စံးထီၣ်ပတြၢၤ 31
1 ယွၤဧၢ, ယသန့ၤယသးလၢနၤလီၤ.
မ်ယသုတမဲာ်ဆှးဘၣ်နီတဘျီတဂ့ၤ.
လၢနတၢ်တီတၢ်လိၤအပူၤန့ၣ်, ကစၢ်ယွၤဧၢ
မၤပူၤဖျဲးယၤတက့ၢ်.
2 ဒိးနနၢ်လၢယၤ, မၤပူၤဖျဲးယၤခဲအံၤ,
ကဲထီၣ်တၢ်အိၣ်သဒၢအလၢၢ်လၢယဂီၢ်,
ယတၢ်တြီဆၢတၢ်လၢကမၤပူၤဖျဲးယၤန့ၣ်တက့ၢ်.
3 အဂ့ၢ်ဒ်အံၤ, နမ့ၢ်ယလၢၢ်ဒီးယတိာ်န့ၣ်လီၤ.
ဆှၢယၤဒီးမိၤယၤလၢနမံၤအဃိဒ်နအၢၣ်လီၤ တ့ၢ်နဲအသိးန့ၣ်တက့ၢ်.
4 ထုးထီၣ်ကွံာ်ယၤလၢပှာ်လၢ
အဘၣ်တၢ်ပာ်လီၤခူသူၣ်လၢယဂီၢ်တက့ၢ်.
အဂ့ၢ်ဒ်အံၤ, နမ့ၢ်ယတၢ်ပူၤဖျဲးအလီၢ်လီၤ.
5 ယွၤ, ကစၢ်ယွၤလၢအမ့ၢ်အတီတဂၤဧၢ,
ယဟ့ၣ်လီၤယသးလၢနစုပူၤလီၤ.
အဂ့ၢ်ဒ်အံၤ, နပှ့ၤက့ၤလံယၤလံ.
6 နသးဟ့ပှၤလၢအဘူၣ်ထီၣ်ဘါထီၣ်
တၢ်လီတၢ်ဝ့ၤအကစၢ်တဖၣ်,
ဘၣ်ဆၣ်ယသန့ၤယသးလၢနၤလီၤ.
7 ယကသူၣ်ခုသးခုဒီးသူၣ်ဖှံသးညီ
လၢနတၢ်အဲၣ်ဂၢၢ်ကျၢၤအဃိန့ၣ်လီၤ.
နထံၣ်လံယတၢ်နးတၢ်ဖှီၣ်,
ဒီးသ့ၣ်ညါယတၢ်ကိၢ်တၢ်ဂီၤလံ.
8 နတပျဲယဒုၣ်ယဒါသ့ၣ်တဖၣ်ဖီၣ်န့ၢ်ယၤဘၣ်.
နဟ့ၣ်ယၤတၢ်သဘျ့လၢ
ယကလဲၤဖဲယအဲၣ်ဒီးလဲၤဝဲအလီၢ်န့ၣ်လီၤ.
9 ယွၤဧၢ, သူၣ်ကညီၤသးကညီၤယၤတက့ၢ်.
အဂ့ၢ်ဒ်အံၤ, ယအိၣ်လၢ
တၢ်ကိၢ်တၢ်ဂီၤအပူၤလီၤ.
ယမဲာ်ချံလီၤဘှံးဝဲလၢ တၢ်ဟီၣ်တၢ်ယၢၤနးမးအဃိ
ဒီးယလီၤဘှံးလီၤတီၤလၢာ်လၢာ်ဆ့ဆ့လီၤ.
10 အဂ့ၢ်ဒ်အံၤ,
ယသးသမူလၢာ်ကွံာ်ဝဲလၢတၢ်သူၣ်အုးသးအုး
ဒီးယနံၣ်တဖၣ်လၢတၢ်ကအုကစွါအပူၤန့ၣ်လီၤ.
ယဂံၢ်ယဘါစၢ်လီၤဝဲမ့ၢ်လၢ
ယတၢ်သူၣ်ကိၢ်သးဂီၤအဃိဒီး
11 ယဒုၣ်ယဒါခဲလၢာ်, လီၤဆီဒၣ်တၢ်ပှၤလၢ
ယဃၢၤတဖၣ်မၤယၤဒ်တၢ်လီၤသးဘၣ်အၢ,
ပှၤလၢအသ့ၣ်ညါယၤတဖၣ်ပျံၤယၤ,
တုၤအထံၣ်ယၤလၢကျဲဒီးဃ့ၢ်ကွံာ်ဝဲဒၣ်န့ၣ်လီၤ.
12 ပှၤကိးဂၤဒဲးသးပ့ၤနီၣ်ယၤဒ်ယမ့ၢ်
ပှၤသံတ့ၢ်တဂၤအသိး,
ယလီၤဂာ်ဒ်တၢ်တမံၤလၢအဘၣ်တၢ်
စူးကွံာ်အီၤန့ၣ်လီၤ.
13 ယနၢ်ဟူယဒုၣ်ယဒါအါဂၤကတိၤကသွံတၢ်,
တၢ်လီၤပျံၤအိၣ်ဝးတရံးယၤလီၤ.
အဝဲသ့ၣ်မၤထီၣ်တၢ်ကူၣ်တဖၣ်လၢအထီဒါယၤ,
14 ဘၣ်ဆၣ်ယတၢ်နာ်အံၤအိၣ်လၢနပူၤ, ယွၤဧၢ,
နမ့ၢ်ယကစၢ်ယွၤလီၤ.
15 ထီဘိယအိၣ်လၢနတၢ်အိၣ်ပှိၤယၤအပူၤလီၤ,
မၤပူၤဖျဲးယၤလၢယဒုၣ်ယဒါတဖၣ်,
ပှၤလၢအမၤသံယၤတဖၣ်န့ၣ်တက့ၢ်.
16 ကွၢ်လီၤနခ့နပှၤလၢတၢ်သးကညီၤအပူၤတက့ၢ်,
မၤပူၤမၤဖျဲးယၤလၢနတၢ်အဲၣ်ဂၢၢ်ကျၢၤ
အပူၤန့ၣ်တက့ၢ်.
17 ယကိးထီၣ်နၤ, ယွၤဧၢ, ပျဲယဘၣ်တၢ်မဲာ်ဆှးတဂ့ၤ.
မ်ပှၤအၢပှၤသီသ့ၣ်တဖၣ်
ဘၣ်တၢ်မၤမဲာ်ဆှးအီၤတက့ၢ်.
မ်အဝဲသ့ၣ်လဲၤလီၤဘှီၣ်ကလာ်ဆူ
တၢ်သံအကီၢ်ပူၤန့ၣ်တက့ၢ်.
18 ပှၤလီတၢ်ဖိသ့ၣ်တဖၣ်လၢအပာ်ထီၣ်ထီအသး
ဒီးအပာ်အသးကဖၢလၢ,
လၢအကတိၤတရီတပါပှၤတီပှၤလိၤတဖၣ်န့ၣ်,
မ်အနိးဖံးအိၣ်ဘှီၣ်ကလာ်တက့ၢ်.
19 နတၢ်ဂ့ၤလၢနပာ်ဖှိၣ်တ့ၢ်လၢ
ပှၤလၢအပျံၤနၤအဂီၢ်,
ဒီးလၢနကတဲာ်ကတီၤလၢ
ပှၤလၢအသန့ၤအသးလၢနၤအဂီၢ်
လၢပှၤကညီဖိအမဲာ်ညါန့ၣ်, မ့ၢ်အဒိၣ်ဆံးဒိၣ်လဲၣ်.
20 နပာ်တဒၢအဝဲသ့ၣ်လၢတၢ်ပူၤဖျဲးအလီၢ်လၢနမဲာ်ညါ,
လၢပှၤကညီအတၢ်ကူၣ်တဖၣ်,
နပၢၤဃာ်အဝဲသ့ၣ်လၢနဒဲအပူၤ,
လၢအဒုၣ်အဒါသ့ၣ်တဖၣ်
အတၢ်ကတိၤဒုၣ်ဒွဲၣ်န့ၣ်လီၤ.
21 မ်ယွၤဘၣ်တၢ်စံးထီၣ်ပတြၢၤအီၤတက့ၢ်.
အဂ့ၢ်ဒ်အံၤ, ဖဲယဘၣ်တၢ်ကဝီၤဃာ်ယၤလၢ
ဝ့ၢ်ပူၤဒီးဘၣ်တၢ်ထီဒါယၤအခါန့ၣ်,
အတၢ်အဲၣ်လၢအဒုးနဲၣ်ယၤအံၤ
22 ယပျံၤတၢ်ဒီးယဆိကမိၣ်ယဲလၢ
အဝဲဟီထီၣ်ကွံာ်ယၤလၢအမဲာ်ညါလံန့ၣ်လီၤ.
ဘၣ်ဆၣ်တုၤယကိးထီၣ်အီၤလၢတၢ်မၤစၢၤအဂီၢ်န့ၣ်ဒီး
23 အဲၣ်ယွၤ, အပှၤစီဆှံခဲလၢာ်သ့ၣ်ဧၢ,
ယွၤအံးထွဲကွၢ်ထွဲပှၤလၢအသးတီဒီးအီၤ,
ဘၣ်ဆၣ်ဟ့ၣ်ကၣ်ပှၤပာ်ထီၣ်ထီအသး
အါအါကလဲာ်န့ၣ်လီၤ.
24 ကယဲၢ်ပှၤလၢအမုၢ်လၢ်တၢ်လၢယွၤအပူၤ
ခဲလၢာ်သ့ၣ်ဧၢ, ပာ်ဆူၣ်သုသး,
ဒီးအိၣ်ဒီးတၢ်သူၣ်ဒူသးဒူတက့ၢ်.