စံးထီၣ်ပတြၢၤ 26
1 ယွၤဧၢ, စံၣ်ညီၣ်ယၤတက့ၢ်. အုၣ်နသးလၢယတၢ်ကမၣ်တအိၣ်ဘၣ်အဂ့ၢ်တက့ၢ်.
အဂ့ၢ်ဒ်အံၤ, ယမၤတၢ်လၢအမ့ၢ်အတီ
ဒီးယနာ်နၤလၢလၢပှဲၤပှဲၤလီၤ.
2 ဃုကွၢ်ယၤဒီးမၤကွၢ်ယၤ, ယွၤဧၢ,
စံၣ်ညီၣ်ယသးအတၢ်ဆၢန့ၢ်ဒီး
ယတၢ်ဆိကမိၣ်တဖၣ်န့ၣ်တက့ၢ်.
3 အဂ့ၢ်ဒ်အံၤ, နတၢ်အဲၣ်ဂၢၢ်ကျၢၤအိၣ်လၢယမဲာ်ညါ,
ဒီးယလဲၤတၢ်လၢတၢ်သးတီဒီးနၤအပူၤလီၤ.
4 ယတဆ့ၣ်နီၤဒီးပှၤလီတၢ်ဘၣ်,
ယတမၤဘၣ်ထွဲယသးဒီး
ပှၤပာ်မၤအသးသ့ၣ်တဖၣ်န့ၣ်ဘၣ်.
5 ယသးဟ့ပှၤမၤတၢ်အၢအတၢ်ရိဖှိၣ်
ဒီးဟးဆှဲးပှၤတတီတလိၤန့ၣ်လီၤ.
6 ယွၤဧၢ, ယသ့ယစုလၢတၢ်ဒဲးဘးတအိၣ်ဘၣ်အပူၤ
ဒီးလဲၤဆူနတၢ်လုၢ်လီၢ်လၢ
တၢ်ဘူၣ်ထီၣ်ဘါထီၣ်နၤအဂီၢ်လီၤ.
7 ယသးဝံၣ်တၢ်စံးထီၣ်ပတြၢၤအတၢ်သးဝံၣ်
ဒီးတဲဖျါထီၣ်နတၢ်မၤလီၤလးခဲလၢာ်လီၤ.
8 ယွၤဧၢ, ယအဲၣ်ဟံၣ်လၢနအိၣ်နဆိး,
တၢ်လီၢ်လၢနလၤကပီၤအိၣ်ဝဲအလီၢ်န့ၣ်လီၤ.
9 တဘၣ်မၤဟးဂီၤယၤဃုာ်ဒီးပှၤတၢ်ဒဲးဘးဖိသ့ၣ်တဖၣ်,
ဒီးယသးသမူဃုာ်ဒီးပှၤမၤသံတၢ်သ့ၣ်တဖၣ်,
10 ပှၤလၢအမၤတၢ်အၢကိးဆၢကတီၢ်ဒဲး
ဒီးပှၤလၢအိၣ်ကတဲာ်ကတီၤအသးထီဘိလၢ
ကဟံးန့ၢ်ခိၣ်ဖးကဘျံးကဘျၣ်န့ၣ်တဂ့ၤ.
11 ယဲဒၣ်ယၤအံၤ, ယမၤတၢ်လၢအမ့ၢ်အတီလီၤ.
သူၣ်ကညီၤသးကညီၤလၢ်ယၤဒီး
12 ယပူၤဖျဲးဒီးတၢ်ဘၣ်ယိၣ်ဘၣ်ဘီခဲလၢာ်,
ယစံးထီၣ်ပတြၢၤယွၤလၢအပှၤဂီၢ်မုၢ်
အတၢ်အိၣ်ဖှိၣ်ရိဖှိၣ်အပူၤလီၤ.