2
1 ယွၤဟ့ၣ်လီၤစီၤမိၤၡ့ဒီးစီၤအၤဟရိၣ်လၢတၢ်သိၣ်တၢ်သီနဲၣ် ကျဲတဖၣ်ဒ်လၢလာ်အသိးန့ၣ်လီၤ.
2 ဖဲပှၤအံၣ်စရ့လးဖိတဖၣ်ပာ်လီၤအသူၣ်ဒဲလီၢ်န့ၣ်ပှၤတဂၤစုာ် စုာ်ကဘၣ်သူၣ်ထီၣ်အဒဲလၢအကရူၢ်ဒၣ်ဝဲအနီၣ်တယၢ်အဖီလာ်ဒီးအဒူၣ် ထၢဒၣ်ဝဲအနီၣ်တယၢ်အဖီလာ်လီၤ. တၢ်သူၣ်ဒဲအလီၢ်န့ၣ်ကဘၣ်အိၣ်ဝးတရံးဒဲစီဆှံန့ၣ်လီၤ.
3-9 လၢမုၢ်ထီၣ်တကပၤန့ၣ်ပှၤလၢအအိၣ်လၢယူဒၤအကရူၢ်အနီၣ်တယၢ်အဖီ လာ်တဖၣ်ကပာ်လီၤအသူၣ်ဒဲလီၢ်လၢအပှၤကရူၢ်တဖၣ်ဒၣ်ဝဲအပူၤ, လၢအပှၤခိၣ်ပှၤနၢ်တဖၣ်အဖီလာ်ဒ်လၢလာ်အံၤအသိးန့ၣ်လီၤ.
ယူဒၤအကရူၢ်, အပှၤအခိၣ်မ့ၢ်, စီၤဧမံၤနဒးအဖိခွါစီၤနၤဃၡိၣ်, ဒီးအပှၤခဲလၢာ် နွံကလးလွံၢ်ကထိဃုကယၤ ဂၤန့ၣ်လီၤ. ယံးစၣ်ကၢ် အကရူၢ်, အပှၤအခိၣ်မ့ၢ်, စီၤစူဧၢ်အဖိခွါစီၤနၤသန့လး, ဒီးအပှၤခဲလၢာ် ယဲၢ်ကလးလွံၢ်ကထိလွံၢ်ကယၤဂၤန့ၣ်လီၤ. စဘူလိၣ်အကရူၢ်, အပှၤအခိၣ်မ့ၢ်, စီၤဃ့လူၣ်အဖိခွါစီၤအလံအာ်, ဒီးအပှၤခဲလၢာ် ယဲၢ်ကလးနွံကထိလွံၢ်ကယၤ ဂၤန့ၣ်လီၤ. ပှၤနီၣ်ဂံၢ် ပာ်ဖှိၣ်ခဲလၢာ်မ့ၢ်ဝဲ, တကလီၢ်ဃိးကလးဃုကထိလွံၢ် ကယၤဂၤ န့ၣ်လီၤ. ယူဒၤအကရူၢ်ကလဲၤထီၣ်ဝဲလၢညါလီၤ.
10-16 လၢကလံၤထံးတခီန့ၣ်, ပှၤလၢအိၣ်လၢရူၤဘ့ၣ်အနီၣ်တယၢ်အဖီလာ် ကပာ်လီၤအသူၣ်ဒဲလီၢ်အဒဲလၢအပှၤကရူၢ်တဖၣ်ဒၣ်ဝဲအပူၤ, လၢအပှၤခိၣ်ပှၤနၢ်တဖၣ်အဖီလာ်ဒ်လၢလာ်အံၤအသိးလီၤ.
ရူၤဘ့ၣ်အကရူၢ်, အပှၤအခိၣ်မ့ၢ်, စီၤၡဒ့အူၢ်အဖိခွါစီၤအလံစူၢ်, ဒီးအပှၤ လွံၢ်ကလးဃုကထိယဲၢ်ကယၤဂၤ. စူၤမ့းအိၣ်အကရူၢ်, အပှၤအခိၣ်မ့ၢ်, စီၤၡလူမံၤအ့လးအဖိခွါ စီၤစူၤရံၡးဒံၤ, ဒီးအပှၤ ယဲၢ်ကလးခွံကထိသၢကယၤဂၤ. ကးအကရူၢ်, အပှၤအခိၣ်မ့ၢ်, စီၤဒဧူၤအ့လးအဖိခွါစီၤအ့လယၤ စာ်, ဒီးအပှၤလွံၢ်ကလးယဲၢ်ကထိဃုကယၤယဲၢ်ဆံဂၤ. ပှၤအနီၣ်ဂံၢ်ပာ်ဖှိၣ်ခဲလၢာ်မ့ၢ်ဝဲ, တကလီၢ်ယဲၢ်ကလးတကထိလွံၢ် ကယၤယဲၢ်ဆံဂၤန့ၣ်လီၤ. ရူၤဘ့ၣ်အကရူၢ်ကလဲၤထီၣ်ဝဲခံဖုတဖုလီၤ.
17 အန့ၣ်ဝံၤဒီး, လၢပှၤအခီၣ်ထံးခံကရူၢ်ဒီးပှၤအလီၢ်ခံကတၢၢ်ခံ ကရူၢ်အခၢၣ်သးန့ၣ်ပှၤလ့ၤဝံဖိတဖၣ်ကလဲၤထီၣ်ဒီးစိာ်ဃုာ်ဒဲစီ ဆှံန့ၣ်လီၤ. တကရူၢ်ဘၣ်တကရူၢ်စုာ်စုာ်န့ၣ်ကလဲၤထီၣ်ဒ်တၢ်ရဲၣ်လီၤအသးအသိးဒ် အသူၣ်ဒဲလီၢ်အိၣ်ဝဲအသိးန့ၣ်လီၤ. ဒီးတကရူၢ်ဘၣ်တကရူၢ်ကအိၣ်လၢအနီၣ်တယၢ်ဒၣ်ဝဲအဖီလာ်န့ၣ်လီၤ.
18-24 လၢမုၢ်နုာ်တခီန့ၣ်, ပှၤလၢအအိၣ်လၢအ့ဖရဲၣ်ကရူၢ်အနီၣ်တယၢ်အဖီ လာ်န့ၣ်ကပာ်လီၤအသူၣ်ဒဲလီၢ်လၢအကရူၢ်တဖၣ်ဒၣ်ဝဲ အပူၤလၢအကရူၢ်ခိၣ်နၢ်အဖီလာ်ဒ်လၢလာ်အံၤအသိးန့ၣ်လီၤ.
အ့ဖရဲၣ်အကရူၢ်အပှၤအခိၣ်မ့ၢ် စီၤဧးမံၤဟူးအဖိခွါစီၤအလံၡမၤ, ဒီးအပှၤ လွံၢ်ကလးယဲၢ်ကယၤဂၤ. မနၤၡ့ၤအကရူၢ်အပှၤအခိၣ်မ့ၢ်စီၤပၤဒၤစူၢ်အဖိခွါစီၤကမၤလ့လး, ဒီးအပှၤ သၢကလးခံကထိခံကယၤဂၤ. ဘံၣ်ယၤမံၣ် အကရူၢ်အပှၤအခိၣ်မ့ၢ် စီၤကံးဒဧိနံၤအဖိခွါစီၤ အဘံဒၣ်, ဒီးအပှၤ သၢကလးယဲၢ်ကထိလွံၢ်ကယၤဂၤ. ပှၤအနီၣ်ဂံၢ် ပာ်ဖှိၣ်ခဲလၢာ်မ့ၢ်ဝဲ, တကလီၢ်ဃိးကထိတကယၤ ဂၤန့ၣ်လီၤ. အ့ဖရဲၣ်အကရူၢ်ကလဲၤထီၣ်ဝဲသၢဖုတဖုလီၤ.
25-31 လၢကလံၤစိးတကပၤန့ၣ်, ပှၤလၢအအိၣ်လၢဒၣ်အကရူၢ်အနီၣ် တယၢ်အဖီလာ်ကပာ်လီၤအသူၣ်ဒဲလီၢ်လၢအကရူၢ်တဖၣ်ဒၣ်ဝဲ အပူၤ, လၢအခိၣ်အနၢ်တဖၣ်အဖီလာ်ဒ်လၢလာ်အံၤအသိးန့ၣ်လီၤ.
ဒၣ်အကရူၢ်အပှၤအခိၣ်မ့ၢ် စီၤဧးမံၤၡးဒံၤအဖိခွါစီၤအဃံၤဧ့စ့ၢ်, ဒီးအပှၤ ဃုကလးခံကထိနွံကယၤဂၤ. အၤၡ့ၢ်အကရူၢ်အပှၤအခိၣ်မ့ၢ် စီၤဧးကရၣ်အဖိခွါစီၤပးကံၤအ့လး, ဒီးအပှၤ လွံၢ်ကလးတကထိယဲၢ်ကယၤဂၤ. နးသၤလံ အကရူၢ်အပှၤအခိၣ်မ့ၢ်စီၤဧ့နၣ်အဖိခွါစီၤအဃံရၤ, ဒီးအပှၤ ယဲၢ်ကလးသၢကထိလွံၢ်ကယၤဂၤ. ပှၤအနီၣ်ဂံၢ် ပာ်ဖှိၣ်ခဲလၢာ်မ့ၢ်ဝဲ, တကလီၢ်ယဲၢ်ကလးနွံကထိဃု ကယၤဂၤန့ၣ်လီၤ. ဒၣ်အကရူၢ်ကလဲၤထီၣ်ဝဲလၢလီၢ်ခံကတၢၢ်န့ၣ်လီၤ.
32 ကီၢ်အံၣ်စရ့လးအပှၤဂီၢ်မုၢ်ဆဲးလီၤအမံၤလၢကရူၢ်တဖၣ်အပူၤ အနီၣ်ဂံၢ်ခဲလၢာ်မ့ၢ်ဝဲဃုကလီၢ်သၢကထိယဲၢ်ကယၤယဲၢ်ဆံ ဂၤန့ၣ်လီၤ.
33 ဒ်ယွၤမၤလိာ်တ့ၢ်စီၤမိၤၡ့အသိးန့ၣ်ပှၤလ့ၤဝံဖိတဖၣ်တဘၣ်တၢ် ဆဲးလီၤကွဲးနီၣ်အမံၤလၢပှၤအံၣ်စရ့လးဖိအဂၤတဖၣ်အသိးအကျါ ဘၣ်.
34 မၤသးဒ်န့ၣ်ဒီး, ကီၢ်အံၣ်စရ့လးအပှၤဂီၢ်မုၢ်မၤကယဲၢ်တၢ်ကိး မံၤဒဲးဒ်ယွၤမၤလိာ်တ့ၢ်စီၤမိၤၡ့အသိးန့ၣ်လီၤ. အဝဲသ့ၣ်ပာ်လီၤအသူၣ်ဒဲလီၢ်လၢအနီၣ်တယၢ်ဒၣ်ဝဲအဖီလာ်ဒီးအဝဲ သ့ၣ်လဲၤထီၣ်ဝဲ, တကရူၢ်ဘၣ်တကရူၢ်စုာ်စုာ်လၢအဒူၣ်အထၢဒၣ်ဝဲ အပူၤန့ၣ်လီၤ.