စံးထီၣ်ပတြၢၤ 103
1 ယသးဧၢ, စံးထီၣ်ပတြၢၤယွၤတက့ၢ်.
ဒီးကယဲၢ်တၢ်အိၣ်လၢယပူၤခဲလၢာ်သ့ၣ်ဧၢ,
စံးထီၣ်ပတြၢၤအမံၤစီဆှံန့ၣ်တက့ၢ်.
2 ယသးဧၢ, စံးထီၣ်ပတြၢၤယွၤတက့ၢ်.
ဒီးအတၢ်မၤဂ့ၤတဖၣ်န့ၣ်
မ်နသုတသးပ့ၤနီၣ်နီတမံၤတဂ့ၤ.
3 အဝဲဒၣ်န့ၣ်,
မ့ၢ်ပှၤလၢအပျၢ်နတၢ်သရူးနတၢ်ကမၣ်ခဲလၢာ်,
ဒီးမ့ၢ်ပှၤလၢအမၤဘျါက့ၤ
နတၢ်ဆူးတၢ်ဆါကိးမံၤဒဲး,
4 မ့ၢ်ပှၤလၢအပှ့ၤက့ၤနသးသမူလၢတၢ်ဟးဂီၤ,
ဒီးမ့ၢ်ပှၤလၢအဒုးကုာ်ထီၣ်နၤလၢ
တၢ်အဲၣ်ဂၢၢ်ကျၢၤဒီးတၢ်သးကညီၤ,
5 မ့ၢ်ပှၤလၢအဒုးမံသူၣ်မံသးနထးခိၣ်လၢ
တၢ်ဂ့ၤဖဲနအိၣ်မူဒံးအခါ,
ဒီးနဖိၣ်သၣ်ခွါထီၣ်က့ၤကဒီးဒ်
လံာ်ဧိၤတြၤဧိၤအသိးန့ၣ်လီၤ.
6 ယွၤမၤတၢ်တီတၢ်လိၤဒီးတၢ်မ့ၢ်တၢ်တီလၢ
ကယဲၢ်ပှၤလၢတၢ်မၤအၢမၤနးအီၤအဂီၢ်လီၤ.
7 အဝဲဒုးသ့ၣ်ညါစီၤမိၤၡ့လၢအကျဲဧိၤကပူၤဧိၤ,
ဒီးပှၤအံၣ်စရ့လးဖိလၢ
အတၢ်ဖံးတၢ်မၤတဖၣ်န့ၣ်လီၤ.
8 ယွၤသူၣ်ကညီၤသးကညီၤတၢ်ဒီး
သူၣ်အိၣ်သးအိၣ်တၢ်,
အသးထီၣ်ကီဒီးအတၢ်အဲၣ်ဂၢၢ်ကျၢၤ
အိၣ်ဝဲအါမးလီၤ.
9 တသိၣ်ဃီၣ်တၢ်တထံၣ်ဃီဘၣ်,
ဒီးအတၢ်သးထီၣ်န့ၣ်တပာ်ဝဲလီၤထူလီၤယိာ်ဘၣ်.
10 တမၤဘၣ်ပှၤဒ်ပတၢ်ဒဲးဘးအသိးဘၣ်,
ဒီးတဟ့ၣ်ကၣ်ပှၤဒ်ပတၢ်သရူးကမၣ်အသိးဘၣ်.
11 အဂ့ၢ်ဒ်အံၤ, ဒ်မူခိၣ်ကစီၤထီၣ်ဝဲလၢ
ဟီၣ်ခိၣ်အဖီခိၣ်အသိးန့ၣ်
အတၢ်အဲၣ်ဂၢၢ်ကျၢၤဒိၣ်ဝဲအါဝဲလၢ
ပှၤလၢအပျံၤအီၤအဂီၢ်ဒ်န့ၣ်အသိးလီၤ.
12 ဒ်မုၢ်ထီၣ်တခီယံၤဝဲဒီးမုၢ်နုာ်အသိးန့ၣ်,
အဝဲသုးကွံာ်ပတၢ်သရူးကမၣ်ဒီးပှၤလီၤ.
13 ဒ်ပၢ်သူၣ်ကညီၤသးကညီၤအဖိအလံၤအသိးန့ၣ်,
ယွၤသူၣ်ကညီၤသးကညီၤပှၤလၢအပျံၤအီၤလီၤ.
14 အဂ့ၢ်ဒ်အံၤ, သ့ၣ်ညါဝဲပဘၣ်တၢ်တ့ပှၤဒ်လဲၣ်န့ၣ်လီၤ.
အဝဲသ့ၣ်နီၣ်ထီၣ်က့ၤဝဲလၢ
15 တၢ်လၢပှၤကညီအံၤ, အမုၢ်နံၤမၤအသးဒ်
နီၣ်ဧိၤမံၤဧိၤအသိးလီၤ.
အဝဲဟဲထီၣ်ဝဲဒ်သံၣ်ဧိၤဖီဧိၤလၢပျီပူၤအသိးလီၤ.
16 အဂ့ၢ်ဒ်အံၤ, ကလံၤအူတၢ်လၢအလိၤ,
ဒီးလဲၤပူၤကွံာ်ဝဲန့ၣ်လီၤ.
ဒီးပှၤတထံၣ်လၢၤဘၣ်အီၤနီတဂၤဘၣ်.
17 မ့မ့ၢ်ယွၤအတၢ်အဲၣ်ဂၢၢ်ကျၢၤအိၣ်ဝဲလၢ
ပှၤလၢအပျံၤအီၤတဖၣ်အလိၤလီၤစိၤလီၤထီ
ဒီးအတၢ်ဂ့ၤတၢ်ဝါန့ၣ်အိၣ်ဂၢၢ်ဆိးကျၢၤကိးစိၤဒဲး,
18 ဒီးလၢပှၤလၢအတိၢ်န့ၢ်အတၢ်အၢၣ်လီၤအီလီၤ
ဒီးသ့ၣ်နီၣ်ထီၣ်က့ၤအတၢ်မၤလိာ်ဒ်သိး
19 ယွၤပာ်လီၤအလီၢ်ပစိာ်လၢမူခိၣ်, ဒီးအဘီအမုၢ်န့ၣ်
ပၢတၢ်လၢတၢ်ခဲလၢာ်အဖီခိၣ်လီၤ.
20 အကလူးလၢအဂံၢ်ဆူၣ်ဘါဆူၣ်, ဒီးမၤအတၢ်,
ဒီးကနၣ်အတၢ်ကတိၤအသီၣ်သ့ၣ်ဧၢ,
စံးထီၣ်ပတြၢၤယွၤတက့ၢ်.
21 ကယဲၢ်အပှၤသုးမုၢ်, အခ့အပှၤလၢ
အမၤတၢ်ဘၣ်အသးသုဝဲသ့ၣ်ဧၢ,
စံးထီၣ်ပတြၢၤယွၤတက့ၢ်.
22 ကယဲၢ်တၢ်လၢယွၤတ့လီၤဝဲကိးမံၤဒဲး
လၢအအိၣ်ဝဲလၢအဘီအမုၢ်အပူၤ
တမံၤလၢ်လၢ်သ့ၣ်ဧၢ,
စံးထီၣ်ပတြၢၤယွၤတက့ၢ်.
ယသးဧၢ, စံးထီၣ်ပတြၢၤယွၤတက့ၢ်.