24
1 ယွၤဒုးနဲၣ်ယၤချၢၣ်ဒၢသၣ်ခံနာ်လၢအဘၣ်တၢ်ပာ်လီၤအီၤလၢ ယွၤအတၢ်လုၢ်ဟံၣ်အမဲာ်ညါန့ၣ်လီၤ. (တၢ်အံၤမ့ၢ်ဖဲကီၢ်ဘၤဘူၤလိၣ်အစီၤပၤနဘူၤကးန့စၢ်စိာ်ကွံာ် စီၤယဟိၤယါကံၣ်အဖိခွါ, ကီၢ်ယူဒၤအစီၤပၤစီၤယဟိၤယါခံၣ်ဒ်ပှၤဘၣ်တၢ်စိာ်မၢကဲကုၢ် တဂၤအသိးလၢဝ့ၢ်ယရူၤၡလ့ၣ်ဆူကီၢ်ဘၤဘူၤလိၣ်, ဃုာ်ဒီးကီၢ်ယူဒၤအပှၤခိၣ်နၢ်တဖၣ်, ပှၤမၤတၢ်စုသ့ခီၣ်သ့တဖၣ် ဒီးပှၤမၤတၢ်ဖိလၢအသ့အဘၣ်တဖၣ်ဝံၤအလီၢ်ခံန့ၣ်လီၤ.)
2 နာ်အခီၣ်ထံးတဖျၢၣ်အိၣ်ဒီးချၢၣ်ဒၢသၣ်လၢအဂ့ၤတဖၣ်လၢအမံဆိ ဝဲန့ၣ်လီၤ. မ့မ့ၢ်နာ်အဂၤတဖျၢၣ်န့ၣ်အိၣ်ဒီးချၢၣ်ဒၢသၣ်လၢအတဂ့ၤ တဖၣ်, တဂ့ၤဝဲၤတုၤဒၣ်လဲာ်နအီၣ်တသ့ဘၣ်န့ၣ်လီၤ.
3 အန့ၣ်ဒီးယွၤစံးဘၣ်ယၤ, “စီၤယံးရမံယၤဧၢ, နထံၣ်တၢ်မနုၤလဲၣ်.”
ယစံးဆၢယဲ, “ချၢၣ်ဒၢသၣ်တဖၣ်လီၤ. အသၣ်အဂ့ၤတဖၣ်ဂ့ၤဒိၣ်မး ဒီးအသၣ်လၢအတဂ့ၤတဖၣ်တဂ့ၤဝဲတုၤဒၣ်လဲာ်နအီၣ်အီၤ တသ့ဘၣ်န့ၣ်လီၤ.”
4-5 အန့ၣ်ဒီးယွၤစံးဘၣ်ယၤ, “ယၤ, ယွၤ, အံၣ်စရ့လးအကစၢ်ယွၤ, ကွၢ်ဆိကမိၣ်ဝဲလၢပှၤဂီၢ် မုၢ်လၢအဘၣ်တၢ်စိာ်ကွံာ်အီၤဆူကီၢ်ဘၤဘူၤလိၣ်တဖၣ်န့ၣ်လီၤဂာ် ဒီးချၢၣ်ဒၢသၣ်အဂ့ၤဒ်သိးအံၤတဖၣ်ဒီးယကမၤဘၣ်အဝဲသ့ၣ်လၢတၢ် သးကညီၤအပူၤန့ၣ်လီၤ.
6 ယကအံးက့ၤကွၢ်က့ၤအဝဲသ့ၣ်ဒီးဟဲက့ၤစိာ်က့ၤအဝဲသ့ၣ်ဆူကီၢ် အံၤန့ၣ်လီၤ. ယကမၤထီၣ်မၤထီအဝဲသ့ၣ်ဒီးတမၤလီၤပှီၢ်ကွံာ်အီၤဘၣ်. ယကသူၣ်လီၤဖျးလီၤအဝဲသ့ၣ်ဒီးတထဲးထီၣ်ကွံာ်ဘၣ်အဝဲသ့ၣ်ဘၣ်.
7 ယကဟ့ၣ်လီၤအဝဲသ့ၣ်လၢတၢ်သးအိၣ်သ့ၣ်ညါလၢယမ့ၢ်ယွၤန့ၣ်လီၤ. အန့ၣ်ဒီးအဝဲသ့ၣ်ကမ့ၢ်ယပှၤဂီၢ်မုၢ်ဒီးယကမ့ၢ်အဝဲသ့ၣ်အကစၢ်ယွၤ, မ့ၢ်လၢအဝဲသ့ၣ်ကဟဲက့ၤကဒါက့ၤဆူယအိၣ်လၢအသးဒီဖျၢၣ်ညါ အဃိန့ၣ်လီၤ.
8 မ့မ့ၢ်လၢကီၢ်ယူဒၤအစီၤပၤစံးဒကံယၤ, ပှၤလူၤထံဂ့ၢ်ကီၢ် ဂ့ၢ်တဖၣ်လၢအအိၣ်ဝးတရံးအီၤ, ဒီးဝ့ၢ်ယရူၤၡလ့ၣ်အပှၤဂီၢ်မုၢ်အဂၤလၢအအိၣ်လၢကီၢ်အံၤအပူၤ မ့ၢ်ဂ့ၤ, သုးအသးဆူကီၢ်အဲၤကူပတူးအပူၤမ့ၢ်ဂ့ၤအဂီၢ်န့ၣ်, ယၤ, ယွၤအံၤယကမၤဘၣ်အဝဲသ့ၣ်ခဲလၢာ်ဒ်ချၢၣ်ဒၢသၣ်လၢအတဂ့ၤတ ဖၣ်, တဂ့ၤဝဲတုၤဒၣ်လဲာ်နအီၣ်အီၤတသ့ဘၣ်အသိးန့ၣ်လီၤ.
9 ယကဟဲစိာ်တၢ်တတၢးတနါဒ်န့ၣ်အသိးလၢအဝဲသ့ၣ်အဖီခိၣ်, တုၤဒၣ်လဲာ်ပှၤကလုာ်တဖၣ်လၢဟီၣ်ခိၣ်ဒီဘ့ၣ်ကပျံၤတၢ်ဖုးတၢ်န့ၣ် လီၤ. ပှၤဂီၢ်မုၢ်ကဒုၣ်ဒွဲၣ်အဝဲသ့ၣ်, ကကတိၤကလိာ်ကလာ်တၢ်ဘၣ်ဃးအဝဲ သ့ၣ်, ကတိၤနံၤဘၣ်ဖၣ်လဲအဝဲသ့ၣ်, ဒီးသူ အဝဲသ့ၣ်အမံၤဒ်တၢ်ဆိၣ်အၢတမံၤအသိးလၢတၢ်လီၢ်ကိးပူၤဒဲးဖဲ ယမၤလီၤပြံလီၤပြါအဝဲသ့ၣ်န့ၣ်လီၤ.
10 ယကဟဲစိာ်တၢ်ဒုးတၢ်ယၤ, တၢ်သၣ်ဝံၤလီၤဒိဒီးတၢ်ဆူးတၢ်ဆါလၢ အဝဲသ့ၣ်အဖီခိၣ်တုၤလီၤလၢပှၤတအိၣ်လီၤတဲာ်တ့ၢ်နီတဂၤလၢၤဘၣ် လၢထံကီၢ်လၢယဟ့ၣ်လီၤတ့ၢ်အဝဲသ့ၣ်ဒီးအမိၢ်ပၢ်ဖံဖုလၢပျၢၤ တဖၣ်အပူၤဘၣ်န့ၣ်လီၤ.”