2
1 စီၤယၤကိာ်အိၣ်ဒီးအဖိခွါတဆံခံဂၤလၢအမ့ၢ်ဝဲ, စီၤရူၤဘ့ၣ်, စီၤစူၤမ့းအိၣ်, စီၤလ့ၤဝံ, စီၤယူဒၤ, စီၤယံးစၣ်ကၢ်, စီၤစဘူလိၣ်,
2 စီၤဒၣ်, စီၤယိၤသး, စီၤဘံၣ်ယၤမံၣ်, စီၤနးသၤလံ, စီၤကးဒီးစီၤအၤၡ့ၢ်လီၤ.
3 စီၤယူဒၤအိၣ်ဒီးအဖိခွါခဲလၢာ်ယဲၢ်ဂၤန့ၣ်လီၤ. လၢအမါပှၤကနၤဧၣ်မုၣ်နီၢ်ၡူဧၤန့ၣ်အဝဲအိၣ်ဒီးအဖိခွါသၢဂၤ လၢအမ့ၢ်ဝဲ, စီၤအ့ၢ်, စီၤအိနၣ်ဒီးစီၤၡ့လၤန့ၣ်လီၤ. အဖိခွါဝဲၢ်ကိစီၤအ့ၢ်န့ၣ်မ့ၢ်လၢအအၢဝဲသီဝဲဒိၣ်ကဲာ်ဆိးအ ဃိယွၤမၤသံကွံာ်အီၤန့ၣ်လီၤ.
4 လၢအဒဲၣ်မုၣ်နီၢ်တၤမၢ်န့ၣ်စီၤယူဒၤအိၣ်အါထီၣ်ဒီးအဖိခွါ ခံဂၤလၢအမ့ၢ်ဝဲစီၤဖ့ၤရ့းဒီးစီၤစ့ရၤန့ၣ်လီၤ.
5 စီၤဖ့ၤရ့းအိၣ်ဒီးအဖိခွါခံဂၤလၢအမ့ၢ်ဝဲ, စီၤဃ့စရိၣ်ဒီးစီၤဃမူးန့ၣ်လီၤ.
6 အဒီပုၢ်ဝဲၢ်ခွါစီၤစ့ရၤအိၣ်ဒီးအဖိခွါယဲၢ်ဂၤလၢအမ့ၢ်ဝဲ, စီၤစံၣ်ရံၤ, စီၤအ့ၤသၣ်, စီၤဟ့မၣ်, စီၤကးလကိးလးဒီးစီၤဒါရၤန့ၣ်လီၤ.
7 စီၤကၢ်မံၤအဖိခွါစီၤဧၤကၣ်, လၢစီၤစ့ရၤအစၢၤအသွဲၣ်အကျါ တဂၤဟဲစိာ်န့ၢ်တၢ်တတၢးတနါလၢပှၤအံၣ်စရ့လးဖိသ့ၣ်တဖၣ်အဂီၢ် မ့ၢ်လၢအဟံးန့ၢ်ဃာ်တၢ်ဂုာ်န့ၢ်လၢအဘၣ်တၢ်ဟ့ၣ်လီၤပာ်တ့ၢ်အီၤ ဆူကစၢ်ယွၤအဃိန့ၣ်လီၤ.
8 စီၤအ့ၤသၣ်အိၣ်ဒီးအဖိခွါတဂၤလၢအမံၤမ့ၢ်စီၤဧစၤရယၤန့ၣ် လီၤ.
9 စီၤဃ့စရိၣ်အိၣ်ဒီးအဖိခွါသၢဂၤလၢအမ့ၢ်ဝဲ, စီၤယရၤဃမအ့လး, စီၤရၣ်ဒီးစီၤကၤလ့းတဖၣ်န့ၣ်လီၤ.
10 ဟံၣ်ဖိဃီဖိအတၢ်လီၤစၢၤစးထီၣ်လၢစီၤရၣ်တုၤလီၤလၢစီၤယံး ၡဲန့ၣ်မ့ၢ်ဝဲ, စီၤရၣ်, စီၤဧးမံၤနဒး, စီၤနးၡိၣ် (ယူဒၤအဒူၣ် ပှၤမံၤဟူသၣ်ဖျါတဂၤ),
11 စီၤစၤလမိၣ်, စီၤဘိၤဧး,
12 စီၤဧိၤဘ့းဒီးစီၤယံးၡဲန့ၣ်လီၤ.
13 စီၤယံးၡဲအိၣ်ဒီးအဖိခွါနွံဂၤဒီးဒ်အဝဲသ့ၣ်အသးအနံၣ်အလါ ဒၣ်ဝဲန့ၣ်မ့ၢ်, စီၤအလံအာ်, စီၤအဘံနဒာ်, စီၤၡံမၤ,
14-16 စီၤနၤသန့လး, စီၤရၤဒဲ, စီၤအိဖ့ၣ်ဒီးစီၤဒၤဝံးန့ၣ်လီၤ. အဝဲအိၣ်ဒီးအဖိမုၣ်ခံဂၤလၢအမ့ၢ်နီၢ်စရူၤယၤဒီးနီၢ်အဘံၤ ကါယံးလးန့ၣ်လီၤ. စီၤယံးၡဲအဖိမုၣ်နီၢ်စရူၤယၤအိၣ်ဒီးအဖိခွါသၢဂၤလၢအမ့ၢ်ဝဲ, စီၤအဘံၡဲၤ, စီၤယိၤအာ်ဒီးစီၤဧစၤအ့လးန့ၣ်လီၤ.
17 အဖိမုၣ်အဂၤတဂၤလၢအမ့ၢ်နီၢ်အဘံၤကါယံးလးဒိးတ့ဒိးဖျီ အသးဒီးစီၤယ့သၢ်, ပှၤတဂၤလၢအဟဲလီၤစၢၤလီၤသွဲၣ်လၢစီၤယံး ၡမၤဧ့လး, ဒီးအဝဲသ့ၣ်အိၣ်ဒီးအဖိခွါတဂၤလၢအမံၤမ့ၢ်ဝဲစီၤဧမါစၤ န့ၣ်လီၤ.
18 စိီၤဃ့စရိၣ်အဖိခွါစီၤကၤလ့းဒိးတ့ဒိးဖျီအသးဒီးနီၢ် ဧစူဘၤဒီးအိၣ်ဒီးအဖိမုၣ်တဂၤလၢအမံၤမ့ၢ်ဝဲနီၢ်ယရံဧိးန့ၣ်လီၤ. အဝဲအိၣ်ဒီးအဖိခွါသၢဂၤလၢအမ့ၢ်ဝဲစီၤယ့ၡ့ၢ်, စီၤၡိၤဘာ်ဒီးစီၤအၢ်ဒိၣ်လီၤ.
19 ဖဲနီၢ်ဧစူဘၤသံဝဲအလီၢ်ခံစီၤကၤလ့းဒိးတ့ဒိးဖျီအသး ဒီးနီၢ်အ့ဖရးသးဒီးအိၣ်ဒီးအဖိခွါတဂၤလၢအမံၤမ့ၢ်ဝဲစီၤ ဃူၢ်လီၤ.
20 စီၤဃူၢ်အဖိခွါန့ၣ်မ့ၢ်ဝဲစီၤအူရံၤဒီးအလံၤခွါန့ၣ်မ့ၢ် ဝဲစီၤဘစၤလအ့လးန့ၣ်လီၤ.
21 ဖဲစီၤဃ့စရိၣ်အသးအိၣ်ဝဲဃုဆံနံၣ်န့ၣ်ဒိးတ့ဒိးဖျီအသး ဒီးစီၤမၤကံၢ်အဖိမုၣ်, လၢအမ့ၢ်စီၤကံးလဧးအဒီပုၢ်ဝဲၢ်မုၣ်န့ၣ်လီၤ. အဝဲသ့ၣ်အိၣ်ဒီးအဖိခွါတဂၤလၢအမံၤမ့ၢ်ဝဲစီၤစကံာ်,
22 ဒီးစီၤစကံာ်အိၣ်ဒီးအဖိခွါတဂၤလၢအမံၤမ့ၢ်ဝဲစီၤယၤအံၢ် လီၤ. စီၤယၤအံၢ်ပၢဝဲဝ့ၢ်ခံဆံသၢဝ့ၢ်လၢကီၢ်ကံးလဧးအလီၢ်ကဝီၤ ပူၤန့ၣ်လီၤ.
23 ဘၣ်ဆၣ်ဒီးကၡူၢ်ဒီးအရၣ်အဘီအမုၢ်တဖၣ်မၤန့ၢ်မၤနၢၤဝ့ၢ်ဃုဆံ လၢတၢ်လီၢ်ဖဲန့ၣ်, အိၣ်ဃုာ်ဒီးသဝီတဖၣ်လၢယၤအံၢ်ဒီးကနးဒီးဝ့ၢ်အိၣ်ဘူးအိၣ် တံၢ်ဖဲန့ၣ်တဖၣ်န့ၣ်လီၤ. ကယဲၢ်ပှၤဂီၢ်မုၢ်လၢအအိၣ်ဆိးဖဲန့ၣ်ခဲလၢာ်, မ့ၢ်ပှၤဟဲလီၤစၢၤလီၤသွဲၣ်လၢစီၤကံးလဧးအပၢ်စီၤမၤကံၢ်န့ၣ်လီၤ.
24 ဖဲစီၤဃ့စရိၣ်သံဝံၤအလီၢ်ခံအဖိခွါစီၤကၤလ့းဒိးတ့ဒိး ဖျီအသးဒီးအပၢ်အမုၣ်ကမဲနီၢ်အ့ဖရးသးလၢအအိၣ်တ့ၢ်ဒီးအဖိ ခွါတဂၤလၢအမံၤမ့ၢ်စီၤအၤၡူၢ်, လၢအသူၣ်ထီၣ်ဝ့ၢ်တကိၤန့ၣ်လီၤ.
25 စီၤဃ့စရိၣ်အဖိဝဲၢ်ကိစီၤယရၤဃမအ့လးအိၣ်ဒီးအဖိခွါယဲၢ် ဂၤလၢ, အဝဲၢ်ကိမ့ၢ်စီၤရၣ်, ဒီးအဂၤတဖၣ်မ့ၢ်ဝဲစီၤဘူနၤ, စီၤအိရ့ၣ်, စီၤအိစ့ၣ်ဒီးစီၤအဃံယၤလီၤ.
26 စီၤရၣ်အိၣ်ဒီးအဖိခွါသၢဂၤလၢအမ့ၢ်ဝဲ, စီၤမၤဧး, စီၤယၤ မံၣ်ဒီးစီၤဧ့က့ၢ်လီၤ.
27 ဒီးစီၤယရၤဃမအ့လးအိၣ်ဒီးအမါအဂၤတဂၤလၢအမံၤမ့ၢ်ဝဲ နီၢ်ဧတါရၤလီၤ. ဒီးအဝဲသ့ၣ်အိၣ်ဒီးအဖိခွါတဂၤလၢအမ့ၢ်ဝဲစီၤအိၤနၣ်လီၤ.
28 စီၤအိၤနၣ်အိၣ်ဒီးအဖိခွါခံဂၤလၢအမ့ၢ်ဝဲ, စီၤၡးမဲဒီးစီၤယၤဒၤလီၤ. ဒီးစီၤၡးမဲအိၣ်စ့ၢ်ကီးဒီးအဖိခွါခံဂၤလၢအမ့ၢ်ဝဲစီၤ နၤဒးဒီးစီၤအဘံၡူၢ်လီၤ.
29 စီၤအဘံၡူၢ်ဒိးတ့ဒိးဖျီအသးဒီးနီၢ်အဘံဟယ့လးလီၤ. ဒီးအဝဲသ့ၣ်အိၣ်ဒီးအဖိခွါခံဂၤလၢအမ့ၢ်ဝဲ, စီၤအၤဃဘၣ်ဒီးစီၤမိလံးလီၤ.
30 စီၤအဘံၡူၢ်အဒီပုၢ်ဝဲၢ်ခွါစီၤနၤဒးအိၣ်ဒီးအဖိခွါခံဂၤ လၢအမ့ၢ်ဝဲ, စီၤစ့လ့းဒီးစီၤအဖၤယံၣ်လီၤ. ဘၣ်ဆၣ်စီၤစ့လ့းသံဝဲတအိၣ်ဒီးအဖိခွါနီတဂၤဘၣ်န့ၣ်လီၤ.
31 စီၤအဖၤယံၣ်အဖိခွါမ့ၢ်စီၤယံၡံၤ, ဒီးစီၤယံၡံၤအဖိခွါ မ့ၢ်စီၤၡ့ၡၣ်ဒီးစီၤၡ့ၡၣ်အဖိခွါမ့ၢ်စီၤအၤဃလဲန့ၣ်လီၤ.
32 စီၤၡးမဲအဒီပုၢ်ဝဲၢ်ခွါစီၤယၤဒၤအိၣ်ဒီးအဖိခွါခံဂၤလၢ အမ့ၢ်ဝဲ, စီၤယ့သ့ၢ်ဒီးစီၤယိနၤသၣ်န့ၣ်လီၤ. ဘၣ်ဆၣ်စီၤယ့သ့ၢ်သံဝဲတအိၣ်ဒီးအဖိခွါနီတဂၤဘၣ်န့ၣ်လီၤ.
33 စီၤယိနၤသၣ်အိၣ်ဒီးအဖိခွါခံဂၤလၢအမ့ၢ်ဝဲစီၤပ့းလ့း ဒီးစီၤစၤစၤန့ၣ်လီၤ. ပှၤသ့ၣ်တဖၣ်အံၤခဲလၢာ်မ့ၢ်စီၤယရၤဃမအ့လးအစၢၤအသွဲၣ်တဖၣ်န့ၣ် လီၤ.
34 စီၤၡ့ၡၣ်န့ၣ်အဖိခွါတအိၣ်နီတဂၤဘၣ်. အိၣ်ဒၣ်ထဲအဖိမုၣ်တဖၣ်န့ၣ်လီၤ. အဝဲအိၣ်ဒီးအကုၢ်ပှၤအဲၤကူပတူးဖိတဂၤဒီးအမံၤမ့ၢ်ဝဲစီၤယၢ်ဃၤ,
35 လၢအဝဲဟ့ၣ်လီၤအီၤလၢအဖိမုၣ်တဖၣ်အကျါတဂၤလၢတၢ်တ့တၢ်ဖျီ အဂီၢ်န့ၣ်လီၤ. အဝဲသ့ၣ်အိၣ်ဒီးအဖိခွါတဂၤလၢအမံၤမ့ၢ်ဝဲစီၤဧၤတဲလီၤ.
36 ဒူၣ်ဖိထၢဖိအတၢ်လီၤစၢၤလီၤသွဲၣ်စးထီၣ်လၢစီၤဧၤတဲတုၤ လီၤလၢစီၤအလံၤၡမၤန့ၣ်မ့ၢ်ဝဲဒ်လာ်အံၤလီၤ. စီၤဧၤတဲထီၣ်ဖိစီၤနၤသၣ်, စီၤနၤသၣ်ထီၣ်ဖိစီၤစၤဘး,
37 စီိၤစၤဘးထီၣ်ဖိစီၤအ့ဖလလး, စီၤအ့ဖလလးထီၣ်ဖိစီၤဧိၤဘ့း,
38 စီၤဧိၤဘ့းထီၣ်ဖိစီၤယ့ၤဟူ, စီၤယ့ၤဟူထီၣ်ဖိစီၤဧစၤရယၤ,
39 စီၤဧစၤရယၤထီၣ်ဖိစီၤဃ့လ့း, စီၤဃ့လ့းထီၣ်ဖိစီၤအ့လဧၤစၤ,
40 စီၤအ့လဧၤစၤထီၣ်ဖိစီၤစံၤစမဲ, ဒီးစီၤစံၤစမဲထီၣ်ဖိစီၤၡၤလူၣ်,
41 စီၤၡၤလူၣ်ထီၣ်ဖိစီၤယကၤမယၤ, ဒီးစီၤယကၤမယၤထီၣ်ဖိ စီၤအလံၤၡမၤန့ၣ်လီၤ.
42 စီၤယရၤဃမအ့လးအဒီပုၢ်ဝဲၢ်ခွါစီၤကၤလ့းအဖိခွါဝဲၢ်ကိ န့ၣ်အမံၤမ့ၢ်ဝဲစီၤမ့ၡၤလီၤ. စီၤမ့ၡၤမ့ၢ်စီၤစံဖးအပၢ်, ဒီးစီၤစံဖးမ့ၢ်စီၤမၤရ့ၡၤအပၢ်, ဒီးစီၤမၤရ့ၡၤမ့ၢ်စီၤဃ့ဘြိၣ်အပၢ်န့ၣ်လီၤ.
43 စီၤဃ့ဘြိၣ်အိၣ်ဒီးအဖိခွါလွံၢ်ဂၤလၢအမ့ၢ်ဝဲ, စီၤကိၤရး, စီၤတးပူၤဒီးစီၤရ့က့ၣ်ဒီးစီၤၡ့မၤလီၤ.
44 စီၤၡ့မၤမ့ၢ်စီၤရၤဃၣ်အပၢ်ဒီးစီၤယၢ်ကၣ်အဖုန့ၣ်လီၤ. ဒီးစီၤၡ့မၤအဒီပုၢ်ဝဲၢ်ခွါစီၤရ့က့ၣ်န့ၣ်မ့ၢ်စီၤၡးမဲအပၢ်လီၤ.
45 စီၤၡးမဲအဖိခွါန့ၣ်မ့ၢ်စီၤမၤဧိၣ်ဒီးစီၤမၤဧိၣ်န့ၣ်မ့ၢ် စီၤဘ့ၤသစူၢ်အပၢ်န့ၣ်လီၤ.
46 စီၤကၤလ့းအိၣ်ဒီးအသံၣ်မါတဂၤလၢအမံၤမ့ၢ်ဝဲနီၢ်ဧ့ၤဖၣ်ဒီး လၢအီၤန့ၣ်အဝဲအိၣ်အါထီၣ်ဒီးအဖိခွါအိၣ်သၢဂၤလၢအမ့ၢ်ဝဲ, စီၤဃၤရၣ်, စီၤမိစၤဒီးစီၤက့စ့းလီၤ. စီၤဃၤရၣ်အိၣ်စ့ၢ်ကီးဒီးအဖိခွါတဂၤလၢအမံၤမ့ၢ်ဝဲစီၤက့စ့းလီၤ.
47 (ပှၤအမံၤလၢစီၤယ့ၤဒဲအိၣ်ဒီးအဖိခွါဃုဂၤလၢအမ့ၢ်ဝဲ, စီၤရ့ၤက့ၣ်, စီၤယိၤသၣ်, စီၤက့ၡၣ်, စီၤပ့လ့း, စီၤဧ့ၤဖၣ်ဒီးစီၤယၡၤဧာ်န့ၣ်လီၤ.)
48 စီၤကၤလ့းအိၣ်ဒီးအသံၣ်မါအဂၤတဂၤလၢအမံၤမ့ၢ်နီၢ်မၤကၤ လီၤ. ဒီးနီၢ်မၤကၤဆံးစၢ်န့ၢ်အီၤအဖိခွါခံဂၤလၢအမ့ၢ်ဝဲစီၤၡ့ ဘ့ၢ်ဒီးစီၤတ့ၢ်ဃနၤလီၤ.
49 လၢခံနီၢ်မၤကၤအိၣ်အါထီၣ်ဒံးဒီးအဖိခွါအဂၤခံဂၤလၢအမ့ၢ် ဝဲစီၤၡၤဧာ်လၢအသူၣ်ထီၣ်ဝ့ၢ်မၤဒမးနၤဒီးစီၤၡဝၤလၢအသူၣ်ထီၣ် ဝ့ၢ်မၤကဘ့နၤဒီးကံဘဧၤန့ၣ်လီၤ. ဒီးလၢန့ၣ်အမဲာ်ညါစီၤကၤလ့းအိၣ်ဒီးအဖိမုၣ်တဂၤလၢအမံၤ မ့ၢ်ဝဲ, နီၢ်ဧၤကစ့လီၤ.
50 ပှၤသ့ၣ်တဖၣ်အံၤမ့ၢ်စ့ၢ်ကီးစီၤကၤလ့းအစၢၤအသွဲၣ်တဖၣ်န့ၣ် လီၤ. စီၤဃူၢ်မ့ၢ်စီၤကၤလ့းဒီးနီၢ်အ့ဖရးသးအဖိခွါဝဲၢ်ကိန့ၣ် လီၤ. စီၤဃူၢ်အဖိခွါစီၤၡိဘလးသူၣ်ထီၣ်ကံးရယးဧၤရံၣ်,
51 အဖိခွါခံဂၤတဂၤစီၤစၤလမၤသူၣ်ထီၣ်ဘ့ၤသလ့ဃ့ၣ်, ဒီးအဖိခွါသၢဂၤတဂၤစီၤဃၤရၣ်သူၣ်ထီၣ်ဘ့ၤသကၤဒ့ၢ်န့ၣ်လီၤ.
52 စီၤၡိဘလး, ပှၤလၢအသူၣ်ထီၣ်ကံးရယးယဧၤရံၣ်န့ၣ်မ့ၢ်ပှၤဃ့ၤ ရိအ့းဖိ, ဘၣ်ထွဲဒီးမနူဃးတဝာ်
53 ပှၤကံးရယးယဧၤရံၣ်, ပှၤယံးသၢ်, ပှၤပူၤသး, ပှၤၡူၤမသးဒီးပှၤမံၤၡရံဖိအဒူၣ်တဖၣ်အပၢ်ဖးဒိၣ်လၢပျၢၤန့ၣ်လီၤ. (ပှၤဂီၢ်မုၢ်အိၣ်လၢဝ့ၢ်တဖၣ်လၢစၤရၤသးဧၤဒီးအ့ၡတၤအူလးန့ၣ် မ့ၢ်ပှၤအဒူၣ်တဖၣ်အံၤအဒူၣ်ဖိထၢဖိန့ၣ်လီၤ.)
54 စီၤစၤလမၤ, ပှၤလၢအသူၣ်ထီၣ်ဝ့ၢ်ဘ့ၤသလ့ဃ့ၣ်န့ၣ်, မ့ၢ်ပှၤနတိၤဖး, ပှၤဧးတးရိးဖိ, ပှၤဘ့ၤသယိၤအး, ပှၤစိးရဧၤလၢအမ့ၢ်ဒူၣ်ထၢခံဒူၣ်လၢမနူဃးအကျါတဒူၣ်အပၢ်ဖး ဒိၣ်လၢပျၢၤန့ၣ်လီၤ.
55 (ပှၤတံရသးဖိ, ပှၤၡံမဧးဖိဒီးပှၤစူးကိၤသးဖိလၢအအိၣ်လၢ ဝ့ၢ်ယၤဘး, မ့ၢ်ဒူၣ်ထၢတဖၣ်လၢအအိၣ်ဒီးတၢ်သ့တၢ်ဘၣ်လၢတၢ်ကွဲးလံာ်ကွဲး လဲၢ်ဒီးတၢ်ကွဲးဆဲတၢ်ဂ့ၢ်တၢ်ကျိၤတဖၣ်န့ၣ်လီၤ.) အဝဲသ့ၣ်မ့ၢ်ပှၤက့ၣ်ဖိတဖၣ်လၢအဒိးတ့ဒိးဖျီဃုာ်တ့ၢ်အသးဒီး ပှၤဃၤမးရ့ကးဖိတဖၣ်န့ၣ်လီၤ.