စံးထီၣ်ပတြၢၤ 8
1 ယွၤ, ပကစၢ်ဧၢ, နမံၤလၢဟီၣ်ခိၣ်ဒီဘ့ၣ်ညါန့ၣ်
ဒိၣ်စိဒိၣ်ကမီၤဆံးဒိၣ်လဲၣ်.
နလၤကပီၤအိၣ်လၢမူခိၣ်န့ၣ်,
ဘၣ်တၢ်သးဝံၣ်စံးထီၣ်ပတြၢၤအီၤလၢ
2 ဖိသၣ်တဖၣ်ဒီးဖိသၣ်အီနုၢ်ထံတဖၣ်အထးခိၣ်လီၤ.
နပူၤဖျဲးလၢနဒုၣ်နဒါခဲလၢာ်
ဒီးတၢ်အၢတဘၣ်ဘၣ်နၤလၢၤဘၣ်.
နဆိကတီၢ်ကွံာ်ပှၤတဂၤလၢ်လၢ်လၢ
3 တုၤယကွၢ်ထီၣ်မူခိၣ်လၢနတ့အီၤ, လါဒီးဆၣ်ဧိၤဖီဧိၤ
လၢနပာ်လီၤလၢအလီၢ်ဒၣ်ဝဲန့ၣ်ဒီး,
4 ပှၤကညီလၢနကသ့ၣ်နီၣ်ထီၣ်က့ၤအီၤ,
ဒီးပှၤကညီဖိလၢနကသူၣ်အိၣ်သးအိၣ်အီၤန့ၣ်,
မ့ၢ်မနုၤလဲၣ်.
5 နတ့ပှၤကညီဒီးပာ်အီၤအတီၤဖုၣ်န့ၢ်ဒၣ်ထဲနၤဧိၤဒၣ်လဲာ်.
နကုာ်အခိၣ်လၢတၢ်လၤကပီၤဒီး
တၢ်ပာ်ဒိၣ်ပာ်ထီန့ၣ်လီၤ.
6 နဒုးပၢအီၤလၢနစုအတၢ်ဘၣ်တ့ခဲလၢာ်,
နပာ်လီၤတၢ်ခဲလၢာ်လၢအခီၣ်ဖီလာ်,
7 သိဒီးဂီၤဘုၣ်ဂီၤဖံးခဲလၢာ်,
ဒီးဆၣ်ဖိကီၢ်ဖိအမံၤခဲလၢာ်,
8 ထိၣ်ဧိၤလံာ်ဧိၤလၢမူကပိာ်လိၤ,
ဒီးဒ့ၣ်ဧိၤညၣ်ဧိၤလၢပီၣ်လဲၣ်ပူၤဒီး
တၢ်ဘၣ်တ့လၢအအိၣ်လၢပီၣ်လဲၣ်ပူၤခဲလၢာ်လီၤ.
9 ယွၤ, ပကစၢ်ဧၢ,
နမံၤလၢဟီၣ်ခိၣ်ဒီဘ့ၣ်ညါန့ၣ်
ဒိၣ်စိဒိၣ်ကမီၤဆံးဒိၣ်လဲၣ်.