စံးထီၣ်ပတြၢၤ 52
1 ပှၤအဆူၣ်တဂၤဧၢ, ဘၣ်မနုၤလၢ
နပာ်ကဖိနသးလၢနမၤကမၣ်တၢ်အဃိန့ၣ်လဲၣ်
ကစၢ်ယွၤအတၢ်အဲၣ်န့ၣ်.
အိၣ်ဝဲလီၤထူလီၤယိာ်လီၤ.
2 နကူၣ်ထီၣ်တၢ်မၤဟးဂီၤပှၤဂၤ,
နပျ့ၤလီၤဂာ်ဒီးဒီလူၤတၢ်လၢအကနၣ်အ့ၣ်ဝဲ,
ဒီးနမ့ၢ်ပှၤမၤတၢ်လၢတၢ်သူၣ်တဘျၢ
သးတဘျၢအပူၤလီၤ.
3 နအဲၣ်တၢ်အၢဒိၣ်န့ၢ်တၢ်ဂ့ၤ,
ဒီးတၢ်ကတိၤကဘျံးကဘျၣ်အါန့ၢ်
တၢ်ကတိၤအမ့ၢ်အတီန့ၣ်လီၤ. စ့လၤ
4 ပျ့ၤလီတၢ်ဧၢ, နအဲၣ်ကယဲၢ်
တၢ်ကတိၤမၤဟးဂီၤတၢ်ခဲလၢာ်န့ၣ်လီၤ.
5 မ့မ့ၢ်ကစၢ်ယွၤကမၤဟးဂီၤနၤလီၤထူလီၤယိာ်လီၤ.
အဝဲကဖီၣ်န့ၢ်နၤဒီးထုးထီၣ်ကွံာ်နၤလၢနဒဲပူၤ,
ဒီးကထဲးထီၣ်ကွံာ်နၤလၢတၢ်မူအကီၢ်န့ၣ်လီၤ. စ့လၤ
6 ပှၤအတီအလိၤကထံၣ်ဘၣ်ဝဲ, ဒီးကပျံၤတၢ်,
ဒီးကနံၤဘၣ်နၤ, ဒီးစံးဝဲ,
7 “ကွၢ်, ပှၤတဂၤလၢအတပာ်ဘၣ်ကစၢ်ယွၤလၢ
အတၢ်အိၣ်တဒၢအလီၢ်,
မ့မ့ၢ်သန့ၤအသးလၢအတၢ်ထူးတၢ်တီၤ
လၢအအါဒီး
ဃုထံၣ်န့ၢ်အတၢ်အိၣ်တဒၢအလီၢ်လၢ
လၢအတၢ်ဟးဂီၤအပူၤန့ၣ်တက့ၢ်.”
8 မ့မ့ၢ်ယဲဒၣ်အံၤ, ယမၤသးဒ်သ့ၣ်စၤယံးသံကစဲာ်
တထံးလၢကစၢ်ယွၤအဟံၣ်ပူၤအသိးန့ၣ်လီၤ.
ယသန့ၤယသးလၢယွၤအဘျုးအဖှိၣ်
လီၤထူလီၤယိာ်လီၤ.
9 ယကစံးဘျုးနၤထီဘိ ကစၢ်ယွၤဧၢ,
မ့ၢ်လၢနမၤတ့ၢ်တၢ်အံၤအဃိလီၤ.
ယကမုၢ်လၢ်တၢ်လၢနမံၤလီၤ.
အဂ့ၢ်ဒ်အံၤ, ဂ့ၤဝဲလၢပှၤလၢအအဲၣ်နၤအကျါလီၤ.