စံးထီၣ်ပတြၢၤ 150
1 စံးထီၣ်ပတြၢၤယွၤတက့ၢ်.
စံးထီၣ်ပတြၢၤကစၢ်ယွၤလၢ
အလီၢ်စီဆှံအပူၤန့ၣ်တက့ၢ်.
စံးထီၣ်ပတြၢၤအီၤလၢအစိအကမီၤ
အမူကပိာ်လိၤအပူၤန့ၣ်တက့ၢ်.
2 စံးထီၣ်ပတြၢၤအီၤလၢတၢ်မၤဖးဒိၣ်တဖၣ်လၢ
အမၤတ့ၢ်ဝဲအဃိန့ၣ်တက့ၢ်.
စံးထီၣ်ပတြၢၤအတၢ်ဒိၣ်တၢ်ထီကတၢၢ်
န့ၣ်တက့ၢ်.
3 စံးထီၣ်ပတြၢၤအီၤလၢကွဲၤအသီၣ်န့ၣ်တက့ၢ်.
စံးထီၣ်ပတြၢၤအီၤလၢသီတူၢ်ဒီးတနၢ်တက့ၢ်.
4 စံးထီၣ်ပတြၢၤအီၤလၢဒၢ, ဒီးတၢ်ဂဲၤကလံၣ်တက့ၢ်.
စံးထီၣ်ပတြၢၤအီၤလၢတၢ်လၢပှၤဒ့ဝဲဒီး
တၢ်လၢပှၤအူဝဲန့ၣ်တက့ၢ်.
5 စံးထီၣ်ပတြၢၤအီၤလၢစှၢၢ်စှံးအသီၣ်ထီၣ်မုာ်တက့ၢ်.
စံးထီၣ်ပတြၢၤအီၤလၢစှၢၢ်စှံးလၢ
အသီၣ်ဒိၣ်န့ၣ်တက့ၢ်.
6 မ်အတၢ်ဘၣ်တ့လၢအမူခဲလၢာ်စံးထီၣ်ပတြၢၤယွၤတက့ၢ်.
စံးထီၣ်ပတြၢၤယွၤတက့ၢ်.