စံးထီၣ်ပတြၢၤ 61
1 ကစၢ်ယွၤဧၢ, ကနၣ်ယတၢ်ကိးပသူထီၣ်,
ဒိကနၣ်ယတၢ်ထုကဖၣ်န့ၣ်တက့ၢ်.
2 လၢတၢ်သးဟးဂီၤဒီး တၢ်အိၣ်ယံၤဒီး
ဟံၣ်အပူၤန့ၣ်ယကိးထီၣ်နၤလီၤ.
ဆှၢယၤဆူတၢ်ပူၤဖျဲးအလီၢ်တတီၤန့ၣ်တက့ၢ်.
3 အဂ့ၢ်ဒ်အံၤနမ့ၢ်ယတၢ်ပူၤဖျဲးအလီၢ်,
တၢးထီခၢၣ်သနၢၣ်လၢတၢ်ထီဒါ
4 ပျဲယကအိၣ်ဘၣ်လၢနဒဲစီဆှံအပူၤလီၤထူလီၤယိာ်,
ဟ့ၣ်ယၤတၢ်ပူၤဖျဲးလၢနဒံးဆ့အဖီလာ်န့ၣ်တက့ၢ်. စ့လၤ
5 ကစၢ်ယွၤဧၢ,
အဂ့ၢ်ဒ်အံၤ နနၢ်ဟူတ့ၢ်လံယတၢ်ဆိၣ်တဖၣ်န့ၣ်လံ.
နဟ့ၣ်တ့ၢ်လံယၤတၢ်န့ၢ်သါလၢအဘၣ်ဃးဒီး ပှၤလၢအပျံၤနမံၤလံ.
6 ပာ်ဖှိၣ်အါထီၣ်စီၤပၤအသးသမူအနံၣ်အလါတဖၣ်
ဒီးပျဲအအိၣ်မူတစိၤဘၣ်တစိၤတက့ၢ်.
7 မ်အပၢဘၣ်တၢ်လၢကစၢ်ယွၤအမဲာ်ညါ လီၤထူလီၤယိာ် န့ၣ်တက့ၢ်.
ပာ်လီၤနတၢ်အဲၣ်အဂၢၢ်အကျၢၤ
ဒီးပၢၤအီၤလၢတၢ်သူၣ်တီသးလိၤန့ၣ်တက့ၢ်.
8 မ့မ့ၢ်ဒ်န့ၣ်ဒီး
ယကသးဝံၣ်စံးထီၣ်ပတြၢၤနမံၤလီၤစိၤလီၤထီ
ဒ်ယဟ့ၣ်ယတၢ်အၢၣ်လီၤအတၢ်ဟ့ၣ်
တနံၤဘၣ်တနံၤအသိးန့ၣ်လီၤ.