5
1 အအံၤမ့ၢ်စီၤယၤကိာ်အဖိခွါဝဲၢ်ကိစီၤရူၤဘ့ၣ်အစၢၤအသွဲၣ် တဖၣ်န့ၣ်လီၤ. (မ့ၢ်လၢအဝဲအိၣ်ဃုာ်ဒီးအပၢ်အသံၣ်မါတဖၣ်အကျါတဂၤအဃိ, တၢ်ခွဲးတၢ်ယာ်တဖၣ်လၢအဘၣ်ဃးဒီးဖိဝဲၢ်ကိလီၤမၢ်ကွံာ်န့ၢ် အီၤ, ဒီးတၢ်ခွဲးတၢ်ယာ်တဖၣ်န့ၣ်ဘၣ်တၢ်ဟ့ၣ်လီၤကွံာ်အီၤဆူစီၤယိၤ သးန့ၣ်လီၤ.
2 မ့ၢ်နာ်သက့ဒီး, ယူဒၤမ့ၢ်ဒူၣ်တဒူၣ်လၢအကဲထီၣ်ပှၤဂံၢ်ဆူၣ်ဘါ ဆူၣ်ကတၢၢ်ဒီးဒုးအိၣ်ထီၣ်ပှၤပၢတၢ်တဂၤလၢကယဲၢ်ပှၤအဒူၣ်ခဲလၢာ် အဂီၢ်န့ၣ်လီၤ.)
3 စီၤရူၤဘ့ၣ်လၢအမ့ၢ်စီၤယၤကိာ်အဖိခွါဝဲၢ်ကိအိၣ်ဒီးအဖိ ခွါလွံၢ်ဂၤလၢအမ့ၢ်ဝဲ, စီၤဟနိာ်, စီၤပးလူ, စီၤဃ့စရိၣ်ဒီးစီၤကၢ်မံၤန့ၣ်လီၤ.
4 အအံၤမ့ၢ်စီၤယိၤအ့လးအစၢၤအသွဲၣ်တဖၣ်လၢစိၤတစိၤဘၣ်တစိၤ န့ၣ်လီၤ. စီၤၡမါယၤ, စီၤကိး, စီၤၡံမံၤ,
5 စီၤမံၤကါ, စီၤရအါယၤ, စီၤဘဧၤလး, ဒီးစီၤဘ့ရၤန့ၣ်လီၤ.
6 ပှၤအၤၡူၢ်ဖိအစီၤပၤဖးဒိၣ်တံးလကးပံးလန့စ့ၢ်စိာ်မၢကဲ ကုၢ်စီၤဘ့ရၤလၢအမ့ၢ်ပှၤအဒူၣ်ဖိအခိၣ်တဂၤဒီးဟီထီၣ်ကွံာ် အီၤန့ၣ်လီၤ.
7 ဒူၣ်ဖိထၢဖိအတၢ်ကွဲးနီၣ်တဖၣ်ကွဲးလီၤဒူၣ်ထၢအခိၣ်အနၢ်တဖၣ် လၢရူၤဘ့ၣ်အဒူၣ်ပူၤအမံၤဒ်လၢလာ်အံၤလီၤ. စီၤယံၤအ့လး, စီၤစကၤရယါ,
8 ဒီးစီၤဘ့လၤလၢအမ့ၢ်စီၤဧၤစးအဖိခွါ, စီၤၡမၤအလံၤလၢစီၤ ယိၤအ့လးအဒူၣ်ထၢန့ၣ်လီၤ. ဒူၣ်ထၢအံၤအိၣ်ဝဲဆိးဝဲဖဲဧရိၤဧ့ၢ်ဒီးလီၢ်ကဝီၤစးထီၣ်ဖဲ န့ၣ်ဆူကလံၤစိး, တုၤလၢဝ့ၢ်နဘိဒီးဝ့ၢ်ဘဧၤလးမဧိၣ်န့ၣ်လီၤ.
9 အဝဲသ့ၣ်အိၣ်ဒီးဆၣ်ဖိကီၢ်ဖိအဖုအဂီၢ်ဖးဒိၣ်လၢကီၢ်ကံးလဧး အပူၤ, ဒီးလၢတၢ်န့ၣ်အဃိအဝဲသ့ၣ်ဟံးန့ၢ်တၢ်လီၢ်ယံၤဝဲ တုၤလၢမုၢ်ထီၣ်မဲးမုၢ်ခိၣ်လၢအအိၣ်လၢထံကျိဖရၤသးအကၢၣ်ခိၣ် ဒီတကျိၤန့ၣ်လီၤ.
10 လၢစီၤပၤစီၤစီၤလူးပၢတၢ်အစိၤန့ၣ်စီၤရူၤဘ့ၣ်အဒူၣ်ဒုးတၢ် ဒီးပှၤဟၤကၢ်ဖိဒီးမၤသံအဝဲသ့ၣ်လၢတၢ်ဒုးအပူၤဒီးဟံးန့ၢ် ကွံာ်အဝဲသ့ၣ်အထံအကီၢ်လၢကီၢ်ကံးလဧးအမုၢ်ထီၣ်တကပၤန့ၣ်လီၤ.
11 ပှၤကးအဒူၣ်ဖိတဖၣ်အိၣ်ဝဲဆိးဝဲဖဲပှၤရူၤဘ့ၣ်ဖိအဒူၣ်အကလံၤ စိးလၢကီၢ်ဘၤၡၣ်အပူၤဒီးလၢမုၢ်ထီၣ်ယံၤဝဲတုၤလၢဝ့ၢ်စၤ လကးန့ၣ်လီၤ.
12 စီၤယိၤအ့လးမ့ၢ်ပှၤဒုးအိၣ်ထီၣ်ဒူၣ်ထၢလၢအလဲၤလၢညါကတၢၢ်တ ဒူၣ်, ဒီးစီၤၡၤဖၣ်မ့ၢ်ပှၤဒုးအိၣ်ထီၣ်ဒူၣ်ထၢအကါဒိၣ်ကတၢၢ်ခံဒူၣ် တဒူၣ်န့ၣ်လီၤ. စီၤယၤနဲဒီးစီၤၡၤဖးမ့ၢ်ပှၤတဖၣ်လၢအဒုးအိၣ်ထီၣ်ဒူၣ်ထၢ အဂၤတဖၣ်လၢကီၢ်ဘၤၡၣ်အပူၤန့ၣ်လီၤ.
13 ပှၤအဂၤတဖၣ်လၢဒူၣ်အပူၤလၢအဘၣ်ထွဲဆူဒူၣ်ထၢနွံဒူၣ်မ့ၢ်ဒ်လၢ လာ်အံၤလီၤ. စီၤမံၤက့လး, စီၤမၡူလၣ်, စီၤၡဘၤ, စီၤယိၤရဲ, စီၤယၤကၣ်, စီၤစံၤ, ဒီးစီၤဧ့ၤဘ့ၢ်န့ၣ်လီၤ.
14 အဝဲသ့ၣ်မ့ၢ်ပှၤလီၤစၢၤလီၤသွဲၣ်လၢစီၤဃူရံၤအဖိခွါစီၤအဘံဃ ယ့းလး, လၢအပၢ်ဖးဒိၣ်လၢပျၢၤတဖၣ်ဘၣ်တၢ်ဒွးက့ၤအီၤဒ်လၢလာ် အံၤအသိးန့ၣ်လီၤ. စီၤအဘံဃယ့းလး, စီၤဃူရံၤ, စီၤယၤရိၤ, စီၤကံးလဧး, စီၤမံၤက့လး, စီၤယၡံၤၡဲ, စီၤယးဃဒိၤဒီးစီၤဘူစးတဖၣ်န့ၣ်လီၤ.
15 စီၤအဃံၤလၢအမ့ၢ်စီၤဧၤဘ့ၤဒ့လးအဖိခွါ, စီၤကူနံၤအလံၤန့ၣ်မ့ၢ်ပှၤဒူၣ်ထၢတဖၣ်အခိၣ်န့ၣ်လီၤ.
16 အဝဲသ့ၣ်အိၣ်ဝဲဆိးဝဲလၢကီၢ်ဘၤၡၣ်ဒီးကီၢ်ကံးလဧးအလီၢ်ကဝီၤ တဖၣ်အပူၤ, ဒီးဝ့ၢ်အိၣ်ဖဲန့ၣ်သ့ၣ်တဖၣ်အပူၤဒီးကယဲၢ်တၢ်အီၣ်ဆၣ်လီၢ်တဖၣ် လၢအအိၣ်ဖဲၡၤရိၣ်တၢ်ပျီပူၤန့ၣ်လီၤ.
17 (တၢ်ကွဲးနီၣ်သ့ၣ်တဖၣ်အံၤဘၣ်တၢ်ပာ်ဖှိၣ်တ့ၢ်အီၤဖဲယူဒၤအစီၤ ပၤစီၤယိၤသၣ်ဒီးအံၣ်စရ့လးအစီၤပၤယၤရၤဘၣ်ခံဂၤတဂၤအမုၢ် နံၤတဖၣ်န့ၣ်လီၤ.)
18 လၢရူၤဘ့ၣ်, ကးဒီးမုၢ်ထီၣ်မနၤၡ့ၤအဒူၣ်တဖၣ်အပူၤန့ၣ်ပှၤသုး ဖိအိၣ်ဝဲအဂၤ လွံၢ်ကလးလွံၢ်ကထိနွံကယၤဃုဆံ ဒီးဘၣ်တၢ်သိၣ်လိအီၤဂ့ၤဂ့ၤ ဘၣ်ဘၣ်လၢတၢ်ကသူကတီၤ, နးဒီးချံၣ်တဖၣ်န့ၣ်လီၤ.
19 အဝဲသ့ၣ်လဲၤထီၣ်ဒုးတၢ်ထီဒါပှၤဟၤကၢ်ဖိအဒူၣ်လၢအမ့ၢ်ပှၤယ တူၢ်, ပှၤနၤဖံၣ်, ဒီးပှၤနိဒာ်ဖိတဖၣ်န့ၣ်လီၤ.
20 အဝဲသ့ၣ်အိၣ်ဒီးတၢ်နာ်လၢကစၢ်ယွၤအပူၤ, ဘါထုကဖၣ်ဆူအအိၣ်လၢတၢ်မၤစၢၤအဂီၢ်ဒီးကစၢ်ယွၤစံးဆၢအဝဲ သ့ၣ်အတၢ်ထုကဖၣ်တဖၣ်ဒီးယွၤဟ့ၣ်အီၤတၢ်မၤနၢၤလၢပှၤဟၤကၢ်ဖိ ဒီးအသိၣ်အမှံၤတဖၣ်အဖီခိၣ်န့ၣ်လီၤ.
21 အဝဲသ့ၣ်မၤန့ၢ်ကီၤလးအူးအဒုယဲၢ်ကလး, သိအဒု ခံကလီၢ်ယဲၢ်ကလး, ကသ့ၣ်ယီၤအဒု ခံကထိ လၢအဒုၣ်အဒါတဖၣ်အအိၣ်ဒီးဖီၣ်န့ၢ်ပှၤက ညီတကလီၢ် ဂၤဒ်တၢ်ဒုးတၢ်ယၤအပှၤဘၣ်စၢဃာ်တဖၣ်အသိးန့ၣ်လီၤ.
22 အဝဲသ့ၣ်မၤသံကွံာ်အဒုၣ်အဒါအါအါဂီၢ်ဂီၢ်မ့ၢ်လၢတၢ်ဒုးတၢ် ယၤမ့ၢ်ကစၢ်ယွၤအတၢ်ဘၣ်အသးအဃိန့ၣ်လီၤ. ဒီးအဝဲသ့ၣ်အိၣ်ဝဲဆိးဝဲဖဲတၢ်လီၢ်ဖဲန့ၣ်တုၤအဘၣ်တၢ်စိာ်မၢ ကဲကုၢ်အီၤတစုန့ၣ်လီၤ.
23 ပှၤမုၢ်ထီၣ်မနၤၡ့ၤဖိတဖၣ်အိၣ်ဝဲဆိးဝဲလၢကီၢ်ဘၤၡၣ်အလီၢ် ကဝီၤတဖၣ်ဒီးယံၤဝဲတုၤလၢဘဧၤလးဃ့ရမိၣ်, စနံၢ်, ကစၢၢ်ဃ့ရမိၣ်လၢကလံၤစိးတကပၤဒီးအနီၣ်ဂံၢ်အါထီၣ်ဝဲ ဒိၣ်ဒိၣ်ကလဲာ်န့ၣ်လီၤ.
24 ပှၤလၢလာ်တဖၣ်အံၤမ့ၢ်အဝဲသ့ၣ်အဒူၣ်ထၢတဖၣ်အခိၣ်စုာ်စုာ်န့ၣ် လီၤ. စီၤဧ့ဖၢ်, စီၤယံၡံၤ, စီၤအလံၤအ့လး, စီၤဧၤစရံၤအ့လး, စီၤယံးရမံယၤ, စီၤဟိဒၤဝယၤ, စီၤယၤဃဒံၤအ့လးန့ၣ်လီၤ. အဝဲသ့ၣ်ခဲလၢာ်မ့ၢ်ပှၤသုးဖိဖျိးစိတဖၣ်အခိၣ်နၢ်မံၤဟူသၣ် ဖျါလၢအဒူၣ်ထၢတဖၣ်အကျါန့ၣ်လီၤ.
25 ဘၣ်ဆၣ်, ပှၤမုၢ်ထီၣ်တဖၣ်တတီဒီးအပၢ်ဖးဒိၣ်လၢပျၢၤတဖၣ်အကစၢ် ယွၤဘၣ်. ဒီးဟးသဒၣ်ကွံာ်အီၤ, ဒ်သိးကဘူၣ်ထီၣ်ဘါထီၣ်ပှၤကလုာ်လၢကစၢ်ယွၤဟီထီၣ်ကွံာ်အီၤလၢ ကီၢ်ပူၤတဖၣ်အကစၢ်တဖၣ်န့ၣ်လီၤ.
26 လၢတၢ်န့ၣ်အဃိကစၢ်ယွၤထိၣ်ဂဲၤထီၣ်ကီၢ်အၤၡူၢ်အစီၤပၤဖးဒိၣ် ပူလး (ဘၣ်တၢ်သ့ၣ်ညါစ့ၢ်ကီးလၢစီၤပၤတံးကလးပလ့စ့ၢ်) အသးလၢကနုာ်လီၤဒုးအဝဲသ့ၣ်အထံအကီၢ်န့ၣ်လီၤ. ဒီးအဝဲဟီထီၣ်ကွံာ်ပှၤရူၤဘ့ၣ်, ကးဒီးမုၢ်ထီၣ်မနၤၡ့ၤအဒူၣ် တဖၣ်ဒီးလဲၤဒုးအိၣ်ဆိးဂၢၢ်ကျၢၤအဝဲသ့ၣ်လၢဃၤလၤ, ဃၤဘိၢ်, ဟၤရၢ်ဒီးထံကျိကိစၣ်အကပၤန့ၣ်လီၤ.