စံးထီၣ်ပတြၢၤ 79
1 ကစၢ်ယွၤဧၢ, ပှၤတဘူၣ်ထီၣ်ဘါထီၣ်နၤတဖၣ်ဟဲနုာ်တ့ၢ်လံလၢ နတၢ်န့ၢ်သါအပူၤလံ.
အဝဲသ့ၣ်မၤဘၣ်အၢဘၣ်သီနတၢ်လုၢ်ဟံၣ်စီဆှံလံ.
အဝဲသ့ၣ်ပာ်တ့ၢ်ကွံာ်ဝ့ၢ်လံယရူၤၡလ့ၣ်လၢအတၢ်ဟးဂီၤအပူၤ လံ.
2 အဝဲသ့ၣ်ပာ်တ့ၢ်နပှၤဂီၢ်မုၢ်အစိၣ်တဖၣ်လၢလီတာ်အဂီၢ်,
တၢ်စိၣ်တဖၣ်လၢတၢ်မံၤလာ်တဖၣ်အတၢ်အီၣ်အဂီၢ်လံ.
3 အဝဲသ့ၣ်လူလီၤနပှၤဂီၢ်မုၢ်အသွံၣ်ဒ်ထံအသိး သွံၣ်လၢအယွၤလီၤဒ်ထံအသိးသကုၤဝ့ၢ်ယရူၤၡလ့ၣ်
ဒီးပှၤလၢကခူၣ်လီၤကွံာ်ပှၤသံတအိၣ်တ့ၢ်နီတဂၤဘၣ်.
4 ပကဲထီၣ်တ့ၢ်လံလၢတၢ်ဒုၣ်ဒွဲၣ်အလီၢ်လၢ
ပှၤလၢပဃၢၤအဂီၢ်,
ဒီးပဘၣ်တၢ်မၤတရီတပါဒီးကတိၤဒုၣ်ဒွဲၣ်ပှၤ, လၢပှၤအိၣ်ဝးတရံးပှၤန့ၣ်လီၤ.
5 ယွၤဧၢ, မ့ၢ်နကသးထီၣ်ပှၤလီၤထူလီၤယိာ်ဧါ.
မ့ၢ်နတၢ်သးထီၣ်ကအီၣ်တၢ်ဒ်
မ့ၣ်အူအသိးဆူညါဒံးဧါ.
6 လူလီၤနတၢ်သးထီၣ်လၢပှၤကလုာ် တဖၣ်လၢအတသ့ၣ်ညါနၤအလိၤ
ဒီးဘီမုၢ်တဖၣ်လၢအတကိးထီၣ်နမံၤအလိၤန့ၣ်တက့ၢ်.
7 အဂ့ၢ်ဒ်အံၤ, အဝဲသ့ၣ်မၤသံတ့ၢ်လံပှၤလီၤစၢၤလၢစီၤယၤကိာ်
ဒီးမၤဟးဂီၤတ့ၢ်လံအထံအကီၢ်န့ၣ်လံ.
8 သိၣ်ဃီၣ်ပှၤလၢ, ပမိၢ်ပၢ်ဖံဖုလၢပျၢၤသ့ၣ်တဖၣ်အတၢ်ဒဲးဘး အဃိန့ၣ်တဂ့ၤ.
သူၣ်ကညီၤသးကညီၤလၢ်ပှၤခဲအံၤတက့ၢ်.
ကယဲၢ်ပတၢ်မုၢ်လၢ်ခဲလၢာ်, လၢာ်ကွံာ်တ့ၢ်လံ.
9 တၢ်အုၣ်က့ၤခီၣ်က့ၤပှၤကစၢ်ယွၤဧၢ, မၤစၢၤပှၤ,
လၢနမံၤအလၤကပီၤအဃိန့ၣ်တက့ၢ်.
မၤပူၤမၤဖျဲးပှၤဒီးပျၢ်လၢ်ကွံာ်ပတၢ်ဒဲးဘး တဖၣ်န့ၣ်တက့ၢ်.
10 ဘၣ်မနုၤလၢပှၤကလုာ်တဖၣ်ကစံးဝဲ, “အကစၢ်ယွၤအိၣ်ဖဲလဲၣ်”န့ၣ်လဲၣ်.
တၢ်မၤကၣ်နခ့နပှၤအသွံၣ်လၢအလူလီၤအသးန့ၣ်,
မ်အအိၣ်ဖျါလၢပှၤကလုာ်တဖၣ်အကျါလၢပမဲာ်ညါန့ၣ်တက့ၢ်.
11 မ်ပှၤလၢအဘၣ်တၢ်စၢဃာ်တဖၣ်အတၢ်ကအုကစွါဟဲထီၣ် ဆူနမဲာ်ညါတက့ၢ်.
မၤပူၤဖျဲးပှၤလၢအဘၣ်တၢ်ပာ်အီၤလၢ
တၢ်သံအဂီၢ်လၢ
နတၢ်စိတၢ်ကမီၤဖးဒိၣ်အဃိန့ၣ်တက့ၢ်.
12 ယွၤဧၢ, ပှၤလၢပဃၢၤ,
ပှၤကတိၤဒုၣ်ဒွဲၣ်တၢ်သ့ၣ်တဖၣ်န့ၣ်ဟ့ၣ်ကၣ်အီၤနွံစးလၢ အသးနါပှၢ်အပူၤ,
လၢအကတိၤဒုၣ်ဒွဲၣ်နၤအဃိန့ၣ်တက့ၢ်.
13 ဒီးပဝဲဒၣ်, နပှၤဂီၢ်မုၢ်, နတၢ်အီၣ်ဆၣ်အလီၢ်အသိအံၤကစံးဘျုးစံးဖှိၣ်နၤ
ဒီးစံးထီၣ်ပတြၢၤနၤလီၤထူလီၤယိာ်တစိၤဘၣ်တစိၤ န့ၣ်လီၤ.