စံးထီၣ်ပတြၢၤ 101
1 ယတၢ်သးဝံၣ်မ့ၢ်တၢ်သးတီဒီး
တၢ်စံၣ်ညီၣ်တီအဂ့ၢ်,
ဒီးယကသးဝံၣ်အီၤဆူနအိၣ်, ယွၤဧၢ
2 ယကပလီၢ်ယသးလၢညါ လၢတၢ်အိၣ်မူလၢ တၢ်ပာ်တၢ်ကမၣ်
လၢအလိၤအလီၢ်တအိၣ်ဘၣ်အပူၤန့ၣ်လီး.
လၢယဟံၣ်ပူၤန့ၣ်, ယကအိၣ်မူလၢ တၢ်သးကဆှီအပူၤ,
3 ဒီး တပျဲတၢ်အၢတၢ်သီမၤအသး နီတစုဘၣ်.
ပှၤတဖၣ်လၢ အဃၣ်ကွံာ်အသးယံၤဒီး
ကစၢ်ယွၤအတၢ်ဖံးတၢ်မၤန့ၣ် ယသးဟ့အီၤ,
ဒီးယတမၤဘၣ်အၢယသးဒီး အဝဲသ့ၣ်ဘၣ်.
4 တၢ်သးက့ၣ်န့ၣ်ကဟးဖးဒီးယၤလီၤ.
ယကအိၣ်တီတီလိၤလိၤဒီး တမၤဘၣ်ဃးဘၣ်ယသးဒီး တၢ်အၢတၢ်သီနီတစဲးဘၣ်.
တၢ်အၢန့ၣ်ယတသ့ၣ်ညါဘၣ်.
5 ပှၤလၢအခဲၣ်သူခဲၣ်ဂီၤပှၤအိၣ်လၢအဃၢၤန့ၣ်
ယကမၤဟးဂီၤကွံာ်အီၤလီၤ.
ပှၤလၢအပာ်ထီၣ်ထီအသးဒီးပာ်ကဖၢလၢအသးန့ၣ်,
ယတပျဲပူၤအီၤနီတဂၤဘၣ်
6 ပှၤလၢအသူၣ်တီသးရၤဒီး ကစၢ်ယွၤန့ၣ်,
ယကဘၣ်သူၣ်ဘၣ်သးအီၤဒီး ဒုးအိၣ်အီၤလၢ ယနူၢ်ပူၤစီၤပူၤလီၤ.
ပှၤတဖၣ်လၢ
အအိၣ်တၢ်သးတီအလၢအပှဲၤန့ၣ်
7 ပှၤလၢအလီတၢ်န့ၣ် တအိၣ်တဆိးဘၣ်လၢ
ယနူၢ်ပူၤစီၤပူၤဘၣ်.
ပှၤလၢအပာ်မၤအသးတဖၣ်န့ၣ်
တအိၣ်တဆိးဘၣ်လၢယမဲာ်ညါနီတဂၤဘၣ်.
8 ယကမၤဟးဂီၤပှၤတတီတလိၤလၢ
ပကီၢ်ပူၤတနံၤဘၣ်တနံၤ
ဒီးဟီထီၣ်ကွံာ်ကယဲၢ်ပှၤမၤတၢ်အၢလၢ
ယွၤအဝ့ၢ်ပူၤန့ၣ်လီၤ.