30
1 စီၤမိၤၡ့ဟ့ၣ်လီၤတၢ်သိၣ်လိနဲၣ်ယုၤတဖၣ်ဒ်လၢလာ်အံၤဆူ အံၣ်စရ့လးအဒူၣ်တဖၣ်အခိၣ်အနၢ်တဖၣ်အအိၣ်န့ၣ်လီၤ.
2 ဖဲပှၤတဂၤမၤတၢ်ဆိၣ်တမံၤလၢကဟ့ၣ်တၢ်တမံၤမံၤဆူယွၤအအိၣ်, မ့တမ့ၢ်မၤတၢ်ဆိၣ်တမံၤလၢကဟးဆှဲးတၢ်တမံၤမံၤဒီးအဝဲ တဘၣ်မၤဟးဂီၤအတၢ်အၢၣ်လီၤအီလီၤဘၣ်. မ့မ့ၢ်ကဘၣ်မၤတၢ်ကိးမံၤဒဲးလၢစံးတ့ၢ်ဝဲလၢကမၤဝဲန့ၣ်လီၤ.
3 ဖဲပိာ်မုာ်သးစၢ်တဂၤအိၣ်ဒံးဝဲလၢအပၢ်အဟံၣ်ပူၤဒီးမၤတၢ် ဆိၣ်တမံၤလၢကဟ့ၣ်တၢ်တမံၤမံၤဆူယွၤမ့ၢ်ဂ့ၤ, အၢၣ်လီၤအီလီၤဝဲလၢကဟးဆှဲးလၢတၢ်တမံၤမံၤမ့ၢ်ဂ့ၤန့ၣ်,
4 မ့တမ့ၢ်လၢအပၢ်နၢ်ဟူဘၣ်တၢ်ဂ့ၢ်န့ၣ်ဒီးပာ်လီၤတၢ်တြီ တမံၤဘၣ်အဃိန့ၣ်, အဝဲကဘၣ်မၤကယဲၢ်တၢ်ခဲလၢာ်လၢ အဆိၣ်တ့ၢ်ဝဲမ့ၢ်ဂ့ၤ, အၢၣ်လီၤတ့ၢ်ဝဲမ့ၢ်ဂ့ၤန့ၣ်လီၤ.
5 ဘၣ်ဆၣ်ဒီးအပၢ်မ့ၢ်တြီအီၤလၢကမၤလၢထီၣ်ပှဲၤထီၣ်တၢ်လၢ အဆိၣ်တ့ၢ်ဝဲ, ဖဲအဝဲနၢ်ဟူတၢ်ဂ့ၢ်န့ၣ်ဒီးပိာ်မုၣ်သးစၢ်တဂၤန့ၣ် တလိၣ်လၢကဘၣ်တိၢ်န့ၢ်ဖံးဃာ်အတၢ်ဆိၣ်လၢၤဘၣ်. ယွၤကပျၢ်ဖျဲးအီၤမ့ၢ်လၢအပၢ်တပျဲအဝဲတိၢ်န့ၢ်ဖံးဃာ်အီၤဘၣ် အဃိန့ၣ်လီၤ.
6 ဖဲပိာ်မုၣ်တဂၤလၢတအိၣ်ဒီးအဝၤမၤတၢ်ဆိၣ်တမံၤလၢတၢ်ပာ်သူၣ် ပာ်သးလီၤတံၢ်လီၤဆဲးအပူၤမ့ၢ်ဂ့ၤ, လၢတၢ်တပာ်သူၣ်ပာ်သးအပူၤမ့ၢ်ဂ့ၤ, မ့တမ့ၢ်အၢၣ်လီၤအီလီၤဝဲလၢကဟးဆှဲးတၢ်တမံၤမံၤဝံၤဒီး, ဒိးတ့ဒိးဖျီအသးန့ၣ်,
7 မ့တမ့ၢ်ဘၣ်လၢအဝၤပာ်လီၤတၢ်တြီတမံၤဖဲအဝဲနၢ်ဟူဘၣ်တၢ်ဂ့ၢ် န့ၣ်ဘၣ်အဃိဒီးအဝဲကဘၣ်မၤကယဲၢ်တၢ်ကိးမံၤဒဲးလၢအဆိၣ်တ့ၢ်ဝဲ မ့ၢ်ဂ့ၤ, အၢၣ်လီၤတ့ၢ်ဝဲမ့ၢ်ဂ့ၤန့ၣ်လီၤ.
8 ဘၣ်ဆၣ်ဒီးအဝဲအဝၤမ့ၢ်တြီအီၤလၢကမၤလၢထီၣ်ပှဲၤထီၣ်တၢ်ဆိၣ် ဖဲအဝဲနၢ်ဟူဘၣ်တၢ်ဂ့ၢ်န့ၣ်ဒီး, တလိၣ်လၢပိာ်မုၣ်န့ၣ်ကတိၢ်န့ၢ်ဖံးဃာ်အတၢ်အၢၣ်လီၤဘၣ်. ကစၢ်ယွၤကပျၢ်ဖျဲးအီၤလီၤ.
9 မုၣ်ကမဲတဂၤမ့ၢ်ဂ့ၤ, ပိာ်မုၣ်လၢအလီၤဖးဒီးအဝၤတဂၤမ့ၢ်ဂ့ၤ ကဘၣ်တိၢ်န့ၢ်ဖံးဃာ်ကယဲၢ်အတၢ်ဆိၣ်ကိးမံၤလၢအမၤဝဲဒီးကယဲၢ် တၢ်အၢၣ်လီၤလၢကဟးဆှဲးတၢ်တမံၤမံၤအဂီၢ်န့ၣ်လီၤ.
10 ပိာ်မုၣ်လၢအဝၤအိၣ်တ့ၢ်လံတဂၤ, မ့ၢ်မၤတၢ်ဆိၣ်တၢ်တမံၤမ့ၢ် ဂ့ၤတၢ်အၢၣ်လီၤတဖၣ်လၢကဟးဆှဲးတၢ်တမံၤမံၤအဂီၢ်မ့ၢ်ဂ့ၤဒီး,
11 မ့တမ့ၢ်ဘၣ်လၢအဝၤပာ်လီၤတၢ်တြီတမံၤဖဲလၢအဝဲနၢ်ဟူ တၢ်ဂ့ၢ်န့ၣ်ဒီး, ပိာ်မုၣ်န့ၣ်ကဘၣ်မၤတၢ်ကိးမံၤဒဲးလၢအဆိၣ်ဝဲ မ့ၢ်ဂ့ၤ, တၢ်လၢအအၢၣ်လီၤအီလီၤတ့ၢ်ဝဲမ့ၢ်ဂ့ၤန့ၣ်လီၤ.
12 ဘၣ်ဆၣ်ဒီးအဝၤမ့ၢ်တြီအီၤလၢကမၤလၢပှဲၤအတၢ်ဆိၣ်, ဖဲအဝဲနၢ်ဟူတၢ်ဂ့ၢ်န့ၣ်ဒီး, ပိာ်မုၣ်န့ၣ်တိၢ်န့ၢ်ဖံးဃာ်အတၢ် အၢၣ်လီၤအလီၢ်တအိၣ်ဘၣ်. ယွၤကပျၢ်ဖျဲးကွံာ်အီၤလီၤ. အဂ့ၢ်ဒ်အံၤအဝၤ, တြီအီၤလၢကတိၢ်န့ၢ်ဖံးဃာ်အတၢ်ဆိၣ်န့ၣ်လီၤ.
13 ပိာ်မုၣ်န့ၣ်အဝၤအိၣ်ဒီးတၢ်စိတၢ်ကမီၤလၢကမၤဂၢၢ်မၤကျၢၤမ့ၢ် ဂ့ၤမၤဟးဂီၤကွံာ်တၢ်ဆိၣ်မ့တမ့ၢ်တၢ်အၢၣ်လီၤအီလီၤတမံၤလၢ် လၢ်လၢပိာ်မုၣ်မၤဝဲန့ၣ်လီၤ.
14 ဘၣ်ဆၣ်ဒီးတုၤမုၢ်တနံၤဖဲအဝဲနၢ်ဟူဘၣ်တၢ်ဆိၣ်န့ၣ်အဂ့ၢ်ဝံၤ အလီၢ်ခံ, အဝဲမ့ၢ်တပာ်လီၤတၢ်တြီနီတမံၤဘၣ်ဒီး, ပိာ်မုၣ်န့ၣ်ကဘၣ်မၤကယဲၢ်တၢ်ကိးအမံၤဒဲးလၢအဆိၣ်တ့ၢ်ဝဲမ့ၢ် ဂ့ၤအၢၣ်လီၤအီလီၤတ့ၢ်ဝဲမ့ၢ်ဂ့ၤန့ၣ်လီၤ. အဝဲအဝၤမၤဂၢၢ်မၤကျၢၤတၢ်ဆိၣ်န့ၣ်ခီဖျိလၢအတထီဒါဘၣ်တၢ်ဂ့ၢ်န့ၣ် ဖဲမုၢ်တနံၤလၢအနၢ်ဟူဘၣ်ဝဲအဃိလီၤ.
15 ဘၣ်ဆၣ်ဒီးဝၤတဂၤန့ၣ်လၢခံမ့ၢ်မၤဟးဂီၤတၢ်ဆိၣ်န့ၣ်ဒီးအဝဲ ကဘၣ်တူၢ်တၢ်လီၤတိၢ်ကွံာ်လၢတၢ်မၤလၢပှဲၤတၢ်ဆိၣ်အဘူး အလဲတဖၣ်အဂီၢ်န့ၣ်လီၤ.
16 တၢ်သ့ၣ်တဖၣ်အံၤမ့ၢ်တၢ်သိၣ်တၢ်ဘျၢတဖၣ်လၢယွၤဟ့ၣ်လီၤ စီၤမိၤၡ့ဘၣ်ဃးဒီးတၢ်ဆိၣ်တဖၣ်လၢအဘၣ်တၢ်မၤအီၤ, လၢပိာ်မုၣ်တဂၤလၢတဒိးတ့ဒိးဖျီဒံးအသးအိၣ်ဒံးလၢအပၢ် အဟံၣ်ပူၤအဂီၢ်မ့ၢ်ဂ့ၤ, လၢပိာ်မုၣ်တဂၤလၢအဒိးတ့ဒိးဖျီ အသးဝံၤလံအဂီၢ်မ့ၢ်ဂ့ၤန့ၣ်လီၤ.