4
1 တုၤပှၤအံၣ်စရ့လးဖိခဲလၢာ်ခီဂာ်ထံကျိယၢ်ဒ့ၣ်လံဒီး, ယွၤစံးဘၣ်စီၤယိၤၡူ,
2 “ဃုထၢပှၤတဆံခံဂၤ, တဂၤစုာ်စုာ်လၢတဒူၣ်ဘၣ်တဒူၣ်န့ၣ်တက့ၢ်.
3 ဒီးမၤလိာ်အဝဲသ့ၣ်လၢကဟံးထီၣ်လၢၢ်တဆံခံဖျၢၣ်လၢထံကျိ ယၢ်ဒ့ၣ်အခၢၣ်သးလၢတၢ်လီၢ်ဖဲပှၤလုၢ်တၢ်အခိၣ်တဖၣ်ဆၢထၢၣ်တ့ၢ်ဝဲ န့ၣ်တက့ၢ်. ဒီးတဲဘၣ်အဝဲသ့ၣ်လၢကစိာ်ဃုာ်လၢၢ်တဖၣ်အံၤဒီးပာ်လီၤအီၤဖဲ သုသူၣ်ဒဲအလီၢ်တနၤအံၤတက့ၢ်.”
4 အန့ၣ်ဒီးစီၤယိၤၡူကိးထီၣ်ပှၤတဆံခံဂၤလၢအဝဲဃုထၢတ့ၢ်ဝဲ,
5 ဒီးစံးဘၣ်အဝဲသ့ၣ်, “လဲၤနုာ်လီၤဆူထံကျိယၢ်ဒ့ၣ်လၢယွၤသု ကစၢ်ယွၤအတၢ်အၢၣ်လီၤအီလီၤအတလါအမဲာ်ညါန့ၣ်တက့ၢ်. သုဝဲတဂၤဘၣ်တဂၤယိးထီၣ်လၢၢ်တဖျၢၣ်စုာ်စုာ်လၢသုဖံဘၣ်ခိၣ် လၢအံၣ်စရ့လးတဒူၣ်ဘၣ်တဒူၣ်အဂီၢ်န့ၣ်တက့ၢ်.
6 လၢၢ်တဖၣ်အံၤကဒုးသ့ၣ်နီၣ်ထီၣ်သုလၢတၢ်လၢယွၤမၤတ့ၢ်ဝဲလၢသု ဂီၢ်န့ၣ်လီၤ. လၢခံလၢလာ်, ဖဲသုဖိသုလံၤသံကွၢ်ဝဲ လၢၢ်တဖၣ်အံၤမ့ၢ်တၢ်ဒ်လဲၣ်န့ၣ်ဒီး,
7 သုကစံးဘၣ်အဝဲသ့ၣ်လၢထံကျိယၢ်ဒ့ၣ်အထံ လၢအယွၤလီၤန့ၣ်အိၣ်ပတုာ်ဝဲဖဲယွၤအတၢ်အၢၣ်လီၤအီလီၤအတလါ ခီဂာ်ထံကျိအကတီၢ်န့ၣ်လီၤ. လၢၢ်တဖၣ်အံၤထီဘိကဒုးသ့ၣ်နီၣ်ထီၣ်ပှၤအံၣ်စရ့လးဖိတဖၣ်လၢ တၢ်လၢအမၤတ့ၢ်အသးအံၤန့ၣ်လီၤ.”
8 ဒီးပှၤအံၣ်စရ့လးဖိမၤဝဲဒ်စီၤယိၤၡူမၤလိာ်တ့ၢ်အသိး, ဒီးဟံးထီၣ်လၢၢ်တဆံခံဖျၢၣ်လၢထံကျိယၢ်ဒ့ၣ်အခၢၣ်သး, ဒ်ယွၤစံးဘၣ်တ့ၢ်စီၤယိၤၡူ, ဒ်အံၣ်စရ့လးဖိအဒူၣ်တဖၣ်အိၣ်ဝဲ အသိး, ဒီးလဲၤစိာ်အီၤဆူသူၣ်ဒဲအလီၢ်ဒီးပာ်လီၤအီၤဖဲန့ၣ်န့ၣ်လီၤ.
9 ဒီးစီၤယိၤၡူပာ်လီၤစ့ၢ်ကီးလၢၢ်တဆံ ခံဖျၢၣ်လၢထံကျိယၢ်ဒ့ၣ်အခၢၣ်သးလၢတၢ်လီၢ်ဖဲပှၤလုၢ်တၢ်အ ခိၣ်တဖၣ်လၢအစိာ်တၢ်အၢၣ်လီၤအီလီၤအတလါအိၣ်ဆၢထၢၣ်ဝဲန့ၣ်လီၤ. ဒီးလၢၢ်တဖၣ်န့ၣ်အိၣ်ဒံးဝဲတုၤမုၢ်မဆါတနံၤအံၤလီၤ.
10 ပှၤလုၢ်တၢ်အခိၣ်တဖၣ်ဆၢထၢၣ်လၢထံကျိ ယၢ်ဒ့ၣ်အခၢၣ်သးတုၤလီၤလၢတၢ်လၢယွၤမၢစီၤယိၤၡူတဲ ဘၣ်အပှၤဂီၢ်မုၢ်လၢအကမၤဝဲခဲလၢာ်ဘၣ်တၢ်မၤဝံၤ အီၤတစုန့ၣ်လီၤ. တၢ်အံၤမ့ၢ်တၢ်လၢစီၤမိၤၡ့မၤလိာ်တ့ၢ်ဝဲန့ၣ်လီၤ.
ဒီးပှၤဂီၢ်မုၢ်ခီဂာ်ထံကျိချ့ချ့န့ၣ်လီၤ.
11 ဒီးဖဲအဝဲသ့ၣ်ခဲလၢာ်တုၤလၢထံကျိဝၢ်ဘးခီဒီး, ပှၤလုၢ်တၢ်အခိၣ်တဖၣ်လၢအအိၣ်ဒီးယွၤအတလါန့ၣ်လဲၤ တၢ်လၢပှၤဂီၢ်မုၢ်အမဲာ်ညါန့ၣ်လီၤ.
12 ဒီးပှၤရူၤဘ့ၣ်ဖိအဒူၣ်, ပှၤကးဖိအဒူၣ်, ဒီးပှၤမနၤၡ့ၤဖိ အဒူၣ်တဝာ်ခီဂာ်လၢပှၤအဂၤတဖၣ်အမဲာ်ညါလၢ ကဒုးတၢ်အဂီၢ်ဒ်စီၤမိၤၡ့မၤလိာ်တ့ၢ်အဝဲသ့ၣ်အသိးန့ၣ်လီၤ.
13 ဒီးလၢယွၤအမဲာ်ညါန့ၣ်, ပှၤအဂၤလွံၢ်ကလးဃၣ်ဃၣ် ကတဲာ်ကတီၤအသးလၢကဒုးတၢ်အဂီၢ်ဒီးခီဂာ်ဝဲဆူတၢ်ပၢၤခိၣ် ဖဲဝ့ၢ်ယရံၤဃိအကပၤန့ၣ်လီၤ.
14 ဒီးလၢနံၤအဝဲန့ၣ်, ယွၤယူာ်ထီၣ်ထီစီၤယိၤၡူလၢအံၣ်စရ့လးခဲလၢာ်အမဲာ်ညါဒီးဒ် အဝဲသ့ၣ်, ပျံၤစီၤမိၤၡ့အသိးန့ၣ်, ပျံၤစ့ၢ်ကီးစီၤယိၤၡူတစိၤဒၣ်အီၤန့ၣ်လီၤ.
15-16 ဒီးယွၤစံးဘၣ်စီၤယိၤၡူ, “မၤလိာ်ပှၤလုၢ်တၢ်အခိၣ်တဖၣ်လၢအစိာ်တၢ်အၢၣ်လီၤအီလီၤ အတလါဒ်သိးအကဟဲက့ၤထိီၣ်က့ၤလၢထံကျိယၢ်ဒ့ၣ်အပူၤန့ၣ်တက့ၢ်.”
17 လၢတၢ်န့ၣ်အဃိ, စီၤယိၤၡူမၤလိာ်ပှၤလုၢ်တၢ်အခိၣ်တဖၣ်, “ဟဲက့ၤထီၣ်က့ၤလၢထံကျိယၢ်ဒ့ၣ်အပူၤတက့ၢ်.”
18 ဒီးဖဲပှၤလုၢ်တၢ်အခိၣ်တဖၣ်လၢအစိာ်ယွၤအတၢ်အၢၣ်လီၤအီ လီၤအတလါဟဲက့ၤထီၣ်က့ၤလၢထံကျိယၢ်ဒ့ၣ်ဒီး, တုၤအခီၣ်ညါသးယီၢ်လီၤခိန့ၣ်, ထံယွၤလီၤကဒါက့ၤလုၣ်ဘၢထံ ကၢၢ်ခိၣ်ဒ်လၢညါအသိးန့ၣ်လီၤ.
19 ပှၤဂီၢ်မုၢ်ခီဂာ်ထံကျိယၢ်ဒ့ၣ်လၢလါအခီၣ်ထံးတလါ, လါထီၣ်ဆံဆဲၣ်သီတသီဒီးသူၣ်ဒဲဖဲဝ့ၢ် ကံးလကၤလးလၢဝ့ၢ်ယရံၤဃိအမုၢ်ထီၣ်န့ၣ်လီၤ.
20 ဒီးဖဲန့ၣ်န့ၣ်, စီၤယိၤၡူပာ်လီၤ လၢၢ်တဆံခံဖျၢၣ်လၢအဟဲက့ၤစိာ်ဝဲလၢထံကျိယၢ်ဒ့ၣ်န့ၣ်လီၤ.
21 ဒီးအဝဲစံးဘၣ်ပှၤအံၣ်စရ့လးဖိတဖၣ်, “လၢခံလၢလာ်ဖဲသုဖိသုလံၤတဖၣ်သံကွၢ်သုလၢလၢၢ်ထူၣ်တဖၣ်အံၤ အခီပညီမ့ၢ်တၢ်မနုၤလဲၣ်န့ၣ်ဒီး
22 သုကစံးဘၣ်တဲဘၣ်အဝဲသ့ၣ်တၢ်အကတီၢ်လၢ ပှၤအံၣ်စရ့လးဖိတဖၣ်ခီဂာ်ထံကျိယၢ်ဒ့ၣ်လၢခိအဂ့ၢ်န့ၣ်လီၤ.
23 စံးဘၣ်တဲဘၣ်အဝဲသ့ၣ်လၢယွၤသုကစၢ်ယွၤမၤလီၤသံး ကွံာ်ထံလၢထံကျိယၢ်ဒ့ၣ်အပူၤလၢသုဂီၢ်တုၤလၢသုခီဂာ်တၢ်တစု, ဒ်အမၤလီၤသံးကွံာ်ပီၣ်လဲၣ်ဂီၤလၢပဂီၢ်အသိးန့ၣ်တက့ၢ်.
24 လၢတၢ်ဂ့ၢ်အံၤအဃိ, ပှၤအိၣ်လၢဟီၣ်ခိၣ်ချၢခဲလၢာ်ကသ့ၣ် ညါလၢယွၤအစိကမီၤဒိၣ်ဝဲထဲလဲၣ်, ဒီးသုကမၤလၤကပီၤယွၤ သုကစၢ်ယွၤအစိၤစိၤအဃၣ်ဃၣ်န့ၣ်လီၤ.”