စံးထီၣ်ပတြၢၤ 128
1 ကယဲၢ်ပှၤလၢအပျံၤယွၤ,
ဒီးပိာ်အကျဲတဖၣ်န့ၣ်ဘၣ်ဆိၣ်ဂ့ၤဝဲလီၤ.
2 နကအီၣ်နစုအတၢ်ဖံးတၢ်မၤအတၤသၣ်,
နကသူၣ်ဖှံသးညီဒီးနကအိၣ်မုာ်လီၤ.
3 နမါကမၤအသးဒ်စပံးမုၢ်လၢအသၣ်ထီၣ်တမုၢ်လၢ
နဟံၣ်ပူၤအသိး, ဒီးနဖိနလံၤကမၤအသးဒ်
သ့ၣ်စၤယံးအထံးသ့ၣ်တဖၣ်
အိၣ်ဝးတရံးနစီၢ်နီၤခိၣ်အသိးန့ၣ်လီၤ.
4 ကွၢ်ကွၢ်, ပှၤလၢအပျံၤယွၤန့ၣ်
ကဘၣ်တၢ်ဆိၣ်ဂ့ၤဒ်န့ၣ်အသိးလီၤ.
5 မ်ယွၤဆိၣ်ဂ့ၤနၤလၢစံယိၣ်,
မ်နထံၣ်ဘၣ်ယရူၤၡလ့ၣ်အတၢ်အီၣ်ကုးအီပှဲၤ
တစိၤဒၣ်နၤတက့ၢ်.
6 မ်နကထံၣ်ဘၣ်နဖိတဖၣ်အဖိတက့ၢ်.
မ်တၢ်ဃူတၢ်ဖိးအိၣ်ဒီးအံၣ်စရ့လးတက့ၢ်.