လံာ်ကွဲးနီၣ်တၢ်အခီၣ်ထံးတဘ့ၣ်
CHRONICLES
လံာ်ကွဲးနီၣ်တၢ်အခီၣ်ထံးတဘ့ၣ်ဒီးခံဘ့ၣ်တဘ့ၣ်န့ၣ်အါဒၣ်တၢ် တက့ၢ်မ့ၢ်တၢ်တဲကဒါက့ၤတၢ်မၤအသးတဖၣ်လၢအဘၣ်တၢ်ကွဲးနီၣ်အီၤ လၢလံာ်စီၤၡမူၤအ့လးခံဘ့ၣ်ဒီးလံာ်စီၤပၤခံဘ့ၣ်သ့ၣ်တဖၣ် အပူၤန့ၣ်လီၤ. ဘၣ်ဆၣ်အတၢ်ပာ်ဖျါအိၣ်ဒီးအတၢ်ထံၣ်လၢအလီၤဆီန့ၣ်လီၤ. ဒီးလၢလံာ်ကွဲးနီၣ်တၢ်ခံဘ့ၣ်အပူၤအံၤတၢ်ကွၢ်စိမိၢ်ပှၢ်အိၣ် ဝဲခံမံၤလၢအကးဘၢတၢ်စံၣ်စိၤတဲစိၤဘၣ်ထွဲဒီးပှၤအံၣ်စရ့လး ဖိအစီၤလိၣ်စီၤပၤတဖၣ်န့ၣ်လီၤ.
၁. လၢကပာ်ဖျါထီၣ်တၢ်တတၢးတနါတဖၣ်လၢအလီၤဘၣ်ဝဲ လၢကီၢ်အံၣ်စရ့လးဒီးကီၢ်ယူဒၤအဖီခိၣ်အလီၢ်န့ၣ်, လံာ်အံၤကဒုးဖျါထီၣ်ကစၢ်ယွၤဟံးဃာ်ဒံးအတၢ်အၢၣ်လီၤအီ လီၤတဖၣ်ဒီးအပှၤကလုာ်, ဒီးမၤထွဲအတၢ်ကူၣ်ကျဲၤလၢအပှၤဂီၢ် မုၢ်အဂီၢ်ခီဖျိပှၤတဖၣ်လၢအအိၣ်ဆိးလၢကီၢ်ယူဒၤအပူၤန့ၣ်လီၤ. ပှၤကွဲးတၢ်ကွၢ်ဃီၤဆူစီၤပၤဒၤဝံးဒီးစီၤပၤၡလိၤမိၤအတၢ် မၤကဲထီၣ်ကဲထီအဒိၣ်အမုၢ်တဖၣ်, ဆူစီၤပၤယဟိၡၤဖး, စီၤပၤဃံးစကံယၤဒီးစီၤပၤယိၤၡံယၤတဖၣ်အတၢ်မၤသီထီၣ်က့ၤ တၢ်, ဒီးဆူပှၤဂီၢ်မုၢ်လၢအသးတီဒံးဒီးကစၢ်ယွၤတဖၣ်အအိၣ်ဒီးပာ်ဖျါထီၣ်တၢ်အဂံၢ်ထံးတမံၤလၢတၢ်အၢၣ်လီၤအီလီၤနီၢ်ကတုၤ န့ၣ်အဂီၢ်လီၤ.
၂. မ့ၢ်ဒ်သိးကပာ်ဖျါထီၣ်တၢ်ဘူၣ်ထီၣ်ဘါထီၣ်ကစၢ်ယွၤလၢဝ့ၢ် ယရူၤၡလ့ၣ်တၢ်လုၢ်ဟံၣ်ပူၤအခီၣ်ထံးခီၣ်ဘိ, ဒီးလီၤဆီဒၣ်တၢ်, တၢ်ကရၢကရိထီၣ်ပှၤလုၢ်တၢ်အခိၣ်တဖၣ်ဒီးပှၤ လ့ၤဝံဖိတဖၣ်လၢအမၤတၢ်ဘူၣ်တၢ်ဘါအတၢ်မၤနၢၤလီၤ. စီၤပၤၡလိၤမိၤမ့မ့ၢ်ပှၤသူၣ်ထီၣ်တၢ်လုၢ်ဟံၣ်တဂၤဒၣ်လဲာ်န့ၣ်, စီၤပၤဒၤဝံးဘၣ်တၢ်ပာ်ဖျါထီၣ်အီၤဒ်ပှၤဒုးအိၣ်ထီၣ်တၢ်လုၢ် ဟံၣ်ဒီးအတၢ်ဘူၣ်တၢ်ဘါအလုၢ်အလၢ်နီၢ်နီၢ်တဂၤန့ၣ်လီၤ.
1
(ကဲထီၣ်.၅:၁-၃၂, ၁၀:၁-၃၂, ၁၁:၁၀-၂၆)
1 စီၤအၤဒၣ်မ့ၢ်စီၤၡ့သးအပၢ်, စီၤၡ့သးမ့ၢ်စီၤအနိၣ်အပၢ်, စီၤအနိၣ်မ့ၢ်စီၤက့ၤနၣ်အပၢ်,
2 စီၤက့ၤနၣ်မ့ၢ်စီၤမၤဟလၤလ့လးအပၢ်, စီၤမၤဟလၤလ့လးမ့ၢ် စီၤယၤရ့းအပၢ်လီၤ.
3 စီၤယၤရ့းမ့ၢ်စီၤဃနိာ်အပၢ်, ဒီးစီၤဃနိာ်မ့ၢ်စီၤမသူၤၡလၤ အပၢ်, စီၤမသူၤၡလၤမ့ၢ်စီၤလ့ၤမ့းအပၢ်,
4 ဒီးစီၤလ့ၤမ့းမ့ၢ်စီၤနိအၤအပၢ်လီၤ. စီၤနိအၤအိၣ်ဒီး အဖိခွါသၢဂၤ, စီၤၡ့ၣ်, စီၤဃၣ်, ဒီးစီၤယ့ဖ့းသးလီၤ.
5 စီၤယ့ဖ့းသးအဖိခွါတဖၣ်မ့ၢ်ဝဲ, စီၤကိမၢၤ, စီၤမကိး, စီၤမၤဒဲ, စီၤယၤဝၣ်, စီၤတူၤဘလး, စီၤမ့ၤၡ့းဒီးစီၤတံၤရ့းလီၤ. ဒီးအဝဲသ့ၣ်မ့ၢ်ပှၤတဖၣ်လၢပှၤဂီၢ်မုၢ်လၢအဟံးန့ၢ်အဝဲသ့ၣ် အမံၤတဖၣ်အပၢ်ဖးဒိၣ်လၢပျၢၤန့ၣ်လီၤ.
6 စီၤကိမၢၤအစၢၤအသွဲၣ်တဖၣ်န့ၣ်မ့ၢ်ပှၤဂီၢ်မုၢ်လၢကီၢ်အၤၡကံ နး, ကီၢ်ရံဖသးဒီးကီၢ်တိကးရမၤလီၤ.
7 စီၤယၤဝၣ်အစၢၤအသွဲၣ်တဖၣ်န့ၣ်မ့ၢ်ပှၤဂီၢ်မုၢ်လၢကီၢ်အလံၡၤ, ကီၢ်စပၤနံ, ကီၢ်ကူပြူးဒီးကီၢ်ရဒူ, တဖၣ်န့ၣ်လီၤ.
8 စီၤဃၣ်အဖိခွါတဖၣ်န့ၣ်မ့ၢ်ဝဲ, စီၤကူၤၡး,စီၤမံးစရၤယံၣ်အဲၤကူပတူးစီၤဖူးဒီးစီၤကနၤဧၣ်လၢအပှၤဂီၢ်မုၢ်အဟံးန့ၢ် အဝဲသ့ၣ်အမံၤတဖၣ်ဒ်အပၢ်ဖးဒိၣ်လၢပျၢၤတဖၣ်န့ၣ်လီၤ.
9 စီၤကူၤၡးအစၢၤအသွဲၣ်တဖၣ်န့ၣ်မ့ၢ်ပှၤစဘၤ, ပှၤဃဝံၤလၤ, ပှၤစၤဘတၤ, ပှၤရၤဧမၤဒီးပှၤစၤဘတံကၤဖိတဖၣ်န့ၣ်လီၤ. စီၤရၤဧမၤအစၢၤအသွဲၣ်တဖၣ်န့ၣ်မ့ၢ်ဝဲပှၤၡဘၤဒီးပှၤဒဒၣ်န့ၣ်လီၤ.
10 (စီၤကူၤၡးအိၣ်ဒီးအဖိခွါတဂၤလၢအမံၤမ့ၢ်ဝဲစီၤနံးမရိး, ပှၤလၢအကဲထီၣ်ဟီၣ်ခိၣ်အပှၤမၤန့ၢ်မၤနၢၤတၢ်အဆိကတၢၢ်တဂၤ န့ၣ်လီၤ.)
11 စီၤမံးစရၤယံၣ်အစၢၤအသွဲၣ်တဖၣ်န့ၣ်မ့ၢ်ပှၤကီၢ်အဲၤကူပတူး ဖိဒ်ပှၤလူဒံၣ်, ပှၤဧနၤမံၣ်, ပှၤလဟါဘံၣ်, ပှၤနၤဖထူဃံၣ်,
12 ပှၤပသြုစံၣ်, ပှၤကၤစလူဃံၣ်, ဒီးပှၤကြ့တ့ၤလၢပှၤဖလ့ၡသးဖိ တဖၣ်လီၤစၢၤလီၤသွဲၣ်လၢအီၤန့ၣ်လီၤ.
13 စီၤကနၤဧၣ်အဖိခွါတဖၣ်န့ၣ်မ့ၢ်ဝဲစီၤစံဒိၣ်လၢအမ့ၢ်ဖိဝဲၢ် ကိ, ဒီးစီၤဃ့ၤသး, ဒီးအဝဲသ့ၣ်မ့ၢ်ပှၤတဖၣ်လၢအပှၤဂီၢ်မုၢ်ဟံး န့ၢ်အမံၤတဖၣ်ဒ်အပၢ်ဖးဒိၣ်လၢပျၢၤတဖၣ်န့ၣ်လီၤ.
14 စီၤကနၤဧၣ်အစၢၤအသွဲၣ်တဖၣ်န့ၣ်မ့ၢ်ဝဲပှၤယဘူၣ်ဖိ, ပှၤအမိၢ်ဖိဒီးပှၤကံၢ်ကၣ်ဖိ,
15-16 ပှၤဃံၤဝံဖိ, ပှၤဧၤရကၤဖိ, ပှၤစံၣ်ဖိ, ပှၤအၢ်ဝးဖိ, ပှၤစမၢ်ဖိဒီးပှၤဃမါသးဖိတဖၣ်န့ၣ်လီၤ.
17 စီၤၡ့ၣ်အဖိခွါတဖၣ်န့ၣ်မ့ၢ်ဝဲစီၤဧ့ၤလၣ်, စီၤအၤၡူၢ်, စီၤအၢ်ဖးၡး, စီၤလူး, စီၤအရၣ်, စီၤဧူးစး, စီၤဃူလး, စီၤက့သၢ်, ဒီးစီၤမ့ၤၡ့း တဖၣ်န့ၣ်လီၤ. အဝဲသ့ၣ်မ့ၢ်ပှၤဂီၢ်မုၢ်ဟံးန့ၢ်အမံၤတဖၣ်ဒ်အပၢ်ဖးဒိၣ်န့ၣ်လီၤ.
18 စီၤအၢ်ဖးၡးမ့ၢ်စီၤစ့ၤလါအပၢ်, ဒီးစီၤစ့ၤလါမ့ၢ်စီၤဧ့ၤဘ့ၢ်အပၢ်န့ၣ်လီၤ.
19 စီၤဧ့ၤဘ့ၢ်အိၣ်ဒီးအဖိခွါခံဂၤလၢတဂၤအမံၤန့ၣ်မ့ၢ်ဝဲစီၤ ပ့ၤလ့း, မ့ၢ်လၢဖဲအဝဲအစိၤန့ၣ်ပှၤဂီၢ်မုၢ်လၢဟီၣ်ခိၣ်လီၤမုၢ်လီၤဖး ဝဲအဃိန့ၣ်လီၤ. မ့မ့ၢ်အဂၤတဂၤအမံၤန့ၣ်မ့ၢ်ဝဲစီၤယးကတၣ်လီၤ.
20 စီၤယးကတၣ်အစၢၤအသွဲၣ်တဖၣ်န့ၣ်မ့ၢ်ဝဲပှၤအၤလမိဒး, ပှၤၡ့လဖး, ပှၤဃၤစရမၤဝ့း, ပှၤယၤရၢ်
21 ပှၤဟဒိၣ်ရၣ်, ပှၤအူစလး, ပှၤဒံးကလး,
22 ပှၤဧူဘလး, ပှၤအဘံမအ့လး, ပှၤၡၤဘၤ,
23 ပှၤအိဖ့ၢ်, ပှၤဃဝံၤလၤဒီးပှၤယိဘာ်တဖၣ်န့ၣ်လီၤ.
24 ဒူၣ်ဖိထၢဖိလၢအစးထီၣ်အသးလၢစီၤၡ့ၣ်တုၤလၢစီၤအၤဘြၤန့ၣ် မ့ၢ်ဝဲစီၤၡ့ၣ်, စီၤအၢ်ဖးၡး, စီၤစ့ၤလါ
25 စီၤဧ့ၤဘ့ၢ်, စီၤပ့ၤလ့း, စီၤရူၤ
26-27 စီၤစရူာ်, စီၤနၤဃိၢ်, စီၤတ့ရၤ, ဒီးစီၤအၤဘြၤ (ဘၣ်တၢ်သ့ၣ်ညါစ့ၢ်ကီးအီၤလၢစီၤအၤဘြၤဟၣ်န့ၣ် လီၤ.)
(ကဲထီၣ်.၂၅:၁၂-၁၆ )
28 စီၤအၤဘြၤဟၣ်အိၣ်ဒီးအဖိခွါခံဂၤ, စီၤအံၤစဲးဒီးစီၤယံး ၡမၤဧ့လးန့ၣ်လီၤ.
29 စီၤယံးၡမၤဧ့လးအဖိခွါတဖၣ်မ့ၢ်ဝဲ, စီၤနဘါယိး (စီၤယံး ၡမၤဧ့လးအဖိဝဲၢ်ကိအမံၤ), စီၤက့ဒၢ်, စီၤအးဒဘလး, စီၤမံးဘစၣ်,
30 စီၤမံးၡမၤ, စီၤဒူမၤ, စီၤမၤစၤ, စီၤဃဒၢ်, စီၤတ့မၤ,
31 စီၤယတူၢ်, စီၤနါဖံၣ်, ဒီးစီၤက့ဒမၤလီၤ.
32 စီၤအၤဘြၤဟၣ်အိၣ်ဒီးအသံၣ်မါလၢအမံၤမ့ၢ်ဝဲနီၢ်ကတူရၤ, ဒီးဆံးစၢ်န့ၢ်အီၤဖိခွါဃုဂၤလၢအမ့ၢ်ဝဲ, စီၤစံးမရၣ်, စီၤယးကၡၣ်, စီၤမဒၣ်, စီၤမံးဒယၣ်, စီၤယံးၡဘးဒီးစီၤၡူာ်တဖၣ်န့ၣ်လီၤ. စီၤယးကၡၣ်အိၣ်ဒီးအဖိခွါခံဂၤ, စီၤၡဘၤဒီးစီၤဒဒၣ်လီၤ.
33 စီၤမံးဒယၣ်အိၣ်ဒီးအဖိခွါယဲၢ်ဂၤ, စီၤဧ့ၤဖၣ်, စီၤဧ့ၤဖ့ၢ်, စီၤဃနိာ်, စီၤအဘံဒၤ, ဒီးစီၤအ့ၤလဒါဧၤတဖၣ်န့ၣ်လီၤ.
(ကဲထီၣ်.၃၆:၁-၉)
34 စီၤအၤဘြၤဟၣ်အဖိခွါစီၤအံၤစဲးအိၣ်ဒီးအဖိခွါခံဂၤ, စီၤဧ့ၡီၤဒီးစီၤယၤကိာ်န့ၣ်လီၤ.
35 စီၤဧ့ၡီၤအဖိခွါတဖၣ်န့ၣ်မ့ၢ်ဝဲစီၤအလံဖးစး, စီၤရဧူၤအ့လး, စီၤယၤဧူၡး, စီၤယၤဧလၤဒီးစီၤကိၤရးတဖၣ်န့ၣ်လီၤ.
36 စီၤအလံဖးစးကဲထီၣ်ပှၤတ့ၤမၣ်, ပှၤအိမၢ်, ပှၤစဖိၤ, ပှၤကၤတၣ်, ပှၤကနးစး, ပှၤတံးမနၤဒီးပှၤဧမၤလ့းဖိ အဒူၣ်တဖၣ်အပၢ်ဖးဒိၣ်လၢပျၢၤန့ၣ်လီၤ.
37 ဒီးစီၤရဧူၤအ့လးကဲထီၣ်ပှၤနၤဃး, ပှၤစ့ရၤ, ပှၤၡးမၤဒီးပှၤမံစၤဖိအဒူၣ်တဖၣ်အပၢ်ဖးဒိၣ်လၢပျၢၤန့ၣ် လီၤ.
(ကဲထီၣ်.၃၆:၂၀-၃၀)
38 ပှၤတဖၣ်လၢအအိၣ်ဆိးဆိပာ်စၢၤလၢကီၢ်အဒိၣ်န့ၣ်, မ့ၢ်ပှၤဟဲလီၤစၢၤလီၤသွဲၣ်လၢစီၤစ့ဧၢ်အဖိခွါတဖၣ်လၢအမ့ၢ် ဝဲ, စီၤလိတၣ်, လၢအမ့ၢ်ပှၤဃိၢ်ရံၤဒီးပှၤဟ့မၣ်အဒူၣ်ထၢတဖၣ် အပၢ်ဖးဒိၣ်လၢပျၢၤ,
39 (စီၤလိတၣ်အိၣ်ဒီးအဒီပုၢ်ဝဲၢ်မုၣ်တဂၤလၢအမံၤမ့ၢ်ဝဲနီၢ် တံးမနၤန့ၣ်လီၤ.)
40 စီၤၡိဘလးမ့ၢ်ပှၤဧးလဝၣ်, ပှၤမနၤဃး, ပှၤဧ့ၤဘါလး, ပှၤၡဖိၤဒီးပှၤအိၣ်နၣ်အဒူၣ်ထၢတဖၣ်အပၢ်ဖးဒိၣ်လၢပျၢၤန့ၣ် လီၤ. စီၤစံးဘဧိၣ်, အိၣ်ဒီးအဖိခွါခံဂၤ, စီၤအၣ်ယၤဒီးစီၤဧနၤလီၤ.
41 စီၤဧနၤမ့ၢ်စီၤဒံၡိၣ်အပၢ်, ဒီးစီၤဒံၡိၣ်မ့ၢ်ပှၤဟၤမရၣ်, ပှၤအ့းၡဘၣ်, ပှၤယံးသရၣ်, ဒီးပှၤကရၣ်အဒူၣ်ထၢတဖၣ်အပၢ်ဖးဒိၣ်လၢပျၢၤန့ၣ်လီၤ.
42 စီၤအ့စၢ်မ့ၢ်ပှၤဘံးလဟၣ်, ပှၤစၤဧဝၣ်ဒီးပှၤယၤဧကၣ်အဒူၣ်ထၢ တဖၣ်အပၢ်ဖးဒိၣ်လၢပျၢၤန့ၣ်လီၤ. စီၤဒံၡၣ်မ့ၢ်ပှၤဧူးစးဒီးပှၤအၤရၣ်အဒူၣ်ထၢတဖၣ်အပၢ်ဖးဒိၣ် လၢပျၢၤန့ၣ်လီၤ.
(ကဲထီၣ်.၃၆:၃၁-၄၃)
43 ဒီးစီၤပၤလၢလာ်သ့ၣ်တဖၣ်အံၤပၢတၢ်လၢကီၢ်အဒိၣ်အပူၤတဂၤဝံၤ တဂၤဖဲစီၤပၤတချုးအိၣ်ဒံးဘၣ်လၢကီၢ်အံၣ်စရ့လးအပူၤနီတဂၤ ဘၣ်အဆၢကတီၢ်န့ၣ်လီၤ. စီၤဘဧိၢ်အဖိခွါစီၤဘ့လၤလၢဝ့ၢ်ဒံးနဟးဘၤ,
44 စီၤစ့ရၤအဖိခွါစီၤယိဘးလၢဝ့ၢ်ဘိးစရၤ,
45 စီၤဃူၡၣ်လၢကီၢ်တ့ၤမၣ်အလီၢ်ကဝီၤ,
46 စီၤဘဒးအဖိခွါစီၤဟးဒးလၢဝ့ၢ်ဧဝံး (အဝဲမၤနၢၤပှၤမံးဒယၣ် ဖိတဖၣ်လၢတၢ်ဒုးတဘျီလၢကီၢ်မိၤအးအပူၤန့ၣ်လီၤ.)
47 စီၤစးမလၤလၢဝ့ၢ်မးစရ့ကၤ,
48-49 စီၤၡီလူးလၢဝ့ၢ်ရဃိဘိးအိၣ်လၢထံကျိကပၤ, စီၤဧးကဘိၢ်အဖိခွါစီၤဘဧၤလဃါနၣ်,
50 စီၤဃဒၢ်လၢဝ့ၢ်ဖၤဧူၤ, (အမါအမံၤမ့ၢ်နီၢ်မဟ့တးဘအ့လး, နီၢ်မးတရ့အဖိမုၣ်ဒီးစီၤမ့စဟးအလံၤမုၣ်လီၤ.)
51 ပှၤအဒိၣ်ဖိသ့ၣ်တဖၣ်အံၤဘၣ်တၢ်နီၤဖးအီၤဆူပှၤတံးမနၤ, ပှၤဧးလဝၣ်, ပှၤယသ့း,
52 ပှၤအဟိးလံးဘါမၤ, ပှၤအ့လး, ပှၤပံနိၣ်,
53 ပှၤကနးစး, ပှၤတ့ၤမၣ်, ပှၤမံးဘစၢ်,
54 ပှၤမံးကဒံးအ့လးဒီးပှၤဧံရၣ်အဒူၣ်တဖၣ်န့ၣ်လီၤ.