စံးထီၣ်ပတြၢၤ 82
1 ကစၢ်ယွၤတီခိၣ်ရိမဲလၢ
မူခိၣ်အတၢ်အိၣ်ဖှိၣ်အကီၣ်ကးအပူၤ,
ဒီးလၢကစၢ်တဖၣ်အတၢ်အိၣ်ဖှိၣ်အပူၤန့ၣ် အဝဲစံၣ်ညီၣ်တၢ်လီၤ.
2 “မ့ၢ်သုကအိၣ်ပှိၤပှၤတတီတလိၤဒီး
ဒုးနဲၣ်သုတၢ်ကွၢ်မဲာ်ပှၤအၢပှၤသီန့ၣ်ဆံးယံာ်ဒံးလဲၣ်. စ့လၤ
3 အိၣ်ပှိၤပှၤဂံၢ်စၢ်ဘါစၢ်ဒီး ပှၤဖိၣ်ဃဲတဖၣ်အကွီၢ်ဒီး
ဟံးဃာ်ပှၤဘၣ်နးဘၣ်ဖှီၣ်ဒီး
အတၢ်ခွဲးတၢ်ယာ်တက့ၢ်.
4 မၤပူၤဖျဲးပှၤဂံၢ်စၢ်ဘါစၢ်ဒီး ပှၤလိၣ်ဘၣ်တၢ်မၤစၢၤ,
မၤထူၣ်ဖျဲးအဝဲသ့ၣ်လၢ
ပှၤတတီတလိၤအစုပူၤန့ၣ်တက့ၢ်.”
5 သုတနူၤပၢၢ်နၢ်ဘှါတၢ်မးလဲၣ်,
သုသးတဆးမးလဲၣ်.
သုဟးဂီၤလၢာ်လၢာ်ဆ့ဆ့
ဒီးတၢ်တီတၢ်လိၤလီၤမၢ်ကွံာ်လၢ ဟီၣ်ခိၣ်ချၢလံ.
6 ယစံး “သုမ့ၢ်ကစၢ်တဖၣ်,
ဒီးသုမ့ၢ်တၢ်ထီကတၢၢ်တဂၤအဖိခွါတဖၣ်လီၤ.
7 ဘၣ်ဆၣ်သုကသံဒ် ပှၤကညီတဖၣ်အသိး
ဒီးသုတၢ်အိၣ်မူကကတၢၢ်ဒ်
စီၤပၤဖိတဂၤလၢ်လၢ်အသိးန့ၣ်လီၤ.”
8 ကစၢ်ယွၤဧၢ, ဟဲဒီးပၢဟီၣ်ခိၣ်တက့ၢ်.
ပှၤကလုာ်ခဲလၢာ်မ့ၢ်နတၢ်လီၤ.