စံးထီၣ်ပတြၢၤ 141
1 ယွၤဧၢ, ယကိးထီၣ်နၤလီၤ.
မၤချ့ချ့လၢယဂီၢ်တက့ၢ်.
တုၤယကိးထီၣ်နၤဒီး, ကနၣ်ယကလုၢ်တက့ၢ်.
2 မ်ယဘါထုကဖၣ်တၢ်အံၤဘၣ်တၢ်ဂံၢ်အီၤဒ်
တၢ်ဆိၣ်ကဲၤနၢမူအသိးလၢနမဲာ်ညါ,
ဒီးယယူာ်ထီၣ်ယစုအံၤဒ်တၢ်လုၢ်လၢ
3 ယွၤဧၢ, ပာ်တၢ်ပၢၤလၢယထးခိၣ်
ဒီးပၢၤဃာ်ယနိးဖံးအတြဲၤတက့ၢ်.
4 သုတဘိးဃၣ်ယသးဆူတၢ်အၢဒ်သိးယကလဲၤတၢ်
ဒီးပှၤမၤတၢ်အၢလၢအတၢ်မၤ
တၢ်အၢတၢ်သီအပူၤန့ၣ်တဂ့ၤ.
ဒီးမ်ယသုတအီၣ်အတၢ်အီၣ်ဝံၣ်တဖၣ်တဂ့ၤ.
5 မ်ပှၤအတီအလိၤတီၢ်ယၤ မ့တမ့ၢ်သိၣ်ဃီၣ်ယၤလၢ
တၢ်သးကညီၤအပူၤန့ၣ်တက့ၢ်.
မ်ပှၤအအၢအသီအသိအသုတဘၣ်တၢ်ဖှူအီၤလၢ
ယခိၣ်နီတဘျီတဂ့ၤ.
အဂ့ၢ်ဒ်အံၤ, ယထုကဖၣ်တၢ်ထီဒါ
အတၢ်အၢတၢ်သီတဘိယူၢ်ဃီန့ၣ်လီၤ.
6 တုၤအပှၤပၢတၢ်တဖၣ်ဘၣ်တၢ်တ့ၢ်လီၤကွံာ်အီၤလၢ
လ့ကဘျၣ်တဖၣ်အလိၤ,
ဒီးပှၤဂီၢ်မုၢ်ကအၢၣ်လီၤလၢ
ယတၢ်ကတိၤတဖၣ်မ့ၢ်ဝဲတီဝဲန့ၣ်လီၤ.
7 အဃံအကွဲလီၤပြံလီၤပြါလၢ တၢ်သွၣ်ခိၣ်အခိၣ်ထိး
ဒ်ပှၤထဲၣ်တၢ်တဂၤမၤလီၤကလဲ
8 မ့မ့ၢ်ယဲဒၣ်အံၤ, ယမဲာ်ကွၢ်စူၢ်တၢ်ဆူနအိၣ်
ယယွၤပၢဘၣ်တၢ်ခဲလၢာ်တဂၤဧၢ,
ယဃုတၢ်အိၣ်တဒၢလၢနပူၤလီၤ.
ဟ့ၣ်လီၤကွံာ်ယၤဆူတၢ်သံအပူၤတဂ့ၤ.
9 ပၢၤယၤလၢပျံၤသကွီၤလၢပှၤပာ်လီၤလၢယဂီၢ်
ဒီးလၢပှၤမၤတၢ်အၢတဖၣ်အထုဝၣ်ခီန့ၣ်တက့ၢ်.
10 မ်ပှၤအၢပှၤသီလီၤတဲာ်ကွံာ်ဆူအပျံၤသကွီၤဒၣ်ဝဲအပူၤ,
ဖဲယထူၣ်ဖျဲးန့ၣ်တက့ၢ်.