15
1 ယူဒၤအဒူၣ်,အဒူၣ်ဖိထၢဖိတဖၣ်ဒိးန့ၢ်ဘၣ်တၢ်လီၢ်တနီၤဒ် တၢ်ပာ်ဖျါလၢလာ်အံၤအသိးန့ၣ်လီၤ.
အဝဲသ့ၣ်အကီၢ်လဲၤတုၤလၢကလံၤ ထံးလၢပှၢ်မုၢ်ကနၢစံၣ်အကလံၤထံးကတၢၢ်တတီၤဖဲကီၢ်အဒိၣ်အကီၢ် ဆၢန့ၣ်လီၤ.
2 ကလံၤထံးကီၢ်ဆၢအံၤစးထီၣ်အသးဖဲပီၣ်လဲၣ်အံသၣ်အကလံၤထံးအကတၢၢ်,
3 ဒီးလဲၤဝဲဆူကလံၤထံးတကပၤစးထီၣ်လၢဧးကရးဘံၣ်အတၢ်စိခိၣ် ဒီးတုၤလၢပှၢ်မုၢ်ကနၢစံၣ်န့ၣ်လီၤ. လဲၤကဒီးဆူဝ့ၢ်ကၤဒ့ၣ်ဘၢ်န့အကလံၤထံး, ပူၤကွံာ်ဝ့ၢ်ဃ့စရိာ်ဒီးတုၤလၢဝ့ၢ်အးဒၢ်, တရံးအသးဆူဝ့ၢ်ကၢ်ကၤ,
4 ဒီးလဲၤထီၣ်ဆူဝ့ၢ်ဧၤစမိၣ်, ဒီးပိာ်ထွဲထံကျိဖိလၢကီၢ်အဲၤကူပတူးအကီၢ်ဆၢတုၤလၢပီၣ် လဲၣ်ဖးဒိၣ်မဲးဒံးထၢၣ်ရ့နယၢၣ်ဖဲကီၢ်ဆၢကတၢၢ်ဝဲန့ၣ်လီၤ. အဝဲအံၤမ့ၢ်ယူဒၤအကီၢ်ဆၢလၢကလံၤထံးတခီန့ၣ်လီၤ.
5 ဒီးကီၢ်ဆၢလၢမုၢ်ထီၣ်တခီမ့ၢ်ဝဲပီၣ် လဲၣ်အံသၣ်ဒီးတရဲၣ်ဃီတုၤလီၤလၢထံကျိယၢ်ဒ့ၣ်အထံထၣ်န့ၣ်လီၤ.
ကီၢ်ဆၢလၢကလံၤစိးတခီစးထီၣ်အသးဖဲန့ၣ်,
6 ဒီးလဲၤထီၣ်ဆူဝ့ၢ်ဘ့ၤသဃါ ကလၤဒီးလဲၤဆူဝ့ၢ်ဘ့ၤသဧါရဘၤ လၢကလံၤစိးတခီဒီးကီၢ်အဆၢန့ၣ်လဲၤထီၣ်ဆူစီၤရူၤဘ့ၣ်အဖိခွါစီၤဘိဟၣ်အလၢၢ်တဖျၢၣ်,
7 ဒီးကီၢ်အဆၢန့ၣ်လဲၤထီၣ်ဆူဝ့ၢ်ဒဘံၢ်လၢကစၢၢ် ကဆူးဧၤကိၢ်ဒီးဆူကလံၤစိးဝံၤတရံး အသးဆူဝ့ၢ်ကံၤလကၤလးလၢအအိၣ်တခီတကပၤဒီးအဒူမံၣ်အတၢ်စိခိၣ်လၢအအိၣ်လၢကစၢၢ်ကဆူး ကလံၤထံးဒီးကီၢ်ဆၢန့ၣ်လဲၤ တၢ်တုၤလၢဧၣ်ၡ့မ့ၣ်အထံထီၣ်ပၢၢ်ဒီးကတၢၢ်ဝဲဖဲဧ့ၣ်ရိၤက့လး အထံထီၣ်ပၢၢ်န့ၣ်လီၤ.
8 ဝံၤဒီးကီၢ်ဆၢန့ၣ်လဲၤထီၣ်ဝဲဆူ ဟံၣ်နိၣ်ကစၢၢ်ကဆူးလၢကစၢၢ်ကလံၤထံးတကပၤဖဲပှၤယဘူၣ်ဖိအဝ့ၢ်လၢအမ့ၢ်ဝဲဝ့ၢ်ယရူၤၡလ့ၣ် အိၣ်တၢ်အလီၢ်န့ၣ်လီၤ. ကီၢ်ဆၢလဲၤထီၣ်ဆူကစၢၢ်အဒီခိၣ်လၢဟံၣ်နိၣ်ကစၢၢ်ကဆူးအမုၢ် နုာ်တကပၤဖဲပှၤနီၢ်ဒိၣ်ဖိအကစၢၢ်ကဆူးအကလံၤစိး ကတၢၢ်န့ၣ်လီၤ.
9 ဖဲန့ၣ်ဝံၤဒီးလဲၤဆူန့ဖတိၤအထံထီၣ် ပၢၢ်ဒီးဟးထီၣ်ဝဲဆူဝ့ၢ်တဖၣ်လၢအအိၣ်လၢကစၢၢ်ဧ့ၤဖရိၣ်အကပၤလီၤ. ဖဲန့ၣ်တရံးအသးဆူဝ့ၢ်ဘဧၤလၤ (မ့တမ့ၢ်ကံးရယးယဧၤရံၣ်,)
10 ဒီးဖဲန့ၣ်လဲၤတရံးတၢ်လၢဘဧၤလၤအမုၢ်နုာ် ဆူကီၢ်အဒိၣ်အကစၢၢ်ကလိ, ဒီးလဲၤဆူကစၢၢ်ယဧၤရံၣ်အကလံၤစိး (မ့တမ့ၢ်ကစ့လိၣ်), ဒီးလီၤဆူဝ့ၢ်ဘ့ၤသၡ့မ့ၣ်ဒီးလဲၤပူၤကွံာ်ဝ့ၢ်တံးမနၤလီၤ.
11 ကီၢ်ဆၢန့ၣ်လဲၤထီၣ်ဆူကစၢၢ်လၢဝ့ၢ်ဧ့ကြိၣ်အကလံၤစိး, တရံးအသးဆူဝ့ၢ်ၡံကြိၣ်ပူၤကွံာ်ကစၢၢ်ဘဧၤလးဒီးဆူညါဆူ ဝ့ၢ်ယးဘန့လးလီၤ. လဲၤကတၢၢ်ဝဲဖဲပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်
12 လၢအမ့ၢ်ကီၢ်အဆၢလၢမုၢ်နုာ်တခီန့ၣ်လီၤ. လၢကီၢ်အဆၢတဖၣ်အပူၤ အံၤပှၤယူဒၤအဒူၣ်ဖိထၢဖိတဖၣ်အိၣ်ဝဲန့ၣ်လီၤ.
(စံၣ်ညီၣ်.၁း၁၁-၁၁၅)
13 ဒ်ယွၤမၤလိာ်စီၤမိၤၡ့အသိး, ပှၤယူဒၤဖိအကီၢ်တနီၤဘၣ်တၢ်ဟ့ၣ်လီၤအီၤဆူစီၤယဖူန့ၤအဖိ ခွါစီၤကၤလ့းလၢယူဒၤအဒူၣ်တခီန့ၣ်လီၤ. အဝဲဒိးန့ၢ်ဘၣ်ဃ့ဘြိၣ်, ဝ့ၢ်လၢအဘၣ်ဃးဒီးစီၤအၢ်ဘၤလၢအမ့ၢ်စီၤဧနးအပၢ်န့ၣ်လီၤ.
14 စီၤကၤလ့းဟီထီၣ်ကွံာ်စီၤ ဧနးအစၢၤအသွဲၣ်တဖၣ်လၢဝ့ၢ်အပူၤလၢအမ့ၢ်စီၤၡ့ၡဲ, စီၤအဃံမ့ၣ်ဒီးစီၤတးလမဲအဒူၣ်ထၢတဖၣ်န့ၣ်လီၤ.
15 ဒီးလဲၤထီၣ်ဝဲဖဲန့ၣ်ထီဒါပှၤဝ့ၢ်ဒဘံၢ်ဖိတဖၣ်လီၤ. (ဝ့ၢ်ဒဘံၢ်အမံၤလၢအပူၤကွံာ်မ့ၢ်ဝဲကံးရယးစ့ဖ့ၢ်လီၤ.)
16 ဒီးစီၤကၤလ့းစံးဝဲ, “ပှၤလၢအဒုးဒီးမၤန့ၢ်ဝ့ၢ်ကံးရယးစ့ဖ့ၢ်န့ၣ်, ယကဟ့ၣ်လီၤယဖိမုၣ်နီၢ်ဧၤကစ့ၤလၢကကဲထီၣ်အမါအဂီၢ် န့ၣ်လီၤ.
17 ဒီးစီၤကၤလ့းအဒီပုၢ်ဝဲၢ်စီၤ ကနးစးအဖိခွါစီၤဧီၤသန့လးဒုးန့ၢ်ဝ့ၢ်န့ၣ်သတးဒီး စီၤကၤလ့းဟ့ၣ်လီၤအဖိမုၣ်နီၢ်ဧၤကစ့ၤ လၢတၢ်တ့တၢ်ဖျီအဂီၢ်န့ၣ်လီၤ.
18 ဖဲအဖျီအသးအနံၤန့ၣ်, စီၤဧီၤသန့လးသဆၣ်ထီၣ်အခံလၢအကဃ့န့ၢ်စံာ်ပျီလၢအပၢ်အအိၣ် န့ၣ်လီၤ. ပိာ်မုၣ်န့ၣ်စံၣ်လီၤလၢကသ့ၣ်ယီၤအလိၤဒီးစီၤကၤလ့း သံကွၢ်အီၤတၢ်လၢအဝဲသးလီဝဲန့ၣ်လီၤ.
19 အဝဲစံးဆၢဝဲ, “ယသးလီထံမူအပူၤတနီၤလီၤ. စံာ်ပျီလၢနဟ့ၣ်လီၤယၤန့ၣ်အိၣ်လၢတၢ်ဃ့ထီအလီၢ်န့ၣ်လီၤ.” အန့ၣ်ဒီးစီၤကၤလ့းဟ့ၣ်လီၤအီၤထံထီၣ်ပၢၢ်လၢထးဒီးလၢလာ်တဖၣ်န့ၣ်လီၤ.
20 အဝဲအံၤမ့ၢ်ပှၤယူဒၤဖိအဒူၣ်အတၢ်န့ၢ်သါဒ်အဒူၣ်ဖိထၢဖိတဖၣ် အိၣ်ဝဲအသိးန့ၣ်လီၤ.
21 ဝ့ၢ်တဖၣ်လၢအဘၣ်ဃးဒီးပှၤယူဒၤဖိအဒူၣ် လၢကလံၤထံးကတၢၢ်ဆူကီၢ်အဒိၣ်အကီၢ်ဆၢန့ၣ်မ့ၢ်ဝဲဘစ့လး, ဧ့စ့ၢ်, ဒီးယၤကူၢ်,
22-23 ကံနၤ, ဒံမိၤနၤ, ဧဒၤဒၤ, ကၤဒ့ၣ်, ဃါစိၢ်, ယံသနၣ်,
24-26 စံဖး, တ့လ့ၣ်, ဘဧၤလိး, ဃါစိၢ်ဃဒးတၤ, ကရံယိး, ဃ့စရိၣ် (မ့တမ့ၢ်ဃါစိၢ်) အမၣ်, ၡမၤ,
27-28 မိၤလဒၤ, ဃစၣ်ကးဒၤ, ဃ့ၡမိၣ်, ဘ့ၤသပၤလ့း, ဃစၢ်ၡူဧလး, ဘ့ၢ်ၡဘၤ, ဘံစယိၤသၤ,
29-31 ဘဧၤလၤ, ဧံယံၣ်, ဧၤစ့ၣ်, အ့းလတိလး, ကသံလး, ဃိၢ်မါ, စံကလး, မၤဒမးနၤ, စၤနစးနၤ,
32 လဘၤအိသး, ၡံလဃံၣ်, ဧ့ၣ်, ဒီးရံးမိၣ်န့ၣ်လီၤ. ခဲလၢာ်မ့ၢ်ဝဲခံဆံခွံဝ့ၢ်ဃုာ်ဒီးဝ့ၢ်ဖိ လၢအအိၣ်ဝးတရံးအီၤတဖၣ်န့ၣ်လီၤ.
33-34 ဒီးဝ့ၢ်လၢကစၢၢ်ဂံၢ်ထံးတဖၣ်တခီမ့ၢ်ဝဲအ့ၤၡတိလး, စိးရဧၤ, အါၡနၤ, စါနိ, ဧ့ၣ်ကနၣ်, တးပူၤ, ဧ့ၤနၣ်,
35-36 ယၢ်မူသး, ဧဒူးလၣ်, စိကိၤ, ဧစ့ကၤ, ၡၤရယံၣ်, ဧဒံသၣ်, ကဒ့ရၤ, ဒီးကဒ့ရိၤသံၣ်န့ၣ်လီၤ. မ့ၢ်ဝ့ၢ်တဆံလွံၢ်ဝ့ၢ်ဃုာ်ဒီးဝ့ၢ်ဖိလၢအအိၣ်ဝးတ ရံးအီၤတဖၣ်န့ၣ်လီၤ.
37 အိၣ်စ့ၢ်ကီးဒီးစနၣ်, ကဒါၡၤ, မံးကဒးလကး,
38 ဒံလၣ်, မံးစပၤ, ယိးကသ့လး,
39 လၤကံၣ်, ဘိးစကး, ဧ့ၣ်ကလိၣ်,
40 ကးဘိၣ်, လၤမၣ်, ကံသလံၣ်,
41 ကဒ့ရိၣ်, ဘ့ၤသဒၤကိၣ်,နၤဧမၣ်, ဒီးမးက့ဒၤန့ၣ်လီၤ. မ့ၢ်ဝ့ၢ်တဆံဃုဝ့ၢ်ဃုာ်ဒီးဝ့ၢ်ဖိလၢအအိၣ်ဝးတ ရံးအီၤတဖၣ်န့ၣ်လီၤ.
42 အိၣ်စ့ၢ်ကီးဒီးလံးဘနၤ, ဧ့သ့ၢ်, ဧၤၡၣ်, ယံးဖတၤ, အါနၤ, နစံာ်,
43-44 ကံလၤ, အၤကစံာ်, ဒီးမရ့ၡၤန့ၣ်လီၤ. မ့ၢ်ဝ့ၢ်ခွံဝ့ၢ်ဃုာ်ဒီး ဝ့ၢ်ဖိလၢအအိၣ်ဝးတရံးအီၤတဖၣ်န့ၣ်လီၤ.
45-46 အိၣ်ဒီးဧ့ကြိၣ်ဃုာ်ဒီးအဝ့ၢ်ဖိဒီးအသဝီတဖၣ်, ဒီးဝ့ၢ်ဒီးဝ့ၢ်ဖိအိၣ်ဘူးဒီးအၤစဒိာ် ခဲလၢာ်စးထီၣ်လၢဧ့ကြိၣ်တုၤလီၤလၢပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်န့ၣ်လီၤ.
47 အိၣ်ဒီးအၤစဒိာ်ဒီးဂါစၤဃုာ် ဒီးအဝ့ၢ်ဖိဒီးအသဝီတဖၣ်တုၤလၢထံကျိဖိလၢအဲၤကူပတူး အကီၢ်ဆၢဒီးပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်အနံၤန့ၣ်လီၤ.
48-49 လၢကစၢၢ်ခိၣ်တခီအိၣ်ဒီးၡၤမံၢ်, ယးတံၢ်, စိကိၤ, ဒးနၤ, ကံးရယးစးနၤ (မ့တမ့ၢ်ဒဘံၢ်,)
50 ဧနာ်, အ့ၡတမိး, ဧၤနံၣ်,
51 ကိၡၣ်, ဟိလိၣ်, ဒီးကံလိၤန့ၣ်လီၤ. မ့ၢ်ဝ့ၢ်တဆံတဝ့ၢ်ဃုာ်ဒီး ဝ့ၢ်ဖိလၢအအိၣ်ဝးတရံးအီၤတဖၣ်န့ၣ်လီၤ.
52-53 အိၣ်ဒီးအၤရာ်, ဒူမၤ, အ့ၡၣ်, ယၤနူၣ်, ဘ့ၤသတးပူၤ, အဖ့ကၤ,
54 ဃူမတၤ, ဃ့ဘြိၣ်, ဒီးစံဧိၢ်န့ၣ်လီၤ. မ့ၢ်ဝ့ၢ်ခွံဝ့ၢ်ဃုာ်ဒီးဝ့ၢ်ဖိလၢအအိၣ်ဝးတရံးအီၤတဖၣ်န့ၣ် လီၤ.
55-56 အိၣ်ဒီးမၤဧိၣ်, ကၢ်မ့လး, စံဖး, ယူးတၤ, ယံးစကံလး, ယိးကဒၣ်, စါနိၤ,
57 ကၤယံၣ်, ကံဘဧၤ, ဒီးတံးမနၤန့ၣ်လီၤ. မ့ၢ်ဝ့ၢ်တဆံဝ့ၢ်ဃုာ် ဒီးဝ့ၢ်ဖိလၢအအိၣ်ဝးတရံးအီၤတဖၣ်န့ၣ်လီၤ.
58 အိၣ်ဒီးဃၤလဃူလး, ဘ့ၤသစူၢ်, ကဒိၣ်,
59 မၤရး, ဘ့ၤသၤနိး, ဒီးအ့လတးကိၣ်န့ၣ်လီၤ. မ့ၢ်ဝ့ၢ်ဃုဝ့ၢ်ဃုာ်ဒီးဝ့ၢ်ဖိတဖၣ်လၢအအိၣ်ဝးတရံၤအီၤန့ၣ်လီၤ.
60 အိၣ်ဒီးကံးရယးဘဧၤလး (မ့တမ့ၢ်ကံးရယးယဧၤရံၣ်) ဒီးရးဘးန့ၣ်လီၤ. မ့ၢ်ဝ့ၢ်ခံဝ့ၢ်ဃုာ်ဒီးဝ့ၢ်ဖိလၢအအိၣ်ဝးတရံးအီၤတဖၣ်န့ၣ်လီၤ.
61 လၢပှၢ်မုၢ်ကနၢတခီအိၣ်ဝဲဒီးဘ့ၤသဧါရဘၤ, မံးဒံၣ်, စကၤကၤ,
62 နံးဘၡၣ်, ဝ့ၢ်အံသၣ်, ဒီးဧ့ၣ်က့ဒံၤန့ၣ်လီၤ. မ့ၢ်ဝ့ၢ်ဃုဝ့ၢ်ဃုာ်ဒီးဝ့ၢ်ဖိလၢအအိၣ်ဝးတရံးအီၤတဖၣ်န့ၣ်လီၤ.
63 ဘၣ်ဆၣ်ဒီးပှၤယူၤဒၤဖိတဖၣ်ဟီထီၣ်ကွံာ် ပှၤယဘူၣ်ဖိလၢအအိၣ်လၢဝ့ၢ်ယရူၤၡလ့ၣ်အပူၤတဖၣ်တသ့ဘၣ်လီၤ. ပှၤယဘူၣ်ဖိတဖၣ်အိၣ်ဒံးဒၣ်ဝဲဖဲန့ၣ်ဃုာ်ဒီးပှၤယူဒၤဖိတဖၣ် တုၤမုၢ်မဆါတနံၤအံၤန့ၣ်လီၤ.