စံးထီၣ်ပတြၢၤ 148
1 စံးထီၣ်ပတြၢၤယွၤတက့ၢ်.
သုဝဲလၢအအိၣ်လၢတၢ်လီၢ်ထီၣ်ထီသ့ၣ်ဧၢ,
စံးထီၣ်ပတြၢၤယွၤလၢမူခိၣ်န့ၣ်တက့ၢ်.
2 အကလူးခဲလၢာ်ဒီးအမူခိၣ်သုးမုၢ်ဂီၢ်မုၢ်
ခဲလၢာ်သ့ၣ်ဧၢ,
3 မုၢ်ဒီးလါသ့ၣ်ဧၢ, စံးထီၣ်ပတြၢၤအီၤတက့ၢ်.
တၢ်ကပီၤအဆၣ်ဧိၤဖီဧိၤခဲလၢာ်သ့ၣ်ဧၢ,
စံးထီၣ်ပတြၢၤအီၤတက့ၢ်.
4 မူခိၣ်အထီကတၢၢ်ဒီးထံဧိၤနိဧိၤအိၣ်လၢ
မူခိၣ်အဖီခိၣ်သ့ၣ်ဧၢ, စံးထီၣ်ပတြၢၤအီၤတက့ၢ်.
5 မ်တၢ်ခဲလၢာ်စံးထီၣ်ပတြၢၤယွၤအမံၤန့ၣ်တက့ၢ်.
အဝဲမၤလိာ်တၢ်ဒီးအဝဲသ့ၣ်ကဲထီၣ်လီၤ.
6 ဒီးအဝဲမၤဂၢၢ်မၤကျၢၤအဝဲသ့ၣ်လီၤစိၤလီၤထီ,
အဝဲပာ်လီၤတၢ်မၤလိာ်လၢတၢ်လုၢ်သ့ၣ်ခါပတာ်
7 မ်တၢ်အိၣ်လၢဟီၣ်ခိၣ်ခဲလၢာ် ပီၣ်လဲၣ်အပယိၤဒီးထံယိာ်
ပူၤခဲလၢာ်, စံးထီၣ်ပတြၢၤယွၤတက့ၢ်.
8 လီဝၢ်ဒံးဒီးသူၣ်, မူခိၣ်ဖီဒီးတၢ်အၢၣ်တဖၣ်,
ကလံၤမုၢ်ဆူၣ်လၢအမၤလၢပှဲၤအတၢ်မၤလိာ်ဧၢ,
9 စံးထီၣ်ပတြၢၤအီၤ, ကစၢၢ်ကလိဒီးကယဲၢ်တၢ်စိခိၣ်,
သ့ၣ်လၢအသၣ်ထီၣ်ဒီးကယဲၢ်သ့ၣ်ဆှိအ့ရ့း,
10 ဆၣ်ဖိကီၢ်ဖိအမံၤဒီးဆၣ်ဖိကီၢ်ဖိအဒၢ,
တၢ်လၢအစွါဒီးထိၣ်လၢအယူၤတဖၣ်ဧၢ,
11 စံးထီၣ်ပတြၢၤအီၤ, ဟီၣ်ခိၣ်အစီၤပၤတဖၣ်ဒီးပှၤဂီၢ်မုၢ်ခဲလၢာ်,
စီၤပၤဖိတဖၣ်ဒီး
ကယဲၢ်ပှၤပၢတၢ်အဂၤခဲလၢာ်,
12 ပှၤဖိၣ်သၣ်ခွါတဖၣ်ဒီးပှၤမုၣ်ကနီၤတဖၣ်,
ပှၤသးပှၢ်တဖၣ်ဒီးပှၤဖိသၣ်တဖၣ်စ့ၢ်ကီး,
13 မ်အဝဲသ့ၣ်ခဲလၢာ်စံးထီၣ်ပတြၢၤယွၤအမံၤတက့ၢ်.
အဂ့ၢ်ဒ်အံၤ,
အဝဲအမံၤဒိၣ်န့ၢ်ဒံးကယဲၢ်မံၤအဂၤခဲလၢာ်န့ၣ်လီၤ.
အလၤကပီၤအိၣ်ထီၣ်ထီဝဲလၢ
ဟီၣ်ခိၣ်ဒီးမူခိၣ်အဖီခိၣ်န့ၣ်လီၤ.
14 အဝဲမၤဆူၣ်ထီၣ်အပှၤကလုာ်အဂံၢ်အဘါ
ဒ်သိးအပှၤဂီၢ်မုၢ်ခဲလၢာ်, ကီၢ်အံၣ်စရ့လးအပှၤဂီၢ်မုၢ်လၢ
အအဲၣ်ဝဲဒိၣ်မးကစံးထီၣ်ပတြၢၤအီၤန့ၣ်လီၤ.
စံးထီၣ်ပတြၢၤယွၤတက့ၢ်.