18
1 တယံာ်ဘၣ်ဝံၤအလီၢ်ခံ, လၢတၢ်ယီၤဃ့သၢနံၣ်တနံၣ်အပူၤန့ၣ်ယွၤ စံးဘၣ်စီၤအ့ၤလံယၤ, “လဲၤဒီးဒုးနဲၣ်နသးလၢစီၤပၤအၤဃာ်, ဒီးယကဒုးဟဲစူၤလီၤတၢ်လီၤ.”
2 လၢတၢ်န့ၣ်အဃိစီၤအ့ၤလံယၤစးထီၣ်လဲၤတၢ်န့ၣ်လီၤ. မ့ၢ်တၢ်ဆၢကတီၢ်ဖဲတၢ်သၣ်ဝံၤလီၤဒိလၢကီၢ်ၡၤမရံအပူၤနးက
တၢၢ်,
3 အဃိ, စီၤအၤဃာ်ကိးန့ၢ်စီၤဧိၤဘါဒယၤလၢအမ့ၢ်ပှၤကွၢ်ထွဲ တၢ်အခိၣ်လၢနီပူၤန့ၣ်လီၤ. (စီၤဧိၤဘါဒယၤမ့ၢ်ပှၤအဲၣ်ထူအဲၣ်
ယွၤဒိၣ်မးတဂၤ,
4 ဒီးဖဲနီၢ်အံၤစ့ဘ့ၤလးမၤသံကွံာ်ယွၤအဝံတဖၣ်အခါန့ၣ်, စီၤဧိၤဘါဒယၤဟံးန့ၢ်အဝဲသ့ၣ်အကျါဝံတကယၤဒီးပာ်ခူသူၣ်
အဝဲသ့ၣ်လၢလၢၢ်ကအိတဖၣ်အပူၤခံကရူၢ်, တကရူၢ်ပှၤအဂၤယဲၢ်ဆံစုာ်စုာ်ဒီးလုၢ်အီၣ်လုၢ်အီအဝဲသ့ၣ်လၢတၢ်
အီၣ်ဒီးထံန့ၣ်လီၤ.)
5 စီၤအၤဃာ်စံးဘၣ်စီၤဧိၤဘါဒယၤ, “မ်ပကလဲၤကွၢ်တၢ်လၢကယဲၢ် ထံထီၣ်ပၢၢ်ဒီးကယဲၢ်ထံကျိအထၣ်လၢကီၢ်ပူၤဒ်သိးပကထံၣ်ဘၣ်လၢ,
မ့ၢ်ပထံၣ်န့ၢ်နီၣ်ဧိၤမံၤဧိၤလၢအကလၢဝဲလၢပကသ့ၣ်တဖၣ်ဒီး
ကသ့ၣ်လၤတဖၣ်ကအီၣ်ဒီးမူဝဲအဂီၢ်န့ၣ်ဧါ. ဘၣ်သ့ၣ်သ့ၣ်ပတမၤသံဘၣ်ပဆၣ်ဖိကီၢ်ဖိနီတဒုဒုဘၣ်.”
6 အဝဲသ့ၣ်အသးလီၤပလိာ်လၢတဂၤစုာ်စုာ်ကလဲၤဒီးဆှၣ်ကွၢ်တၢ်လၢ လီၢ်ကဝီၤမတၤလၢကီၢ်ပူၤ, ဒီးဟးထီၣ်ဝဲတဂၤတကျိၤန့ၣ်လီၤ.
7 ဖဲစီၤဧိၤဘါဒယၤလဲၤတၢ်လၢကျဲန့ၣ်သတူၢ်ကလာ်ထံၣ်လိာ်အသးဒီး စီၤအ့ၤလံယၤန့ၣ်လီၤ. ဒီးအဝဲသ့ၣ်ညါနီၣ်အီၤ, ဒီးထိၣ်လီၤပှီၤအသးလၢအမဲာ်ညါဒီး
သံကွၢ်ဝဲ, “တၢ်ဒိၣ်ဧၢ, နမ့ၢ်နီၢ်နီၢ်စီၤအ့ၤလံယၤန့ၣ်ဧါ.”
8 အဝဲစံးဆၢဝဲ, “မ့ၢ်, ယမ့ၢ်စီၤအ့ၤလံယၤလီၤ. လဲၤဒီးတဲဘၣ်နကစၢ်စီၤပၤလၢယအိၣ်ဖဲအံၤန့ၣ်တက့ၢ်.”
9 စီၤဧိၤဘါဒယၤစံးဆၢဝဲ, “မ့ၢ်ယမၤတ့ၢ်တၢ်မနုၤတမံၤလၢ နကအဲၣ်ဒိးဒုးလီၤဘၣ်ယၤလၢတၢ်ကီတၢ်ခဲအပူၤလၢစီၤပၤအၤဃာ်
ကမၤသံကွံာ်ယၤန့ၣ်လဲၣ်.
10 လၢယွၤ, နကစၢ်ယွၤလၢအမူဝဲတဂၤအမံၤအပူၤန့ၣ်, ယဆိၣ်လီၤယသးလၢစီၤပၤကွၢ်ဃုနၤလၢထံကီၢ်ကိးဘ့ၣ်ဒဲးအပူၤ
လၢဟီၣ်ခိၣ်ချၢန့ၣ်လီၤ. တဘျီလၢ်လၢ်ဖဲထံကီၢ်တဘ့ၣ်အစီၤပၤပာ်ဖျါဝဲလၢနတအိၣ်ဘၣ်လၢ
အဝဲအထံကီၢ်အပူၤန့ၣ်,
စီၤပၤအၤဃာ်ကဃ့စီၤပၤအဝဲန့ၣ်လၢကဆိၣ်လီၤအသး,
လၢတၢ်တထံၣ်န့ၢ်ဘၣ်နၤဘၣ်န့ၣ်လီၤ.
11 ဒီးခဲကနံၣ်အံၤနသးအိၣ်လၢယကလဲၤဒီးတဲအီၤလၢနအိၣ်ဖဲ အံၤန့ၣ်ဧါ.
12 တုၤယဟးထီၣ်တဘျီဃီဒီးယွၤအသးမ့ၢ်စိာ်ကွံာ်နၤဆူတၢ်လီၢ်လၢ ယတသ့ၣ်ညါဘၣ်တပူၤပူၤဒီးတၢ်ကမၤအသးဒ်လဲၣ်. ဒီးတုၤယတဲဘၣ်စီၤအၤဃာ်လၢနအိၣ်ဖဲအံၤ, ဒီးအဝဲဃုနၤမ့ၢ်တဘၣ်န့ၣ်ဒီးအဝဲကမၤသံယၤလီၤ. သ့ၣ်နီၣ်ထီၣ်က့ၤလၢယမ့ၢ်တ့ၢ်ပှၤတဂၤလၢအအဲၣ်ထူအဲၣ်ယွၤစးထီၣ်
လၢယဖိသၣ်လံၤလံၤန့ၣ်တက့ၢ်.
13 မ့ၢ်နတနၢ်ဟူတ့ၢ်လၢဖဲနီၢ်အံၤစ့ဘ့ၤလးမၤသံယွၤအဝံတဖၣ် အခါန့ၣ်, ယပာ်ခူသူၣ်တ့ၢ်အဝဲသ့ၣ်အကျါပှၤတကယၤဂၤလၢလၢၢ်ကအိတဖၣ်အပူၤ
ခံကရူၢ်, တကရူၢ်ပှၤအဂၤယဲၢ်ဆံစုာ်စုာ်ဒီးလုၢ်အီၣ်လုၢ်အီအီၤလၢတၢ်အီၣ်
ဒီးထံန့ၣ်ဘၣ်ဧါ.
14 လၢတၢ်န့ၣ်အဃိနမၢယလဲၤတဲစီၤပၤလၢနအိၣ်ဖဲအံၤန့ၣ်ကသ့ဒ် လဲၣ်. အဝဲကမၤသံယၤလီၤ.”
15 စီၤအ့ၤလံယၤစံးဆၢဝဲ, “လၢယွၤသ့တၢ်လၢာ်ကစၢ်လၢအမူဝဲ ဒီးယမၤအတၢ်တဂၤအမံၤအပူၤန့ၣ်, ယအၢၣ်လီၤယသးလၢယကလဲၤဒုးနဲၣ်
ဖျါယသးလၢစီၤပၤတနံၤအံၤန့ၣ်လီၤ.”
16 လၢတၢ်န့ၣ်အဃိစီၤဧိၤဘါဒယၤလဲၤဃီၤဆူစီၤပၤအၤဃာ်အအိၣ် ဒီးတဲအီၤ, ဒီးစီၤအၤဃာ်ဟးထီၣ်လၢကလဲၤထံၣ်စီၤအ့ၤလံယၤအဂီၢ်န့ၣ်လီၤ.
17 ဖဲစီၤအၤဃာ်ထံၣ်ဘၣ်အီၤန့ၣ်အဝဲစံးဝဲ, “အိမ့ၢ်နၤ, ပှၤမၤကိၢ်မၤဂီၤတၢ်အဒိၣ်ကတၢၢ်လၢကီၢ်အံၣ်စရ့လးအပူၤန့ၣ်ဧါ.”
18 စီၤအ့ၤလံယၤစံးဆၢအီၤ, “ယတမ့ၢ်ဘၣ်ပှၤမၤကိၢ်မၤဂီၤတၢ် ဘၣ်. မ့ၢ်သုဝဲ, နၤဒီးနပၢ်တခီန့ၣ်လီၤ. သုတစူၢ်ဘၣ်ယွၤအတၢ်မၤ
လိာ်တဖၣ်ဘၣ်ဒီးသုဘူၣ်ထီၣ်ဘါထီၣ်ဘဧၤလးအတၢ်ဂီၤတၢ်ဖီၣ်တဖၣ်
န့ၣ်လီၤ.
19 ခဲကနံၣ်အံၤဟ့ၣ်လီၤနကလုၢ်လၢကယဲၢ်ကီၢ်အံၣ်စရ့လးအပှၤဂီၢ်မုၢ် ကဟဲထံၣ်ယၤဖဲကစၢၢ်ကၢ်မ့ၤလးအလိၤန့ၣ်တက့ၢ်. ဟဲကိးဃုာ်ဘဧၤလးအဝံလွံၢ်ကယၤယဲၢ်ဆံဂၤဒီးကစၢ်မုၣ်အၡ့ရၤ
အဝံလွံၢ်ကယၤဂၤလၢအဘၣ်တၢ်ဆီၣ်ထွဲမၤစၢၤတ့ၢ်အီၤလၢနီၢ်ပၤ
မုၣ်အံၤစ့ဘ့ၤလးန့ၣ်တက့ၢ်.”
20 လၢတၢ်န့ၣ်အဃိစီၤအၤဃာ်ကိးဖှိၣ်ကယဲၢ်ပှၤအံၣ်စရ့လးဖိ ခဲလၢာ်ဒီးဘဧၤလးအဝံတဖၣ်လၢကဟဲထံၣ်လိာ်အသးဖဲ
ကစၢၢ်ကၢ်မ့ၤလးအလိၤန့ၣ်လီၤ.
21 စီၤအ့ၤလံယၤလဲၤထီၣ်ဆူပှၤဂီၢ်မုၢ်အအိၣ်ဒီးစံးဝဲ, “လၢသုကစံၣ်ညီၣ်တဲာ်သုသးအဂီၢ်န့ၣ်ကယံာ်ဒံးဆံးယံာ်လဲၣ်. ယွၤမ့မ့ၢ်ကစၢ်ယွၤဒီးဘူၣ်ထီၣ်ဘါထီၣ်အီၤတက့ၢ်. ဘဧၤလးမ့မ့ၢ်ကစၢ်ယွၤဒီးဘူၣ်ထီၣ်ဘါထီၣ်အီၤတက့ၢ်.” ဘၣ်ဆၣ်ဒီးပှၤဂီၢ်မုၢ်တကတိၤဘၣ်တၢ်နီတဘီဘၣ်.
22 အန့ၣ်ဒီးစီၤအ့ၤလံယၤစံးဝဲ, “ယမ့ၢ်ယွၤအဝံထဲတဂၤဧိၤလၢ အအိၣ်လီၤတဲာ်န့ၣ်လီၤ. မ့မ့ၢ်ဘဧၤလးအဝံအိၣ်ဝဲလွံၢ်ကယၤယဲၢ်ဆံဂၤန့ၣ်လီၤ.
23 ဟဲစိာ်ဂီၤဖံးဖါခံဒုတက့ၢ်. မ်ဘဧၤလးအဝံတဖၣ်ဟံးန့ၢ်တ ဒု, မၤသံကွံာ်အီၤ, ဒီၣ်တဲာ်အီၤတကူာ်တကူာ်, ဒီးပာ်ထီၣ်အီၤလၢသ့ၣ်မုၣ်အဖီခိၣ်တက့ၢ်.
ဘၣ်ဆၣ်တဘၣ်ဒွဲၣ်ထီၣ်မ့ၣ်အူတဂ့ၤ. ယကမၤတၢ်တမံၤဃီဒီးဂီၤ
ဖံးဖါအဂၤတဒုန့ၣ်လီၤ.
24 ဝံၤဒီး, မ်ဘဧၤလးအဝံတဖၣ်ဘါထုကဖၣ်တၢ်ဆူအဝဲသ့ၣ်အကစၢ်အ အိၣ်, ဒီးယကဘါထုကဖၣ်တၢ်ဆူယွၤအအိၣ်လီၤ. ဒီးကစၢ်တဂၤလၢအစံးဆၢတၢ်ခီဖျိဆှၢလီၤမ့ၣ်အူန့ၣ်,
အဝဲမ့ၢ်ကစၢ်ယွၤလီၤ.”
ပှၤဂီၢ်မုၢ်ကိးသတြီထီၣ်အတၢ်ဘၣ်သူၣ်ဘၣ်သးန့ၣ်လီၤ.
25 အန့ၣ်ဒီး, စီၤအ့ၤလံယၤစံးဘၣ်ဘဧၤလးအဝံတဖၣ်, “မ့ၢ်လၢသုအိၣ်အါဂၤအဃိဟံးန့ၢ်ဂီၤဖံးဖါတဒုဒီးကတဲာ် ကတီၤဆိအီၤတက့ၢ်. ဘါထုကဖၣ်တၢ်ဆူသုကစၢ်အအိၣ်, ဘၣ်ဆၣ်ဆိၣ်ကဲၤထီၣ်သ့ၣ်မုၣ်တဂ့ၤ.”
26 အဝဲသ့ၣ်ဟံးန့ၢ်ဃီၤဂီၤဖံးဖါလၢအဘၣ်တၢ်ဟဲစိာ်န့ၢ်အီၤ, ကတဲာ်ကတီၤထီၣ်ဝဲဒီးဘါထုကဖၣ်တၢ်ဆူဘဧၤလးအအိၣ်တုၤမုၢ်ထူၣ်
အကတီၢ်န့ၣ်လီၤ. အဝဲသ့ၣ်ကိးသတြီထီၣ်ဝဲ, “ဘဧၤလးဧၢ,
စံးဆၢပှၤတက့ၢ်.”
ဒီးဂဲၤကလံာ်ဝဲဝးတရံးတၢ်လုၢ်လီၢ်လၢအဘှီထီၣ်ဝဲန့ၣ်လီၤ.
ဘၣ်ဆၣ်တၢ်စံးဆၢတဟဲနီတမံၤဘၣ်.
27 တုၤလီၤလၢမုၢ်ထူၣ်အကတီၢ်န့ၣ်, စီၤအ့ၤလံယၤစးထီၣ်မၤလီၤ နံၤဘၣ်ဖၣ်လဲအဝဲသ့ၣ်ဒီးစံးဝဲ, “ဘါထုကဖၣ်ဒိၣ်ထီၣ်တက့ၢ်. အဝဲမ့ၢ်ကစၢ်တဂၤလီၤ. ဘၣ်သ့ၣ်သ့ၣ်ကမ့ၢ်အဝဲအိၣ်လၢတၢ်ဆိကမိၣ်ယိာ်ပူၤမ့ၢ်ဂ့ၤ,
အတၢ်ဖံးတၢ်မၤအါမ့ၢ်ဂ့ၤလီၤ. မ့တမ့ၢ်ဘၣ်ဒီးဘၣ်သ့ၣ်သ့ၣ်အဝဲ
ကအိၣ်ဒီးတၢ်လဲၤတၢ်က့ၤတပူၤပူၤလီၤ.
မ့တမ့ၢ်ဘၣ်န့ၣ်ကမ့ၢ်အဝဲမံဘၣ်အသးဒီးသုကဘၣ်ထိၣ်ဂဲၤထီၣ်အီၤ
လီၤ.”
28 လၢတၢ်န့ၣ်အဃိဘဧၤလးအဝံတဖၣ်ဘါထုကဖၣ်ဒိၣ်ထီၣ်, ဒီးဂဲာ်လီၤအသးလၢဃဲာ်တဖၣ်ဒီးဒီတဖၣ်ဒ်အဝဲသ့ၣ်အလုၢ်အလၢ်အိၣ်
ဝဲအသိး, တုၤအသွံၣ်ဟဲယွၤလီၤဝဲန့ၣ်လီၤ.
29 အဝဲသ့ၣ်ကိးကလူဒိၣ်ထီၣ်ဒံးဒ်ပှၤအပျုၢ်တဖၣ်အသိးတုၤလီၤလၢ မုၢ်ဃ့ၢ်လီၤပှၤလုၢ်တၢ်ပာ်တၢ်အကတီၢ်,
ဘၣ်ဆၣ်တၢ်စံးဆၢတဟဲနီတမံၤဘၣ်,
တၢ်တနၢ်ဟူဘၣ်တၢ်အသီၣ်နီတမံၤစ့ၢ်ကီးဘၣ်.
30 အန့ၣ်ဒီး, စီၤအ့ၤလံယၤစံးဘၣ်ပှၤဂီၢ်မုၢ်, “ဟဲသုးဘူးသုသးဆူယအိၣ်တက့ၢ်.”
ဒီးအဝဲသ့ၣ်ဟဲပာ်ဖှိၣ်အသးဝးတရံးအီၤန့ၣ်လီၤ.
အဝဲမၤဂ့ၤထီၣ်က့ၤယွၤအတၢ်လုၢ်လီၢ်လၢအဘၣ်တၢ်မၤလီၤပှီၢ်ကွံာ်
တ့ၢ်အီၤန့ၣ်လီၤ.
31 အဝဲဟံးထီၣ်လၢၢ်တဆံခံဖျၢၣ်ဒ်ဒူၣ်တဖၣ်လၢအဘၣ်ဃးဒီးစီၤယၤ ကိာ်အဖိခွါတဖၣ်အတၢ်ဂံၢ်အိၣ်ဝဲအသိးန့ၣ်လီၤ. စီၤယၤကိာ်မ့ၢ်ပှၤတဂၤလၢယွၤဟ့ၣ်တ့ၢ်အီၤမံၤလၢအမ့ၢ်ဝဲ
စီၤအံၣ်စရ့လးန့ၣ်လီၤ.
32 အဝဲဘှီထီၣ်ကဒါက့ၤတၢ်လုၢ်လီၢ်လၢတၢ်ဘူၣ်ထီၣ်ဘါထီၣ်ယွၤအဂီၢ် လၢလၢၢ်တဆံခံဖျၢၣ်အံၤန့ၣ်လီၤ.
အဝဲခူၣ်တၢ်ကျိၤတကျိၤဝးတရံးတၢ်လုၢ်လီၢ်, လဲၢ်ဝဲတုၤလၢအကတြီၢ်တၢ်ချံခံနာ်န့ၣ်လီၤ.
33 အန့ၣ်ဒီး, အဝဲပာ်လီၤသ့ၣ်မုၣ်လၢတၢ်လုၢ်လီၢ်အဖီခိၣ်, ဒီၣ်တဲာ်ဂီၤဖံးဖါတကူာ်တကူာ်, ဒီးပာ်ထီၣ်ဝဲလၢသ့ၣ်မုၣ်အဖီ
ခိၣ်န့ၣ်လီၤ. အဝဲစံးဝဲ, “မၤပှဲၤထံကိလွံၢ်ကိလၢတၢ်လုၢ်
မ့ၣ်အူဒီးသ့ၣ်မုၣ်အဖီခိၣ်န့ၣ်တက့ၢ်.” အဝဲသ့ၣ်မၤဒ်န့ၣ်,
34 ဒီးအဝဲစံးဝဲ, “မၤကဒီးတဘျီတက့ၢ်.” ဒီးအဝဲသ့ၣ်မၤဝဲ လီၤ. အဝဲစံးဝဲ, “မၤကဒီးအသီတဘျီတက့ၢ်.”
ဒီးအဝဲသ့ၣ်မၤဝဲလီၤ.
35 ထံယွၤလီၤဝဲဝးတရံးတၢ်လုၢ်လီၢ်ဒီးမၤပှဲၤတၢ်ကျိၤန့ၣ်လီၤ.
36 တုၤနၣ်ရံၣ်လၢမုၢ်ဃ့ၢ်လီၤတၢ်လုၢ်တၢ်ပာ်အကတီၢ်တုၤဝဲန့ၣ်, ဝံအ့ၤလံယၤသုးဘူးအသးဆူတၢ်လုၢ်လီၢ်ဒီးဘါထုကဖၣ်ဝဲ,
“အိယွၤ, စီၤအၤဘြၤဟၣ်, စီၤအံၤစဲး, စီၤယၤကိာ်အကစၢ်ယွၤဧၢ, ဒုးနဲၣ်နသးခဲကနံၣ်အံၤလၢနမ့ၢ်ကီၢ်အံၣ်စရ့လးအကစၢ်ယွၤဒီး
ယမ့ၢ်နခ့နပှၤဒီးယမၤတၢ်မၤခဲလၢာ်ဒ်နတၢ်မၤလိာ်အသိးန့ၣ်လီၤ.
37 စံးဆၢယၤ, ယွၤဧၢ, စံးဆၢယၤ, ဒ်သိးပှၤဂီၢ်မုၢ်အံၤကသ့ၣ်ညါ ဝဲလၢနၤ, ယွၤန့ၣ်မ့ၢ်ကစၢ်ယွၤဒီးလၢနဘိးကဒါက့ၤအဝဲသ့ၣ်အသးတဖၣ်ဆူ
နအိၣ်န့ၣ်တက့ၢ်.”
38 ယွၤဆှၢလီၤမ့ၣ်အူဒီးမ့ၣ်အူန့ၣ်အီၣ်ကွံာ်ဝဲတၢ်လုၢ်တၢ်ပာ်, သ့ၣ်မုၣ်, လၢၢ်တဖၣ်ဒီးဟီၣ်ခိၣ်ကမူၣ်ဒီးအီၣ်ဃ့ထီၣ်ကွံာ်စ့ၢ်
ကီးထံလၢတၢ်ကျိၤအပူၤန့ၣ်လီၤ.
39 တုၤပှၤဂီၢ်မုၢ်ထံၣ်ဃီၤတၢ်အံၤန့ၣ်, အဝဲသ့ၣ်ထိၣ်လီၤပှီၤအသး လၢဟီၣ်ခိၣ်လိၤဒီးကိးထီၣ်ဝဲ, “ယွၤမ့ၢ်ကစၢ်ယွၤ, ယွၤထဲတဂၤဧိၤမ့ၢ်ကစၢ်ယွၤန့ၣ်လီၤ.”
40 စီၤအ့ၤလံယၤမၤလိာ်ပှၤဂီၢ်မုၢ်စံးဝဲ, “ဖီၣ်ဃာ်ဘဧၤလးအ ဝံတဖၣ်တက့ၢ်. ပျဲပူၤဖျဲးအဝဲသ့ၣ်နီတဂၤတဂ့ၤ.” ပှၤဂီၢ်မုၢ်ဖီၣ်ဃာ်အဝဲသ့ၣ်ခဲလၢာ်ဒီးစီၤအ့ၤလံယၤဆှၢဃီၤ
အဝဲသ့ၣ်ဆူထံကျိဖိကံၡိၣ်ဒီးမၤသံကွံာ်အဝဲသ့ၣ်န့ၣ်လီၤ.
41 အန့ၣ်ဒီး, စီၤအ့ၤလံယၤစံးဘၣ်စီၤပၤအၤဃာ်, “ခဲအံၤလဲၤဒီးအီၣ်တၢ်တက့ၢ်. ယနၢ်ဟူဘၣ်တၢ်ဟဲစူၤအသီၣ်
သုးဘူးအသးလီၤ.”
42 ဖဲစီၤအၤဃာ်လဲၤတ့ၢ်ဒ်သိးကအီၣ်တၢ်န့ၣ်, စီၤအ့ၤလံယၤလဲၤထီၣ်ဆူကစၢၢ်ကၢ်မ့ၤလးအဒီခိၣ်, ဖဲအဝဲထိၣ်လီၤပှီၤအသးလၢဟီၣ်ခိၣ်လိၤဒီးပာ်အခိၣ်လၢအခီၣ်
လ့ၣ်ခိၣ်အကဆူးန့ၣ်လီၤ.
43 အဝဲစံးဘၣ်အခ့အပှၤ, “လဲၤဒီးကွၢ်တၢ်ဆူပီၣ်လဲၣ်န့ၣ်တ က့ၢ်.” အခ့အပှၤလဲၤဒီးဟဲက့ၤဒီးစံးဝဲ, “ယတထံၣ်တၢ်နီတမံၤဘၣ်.” စီၤအ့ၤလံယၤတဲဘၣ်အီၤလၢအကလဲၤဒီးကွၢ်တၢ်တုၤအပှဲၤထီၣ်ခဲ
လၢာ်နွံစုလီၤ.
44 နွံစုတစုန့ၣ်အဝဲဟဲက့ၤကဒါက့ၤဒီးစံးဝဲဒၣ်, “ယထံၣ်တၢ်အၢၣ်ဖိတလိၣ်တဒိၣ်ထဲသိးပှၤကညီတဂၤအစု ဟဲထီၣ်လၢပီၣ်လဲၣ်တခီန့ၣ်လီၤ.” စီၤအ့ၤလံယၤမၤလိာ်အခ့အပှၤ, “လဲၤဆူစီၤပၤအၤဃာ်အအိၣ်
ဒီးတဲအီၤလၢကက့ၤထီၣ်ဆူအလ့ၣ်ကဟၣ်အပူၤဒီးက့ၤဆူအဟံၣ်
တချုးတၢ်စူၤမၤတံာ်တာ်အီၤန့ၣ်လီၤ.”
45 လၢတစိၢ်ဖိအတီၢ်ပူၤန့ၣ်မူကပိာ်လိၤဘၣ်တၢ်ကးဘၢအီၤလၢတၢ် အၢၣ်ခံးသူတဖၣ်,
ကလံၤအူထီၣ်တၢ်ဒီးတၢ်စးထီၣ်ဟဲစူၤလီၤဒိၣ်ဒိၣ်ကလဲာ်လီၤ.
စီၤအၤဃာ်ဒိးထီၣ်အလ့ၣ်ကဟၣ်ဒီးစးထီၣ်က့ၤကဒါက့ၤဆူဝ့ၢ်ယံး
စရ့လးန့ၣ်လီၤ.
46 ယွၤအတၢ်စိတၢ်ကမီၤလီၤဘၣ်လၢစီၤအ့ၤလံယၤအလိၤ. အဝဲဒၣ်ကံၢ်တူာ်ထီၣ်အကူအသိးဃံးဃံးလၢအယီၢ်ဒ့အလိၤဒီးဃ့ၢ်
ဝဲလၢစီၤအၤဃာ်အမဲာ်ညါဒီတကျဲညါဆူဝ့ၢ်ယံးစရ့လးန့ၣ်လီၤ.