12
1 ဒီးပှၤအ့ဖရဲၣ်ဖိတဖၣ်ကတဲာ်ကတီၤအသးလၢတၢ်ဒုးတၢ်ယၤအဂီၢ်ဒီး ခီဂာ်ထံကျိယၢ်ဒ့ၣ်ဆူဝ့ၢ်မၤဖိၣ်ဒီးစံးဘၣ်စီၤယံးဖသၤ, “ဘၣ်မနုၤအဃိနတကိးပှၤလၢပကလဲၤဃုာ်ဒီးနၤဖဲနခီဂာ်ကီၢ်ဆၢ ဒ်သိးနကဒုးတၢ်ဒီးပှၤဧၣ်မိၣ်ဖိတဖၣ်န့ၣ်လဲၣ်. ပကဒွဲၣ်ထီၣ်ကွံာ်နဟံၣ်လၢနဖီခိၣ်လီၤ.”
2 ဘၣ်ဆၣ်ဒီးစီၤယံးဖသၤစံးဘၣ်အဝဲသ့ၣ်, “ယဲဒၣ်ဒီးယပှၤဂီၢ် မုၢ်အ့ၣ်လိာ်အသးဒီးပှၤဧၤမိၣ်ဖိနးနးကလဲာ်လီၤ. ယကိးတ့ၢ်သု ဘၣ်ဆၣ်ဒီးသုတအုၣ်က့ၤခီၣ်က့ၤယၤ လၢအဝဲသ့ၣ်အစုပူၤဘၣ်.
3 ဖဲယထံၣ်လၢသုတအုၣ်က့ၤခီၣ်က့ၤယၤဘၣ်ဒီး, ယပာ်လီၤယသးသမူ, ဒီးခီဂာ်ကီၢ်ဆၢလၢယကဒုးတၢ်ဒီးအဝဲသ့ၣ်လီၤ. ဒီးယွၤဟ့ၣ်ယၤတၢ်မၤနၢၤလၢအဝဲသ့ၣ်အဖီခိၣ်လီၤ. ဘၣ်မနုၤအဃိသုဟဲဒ်သိးသုကဒုးတၢ်ဒီးယၤခဲအံၤန့ၣ်လဲၣ်.”
4 တုၤနုၤတစု, စီၤယံးဖသၤကိးဖှိၣ်ပှၤကံးလဧးဖိခဲလၢာ်ဒီးဒုး ပှၤအ့ဖရဲၣ်ဖိဒီးမၤနၢၤကွံာ်အီၤလီၤ. (ပှၤအ့ဖရဲၣ်ဖိတဖၣ်စံးတ့ၢ်ဝဲ, “သုဝဲပှၤကံးလဧးဖိလၢအ့ဖရဲၣ်ဒီးမနၤၡ့ၤတဖၣ်, သုမ့ၢ်ပှၤဃ့ၢ်ပူၤဖျဲးသုသးလၢကီၢ်အ့ဖရဲၣ်လီၤ.”)
5 ဒ်သိးပှၤအ့ဖရဲၣ်ဖိအသုတဃ့ၢ်ပူၤဖျဲးတဂ့ၤဒီး, ပှၤကံးလဧးဖိတဖၣ်ဟံးန့ၢ်တၢ်လီၢ်တဖၣ်ဖဲတၢ်ခီဂာ်ထံကျိယၢ် ဒ့ၣ်သ့ဝဲန့ၣ်လီၤ. ဖဲပှၤအ့ဖရဲၣ်ဖိတဂၤဂၤလၢအကျဲးစၢးဒ်သိး ကပူၤဖျဲးအဂီၢ်ဃ့တၢ်ပျဲလၢကခီဂာ်တၢ်န့ၣ်ပှၤကံးလဧးဖိတဖၣ်သံကွၢ်ဝဲ, “နမ့ၢ်ပှၤအ့ဖရဲၣ်ဖိဧါ.” ဒီးအဝဲမ့ၢ်စံးဆၢ, “တမ့ၢ်ဘၣ်”, ဒီး
6 အဝဲသ့ၣ်စံးဘၣ်အီၤလၢကတဲ, “ၡံးဘိၤလ့း” န့ၣ်လီၤ. ဘၣ်ဆၣ်အဝဲစံး, “စံးဘိၤလ့း” မ့ၢ်လၢအဝဲသ့ၣ်ကိးတၢ် ကတိၤန့ၣ်တကျါဘၣ်. တုၤနုၤတစု, အဝဲသ့ၣ်ဖီၣ်အီၤဒီးမၤသံ ကွံာ်အီၤဖဲတၢ်ခီဂာ်ထံကျိယၢ်ဒ့ၣ်အလီၢ်တတီၤန့ၣ်လီၤ. အကတီၢ်ဖဲန့ၣ်ပှၤအ့ဖရဲၣ်ဖိတဖၣ်ဘၣ်တၢ်မၤသံကွံာ်အီၤအဂၤလွံၢ် ကလးခံကထိန့ၣ်လီၤ.
7 ဒီးစီၤယံးဖသၤဆှၢပှၤအံၣ်စရ့လးဖိဃုနံၣ်လီၤ. တုၤနုၤတစု, အဝဲသံဒီးဘၣ်တၢ်ခူၣ်လီၤအီၤလၢအဝ့ၢ်ဒၣ်ဝဲ အပူၤလၢကီၢ်ကံးလဧးန့ၣ်လီၤ.
8 စီၤယံးဖသၤအလီၢ်ခံန့ၣ်, ပှၤဘ့ၤသလ့ဃ့ၣ်ဖိစီၤအံးဘစၣ်ဆှၢ ပှၤအံၣ်စရ့လးဖိန့ၣ်လီၤ.
9 အဝဲအိၣ်ဒီးအဖိခွါအဂၤသၢဆံဒီးအဖိမုၣ်အဂၤသၢဆံန့ၣ်လီၤ. အဝဲဖျီအဖိမုၣ်ဒီးပှၤလၢအဒူၣ်အဂၤဒီးဃုန့ၢ်ပှၤပိာ်မုၣ်ဖိ အဂၤသၢဆံလၢဒူၣ်အဂၤဒ်သိးကဖျီဃုာ်ဝဲဒီးအဖိခွါတဖၣ်န့ၣ် လီၤ. စီၤအံးဘစၣ်ဆှၢပှၤအံၣ်စရ့လးဖိနွံနံၣ်န့ၣ်လီၤ.
10 တုၤနုၤတစု, အဝဲသံဒီးဘၣ်တၢ်ခူၣ်လီၤအီၤဖဲဝ့ၢ်ဘ့ၤသလ့ဃ့ၣ် န့ၣ်လီၤ.
11 စီၤအံးဘစၣ်အလီၢ်ခံန့ၣ်, ပှၤစဘူလိၣ်ဖိစီၤအ့လိၣ်ဆှၢပှၤအံၣ် စရ့လးအနံၣ်တဆံလီၤ.
12 တုၤနုၤတစု, အဝဲသံဒီးဘၣ်တၢ်ခူၣ်လီၤအီၤဖဲဝ့ၢ်အးယၤလိၣ် အိၣ်လၢကီၢ်စဘူလိၣ်အပူၤန့ၣ်လီၤ.
13 ဒီးစီၤအ့လိၣ်အလီၢ်ခံန့ၣ်, ပှၤပံးရၤသိၣ်ဖိစီၤဟံးလ့လး အဖိခွါစီၤဧၤဘဒိၣ်ဆှၢပှၤအံၣ်စရ့လးဖိန့ၣ်လီၤ.
14 အဝဲဒၣ်အိၣ်ဒီးအဖိခွါအဂၤလွံၢ်ဆံဒီးအလံၤခွါအဂၤသၢဆံလၢ အဒိးကသ့ၣ်ယီၤအဒုနွံဆံန့ၣ်လီၤ. စီၤဧၤဘဒိၣ်ပၢဆှၢကီၢ်အံၣ်စရ့လးဃိးနံၣ်န့ၣ်လီၤ.
15 တုၤနုၤတစု, အဝဲသံဒီးဘၣ်တၢ်ခူၣ်လီၤအီၤဖဲဝ့ၢ်ပံးရသိၣ်အိၣ် လၢကီၢ်အ့ဖရဲၣ်ဖဲပှၤဧမၤလ့းဖိအကစၢၢ်ကလိန့ၣ်လီၤ.