စံးထီၣ်ပတြၢၤ 136
1 စံးထီၣ်ပတြၢၤယွၤတက့ၢ်.
အဂ့ၢ်ဒ်အံၤ, အဝဲဒၣ်န့ၣ်ဂ့ၤဝဲလီၤ.
အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ
အိၣ်ဝဲလီၤစိၤလီၤထီလီၤ.
2 စံးထီၣ်ပတြၢၤကစၢ်တဖၣ်အကစၢ်အဒိၣ်ကတၢၢ်တဂၤတက့ၢ်.
အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ
အိၣ်ဝဲလီၤစိၤလီၤထီလီၤ.
3 စံးထီၣ်ပတြၢၤယွၤတဖၣ်အယွၤလၢအဂံၢ်ဆူၣ်ဘါဆူၣ် ကတၢၢ်တဂၤတက့ၢ်.
အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ
4 ထဲအဝဲဒၣ်တဂၤဧိၤမၤတၢ်လီၤလိၢ်လီၤလး
ဖးဒိၣ်တဖၣ်န့ၣ်လီၤ.
အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ
အိၣ်ဝဲလီၤစိၤလီၤထီလီၤ.
5 အဝဲတ့လီၤဝဲမူခိၣ်လၢအတၢ်ကူၣ်သ့ကူၣ်ဘၣ်လီၤ.
အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ
အိၣ်ဝဲလီၤစိၤလီၤထီလီၤ.
6 အဝဲဒါလီၤဟီၣ်ခိၣ်လၢထံယိာ်ပူၤလီၤ.
အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ
အိၣ်ဝဲလီၤစိၤလီၤထီလီၤ.
7 အဝဲတ့လီၤတၢ်ကပီၤဖးဒိၣ်တဖၣ်လီၤ.
အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ
အိၣ်ဝဲလီၤစိၤလီၤထီလီၤ.
8 မုၢ်တဖျၢၣ်ဒ်သိးအကပၢမုၢ်နံၤလီၤ.
အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ
အိၣ်ဝဲလီၤစိၤလီၤထီလီၤ.
9 လါတဖျၢၣ်ဒီးဆၣ်သ့ၣ်တဖၣ်ဒ်သိးအကပၢမုၢ်နၤလီၤ.
အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ
10 အဝဲကျီသံကွံာ်ပှၤအဲၤကူပတူးဖိအဖိဝဲၢ်ကိလီၤ.
အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ
အိၣ်ဝဲလီၤစိၤလီၤထီလီၤ.
11 ဒီးဒုးဟးထီၣ်ကွံာ်အံၣ်စရ့လးလၢကီၢ်အဲၤကူပတူးအပူၤ လီၤ.
အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ
အိၣ်ဝဲလီၤစိၤလီၤထီလီၤ.
12 အိၣ်ဒီးအစုဆူၣ်ဒီးအစုဒုၣ်လၢ
အယူာ်ထီၣ်အသးလီၤ.
အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ
အိၣ်ဝဲလီၤစိၤလီၤထီလီၤ.
13 မၤသ့ၣ်ဖးပီၣ်လဲၣ်ဂီၤခံခီလီၤ.
အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ
အိၣ်ဝဲလီၤစိၤလီၤထီလီၤ.
14 ဒီးဒုးခီဂာ်အံၣ်စရ့လးလၢအသးကံၢ်ပူၤလီၤ.
အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ
အိၣ်ဝဲလီၤစိၤလီၤထီလီၤ.
15 မ့မ့ၢ်မၤလီၤအုးသံကွံာ်ဖၤရိၤဒီးအသုးမုၢ် လၢပီၣ်လဲၣ်ဂီၤအပူၤလီၤ.
အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ
16 ဆှၢခီဖျိအပှၤဂီၢ်မုၢ်လၢပှၢ်မုၢ်ကနၢအပူၤလီၤ.
အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ
အိၣ်ဝဲလီၤစိၤလီၤထီလီၤ.
17 ကျီသံကွံာ်စီၤပၤဖးဒိၣ်တဖၣ်လီၤ.
အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ
အိၣ်ဝဲလီၤစိၤလီၤထီလီၤ.
18 ဒီးမၤသံကွံာ်စီၤပၤလၢအမံၤဟူထီသါလီၤတဖၣ်လီၤ.
အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ
အိၣ်ဝဲလီၤစိၤလီၤထီလီၤ.
19 မၤသံပှၤအမိၢ်ဖိအစီၤပၤစံဃိၣ်လီၤ.
အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ
အိၣ်ဝဲလီၤစိၤလီၤထီလီၤ.
20 ဒီးမၤသံဘၤၡၣ်အစီၤပၤဧိာ်လီၤ.
အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ
အိၣ်ဝဲလီၤစိၤလီၤထီလီၤ.
21 ဒီးဟ့ၣ်လီၤအထံအကီၢ်ဆူအပှၤဂီၢ်မုၢ် အအိၣ်လီၤ.
အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ
အိၣ်ဝဲလီၤစိၤလီၤထီလီၤ.
22 ဟ့ၣ်တၢ်န့ၢ်သါလၢအခ့အပှၤ, အံၣ်စရ့လးအဂီၢ်လီၤ.
အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ
23 ဒီးသ့ၣ်နီၣ်ထီၣ်က့ၤပှၤဖဲပဒုၣ်ပဒါမၤနၢၤပှၤ
အကတီၢ်န့ၣ်လီၤ.
အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ
အိၣ်ဝဲလီၤစိၤလီၤထီလီၤ.
24 ဒီးမၤပူၤမၤဖျဲးပှၤလၢပဒုၣ်ပဒါန့ၣ်လီၤ.
အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ
အိၣ်ဝဲလီၤစိၤလီၤထီလီၤ.
25 ဟ့ၣ်လီၤတၢ်အီၣ်တၢ်အီလၢကယဲၢ်တၢ်လၢ
အအိၣ်ဒီးအသးသမူခဲလၢာ်န့ၣ်လီၤ.
အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ
26 စံးထီၣ်ပတြၢၤကစၢ်ယွၤလၢအအိၣ်ဝဲလၢမူခိၣ်န့ၣ်တက့ၢ်.
အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ
အိၣ်ဝဲလီၤစိၤလီၤထီလီၤ.