လံာ်ယၡါယၤ
ISAIAH
လံာ်ယၡါယၤအံၤဘၣ်တၢ်ယုၢ်ထွဲအမံၤဒ်ဝံဖးဒိၣ်တဂၤလၢအ အိၣ်ဆိးလၢဝ့ၢ်ယရူၤၡလ့ၣ်လၢချခ.န. ဃိးကယၤအကတၢၢ်တ ဝာ်အဆၢကတီၢ်န့ၣ်လီၤ. လံာ်အံၤတၢ်နီၤဖးအီၤဆူတၢ်ဂ့ၢ်မိၢ်ပှၢ် သၢခါသ့န့ၣ်လီၤ.
၁. အဆၢဒိၣ်၁-၃၉ န့ၣ်မ့ၢ်တၢ်ဂ့ၢ်မၤအသးဖဲကလံၤထံးအ ဘီအမုၢ်ကီၢ်ယူဒၤဘၣ်တၢ်မၤပျံၤမၤဖုးအီၤလၢကီၢ်အၤၡူၢ်လၢ အဂံၢ်ဆူၣ်ဘါဆူၣ်ဒီးအိၣ်လၢအဃၢၤတကီၢ်အကတီၢ်န့ၣ်လီၤ. ဝံယၡါယၤထံၣ်ဝဲလၢတၢ်မၤပျံၤမၤဖုးကီၢ်ယူဒၤအတၢ်အိၣ်မူ နီၢ်နီၢ်န့ၣ်တမ့ၢ်ထဲကီၢ်အၤၡူၢ်အတၢ်ဂံၢ်ဆူၣ်ဘါဆူၣ်အဃိဧိၤ ဘၣ်. မ့မ့ၢ်တခီ, မ့ၢ်စ့ၢ်ကီးကီၢ်ယူဒၤအတၢ်ဒဲးဘးဒၣ်ဝဲ, ဒီးအတၢ်တဒိကနၣ်ယွၤ, ဒီးတၢ်တနာ်ယွၤအဃိန့ၣ်လီၤ. လၢတၢ်ကတိၤဒီးတၢ်မၤဖျိဖျိဖျါဖျါအပူၤ, ဝံကိးထီၣ်ပှၤဂီၢ်မုၢ်ဒီးအခိၣ်အနၢ်တဖၣ်ဒ်သိးကအိၣ်မူလၢတၢ် တီတၢ်လိၤဒီးတၢ်စံၣ်ညီၣ်တီအပူၤန့ၣ်လီၤ. ဒီးဟ့ၣ်ပလီၢ်အဝဲသ့ၣ်လၢမ့ၢ်လီၤတူာ်လီၤကာ်လၢတၢ်တဒိကနၣ်ယွၤ န့ၣ်ဒီး, တၢ်စံၣ်ညီၣ်ဃါမနၤဒီးတၢ်ဟးဂီၤကလီၤဘၣ်အဝဲသ့ၣ်န့ၣ်လီၤ. ဝံယၡါယၤကတိၤဆိစ့ၢ်ကီးဝဲလၢဟီၣ်ခိၣ်ဒီဘ့ၣ်အတၢ်ဃူတၢ်ဖိး အကတီၢ်တဘျီအဂ့ၢ်ဒီးစီၤဒၤဝံးအစၢၤအသွဲၣ်လၢအကမ့ၢ်စီၤပၤ အိၣ်ဒီးတၢ်အိၣ်မူဂ့ၤဝဲဘၣ်ဝဲလၢလၢပှဲၤပှဲၤတဂၤအတၢ်ဟဲ အဂ့ၢ်န့ၣ်လီၤ.
၂. အဆၢဒိၣ် ၄၀-၅၅ န့ၣ်မ့ၢ်တၢ်ဂ့ၢ်မၤအသးဖဲပှၤယူဒၤဖိဂီၢ်မုၢ် ဂီၢ်ပၤအိၣ်လၢတၢ်စိာ်မၢကဲကုၢ်လၢကီၢ်ဘၤဘူၤလိၣ်, ဘၣ်တၢ်ဆီၣ်တံၢ်ဆီၣ်သနံးအီၤဒီးတၢ်မုၢ်လၢ်တအိၣ်ဘၣ်အက တီၢ်န့ၣ်လီၤ. ဝံတဲဖျါထီၣ်ဝဲလၢကစၢ်ယွၤကမၤထူၣ်ဖျဲးအဝဲ သ့ၣ်ဒီးကဆှၢကဒါက့ၤအဝဲသ့ၣ်ဆူအဟံၣ်လၢဝ့ၢ်ယရူၤၡလ့ၣ်လၢက စးထီၣ်က့ၤအတၢ်အိၣ်မူအသီအဂီၢ်လီၤ. လံာ်အဆၢဒိၣ်တဖၣ်အံၤအတၢ် ဂ့ၢ်မိၢ်ပှၢ်လၢတၢ်ကြၢးပာ်သူၣ်ပာ်သးမ့ၢ်ဝဲကစၢ်ယွၤမ့ၢ်တၢ်စံၣ် စိၤတဲစိၤအကစၢ်, ဒီးအတၢ်တိာ်ကျဲၤလၢအပှၤဂီၢ်မုၢ်အဂီၢ်, တိာ်ဃုာ်ဝဲဒီးအဝဲ သ့ၣ်အတၢ်မၤဆူပှၤကိးကလုာ်ဒဲးလၢက ဒိးန့ၢ်တၢ်ဘၣ်ဆိၣ်ဂ့ၤခီဖျိအံၣ်စရ့လးန့ၣ်လီၤ. တၢ်ကွဲးအတီၤတဖၣ်လၢအဘၣ်ထွဲဒီး “ယွၤအခ့အပှၤ” အဂ့ၢ်န့ၣ်မ့ၢ်တၢ်လၢဘၣ်တၢ်သ့ၣ်ညါအီၤအဂ့ၤကတၢၢ်တဖၣ်အကျါလၢ လံာ်စီဆှံအလီၢ်လံၤတကတြူၢ်အပူၤန့ၣ်လီၤ.
၃. အဆၢဒိၣ် ၅၆-၆၆-တဖၣ်အံၤအါတက့ၢ်ဘၣ်တၢ်ကတိၤလီၤအီၤဆူပှၤ တဖၣ်လၢအက့ၤတုၤဆူယရူၤၡလ့ၣ်ဒီးလိၣ်ဘၣ်တၢ်မၤဆူၣ်ထီၣ်အတၢ်နာ်နီၢ် ကီၢ်လၢကစၢ်ယွၤကမၤလၢပှဲၤအတၢ်အၢၣ်လီၤအီလီၤဒီးအပှၤကလုာ် အအိၣ်န့ၣ်လီၤ. တၢ်သူၣ်အိၣ်သးအိၣ်န့ၣ်ဘၣ်တၢ်ပာ်ဖျါထီၣ်အီၤလၢတၢ်တီတၢ်လိၤ ဒီးတၢ်စံၣ်ညီၣ်တီအဂီၢ်, ဃုာ်ဒီးတၢ်ပာ်စီဆှံမုၢ်အိၣ်ဘှံးနံၤ, တၢ်လုၢ်ထီၣ်ပာ်ထီၣ်, ဒီးတၢ်ထုကဖၣ်တဖၣ်စ့ၢ်ကီးန့ၣ်လီၤ. လံာ်တတီၤလၢတၢ်ကြၢးပာ်သူၣ်ပာ်သးအီၤမ့ၢ်ဝဲအဆၢဒိၣ် ၆၁:၁-၂ လၢအမ့ၢ်တၢ်ကတိၤတဖၣ်လၢယ့ၣ်ၡူးသူတ့ၢ်အီၤလၢအတၢ်စးထီၣ်သီ အတၢ်မၤအဆၢကတီၢ်လၢအကပာ်ဖျါအဝဲဘၣ်တၢ်ကိးထီၣ်အီၤအဂ့ၢ်န့ၣ်လီၤ.
1
1 လံာ်အံၤအိၣ်ဃုာ်ဒီးတၢ်ကစီၣ်ဘၣ်ဃးကီၢ်ယူဒၤ ဒီးဝ့ၢ်ယရူၤၡလ့ၣ်အဂ့ၢ်လၢကစၢ်ယွၤလီၣ်ဖျါထီၣ်တ့ၢ်ဆူစီၤအၤမိာ် အဖိခွါဝံယၡါယၤဖဲစီၤဧူးစံယါ, စီၤယိၤသၣ်, စီၤအၤဃး, ဒီးစီၤ ဃံးစကံယၤမ့ၢ်စီၤပၤတဖၣ်လၢကီၢ်ယူဒၤအဆၢကတီၢ်န့ၣ်လီၤ.
2 ယွၤစံးဝဲဒၣ်, “ဟီၣ်ခိၣ်ဒီးမူခိၣ်ဧၢ, ကနၣ်တၢ်လၢယကတိၤ အီၤတက့ၢ်. ဖိလၢယလုၢ်ဒိၣ်ထီၣ်အီၤတဖၣ်ပူထီၣ်တၢ်ထီဒါ တ့ၢ်ယၤလီၤ.
3 ဂီၤဘုၣ်ဂီၤဖံးသ့ၣ်ညါအကစၢ်, ဒီးကသ့ၣ်ယီၤတဖၣ်သ့ၣ်ညါ အကစၢ်လုၢ်အီၣ်လုၢ်အီအီၤဖဲလဲၣ်န့ၣ်လီၤ. ဘၣ်ဆၣ်တၢ်အံၤအါ န့ၢ်ဒံးတၢ်လၢယပှၤဂီၢ်မုၢ်အံၣ်စရ့လးသ့ၣ်ညါဝဲန့ၣ်လီၤ. အဝဲသ့ၣ်တနၢ်ပၢၢ်ဒၣ်လဲာ်ဘၣ်.”
4 ပှၤတၢ်ဒဲးဘးဖိတကလုာ်, ပှၤဟးဂီၤဒီးပှၤအၢပှၤသီသ့ၣ်ဧၢ, သုဘၣ်တၢ်စံၣ်ညီၣ်ဃါမနၤလီၤ. သုတၢ်ဒဲးဘးတဖၣ်ထုး လီၤသုဒီးသုတတူၢ်လိာ်ကစၢ်, အံၣ်စရ့လးအကစၢ်ယွၤစီဆှံ ဘၣ်, ဒီးသုဒီသုချၢလၢအီၤလီၤ.
5 ဘၣ်မနုၤအဃိသုပူထီၣ်ဒံးအီၤန့ၣ်လဲၣ်. မ့ၢ်သုအဲၣ်ဒိးတၢ်စံၣ် ညီၣ်သုအါန့ၢ်ဒံးအလီၢ်အံၤဧါ. အံၣ်စရ့လးဧၢ, သုခိၣ် ဘၣ်တၢ်ကးဘၢတ့ၢ်လံအီၤလၢတၢ်ပူၤလီၢ်ပူၤကျဲတဖၣ်ဒီး သုသးဒီးတၢ်ဆိကမိၣ်တဖၣ်ဆိးက့ဝဲလီၤ.
6 စးထီၣ်လၢခိၣ်ဒီးတုၤလၢခီၣ်န့ၣ်, လၢသုနီၢ်ခိအဖီခိၣ်တၢ်အ မုာ်အဂ့ၤတအိၣ်နီတတီၤလၢၤဘၣ်. သုဘၣ်တၢ်ကးဘၢသုဒီး တၢ်ဘၣ်တီၢ်အလီၢ်, တၢ်ပူၤလီၢ်ပူၤကျဲ, ဒီးတၢ်ဘၣ်ဒိဘၣ်ထံးသ့ၣ်မုၢ်သ့ၣ် ဖးတဖၣ်လီၤ. သုပူၤလီၢ်ပူၤကျဲတဖၣ်တဘၣ်တၢ်မၤကဆှဲ ကဆှီအီၤဒီးဘိၣ်ဘံၣ်ဘၢအီၤဘၣ်. တဘၣ်တၢ်ဖူ အီၤလၢကသံၣ်ဖူစ့ၢ်ကီးဘၣ်.
7 သုထံသုကီၢ်ဘၣ်တၢ်မၤဟးဂီၤမၤလီၤဃီအီၤ, ဒီးသုဝ့ၢ်တဖၣ်ဘၣ်တၢ်ဒွဲၣ်အူလီၤပှီၢ်အီၤန့ၣ်လီၤ. ဖဲသုကွၢ်ဒံးတၢ်န့ၣ်,ပှၤတခီဘီမုၢ်ဖိတဖၣ်ဟံး န့ၢ်ကွံာ်သုထံသုကီၢ်ဒီးမၤဟးဂီၤကွံာ်တၢ်ခဲလၢာ်န့ၣ်လီၤ.
8 အိၣ်လီၤတဲာ်တ့ၢ်ဒၣ်ထဲဝ့ၢ်ယရူၤၡလ့ၣ် တဖျၢၣ်ဧိၤလၢတၢ်ကဝီၤတံၢ်ဃးအီၤဒီး မၤစၢၤဒီဒၣ်လီၤက့ၤအသးတသ့ဘၣ်ဒ်ပှၤပၢၤ တၢ်ဖိအဒဲလၢစပံးလီၢ်အပူၤ, မ့တမ့ၢ်, ဒ်ဒဲဖိတဖျၢၣ်လၢဒံအကျီးပူၤအသိးန့ၣ်လီၤ.
9 ယွၤသ့တၢ်လၢာ်တဂၤမ့ၢ်တပျဲပှၤမူတ့ၢ်တနီၤဘၣ်ဒီး, ဝ့ၢ်ယရူၤၡလ့ၣ်ကဘၣ်တၢ်မၤဟးဂီၤတ့ၢ်အီၤလၢာ်လၢာ်ဆ့ ဆ့ဒ်ပှၤအိၣ်လၢဝ့ၢ်စဒိၣ်ဒီးဂမိရၤတဖၣ်အသိးန့ၣ်လီၤ.
10 ယရူၤၡလ့ၣ်ဧၢ, နပှၤပၢတၢ်တဖၣ်ဒီး နပှၤဂီၢ်မုၢ်တဖၣ်လီၤဂာ်ဒၣ်ဒီးပှၤအိၣ်လၢဝ့ၢ်စဒိၣ်ဒီးဂမိရၤတဖၣ်လီၤ. ကနၣ်တၢ်လၢယွၤစံးဘၣ်နၤန့ၣ်တက့ၢ်. ပာ်သူၣ်ပာ်သးလၢတၢ်လၢ ပကစၢ်ယွၤသိၣ်လိသီလိနၤန့ၣ်တက့ၢ်.
11 အဝဲစံး, “မ့ၢ်သုဆိကမိၣ်လၢယသးလီကယဲၢ်တၢ်လုၢ်တၢ်ပာ်တဖၣ် လၢသုလုၢ်ထီၣ်ယၤတထံၣ်ဃီအံၤန့ၣ်ဧါ. သိတဖၣ်လၢသုဒွဲၣ် အူအီၤလၢမ့ၣ်အူဒ်တၢ်လုၢ်တၢ်ပာ်တဖၣ် အသိးဒီးသုဆၣ်ဖိကီၢ်ဖိအဂ့ၤတဖၣ်အသိန့ၣ်ယဒိးန့ၢ်တ့ၢ်အီၤ အါန့ၣ်ယလိၣ်ဘၣ်အီၤလံ. ယသးလၢာ်ဂီၤဖံးတဖၣ်, သိတဖၣ်, ဒီးမဲာ်တဲးလဲးတဖၣ်အသွံၣ်လံ.
12 မ့ၢ်မတၤမၢသုလၢသုကဘၣ်ဟဲစိာ်တၢ်သ့ၣ်တဖၣ် အံၤဖဲသုဟဲဘူၣ်ထီၣ်ဘါထီၣ်ယၤအကတီၢ်န့ၣ်လဲၣ်. မ့ၢ်မတၤမၢသုလၢသုကဝ့ၤဝီၤဟးထီၣ်ဟးလီၤတၢ်လၢ ယတၢ်လုၢ်ဟံၣ်ပူၤအံၤန့ၣ်လဲၣ်.
13 သုဟဲစိာ်သုတၢ်လုၢ်မၤဘူၣ်တဖၣ်န့ၣ်အဘျုးတအိၣ် ဘၣ်. တၢ်နၢမူတဖၣ်လၢသုဒွဲၣ်ထီၣ်အီၤန့ၣ်ယသးဘၣ် အၢဘၣ်သီအီၤလီၤ. သုလါထီၣ်သီအမူးတဖၣ်, သုမုၢ်အိၣ်ဘှံးအနံၤတဖၣ်ဒီးသုတၢ်ဘူၣ်တၢ်ဘါ အတၢ်ရ့လိာ်မုာ်လိာ်တဖၣ်, ယတူၢ်အီၤတပှဲၤဘၣ်. သုတၢ်ဒဲးဘးတၣ်မၤဟးဂီၤကွံာ်တၢ်န့ၣ်တဖၣ်ခဲလၢာ်လီၤ.
14 ယသးဟ့သုလါထီၣ်သီအမူးတဖၣ်ဒီးသုမုၢ်နံၤစီဆှံတဖၣ်လီၤ. မ့ၢ်တၢ်ဝံတၢ်ယိးလၢအဒုးဘှံးသူၣ်တီၤသးယၤလီၤ.
15 ဒီးတုၤသုယူာ်ထီၣ်သုစုလၢတၢ် ထုကဖၣ်အပူၤဒီး, ယတကွၢ်သုဘၣ်. သုဘါထုကဖၣ်ထဲထဲအံၤနာ်က့, ယတဒိကနၣ်ဘၣ်. အဂ့ၢ်ဒ်အံၤ, သုစုတဖၣ်ပှဲၤဒီးတၢ်သွံၣ်လီၤ.
16 သ့စီကွံာ်သုသးဒီးမၤကဆှီထီၣ်သုသးတက့ၢ်. ဆိကတီၢ်တၢ်အၢလၢယထံၣ်လၢသုမၤအီၤအံၤန့ၣ်တက့ၢ်. မ့ၢ်လီၤ, ဆိကတီၢ်တၢ်မၤအၢမၤသီတၢ်,
17 ဒီးမၤလိမၤတၢ်အဘၣ်တက့ၢ်. တၢ်စံၣ်ညီၣ်တီမၤအသးကစီ ဒီဧါန့ၣ်, ပာ်သူၣ်ပာ်သးတက့ၢ်. မၤစၢၤပှၤလၢအဘၣ်တၢ်မၤ အၢမၤနးအီၤတဖၣ်တက့ၢ်. ဟ့ၣ်ဖိၣ်ဃဲတဖၣ်အတၢ်ခွဲးတၢ်ယာ်, ဒီးဒီဒၣ်အိၣ်ပှိၤမုၣ်ကမဲတဖၣ်တက့ၢ်.”
18 ယွၤစံးဝဲဒၣ်, “ခဲကနံၣ်အံၤ, မ်ပမၤလိၤမၤဘၣ်သကိးတၢ်ဂ့ၢ် န့ၣ်တက့ၢ်. သုဘၣ်အၢဘၣ်သီဂီၤဆှုၣ်ကလာ်လၢတၢ်ဒဲးဘးအဃိ, ဘၣ်ဆၣ်ဒီးယကသ့စီသုဝါဒ်မူခိၣ်ဖီအသိးလီၤ. သုတၢ်ဘၣ်အၢတဖၣ် မ့ၢ်ဂီၤဆှုၣ်ကလာ်နာ်က့သုကဝါဒ်သိအဆူၣ်အသိးလီၤ.
19 ထဲသုမ့ၢ်ဒိကနၣ်ယၤန့ၣ်ဒီး, သုကအီၣ်တၢ်အဂ့ၤတဖၣ်လၢ ထံကီၢ်ဟ့ၣ်ထီၣ်ဝဲန့ၣ်လီၤ.
20 ဘၣ်ဆၣ်သုမ့ၢ်ခီၣ်ဆၢယၤဒီး, သုကဘၣ်တၢ်စံၣ်ညီၣ်ဃါမနၤ ဆူတၢ်သံလီၤ. ယၤ, ယွၤန့ၣ်, ကတိၤလံတၢ်လံ.”
21 ဝ့ၢ်လၢတဘျီအကလုၢ်တီဝဲန့ၣ်, အိၣ်မူမၤဝဲဒ်ဃဲသဲမုၣ်တဂၤ အသိးလီၤ. တဘျီန့ၣ်, ပှဲၤဝဲဒီးပှၤတီပှၤလိၤတဖၣ်, ဘၣ်ဆၣ်ခဲအံၤအိၣ်တီၢ်ဒၣ်ထဲပှၤ မၤသံတၢ်တဖၣ်လီၤ.
22 ယရူၤၡလ့ၣ်ဧၢ, တဘျီန့ၣ်နလီၤဂာ်ဒ်စ့အသိး, ဘၣ်ဆၣ်အခဲအံၤနလုၢ်နပှ့ၤတအိၣ်ဘၣ်. တဘျီန့ၣ်နလီၤဂာ်ဒီးစပံး ထံလၢအဂ့ၤ, ဘၣ်ဆၣ်အခဲအံၤနမ့ၢ်ဒၣ်ထဲထံလီၤ.
23 နပှၤခိၣ်ပှၤနၢ်တဖၣ်န့ၣ်မ့ၢ်ပှၤပူထီၣ်တၢ်ဒီးမ့ၢ်တၢ်ဘျၣ်တဖၣ်အတံၤ သကိးလီၤ. အဝဲသ့ၣ်တူၢ်လိာ်တၢ်ဟ့ၣ်တဖၣ်ဒီးခိၣ်ဖးလာ်ဆှိးတဖၣ် ထီဘိလီၤ. အဝဲသ့ၣ်တဒီဒၣ်အိၣ်ပှိၤပှၤဖိၣ်ဃဲတဖၣ်လၢ ကွီၢ်ဘျီၣ်ပူၤမ့ၢ်ဂ့ၤ, တဒိကနၣ်ဝဲဒၣ်ဖဲမုၣ်ကမဲတဖၣ်ဆှၢထီၣ် အကွီၢ်မ့ၢ်ဂ့ၤနီတစုဘၣ်ဒီးပှၤမုၣ်ကမဲတဖၣ်အတၢ်လိာ်ကွီၢ်န့ၣ်, တဒိကနၣ်ဝဲဘၣ်.
24 မၤသးဒ်န့ၣ်ဒီး, ခဲကနံၣ်အံၤ, ဒိကနၣ်တၢ်လၢယွၤသ့တၢ်လၢာ်, အံၣ်စရ့လးအကစၢ်ယွၤလၢအ စိဒိၣ်ကမီၤဒိၣ်တဂၤစံးဝဲ, “ယဒုၣ်ယဒါသ့ၣ်ဧၢ, ယကဟ့ၣ်ကၣ်သုဒီးသုမၤကီမၤခဲယၤတသ့လၢၤနီတမံၤဘၣ်လီၤ.
25 ယကမၤတၢ်ထီဒါသုလီၤ. ယကမၤကဆှီသုဒ်တိၢ်ဧိၤထးဧိၤဘၣ်တၢ်မၤဆှံထီၣ်အီၤအသိး ဒီးသုးကွံာ်ကယဲၢ်သုတၢ်တကဆှီခဲလၢာ်န့ၣ်လီၤ.
26 ယကဟ့ၣ်လီၤသုလၢပှၤပၢတၢ်ဒီးပှၤဟ့ၣ်ကူၣ်တၢ်တဖၣ်, ဒ်ပှၤတဖၣ်လၢသုဒိးန့ၢ်တ့ၢ်လၢပျၢၤအသိးလီၤ. အန့ၣ်တစုဝ့ၢ်ယရူၤၡလ့ၣ် ကဘၣ်တၢ်ကိးအီၤလၢဝ့ၢ်လၢအတီအလိၤဒီးဝ့ၢ်လၢအသူၣ် တီသးတီန့ၣ်လီၤ.”
27 မ့ၢ်လၢယွၤတီဝဲလိၤဝဲအဃိဒီး, အဝဲကအုၣ်က့ၤခီၣ်က့ၤဝ့ၢ်ယ ရူၤၡလ့ၣ်ဒီးပှၤအိၣ်ဖဲန့ၣ်ကိးဂၤဒဲးလၢအပီၢ်ယၢ်လီၤက့ၤအသးလီၤ.
28 မ့မ့ၢ်, ပှၤလၢအမၤတၢ်ဒဲးဘးဒီးပူထီၣ်ထီဒါအီၤန့ၣ်, ကမၤလီၤသဘှံးဝဲကိးဂၤဒဲးလီၤ. အဝဲကမၤသံပှၤကိးဂၤဒဲး လၢအညိကွံာ်အီၤန့ၣ်လီၤ.
29 မ့ၢ်လၢသုဘူၣ်ထီၣ်ဘါထီၣ်တ့ၢ်သ့ၣ်ထူၣ်တဖၣ်ဒီးသုသူၣ်လီၤတ့ၢ် ဘၣ်ဖီကရၢၢ်စီဆှံတဖၣ်ဒီး, သုသးကအုးလၢတၢ်န့ၣ်အဃိလီၤ.
30 သုကဃ့ထီၣ်ကွံာ်ဝဲဒ်သ့ထိးဖၣ်တထံးလၢအကသံဝဲအသိး, ဒီးဒ်ဖီကရၢၢ်တခါလၢပှၤတလူထံနီတဂၤအသိးလီၤ.
31 ဒ်ဘုလီၢ်လၢမ့ၣ်အူအီၣ်အီၤခီဖျိမ့ၣ်အူဖီတဖီးအသိး, ပှၤလၢအဂံၢ်ဆူၣ်ဘါဆူၣ်တဖၣ်ကဘၣ်တၢ်မၤဟးဂီၤအီၤ ခီဖျိအတၢ်မၤအအၢအသီတဖၣ်, ဒီးပှၤဆိကတီၢ်ကွံာ်တၢ်မၤ ဟးဂီၤအံၤတသ့နီတဂၤဘၣ်.