ, စီၤဧံးဒိၤ, စီၤစ့ရၤ, ဒီးစီၤယအးတရဲလီၤ.
22 အအံၤမ့ၢ်စီၤကဃးအစၢၤအသွဲၣ်တဖၣ်လၢစိၤတစိၤဘၣ်တစိၤန့ၣ်လီၤ. စီၤဧၤမံၤနဒး, စီၤကိၤရး, စီၤအးစံၢ်,
23-24 စီၤအ့လကါနၤ, စီၤအဘံယၢ်စာ်, စီၤအးစံၢ်, စီၤတၤဃး, စီၤအူရံၤအ့လး, စီၤဧူးစံယါဒီးစီၤၡီလူးလီၤ.
25 စီၤအ့လကါနၤအိၣ်ဒီးအဖိခွါခံဂၤလၢအမ့ၢ်, စီၤဧမၤစဲဒီးစီၤအဃံမိးလီၤ.
26 အအံၤမ့ၢ်စီၤအဃံမိးအစၢၤအသွဲၣ်တဖၣ်လၢစိၤတစိၤဘၣ်တစိၤန့ၣ် လီၤ. စီၤအ့လကါနၤ, စီၤစိၤဖဲ, စီၤနၤဃး,
27 စီၤအလံအာ်, စီၤယရိဃၣ်, စီၤအ့လကါနၤန့ၣ်လီၤ.
28 စီၤၡမူၤအ့လးအိၣ်ဒီးအဖိခွါခံဂၤလၢအမ့ၢ်, စီၤယိၤအ့လး, ပှၤအဒိၣ်တဂၤဒီးစီၤအဘံယၤ, ပှၤအဆံးတဂၤန့ၣ်လီၤ.
29 အအံၤမ့ၢ်စီၤမရၤရံၤအစၢၤအသွဲၣ်တဖၣ်လၢစိၤတစိၤဘၣ်တစိၤန့ၣ် လီၤ. စီၤမးဃလံ, စီၤလံးဘနံၤ, စီၤၡံမံၤ, စီၤဧူးစး,
30 စီၤၡံမၤ, စီၤဃးကံယၤ, ဒီးစီၤဧစံယၤန့ၣ်လီၤ.
31 ပှၤတဖၣ်အံၤမ့ၢ်ပှၤလၢစီၤပၤဒၤဝံးပာ်ဝဲလၢပှၤသးဝံၣ်တၢ်ဖိ အခိၣ်လၢတၢ်ဘူၣ်ထီၣ်ဘါထီၣ်ယွၤအလီၢ်လၢဝ့ၢ်ယရူၤၡလ့ၣ်အပူၤ, ဖဲတၢ်အၢၣ်လီၤအီလီၤအတလါဘၣ်တၢ်ဆှၢနုာ်အီၤဖဲန့ၣ်ဝံၤအလီၢ် ခံန့ၣ်လီၤ.
32 အဝဲသ့ၣ်ဟံးန့ၢ်မူဒါလၢယွၤအိၣ်ဝဲဆိးဝဲအဒဲပူၤတဂၤလၢ အကတီၢ်ဒၣ်ဝဲဒ်တၢ်ပာ်လီၤအီၤ, ဖဲတၢ်ဆၢကတီၢ်လၢစီၤပၤၡလိၤမိၤတချုးသူၣ်ထီၣ်ဒံးတၢ်လုၢ် ဟံၣ်န့ၣ်လီၤ.
33 ဒူၣ်ထၢအတၢ်လီၤစၢၤတဖၣ်လၢအဟံးန့ၢ်မူဒါအံၤ, မ့ၢ်ဒ်အဖီလာ်အသိးလီၤ. လၢပှၤကဃးဖိအဒူၣ်ထၢပူၤန့ၣ်, စီၤဟ့မၣ်, လၢအမ့ၢ်စီၤယိၤအ့လးအဖိခွါ, မ့ၢ်တၢ်သးဝံၣ်ရိအခီၣ်ထံးတဖုအခိၣ်န့ၣ်လီၤ. အဝဲအတၢ်လီၤစၢၤလီၤသွဲၣ်စးထီၣ်လၢစီၤယၤကိာ်မ့ၢ်ဒ်လာ်အံၤ န့ၣ်လီၤ. စီၤဟ့မၣ်, စီၤယိၤအ့လး, စီၤၡမူၤအ့လး,
34 စီၤအ့လကါနၤ, စီၤယရိဃၣ်, စီၤအလံၤအ့လး, စီၤတိအး,
35 စီၤစူာ်, စီၤအ့လကါနၤ, စီၤမၤဃး, စီၤဧမၤစဲ,
36 စီၤအ့လကါနၤ, စီၤယိၤအ့လး, စီၤဧစၤရယၤ, စီၤစဖါနယၤ,
37 စီၤတၤဃး, စီၤအးစံၢ်, စီၤအဘံယၤစာ်, စီၤကိၤရး,
38 စီၤယံးစဟၢ်, စီၤကဃး, စီၤလ့ၤဝံဒီးစီၤယၤကိာ်န့ၣ်လီၤ.
39 စီၤအၤစာ်မ့ၢ်တၢ်သးဝံၣ်ရိခံဖုတဖုအခိၣ်န့ၣ်လီၤ. အဝဲအတၢ်လီၤစၢၤလီၤသွဲၣ်စးထီၣ်လၢစီၤလ့ၤဝံ, မ့ၢ်ဒ်လာ်အံၤန့ၣ်လီၤ. စီၤအၤစာ်, စီၤဘရ့ကံယၤ, စီၤၡံမၤ,
40 စီၤမံၤက့လး, စီၤဘၤစ့ယၤ, စီၤမၤလကံယၤ,
41 စီၤအ့ၤသနံ, စီၤစ့ရၤ, စီၤဧဒါယၤ,
42-43 စီၤအ့သၣ်, စီၤစံးမၤ, စီၤၡံမံၤ, စီၤယၤဃး, စီၤက့ရၡိၣ်ဒီးစီၤလ့ၤဝံန့ၣ်လီၤ.
44 စီၤအ့သၣ်လၢပှၤမရၤရံၤဖိအဒူၣ်ထၢပူၤန့ၣ်မ့ၢ်တၢ်သးဝံၣ်ရိ သၢဖုတဖုအခိၣ်န့ၣ်လီၤ. အဝဲအတၢ်လီၤစၢၤလီၤသွဲၣ်စးထီၣ်လၢစီၤလ့ၤဝံ, မ့ၢ်ဒ်လာ်အံၤန့ၣ်လီၤ. စီၤအ့သၣ်, စီၤကံၡံၤ, စီၤဧၤဘ့းဒံ, စီၤမးလူး,
45 စီၤဃၡၤဘယၤ, စီၤအမၤစယါ, စီၤဃံလကံယၤ,
46 စီၤအးမစံ, စီၤဘၤနံ, စီၤၡၤမ့ၢ်,
47 စီၤမးဃလံၤ, စီၤမူၡံၤ, စီၤမရၤရံၤ, ဒီးစီၤလ့ၤဝံန့ၣ်လီၤ.
48 အဝဲသ့ၣ်အပှၤလ့ၤဝံဖိကဒဲကဒဲဒီးအီၤသ့ၣ်တဖၣ်န့ၣ်ဘၣ်တၢ်ဟ့ၣ် မူဟ့ၣ်ဒါအီၤလၢမူဒါအဂၤအကလုာ်ကလုာ်လၢတၢ်ဘူၣ်ထီၣ်ဘါထီၣ် ယွၤအလီၢ်န့ၣ်လီၤ.
49 စီၤအၤဟရိၣ်ဒီးအစၢၤအသွဲၣ်တဖၣ်ပာ်ထီၣ်တၢ်လုၢ်နၢမူ တဖၣ်ဒီးလုၢ်ထီၣ်တၢ်လုၢ်တၢ်ပာ်တဖၣ်လၢအဘၣ်တၢ်ဆူးကဲၤအီၤလၢတၢ် လုၢ်လီၢ်အဖီခိၣ်န့ၣ်လီၤ. အဝဲသ့ၣ်အိၣ်မူအိၣ်ဒါလၢတၢ်ဘူၣ်ထီၣ်ဘါထီၣ်ယွၤလၢတၢ်လီၢ်စီ ဆှံကတၢၢ်ခဲလၢာ်ဒီးလၢတၢ်လုၢ်တၢ်ပာ်တဖၣ်လၢကစၢ်ယွၤပျၢ်ကွံာ် ပှၤအံၣ်စရ့လးဖိတဖၣ်အတၢ်ဒဲးဘးအဂီၢ်န့ၣ်လီၤ. အဝဲသ့ၣ်မၤတ့ၢ်တၢ်အံၤခဲလၢာ်ဒ်တၢ်သိၣ်တၢ်သီလၢအဘၣ်တၢ်ဟ့ၣ် လီၤခီဖျိကစၢ်ယွၤအခ့အပှၤစီၤမိၤၡ့န့ၣ်လီၤ.
50 အအံၤမ့ၢ်ပှၤတဖၣ်လၢအဟဲလီၤစၢၤလီၤသွဲၣ်လၢစီၤအၤဟရိၣ်လီၤ. စီၤအလၤဧစၢ်, စီၤဖံၤနဃၣ်, စီၤအဘံၤၡူ,
51-52 စီၤဘူးကံၤ, စီၤဧူၤစံ, စီၤစရၤဃယၤ, စီၤမရၤယိး, စီၤအမၤရယၤ, စီၤအဃံတူာ်,
53 စီၤစၤဒိးဒီးစီၤအဃံမၤဧးန့ၣ်လီၤ.
54 အအံၤမ့ၢ်တၢ်အိၣ်တၢ်ဆိးအလီၢ်လၢအဘၣ်တၢ်ဟ့ၣ်လီၤတ့ၢ်အီၤဆူစီၤ အၤဟရိၣ်အစၢၤအသွဲၣ်တဖၣ်, လၢအမ့ၢ်ပှၤကဃးဖိအဒူၣ်ထၢန့ၣ်လီၤ. လၢတၢ်အိၣ်တၢ်ဆိးအလီၢ်လၢပှၤလ့ၤဝံဖိတဖၣ်မၤန့ၢ်ဝဲအပူၤန့ၣ်, အဝဲသ့ၣ်ဒိးန့ၢ်တၢ်နီၤဟ့ၣ်အဆိကတၢၢ်လီၤ.
55 တၢ်အံၤအိၣ်ဃုာ်ဒီးဝ့ၢ်ဃ့ဘြိၣ်ဒီးတၢ်အီၣ်ဆၣ်အလီၢ်လါဟ့ အိၣ်ဝးတရံးအီၤတဖၣ်လၢကီၢ်ယူဒၤအပူၤန့ၣ်လီၤ.
56 ဘၣ်ဆၣ်, ပျီတဖၣ်ဒီးသဝီတဖၣ်လၢအဘၣ်ဃးဒီးဝ့ၢ်န့ၣ်, ဘၣ်တၢ်ဟ့ၣ်လီၤအီၤဆူစီၤယဖူန့ၤအဖိခွါစီၤကၤလ့းန့ၣ်လီၤ.
57 ဝ့ၢ်လၢလာ်တဖၣ်အံၤဘၣ်တၢ်ဟ့ၣ်လီၤအီၤဆူစီၤအၤဟရိၣ်အစၢၤ အသွဲၣ်တဖၣ်န့ၣ်လီၤ. ဝ့ၢ်ဃ့ဘြိၣ်လၢအမ့ၢ်ဝ့ၢ်တၢ်ပူၤဖျဲးအဝ့ၢ်, ဝ့ၢ်ယးတံၢ်ဒီးကီၢ်လံးဘနၤအဝ့ၢ်တဖၣ်လၢအမ့ၢ်ဝ့ၢ်အ့ၡတမိး, ဝ့ၢ်ဃံလ့ၣ်,
58-59 ဝ့ၢ်ဒဘံၢ်, ဝ့ၢ်ဧၤၡၣ်ဒီးဝ့ၢ်ဘ့ၤသၡ့မ့ၣ်ဃုၣ်ဒီးအဝဲသ့ၣ်အတၢ်အီၣ်ဆၣ် အလီၢ်လါဟ့တဖၣ်န့ၣ်လီၤ.
60 လၢပှၤဘံၣ်ယၤမံၣ်ဖိတဖၣ်အိၣ်ဆိးအလီၢ်ကဝီၤပူၤန့ၣ်ဝ့ၢ်လၢလာ် တဖၣ်အံၤလၢအမ့ၢ်, ဝ့ၢ်က့ဘၤ, ဝ့ၢ်ဧၤလ့မ့း, ဝ့ၢ်ဧၤနသိးဒီးအဝဲသ့ၣ်အတၢ်အီၣ်ဆၣ်အလီၢ်လါဟ့ တဖၣ်န့ၣ်, ဘၣ်တၢ်ဟ့ၣ်လီၤအီၤဆူပှၤဘံၣ်ယၤမံၣ်ဖိ အဒူၣ်အတၢ်အိၣ်တၢ်ဆိးအလီၢ်အပူၤန့ၣ်လီၤ. ဝ့ၢ်ခဲလၢာ်အိၣ်ဝဲတဆံသၢဝ့ၢ်လၢအဝဲသ့ၣ်အဒူၣ်ဖိထၢဖိခဲလၢာ် ကအိၣ်ဝဲဆိးဝဲအဂီၢ်န့ၣ်လီၤ.
61 ဝ့ၢ်အဖျၢၣ်တဆံလၢအအိၣ်ဝဲလၢမုၢ်နုာ်မနၤၡ့ၤအိၣ်ဆိးအလီၢ် အပူၤန့ၣ်, ဘၣ်တၢ်ဟ့ၣ်လီၤအီၤခီဖျိတၢ်ဖးဆူပှၤကဃးဖိ အဒူၣ်ထၢအိၣ်လီၤတဲာ်တဖၣ်, တဒူၣ်ဘၣ်တဒူၣ်န့ၣ်လီၤ.
62 ဝ့ၢ်တဆံသၢဝ့ၢ်လၢအအိၣ်လၢ, ပှၤယံးစၣ်ကၢ်, ပှၤအၤၡ့ၢ်, ပှၤနးသၤလံ, ပှၤမနၤၡ့ၤလၢကီၢ်ဘၤၡၣ်အပူၤတဖၣ်အိၣ် ဆိးဝဲန့ၣ်, ဘၣ်တၢ်ဟ့ၣ်လီၤအီၤဆူပှၤက့ရၡိၣ်ဖိ အဒူၣ်ထၢ, တဒူၣ်ဘၣ်တဒူၣ်လီၤ.
63 ဒ်န့ၣ်အသိးဝ့ၢ်တဆံခံဝ့ၢ်လၢပှၤရူၤဘ့ၣ်, ပှၤကးဒီးပှၤစဘူလိၣ် တဖၣ်အိၣ်ဆိးဝဲလၢအပူၤန့ၣ်ဘၣ်တၢ်ဟ့ၣ်လီၤအီၤဆူပှၤမရၤရံၤ အဒူၣ်ထၢ, တဒူၣ်ဘၣ်တဒူၣ်န့ၣ်လီၤ.
64 လၢကျဲဒ်အံၤန့ၣ်, ကီၢ်အံၣ်စရ့လးအပှၤဂီၢ်မုၢ်ဟ့ၣ်လီၤဝ့ၢ်တဖၣ် ဒီးအတၢ်အီၣ်ဆၣ်လီၢ်လါဟ့အိၣ်ဝးတရံးအီၤဆူ ပှၤလ့ၤဝံဖိတဖၣ်လၢကအိၣ်ဝဲဆိးဝဲအဂီၢ်န့ၣ်လီၤ.
65 (ဝ့ၢ်တဖၣ်လၢအဘၣ်တၢ်ယၢၤထီၣ်အီၤလၢထး, လၢအအိၣ်လၢပှၤယူဒၤ, ပှၤစူၤမ့းအိၣ်ဒီးပှၤဘံၣ်ယၤမံၣ်အိၣ်ဝဲဆိးဝဲအလီၢ်အပူၤန့ၣ်, ဘၣ်တၢ်ဟ့ၣ်လီၤစ့ၢ်ကီးအီၤခီဖျိတၢ်ဖီၣ်တၢ်ဖးတဖၣ်န့ၣ်လီၤ.)
66 ဟံၣ်ဒူၣ်ဃီထၢတနီၤလၢအဘၣ်ဃးဒီးပှၤကဃးဖိအဒူၣ်ထၢန့ၣ်, ဘၣ်တၢ်ဟ့ၣ်လီၤအီၤလၢဝ့ၢ်တဖၣ်ဒီးတၢ်အီၣ်ဆၣ်အလီၢ်လါဟ့တဖၣ်လၢ အအိၣ်လၢပှၤအ့ဖရဲၣ်အိၣ်ဝဲဆိးဝဲအလီၢ်အပူၤလၢအမ့ၢ်ဝဲ,
67 ဝ့ၢ်ၡက့ၣ်, လၢအမ့ၢ်ဝ့ၢ်တၢ်ပူၤဖျဲးအဝ့ၢ်လၢအအိၣ်လၢအ့ဖရဲၣ် အတၢ်လူၢ်တဖၣ်အကျါ,
68-69 ဝ့ၢ်ယၤကမၣ်, ဝ့ၢ်ဘ့ၤသဃိရိၣ်, ဝ့ၢ်အးယၤလိၣ်, ဒီးဝ့ၢ်ကၤသးရံးမိၣ်န့ၣ်လီၤ.
70 လၢမုၢ်နုာ်မနၤၡ့ၤအိၣ်ဆိးလီၢ်အပူၤန့ၣ်အဝဲသ့ၣ်တဖၣ်ဘၣ်တၢ် ဟ့ၣ်လီၤအီၤလၢဝ့ၢ်တဖၣ်လၢအမ့ၢ်, ဝ့ၢ်ဧၤန့ၢ်ဒီးဝ့ၢ်ဘံးလၣ်ဃုာ်ဒီးတၢ်အီၣ်ဆၣ်လီၢ်လါဟ့လၢ အအိၣ်ဝးတရံးအီၤန့ၣ်လီၤ.
71 ဟံၣ်ဒူၣ်ဃီထၢတဖၣ်လၢပှၤက့ရၡိၣ်ဖိအဒူၣ်ထၢပူၤန့ၣ်ဘၣ်တၢ်ဟ့ၣ် လီၤအီၤလၢဝ့ၢ်လၢလာ်တဖၣ်အံၤဃုာ်ဒီးတၢ်အီၣ်ဆၣ်အလီၢ်လါဟ့ အိၣ်ဝးတရံးအီၤန့ၣ်လီၤ. လၢမုၢ်ထီၣ်မနၤၡ့ၤအိၣ်ဆိးလီၢ်အပူၤန့ၣ်ဝ့ၢ်ကိလၣ်လၢကီၢ်ဘၤ ၡၣ်အပူၤ, ဒီးဝ့ၢ်ဧၤၡတြိးန့ၣ်လီၤ.
72 လၢပှၤယံးစၣ်ကၢ်ဖိအိၣ်ဆိးလီၢ်အပူၤန့ၣ်မ့ၢ်ဝဲဝ့ၢ်ကၤဒ့ၣ်, ဝ့ၢ်ဒၤဘြး,
73 ဝ့ၢ်ရၤမိးဒီးဝ့ၢ်ဧၤန့ၣ်တဖၣ်န့ၣ်လီၤ.
74 လၢပှၤအၤၡ့ၢ်ဖိအိၣ်ဆိးလီၢ်အပူၤန့ၣ်ဝ့ၢ်မၤၡလး, ဝ့ၢ်ဧးဘဒိၣ်,
75 ဝ့ၢ်ဃူကိးဒီးဝ့ၢ်ရဃိာ်န့ၣ်လီၤ.
76 လၢပှၤနးသၤလံဖိအိၣ်ဆိးလီၢ်အပူၤန့ၣ်ဝ့ၢ်က့ဒ့ၣ်လၢကီၢ်ကၤ လံၤလါအပူၤ, ဝ့ၢ်ဃမိၣ်ဒီးဝ့ၢ်ကံရယးသံၣ်န့ၣ်လီၤ.
77 ဟံၣ်ဒူၣ်ဃီထၢတဖၣ်လၢအအိၣ်လီၤတဲာ်လၢပှၤမရၤရံၤဖိ အဒူၣ်ထၢပူၤန့ၣ်ဘၣ်တၢ်ဟ့ၣ်လီၤအီၤလၢဝ့ၢ်လၢလာ်တဖၣ်အံၤဃုာ် ဒီးတၢ်အီၣ်ဆၣ်အလီၢ်လါဟ့အိၣ်ဝးတရံးအီၤတဖၣ်န့ၣ်လီၤ. လၢပှၤစဘူလိၣ်ဖိအိၣ်ဆိးလီၢ်အပူၤန့ၣ်ဝ့ၢ်ရံးမိၣ်ဒီးဝ့ၢ်တၤ ဘိၢ်န့ၣ်လီၤ.
78 လၢထံကျိယၢ်ဒ့ၣ်အမုၢ်ထီၣ်ဝ့ၢ်ယရံၤဃိအဃၢၤပှၤရူၤဘ့ၣ်ဖိ အိၣ်ဆိးလီၢ်အပူၤန့ၣ်, ဝ့ၢ်ဘ့စ့ၢ်လၢအအိၣ်လၢတၢ်ပၢၤခိၣ်ထီၣ် ထီ, ဝ့ၢ်ယးဟစၤ,
79 ဝ့ၢ်ကဒ့မိးဒီးဝ့ၢ်မ့ဖၤန့ၣ်လီၤ.
80 လၢပှၤကးဖိအိၣ်ဆိးလီၢ်အပူၤန့ၣ်မ့ၢ်ဝဲဝ့ၢ်ရၤမိး, လၢကီၢ်ကံးလဧးအပူၤ, ဝ့ၢ်မၤဃန့ၤ,
81 ဝ့ၢ်ဃ့ၡဘိၣ်ဒီးဝ့ၢ်ယၤစ့ၢ်န့ၣ်လီၤ.