4
1-2 ဒီးယွၤဟ့ၣ်လီၤအကလုၢ်ဆူစီၤမိၤၡ့အအိၣ်, လၢအကစံးဘၣ်တဲဘၣ်ပှၤအံၣ်စရ့လးဖိတဖၣ်လၢပှၤတဂၤဂၤမ့ၢ်မၤ ဘၣ်တၢ်ဒဲးဘးဒီးခီပတာ်ယွၤအတၢ်မၤလိာ်တထံၣ်ထံၣ်လၢတၢ်တတိာ် သူၣ်ပာ်သးအပူၤန့ၣ်ကဘၣ်တိၢ်န့ၢ်တၢ်သိၣ်တၢ်သီဒ်လၢလာ်အသိးန့ၣ်လီၤ.
3 ပှၤမၤတၢ်ဒဲးဘးမ့မ့ၢ်ပှၤလုၢ်တၢ်အခိၣ်အဒိၣ်ကတၢၢ်ဒီး, ဒုးလီၤဘၣ်တၢ်ကမၣ်လၢပှၤဂီၢ်မုၢ်အလိၤန့ၣ်, မ်အကဟဲစိာ်ဂီၤဖံးဖါတဒုလၢအတအိၣ်ဘၣ်ဒီးမဲၣ်သူမဲၣ်ဂီၤ ဒီးလုၢ်ထီၣ်အီၤဆူယွၤအအိၣ်လၢအတၢ်ဒဲးဘးအဂီၢ်တက့ၢ်.
4 အဝဲကဘၣ်ဟဲစိာ်ဂီၤဖံးဖါန့ၣ်ဆူတၢ်ဘူၣ်ထီၣ်ဘါထီၣ်ယွၤအဒဲ အကျဲစၢၤဒီးပာ်အစုလၢဂီၤဖံးဖါန့ၣ်အခိၣ်လိၤဒီးမၤသံအီၤဖဲန့ၣ်လၢယွၤအမဲာ်ညါလီၤ.
5 ဒီးပှၤလုၢ်တၢ်အခိၣ်အဒိၣ်ကတၢၢ်န့ၣ်ကဘၣ်ဟံးန့ၢ်ဂီၤဖံးဖါ အသွံၣ်တနီၤဒီးစိာ်အီၤဆူတၢ်ဘူၣ်ထီၣ်ဘါထီၣ်ယွၤအဒဲပူၤလီၤ.
6 ဒီးအဝဲကဘၣ်ဘျၢလီၤအစုမုၢ်တဘိလၢတၢ်သွံၣ်အပူၤဒီးဖှံ အီၤနွံစုလၢတၢ်လီၢ်စီဆှံအယၣ်ဘျးတဒၢအမဲာ်ညါန့ၣ်လီၤ.
7 ဒီးပှၤလုၢ်တၢ်အခိၣ်အဒိၣ်ကတၢၢ်န့ၣ်ကဘၣ်ပာ်တၢ်သွံၣ်တနီၤလၢတၢ် လုၢ်ထီၣ်တၢ်နၢမူအတၢ်လုၢ်လီၢ်အနၢၤတဖၣ်အဖီခိၣ်လၢတၢ်ဘူၣ်ထီၣ် ဘါထီၣ်ယွၤအဒဲပူၤလီၤ. ဒီးတၢ်သွံၣ်လၢအအိၣ်လီၤတဲာ်တဖၣ်န့ၣ်ကဘၣ်လူလီၤအီၤဖဲတၢ်လုၢ် မ့ၣ်အူအတၢ်လုၢ်လီၢ်အခီၣ်ထံးလၢအအိၣ်လၢတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤန့ၣ်လီၤ.
8 ဒီးကဘၣ်ဟံးန့ၢ်တၢ်အသိခဲလၢာ်, တၢ်အသိလၢအအိၣ်လၢအပှံာ်ဒီး အကဖုတဖၣ်အလိၤ,
9 အကလ့ၢ်တဖၣ်ဒီးတၢ်အသိအိၣ်လၢအလိၤ, ဒီးအသူၣ်အဂ့ၤကတၢၢ်တခီန့ၣ်လီၤ.
10 ဒီးပှၤလုၢ်တၢ်အခိၣ်အဒိၣ်ကတၢၢ်ကဆိၣ်ကဲၤထီၣ်ကွံာ်တၢ်အသိ တဖၣ်လၢတၢ်လုၢ်မ့ၣ်အူအတၢ်လုၢ်လီၢ်အဖီခိၣ်ဒ်အမၤဝဲလၢတၢ်လုၢ် မၤဃူမၤဖိးတၢ်အသိးန့ၣ်လီၤ.
11 ဘၣ်ဆၣ်ဒီးအဖံး, အညၣ်, အခိၣ်, အခီၣ်တဖၣ်ဒီးအပှံာ်အကဖုတဖၣ်,
12 ဒီးတၢ်အိၣ်လီၤတဲာ်တဖၣ်န့ၣ်ကဘၣ်စိာ်ကွံာ်ဝဲဆူသူၣ်ဒဲအလီၢ် အချၢဖဲတၢ်လီၢ်ကဆှီလၢအမ့ၢ်တၢ်ဂၢ်လီၤဖၣ်ဆါအလီၢ်ဒီးကဘၣ်ဆိၣ် ကဲၤထီၣ်ကွံာ်ဝဲလၢသ့ၣ်မုၣ်န့ၣ်လီၤ.
13 ပှၤအံၣ်စရ့လးဖိဒီတဖုမ့ၢ်မၤဘၣ်တၢ်ဒဲးဘးဒီးကဲထီၣ်တၢ် ခီပတာ်ယွၤအတၢ်မၤလိာ်တထံၣ်ထံၣ်လၢတၢ်တတိာ်သူၣ်ပာ်သးအပူၤ,
14 ဒီးထံၣ်သ့ၣ်ညါက့ၤအတၢ်ဒဲးဘးန့ၣ်, ပှၤအံၣ်စရ့လးဖိဒီတဖု ကဘၣ်ဟဲစိာ်ဂီၤဖံးဖါဖိတဒုလၢတၢ်ပျၢ်တၢ်ဒဲးဘးအတၢ်လုၢ် အဂီၢ်ဆူတၢ်ဘူၣ်ထီၣ်ဘါထီၣ်ယွၤအဒဲအမဲာ်ညါလီၤ.
15 ဒီးပှၤအံၣ်စရ့လးဖိအခိၣ်အနၢ်တဖၣ်ကဘၣ်ပာ်ထီၣ်အစုလၢဂီၤဖံး ဖါတဒုန့ၣ်အခိၣ်လိၤဒီးမၤသံကွံာ်အီၤဖဲန့ၣ်လီၤ.
16 အန့ၣ်ဒီးပှၤလုၢ်တၢ်အခိၣ်အဒိၣ်ကတၢၢ်န့ၣ်ကဘၣ်ဟဲစိာ်ဂီၤဖံးဖါ အသွံၣ်တနီၤဆူတၢ်ဘူၣ်ထီၣ်ဘါထီၣ်ယွၤအဒဲပူၤ,
17 ဒီးဘျၢလီၤအစုမုၢ်တဘိလၢတၢ်သွံၣ်အပူၤဒီးဖှံအီၤနွံစု လၢယၣ်ဘျးတဒၢအမဲာ်ညါန့ၣ်လီၤ.
18 ဒီးကဘၣ်ပာ်တၢ်သွံၣ်တနီၤလၢတၢ်လုၢ်ထီၣ်တၢ်နၢမူအတၢ်လုၢ်လီၢ် အနၢၤတဖၣ်အဖီခိၣ်လၢတၢ်ဘူၣ်ထီၣ်ဘါထီၣ်ယွၤအဒဲပူၤန့ၣ်လီၤ. ဒီးတၢ်သွံၣ်လၢအအိၣ်လီၤတဲာ်တဖၣ်န့ၣ်ကဘၣ်လူလီၤအီၤဖဲ တၢ်လုၢ်မ့ၣ်အူအတၢ်လုၢ်လီၢ်အခီၣ်ထံးလၢအအိၣ်လၢတၢ်ဘူၣ်ထီၣ်ဘါ ထီၣ်ယွၤအဒဲအကျဲစၢၤန့ၣ်လီၤ.
19 ဒီးကဘၣ်ဟံးန့ၢ်အသိခဲလၢာ်ဒီးဆိၣ်ကဲၤထီၣ်ကွံာ်အီၤလၢတၢ် လုၢ်လီၢ်အဖီခိၣ်န့ၣ်လီၤ.
20 ဒီးကဘၣ်မၤဂီၤဖံးဖါတဒုအံၤဒ်အမၤဝဲဂီၤဖံးဖါလၢတၢ်ပျၢ် တၢ်ဒဲးဘးအတၢ်လုၢ်အဂီၢ်အသိးန့ၣ်လီၤ. တၢ်အံၤမ့ၢ်တၢ်လုၢ်တၢ်ပာ်လၢပှၤအံၣ်စရ့လးဖိဒီတဖုအတၢ်ဒဲး ဘးအဂီၢ်ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤန့ၣ်လီၤ.
21 အန့ၣ်ဝံၤဒီးအဝဲကဘၣ်လဲၤစိာ်ဂီၤဖံးဖါန့ၣ်ဆူဒဲအချၢဒီး ဆိၣ်ကဲၤထီၣ်ကွံာ်အီၤဒ်အဆိၣ်ကဲၤဝဲဂီၤဖံးဖါလၢတၢ်လုၢ်မၤ ဘူၣ်လၢအကစၢ်ဒၣ်ဝဲအတၢ်ဒဲးဘးအဂီၢ်အသိးန့ၣ်လီၤ. တၢ်အံၤမ့ၢ်တၢ်ပျၢ်တၢ်ဒဲးဘးအတၢ်လုၢ်လၢပှၤအံၣ်စရ့လးဖိဒီ တဖုအဂီၢ်န့ၣ်လီၤ.
22 ဒီးတုၤပှၤပၢတၢ်တဂၤမၤတၢ်ဒဲးဘးဒီးအတၢ်ကမၣ်အိၣ်ဝဲလၢအလဲၤ ကပာ်ဘၣ်တၢ်လၢယွၤမၤလိာ်အီၤမၤတဂ့ၤဒီးမၤတ့ၢ်ဝဲလၢတၢ်တတိာ်သူၣ်ပာ်သးအပူၤန့ၣ်,
23 တုၤအတၢ်ဒဲးဘးလၢအမၤတ့ၢ်ဝဲအံၤဘၣ်တၢ်ဒုးသ့ၣ်ညါက့ၤအီၤ ဒီးအဝဲကဘၣ်ဟဲစိာ်မဲာ်တဲးလဲးဖါလၢမဲၣ်သူမဲၣ်ဂီၤဒၣ်လဲာ် တအိၣ်ဘၣ်တဒု, ဒ်အတၢ်လုၢ်မၤဘူၣ်,
24 ဒီးပာ်အစုလၢမဲာ်တဲးလဲးန့ၣ်အခိၣ်အလိၤဒီးမၤသံအီၤဖဲတၢ် လီၢ်လၢအဝဲသ့ၣ်မၤသံတၢ်လုၢ်မ့ၣ်အူလၢယွၤအမဲာ်ညါန့ၣ်လီၤ. အဝဲအံၤမ့ၢ်တၢ်လုၢ်မၤဘူၣ်တၢ်ပျၢ်လၢတၢ်ဒဲးဘးအဂီၢ်န့ၣ်လီၤ.
25 အန့ၣ်ဝံၤဒီးပှၤလုၢ်တၢ်အခိၣ်ကဟံးန့ၢ်တၢ်သွံၣ်တနီၤဒီးဘျုး လီၤအစုမုၢ်လၢတၢ်သွံၣ်န့ၣ်အပူၤဒီးပာ်အီၤလၢတၢ်လုၢ်တၢ်နၢ မူတဖၣ်အလီၢ်အနၢၤတဖၣ်အလိၤလီၤ. ဒီးတၢ်သွံၣ်လၢအအိၣ်လီၤတဲာ်တဖၣ်န့ၣ်ကဘၣ်လူလီၤဝဲလၢတၢ်လုၢ် ထီၣ်တၢ်မၤဘူၣ်ဆိၣ်ကဲၤလၢမ့ၣ်အူအတၢ်လုၢ်လီၢ်အခီၣ်ထံးန့ၣ်လီၤ.
26 ဒီးတၢ်အသိခဲလၢာ်န့ၣ်ကဘၣ်ဆိၣ်ကဲၤဝဲလၢတၢ်လုၢ်လီၢ်အဖီ ခိၣ်ဒ်တၢ်အသိလၢတၢ်လုၢ်တၢ်မၤဃူမၤဖိးအဂီၢ်အသိးန့ၣ်လီၤ. မၤသးဒ်န့ၣ်ဒီးပှၤလုၢ်တၢ်အခိၣ်ကမၤတၢ်လုၢ်မၤဘူၣ်လၢပှၤပၢတၢ် တဂၤန့ၣ်အတၢ်ဒဲးဘးအဂီၢ်ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤလီၤ.
27 ဒီးပှၤတဂၤဂၤလၢထံဖိကီၢ်ဖိအကျါမ့ၢ်မၤတၢ်ဒဲးဘးတမံၤမံၤ လၢယွၤမၤလိာ်ဝဲမၤတဂ့ၤ, ဒီးအတၢ်ကမၣ်အိၣ်ဝဲန့ၣ်,
28 တုၤအတၢ်ဒဲးဘးလၢအမၤဝဲဘၣ်တၢ်ဒုးသ့ၣ်ညါက့ၤအီၤဒီးကဘၣ်ဟဲ စိာ်ဝဲမဲာ်တဲးလဲးမိၢ်တဒုလၢမဲၣ်သူမဲၣ်ဂီၤဒၣ်လဲာ်တ အိၣ်ဘၣ်လၢတၢ်လုၢ်မၤဘူၣ်တၢ်ပျၢ်တၢ်ဒဲးဘးအဂီၢ်န့ၣ်လီၤ.
29 ဒီးကဘၣ်ပာ်အစုလၢအတၢ်လုၢ်မၤဘူၣ်န့ၣ်အခိၣ်လိၤ, ဒီးမၤသံအီၤဖဲတၢ်လီၢ်လၢအဝဲသ့ၣ်မၤသံတၢ်လုၢ်မၤဘူၣ်လၢ မ့ၣ်အူအလီၢ်န့ၣ်လီၤ.
30 ဒီးပှၤလုၢ်တၢ်အခိၣ်ကဘၣ်ဟံးန့ၢ်ဆၣ်ဖိကီၢ်ဖိတဒုန့ၣ်အသွံၣ်လၢ အစုမုၢ်ဒီးပာ်လီၤအီၤလၢတၢ်လုၢ်မၤဘူၣ်လၢမ့ၣ်အူအလီၢ်အနၢၤ တဖၣ်အလိၤလီၤ. ဒီးတၢ်သွံၣ်အိၣ်လီၤတဲာ်တဖၣ်န့ၣ်ကဘၣ်လူ လီၤဝဲဖဲတၢ်လုၢ်လီၢ်န့ၣ်အခီၣ်ထံးန့ၣ်လီၤ.
31 ဒီးတၢ်အသိခဲလၢာ်န့ၣ်ကဘၣ်ဟံးထီၣ်ကွံာ်ဝဲဒ်ဆၣ်ဖိကီၢ်ဖိတဖၣ် လၢအဘၣ်တၢ်မၤသံကွံာ်အီၤလၢတၢ်လုၢ်မၤဘူၣ်တၢ်မၤဃူမၤဖိးတၢ် အဂီၢ်အသိဘၣ်တၢ်ဟံးန့ၢ်အီၤအသိးဒီးကဘၣ်ဆိၣ်ကဲၤထီၣ်အီၤလၢ တၢ်လုၢ်လီၢ်အဖီခိၣ်ဒ်တၢ်နၢမူမၤမုာ်ယွၤအသးန့ၣ်လီၤ. မၤသးဒ်န့ၣ်ဒီးပှၤလုၢ်တၢ်အခိၣ်ကမၤတၢ်လုၢ်မၤဘူၣ်လၢပှၤတဂၤ န့ၣ်အတၢ်ဒဲးဘးအဂီၢ်ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤလီၤ.
32 အဝဲမ့ၢ်ဟဲစိာ်သိဖိတဒုဒ်အတၢ်လုၢ်မၤဘူၣ်လၢတၢ်ပျၢ်တၢ်ဒဲးဘး အဂီၢ်ဒီးကဘၣ်မ့ၢ်အမိၢ်တဒုလၢမဲၣ်သူမဲၣ်ဂီၤဒၣ်လဲာ်တအိၣ်ဘၣ်န့ၣ်လီၤ.
33 ဒီးကပာ်ထီၣ်အစုလၢအတၢ်လုၢ်မၤဘူၣ်န့ၣ်အခိၣ်လိၤဒီးမၤသံအီၤ ဖဲတၢ်လီၢ်လၢအဝဲသ့ၣ်မၤသံတၢ်လုၢ်မၤဘူၣ်လၢမ့ၣ်အူအလီၢ်န့ၣ်လီၤ.
34 အန့ၣ်ဝံၤဒီးပှၤလုၢ်တၢ်အခိၣ်ကဘၣ်ဟံးန့ၢ်ဆၣ်ဖိကီၢ်ဖိတဒုန့ၣ် အသွံၣ်လၢအစုမုၢ်ဒီးပာ်အီၤလၢတၢ်လုၢ်မၤဘူၣ်မ့ၣ်အူအလီၢ် အနၢၤတဖၣ်အလိၤလီၤ. ဒီးတၢ်သွံၣ်လၢအိၣ်လီၤတဲာ်တဖၣ်န့ၣ်ကဘၣ်လူလီၤအီၤဖဲတၢ်လုၢ် လီၢ်န့ၣ်အခီၣ်ထံးန့ၣ်လီၤ.
35 အန့ၣ်ဝံၤဒီးတၢ်အသိခဲလၢာ်န့ၣ်, ကဘၣ်တၢ်ဟံးထီၣ်ကွံာ်အီၤဒ်သိဖိတဒုလၢဘၣ်တၢ်မၤသံအီၤလၢတၢ် လုၢ်တၢ်မၤဃူမၤဖိးအဂီၢ်န့ၣ်အသိဘၣ်တၢ်ဟံးထီၣ်ကွံာ်အီၤအသိး, ဒီးအဝဲကဘၣ်ဆူးကဲၤထီၣ်အီၤလၢတၢ်လုၢ်လီၢ်အဖီခိၣ်တဘျီဃီလၢ တၢ်လုၢ်မၤဘူၣ်လၢမ့ၣ်အူဆူယွၤအအိၣ်န့ၣ်လီၤ. မၤသးဒ်န့ၣ်ဒီးပှၤလုၢ်တၢ်အခိၣ်ကမၤတၢ်လုၢ်မၤဘူၣ်လၢပှၤတဂၤ န့ၣ်အတၢ်ဒဲးဘးအဂီၢ်, ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤန့ၣ်လီၤ.