စံးထီၣ်ပတြၢၤ 76
1 ကစၢ်ယွၤဘၣ်တၢ်သ့ၣ်ညါအီၤလၢယူဒၤအပူၤ,
ဒီးအမံၤဘၣ်တၢ်မၤလၤကပီၤအီၤလၢ
အံၣ်စရ့လးအပူၤန့ၣ်လီၤ.
2 အဝဲအိၣ်ဒီးအဟံၣ်လၢဝ့ၢ်ယရူၤၡလ့ၣ်အပူၤ,
ဒီးအိၣ်ဝဲဆိးဝဲလၢကစၢၢ်စံယိၣ်လီၤ.
3 အဝဲမၤကၢ်ကွံာ်အဒုၣ်အဒါတဖၣ်အပျၢ်,
အကတီၤဒီးအနးတဖၣ်ဒီးကယဲၢ်အဝဲသ့ၣ်
အစုကဝဲၤခဲလၢာ်ဖဲန့ၣ်လီၤ. စ့လၤ
4 ကစၢ်ယွၤဧၢ, နလၤကပီၤဒိၣ်ဝဲဆံးဒိၣ်လဲၣ်.
ဖဲနဟဲက့ၤလၢကစၢၢ်လၢနမၤနၢၤနဒုၣ်နဒါတဖၣ်န့ၣ်,
နကဟုကညီၢ်ဒိၣ်ဝဲဆံးဒိၣ်လဲၣ်.
5 ပှၤသုးဖိလၢအဒူတဖၣ်ပာ်လီၤတ့ၢ်လံအစုကဝဲၤ,
ဒီးအခဲအံၤမံဝဲလၢတၢ်သံအတၢ်မံအပူၤလံ.
အဂံၢ်အဘါဒီးအတၢ်သ့တၢ်ဘၣ်ခဲလၢာ်
တဂိာ်တသီၣ်လၢၤနီတမံၤဘၣ်.
6 စီၤယၤကိာ်အကစၢ်ယွၤဧၢ,
တုၤနသိၣ်ဃီၣ်အဝဲသ့ၣ်တဖၣ်န့ၣ်ဒီး
ကသ့ၣ်ဒီးပှၤဒိးကသ့ၣ်တဖၣ်လီၤဃံၤသံဝဲန့ၣ်လီၤ.
7 မ့မ့ၢ်, နဲဒၣ်ယွၤဧၢ, နဘၣ်တၢ်ပျံၤနၤလၢပှၤခဲလၢာ်လီၤ.
တုၤနသးထီၣ်န့ၣ်ဒီး,
ပှၤဆၢထၢၣ်လၢနမဲာ်ညါတသ့ဝဲနီတဂၤဘၣ်.
8 နမၤသ့ၣ်ညါတ့ၢ်လံနတၢ်စံၣ်ညီၣ်လၢမူခိၣ်,
ဒီးပှၤဟီၣ်ခိၣ်ဖိခဲလၢာ်ပျံၤတၢ်ဒီးအိၣ်ဘှီၣ်ဝဲဒၣ်,
9 ဖဲနဂဲၤဆၢထၢၣ်တဲဖျါထီၣ်တၢ်စံၣ်ညီၣ်လၢ
နကအုၣ်က့ၤခီၣ်က့ၤပှၤဘၣ်တၢ်မၤအၢမၤနးလၢ
ဟီၣ်ခိၣ်ချၢခဲလၢာ်အဂီၢ်န့ၣ်လီၤ. စ့လၤ
10 ပှၤကညီအတၢ်သးထီၣ်န့ၣ် ကက
တၢၢ်ဒၣ်လၢတၢ်စံးထီၣ်ပတြၢၤအါထီၣ်နၤဧိၤလီၤ.
ဒီးပှၤလၢအအိၣ်မူတ့ၢ်ဒံး ဖဲတၢ်ဒုးတၢ်ယၤဝံၤတဖၣ်န့ၣ်
ကတိၢ်န့ၢ်ဖံးဃာ်နဘူၣ်တဖၣ်လီၤ.
11 ဟ့ၣ်ယွၤသုကစၢ်ယွၤလၢတၢ်လၢသုအၢၣ်လီၤတ့ၢ်အီၤ,
ပှၤကိးကလုာ်လၢအအိၣ်ဘူးဒီးအီၤသ့ၣ်ဧၢ,
ဟဲစိာ်တၢ်ဟ့ၣ်တဖၣ်ဆူယွၤတဂၤ
လၢအမ့ၢ်တၢ်ပျံၤအလီၢ်အအိၣ်န့ၣ်တက့ၢ်.
12 အဝဲဆီၣ်လီၤပဒိၣ်တဖၣ်လၢအပာ်ထီၣ်ထီအသး
ဒီးမၤပျံၤစီၤပၤဖးဒိၣ်တဖၣ်လီၤ.