စံးထီၣ်ပတြၢၤ 96
(၁ကွဲး.၁၆:၂၃-၃၃)
1 အိ, သးဝံၣ်ထီၣ်ယွၤလၢတၢ်သးဝံၣ်အသီ,
သးဝံၣ်ထီၣ်ယွၤဟီၣ်ခိၣ်ဖိခဲလၢာ်သ့ၣ်ဧၢ,
2 သးဝံၣ်ထီၣ်ယွၤ, စံးထီၣ်ပတြၢၤအမံၤ,
စံၣ်တဲၤတဲလီၤအတၢ်အုၣ်က့ၤခီၣ်က့ၤအကစီၣ်,
ကိးနံၤဒဲးတက့ၢ်.
3 တဲဖျါထီၣ်အလၤကပီၤလၢပှၤကလုာ်တဖၣ်အကျါ,
ဒီးအတၢ်မၤလီၤလးတဖၣ်လၢ
ပှၤဂီၢ်မုၢ်ခဲလၢာ်အကျါတက့ၢ်.
4 အဂ့ၢ်ဒ်အံၤ, ယွၤန့ၣ်ဒိၣ်ဝဲ
ဒီးကဘၣ်တၢ်စံးထီၣ်ပတြၢၤအီၤဒိၣ်ဒိၣ်အါအါန့ၣ်လီၤ.
အဝဲကဘၣ်တၢ်ပျံၤအီၤဒိၣ်န့ၢ်ဒံး
ကစၢ်ခဲလၢာ်တက့ၢ်န့ၣ်လီၤ.
5 အဂ့ၢ်ဒ်အံၤ, ကယဲၢ်ပှၤကလုာ်တဖၣ်အကစၢ်ခဲလၢာ်
မ့ၢ်တၢ်ဂီၤတၢ်ဖီၣ်တဖၣ်ဧိၤန့ၣ်လီၤ.
မ့မ့ၢ်ယွၤတ့လီၤမူခိၣ်လီၤ.
6 တၢ်လၤကပီၤဒီးတၢ်ကဟုကညီၢ်အိၣ်ဝးတရံးအီၤ,
တၢ်စိကမီၤဒီးတၢ်ဃံတၢ်လၤ
မၤပှဲၤအတၢ်လုၢ်ဟံၣ်န့ၣ်လီၤ.
7 ပှၤဂီၢ်မုၢ်လၢဟီၣ်ခိၣ်ချၢခဲလၢာ်သ့ၣ်ဧၢ,
စံးထီၣ်ပတြၢၤယွၤတက့ၢ်.
စံးထီၣ်ပတြၢၤအလၤကပီၤ
ဒီးအတၢ်စိတၢ်ကမီၤန့ၣ်တက့ၢ်.
8 စံးထီၣ်ပတြၢၤယွၤအမံၤလၤသၣ်ကပီၤ,
ဟဲစိာ်တၢ်မၤဘူၣ်ဒီးဟဲနုာ်ဆူ
အတၢ်လုၢ်ဟံၣ်အပူၤတက့ၢ်.
9 တုၤမ့ၢ်တၢ်စီဆှံတဂၤအိၣ်ဖျါထီၣ်ဒီး
တီၤလီၤလၢအမဲာ်ညါတက့ၢ်.
ပှၤဟီၣ်ခိၣ်ဖိခဲလၢာ်သ့ၣ်ဧၢ,
10 စံးဘၣ်ပှၤကလုာ်ခဲလၢာ် “ယွၤမ့ၢ်စီၤပၤလီၤ.
ဟီၣ်ခိၣ်ဘၣ်တၢ်ပာ်လီၤဂၢၢ်ကျၢၤအီၤလၢ
အလီၢ်ဒၣ်ဝဲအပူၤ
ဒီးတၢ်မၤဟူးဝးအီၤတသ့ဘၣ်.
အဝဲကစံၣ်ညီၣ်ပှၤဂီၢ်မုၢ်လၢတၢ်စံၣ်ညီၣ်တီလီၤ.”
11 မ်မူခိၣ်သူၣ်ခုသးခု, ဒီးဟီၣ်ခိၣ်သူၣ်ဖှံသးညီတက့ၢ်.
မ်ပီၣ်လဲၣ်ဒီးတၢ်လၢအမၤပှဲၤအီၤခဲလၢာ်
သီၣ်ထီၣ်တက့ၢ်.
12 မ်စံာ်ဧိၤပှဲၤဧိၤ, ဒီးကယဲၢ်တၢ်အိၣ်လၢအပူၤ
သူၣ်ဖှံသးညီတက့ၢ်.
တုၤနုၤတစုကယဲၢ်သ့ၣ်လၢပှၢ်လၢ်ကျါ
ကသးဝံၣ်တၢ်လၢတၢ်သူၣ်ခုသးခု,
13 အဝဲသ့ၣ်ကသးဝံၣ်တၢ်လၢ ယွၤအမဲာ်ညါ
လၢအဝဲဟဲဝဲအဃိ, အဝဲဟဲဝဲဒ်သိးကစံၣ်ညီၣ်ဟီၣ်ခိၣ်လီၤ.
အဝဲကစံၣ်ညီၣ်ဟီၣ်ခိၣ်လၢတၢ်တီတၢ်လိၤအပူၤ
ဒီးပှၤဂီၢ်မုၢ်တဖၣ်လၢအဝဲ
အတၢ်မ့ၢ်တၢ်တီအပူၤန့ၣ်လီၤ.