3
1 ယဒီပုၢ်ဝဲၢ်သ့ၣ်ဧၢ, သုဝဲအါဂၤသုတကြၢးကဲထီၣ်သရၣ်တဖၣ် ဘၣ်. ဒ်သုသ့ၣ်ညါအသိး, ပဝဲသရၣ်တဖၣ်တၢ်ကစံၣ်ညီၣ်ပှၤဃံးဒိၣ်န့ၢ်ဒံးပှၤဂၤတဖၣ် တက့ၢ်လီၤ.
2 ပဝဲခဲလၢာ်ပမၤကမၣ်တၢ်တလီၢ်လီၢ်လီၤ. ဘၣ်ဆၣ်ဒီး, ပှၤတဂၤမ့ၢ်တမၤကမၣ်တၢ်ခီဖျိအတၢ်ကလုၢ်ကတိၤအပူၤနီ တဘျီဘၣ်ဒီး, အဝဲဒၣ်မ့ၢ်ပှၤအလၢအပှဲၤတဂၤဒီးသ့ပၢၤစ့ၢ်ကီး အနီၢ်ဒီဂၤညါန့ၣ်လီၤ.
3 ဒ်သိးကသ့ၣ်ကစူၢ်ပှၤအဂီၢ်ပဒုးအ့ၣ်ထီၣ်အီၤထးအ့ၣ်လၢ အထးခိၣ်ဒီးဖဲပသးအိၣ်ပဒုးလဲၤအီၤသ့ဝဲလီၤ.
4 မ့တမ့ၢ်ကွၢ်ဆိကမိၣ်ကဘီတဘ့ၣ်အဂ့ၢ်တက့ၢ်. ကဘီအံၤဒိၣ်ထဲလဲၣ်, ဒီးကလံၤဆူၣ်အူဘၣ်အီၤထဲလဲၣ် သနာ်က့, ဘၣ်တၢ်ဒီလိၤအီၤခီဖျိနီၣ်ဝၢ်ကၢၤဆံးဆံးဖိ တဘ့ၣ်, ဒီးလဲၤတၢ်ဒ်ကဘီခိၣ်သးအိၣ်လၢအကလဲၤဝဲ အသိးန့ၣ်လီၤ.
5 ပျ့ၤမ့ၢ်တၢ်ဒ်န့ၣ်အသိးစ့ၢ်ကီးလီၤ. မ့ၢ်တၢ်ဆံးကိာ်ဖိသနာ်က့ ကတိၤဒိၣ်ကတိၤသွါလီၤက့ၤအသးဘၣ်ဃးအတၢ်မၤဖးဒိၣ် တဖၣ်အဂ့ၢ်သ့ဝဲလီၤ.
ကွၢ်ဆိကမိၣ်မ့ၣ်အူလၣ်ဆံးကိာ်ဖိလၢအအီၣ်ကဲၤကပျီၤ ထီၣ်သ့ၣ်ပှၢ်ဖးဒိၣ်သ့ဝဲအဂ့ၢ်န့ၣ်တက့ၢ်.
6 ဒီးပျ့ၤမ့ၢ်တၢ်လၢအလီၤဂာ်ဒီးမ့ၣ်အူလီၤ. မၤအသးဒ်ဟီၣ်ခိၣ်လၢအတတီတလိၤတဘ့ၣ်လၢအအိၣ်လၢ ပနီၢ်ခိအက့ၢ်အဂီၤတဖၣ်အကျါ, ဒီးမၤဘၣ်အၢဘၣ်သီပနီၢ် ဒီဂၤညါန့ၣ်လီၤ. ပတၢ်အိၣ်မူအကျဲဒီဘိညါန့ၣ်, ဆိၣ်ကဲၤထီၣ်ဝဲလၢမ့ၣ်အူလၢအဟဲလၢလရာ်ဒၣ်ဝဲအပူၤ န့ၣ်လီၤ.
7 ပှၤဟီၣ်ခိၣ်ဖိသ့မၤဘှါဒီးမၤဘှါတ့ၢ်လံဆၣ်ဖိကီၢ်ဖိအဂၤ ခဲလၢာ်, ဆၣ်ဖိကီၢ်ဖိအမံၤဒီးထိၣ်တဖၣ်, ဂုၢ်ဧိၤဒးဧိၤဒီးညၣ် တဖၣ်န့ၣ်လီၤ.
8 မ့မ့ၢ်ပျ့ၤန့ၣ်ပှၤမၤဘှါအီၤတန့ၢ်ဒံးနီတဂၤဘၣ်. မ့ၢ်တၢ်အၢတၢ်သီလၢပှၤပၢၤဃာ်အီၤတန့ၢ်ဒီးလၢပှဲၤဝဲဒီး အစုၣ်အပျၢ်လၢအမၤသံတၢ်လီၤ.
9 ပသူအီၤလၢတၢ်စံးထီၣ်ပတြၢၤပကစၢ်ဒီးပပၢ်, ဒီးပသူစ့ၢ်ကီးအီၤလၢတၢ်ဆိၣ်အၢပပှၤကညီကဒဲကဒဲလၢ အဘၣ်တၢ်တ့လီၤအီၤဒ်ကစၢ်ယွၤအက့ၢ်အဂီၤအသိး န့ၣ်လီၤ.
10 တၢ်စံးဘျုးစံးဖှိၣ်ဒီးတၢ်ဆိၣ်အၢအတၢ်ကတိၤတဖၣ်ဟး ထီၣ်လၢအထးခိၣ်တပူၤဃီလီၤ. ယဒီပုၢ်ဝဲၢ်သ့ၣ်ဧၢ, တၢ်အံၤတကြၢးမၤအသးဘၣ်.
11 ထံမူထီၣ်ပၢၢ်တဟ့ၣ်ထီၣ်ထံအဆၢဒီးထံအခၣ်တပူၤဃီဘၣ်.
12 ယဒီပုၢ်ဝဲၢ်သ့ၣ်ဧၢ, ချၢၣ်ဒၢတထူၣ်န့ၣ်သၣ်ထီၣ်သ့ၣ်စၤယံးအသၣ် တသ့ဘၣ်. စပံးမုၢ်တမုၢ်န့ၣ်သၣ်ထီၣ်ချၢၣ်ဒၢအသၣ် တသ့ဘၣ်. ဒီးထံဟီထီၣ်ပၢၢ်တပူၤန့ၣ်ဟ့ၣ်ထီၣ်ထံအဆၢ တသ့ဘၣ်.
13 ပှၤလၢသုကျါအိၣ်ဝဲတဂၤဂၤလၢအကူၣ်သ့ဒီးသ့ၣ်ညါနၢ် ပၢၢ်တၢ်န့ၣ်ဧါ. အဝဲကဘၣ်ဒုးနဲၣ်တၢ်အံၤခီဖျိအတၢ်အိၣ်မူလၢ အဂ့ၤ, ဒီးခီဖျိအတၢ်မၤအဂ့ၤတဖၣ်လၢအမၤဝဲအိၣ်ဒီး တၢ်ဆီၣ်လီၤသးဒီးတၢ်ကူၣ်သ့န့ၣ်လီၤ.
14 ဘၣ်ဆၣ်ဒီး, တၢ်သူၣ်က့ၣ်သးကါ, တၢ်သးဆါ, တၢ်အဲၣ်လီၤသး, မ့ၢ်အိၣ်လၢသုသးကံၢ်ပူၤဒီး, တဘၣ်မၤတၢ်ဒဲးဘးထီဒါတၢ်မ့ၢ် တၢ်တီခီဖျိတၢ်ပာ်ကဖၢလၢသးလၢသုတၢ်ကူၣ်သ့ဒၣ်ဝဲ အဃိန့ၣ်တဂ့ၤ.
15 တၢ်ကူၣ်သ့ဒ်န့ၣ်တကလုာ်တဟဲလီၤလၢမူခိၣ်ဘၣ်. မ့ၢ်တၢ်လၢအဘၣ်ဃးဒီးဟီၣ်ခိၣ်, တဘၣ်ဃးဒီးတၢ်လၢ သူၣ်လၢသးဘၣ်, ဒီးဘၣ်ဃးဒၣ်ဒီးတၢ်ဝံတၢ်နါတဖၣ်န့ၣ်လီၤ.
16 ဖဲတၢ်သူၣ်က့ၣ်သးကါဒီးတၢ်အဲၣ်လီၤသးအိၣ်ဝဲန့ၣ်, တၢ်ဖုၣ်ထံၣ်ဖုၣ်ထီ, ဒီးတၢ်အၢတၢ်သီအကလုာ်ကလုာ် အိၣ်ဝဲဖဲန့ၣ်လီၤ.
17 ဘၣ်ဆၣ်ဒီးတၢ်ကူၣ်သ့လၢအဟဲလၢထးအံၤအဆိကတၢၢ်န့ၣ် ကဆှီဝဲလီၤ. မ့ၢ်စ့ၢ်ကီးတၢ်လၢအဒုးအိၣ်ထီၣ်တၢ်ဃူတၢ်ဖိး တၢ်မုာ်တၢ်ခုၣ်, ဒီးတၢ်သ့ကွၢ်ဆိကမိၣ်တၢ်လၢပှၤအဂီၢ်န့ၣ်လီၤ. တၢ်ကူၣ်သ့အံၤပှဲၤဒီးတၢ်သးကညီၤဒီးတၤသၣ်အဂ့ၤတဖၣ်လီၤ. ပူၤဖျဲးဒီးတၢ်ကွၢ်မဲာ်တၢ်ဒီးတၢ်ပာ်မၤအသးတဖၣ်န့ၣ်လီၤ.
18 ဒီးတၢ်ဂ့ၤတၢ်ဝါမ့ၢ်တၤသၣ်လၢအဟဲကဲထီၣ်ဝဲလၢတၢ်အချံ တဖၣ်လၢပှၤမၤဃူမၤဖိးတၢ်တဖၣ်သူၣ်လီၤဖျးလီၤဝဲလၢ တၢ်ဃူတၢ်ဖိးအပူၤန့ၣ်လီၤ.