26
(ဟးထီၣ်.၃၆:၈ - ၃၈)
1 ဘှီထီၣ်ဒဲစီဆှံဒီဖျၢၣ်ညါ, ယအိၣ်ယဆိးအဒဲစီဆှံလၢတၢ်ကံးယာ်လုၣ်အဂ့ၤကတၢၢ် အဘ့ၣ်တဆံလၢအဘၣ်တၢ်ထါအီၤလၢတၢ်အလွဲၢ်လါ, အလွဲၢ်လုးတကုာ်, ဒီးသိဆူၣ်ဂီၤတက့ၢ်. ဆးဒဲးကံၣ်ဒဲးဝ့ၤအီၤဒီးတၢ်အသးလၢအအိၣ်ဒီးအဒံးဆ့တဖၣ် အဂီၤန့ၣ်တက့ၢ်.
2 မၤတၢ်ကံးယာ်တဘ့ၣ်စုာ်စုာ်အတၢ်ထိၣ်ထဲသိးသိးအထီခံဆံဃိး ပျၢ်ဒီးအလဲၢ်လွံၢ်ပျၢ်တက့ၢ်.
3 ဆးစဲဘူးအီၤတပူၤဃီယဲၢ်ဘ့ၣ်ဒီးအဂၤယဲၢ်ဘ့ၣ်စ့ၢ်ကီးဆးအီၤ ဒ်န့ၣ်အသိးတက့ၢ်.
4 ဆးန့ၢ်ပျံၤကွီၤတဖၣ်လၢတၢ်ကံးညာ်အလါအဲးဒီးထီထီၣ်အီၤလၢ ယၣ်ဘျးသဒၢတကရူၢ်စုာ်စုာ်အထိးနါလၢအချၢတခီတက့ၢ်.
5 ထီထီၣ်ပျံၤသကွီၤအခါယဲၢ်ဆံလၢယၣ်ဘျးသဒၢအခီၣ်ထံးတကရူၢ် အတၢ်ကံးယာ်အခီၣ်ထံးတဘ့ၣ်အလိၤဒီးပျံၤသကွီၤအခါယဲၢ်ဆံလီၤ ဂာ်လိာ်အသးလၢယၣ်ဘျးသဒၢခံကရူၢ်တကရူၢ်အတၢ်ကံးယာ်လၢခံ ကတၢၢ်တဘ့ၣ်အလိၤတက့ၢ်.
6 မၤန့ၢ်ထးဘျးထူယဲၢ်ဆံလၢတၢ်ကဘျးစဲဘူးတၢ်ကံးယာ်ခံကရူၢ် န့ၣ်ဒ်သိးကကဲထီၣ်တခါဃီအဂီၢ်တက့ၢ်.
7 ဆးန့ၢ်ဒဲစီဆှံအခိၣ်ဒုးတဘ့ၣ်လၢတၢ်ကံးယာ်တဆံတဘ့ၣ်လၢတၢ် မၤအီၤဒီးမဲာ်တဲးလဲးအဆူၣ်န့ၣ်တက့ၢ်.
8 တၢ်ကံးညာ်ခဲလၢာ်အံၤအနီၣ်ထိၣ်ကဘၣ်မ့ၢ်ဒ်သိးသိး, အထီအပျၢ်သၢဆံဒီးအလဲၢ်လွံၢ်ပျၢ်န့ၣ်လီၤ.
9 ယဲၢ်ဘ့ၣ်န့ၣ်ဆးစဲဘူးအီၤတကရူၢ်ဒီးအဂၤဃုဘ့ၣ်န့ၣ်ဆးစဲဘူး အီၤတကရူၢ်တက့ၢ်. တၢ်ကံးယာ်ဃုဘ့ၣ်တဘ့ၣ်န့ၣ်ဆးချံးအီၤခံကထြၢလၢဒဲစီဆှံ အမဲာ်ညါတၢ်ဖီခိၣ်န့ၣ်တက့ၢ်.
10 ထီထီၣ်ကွီၤဖိအခါယဲၢ်ဆံလၢအခီၣ်ထံးတကရူၢ်အတၢ်ကံးယာ်လၢခံ ကတၢၢ်တဘ့ၣ်အကနူၤဒီးကွီၤဖိအခါယဲၢ်ဆံလၢအခီၣ်ထံးအဂၤတကရူၢ် အကနူၤတက့ၢ်.
11 မၤန့ၢ်တိၢ်ဘီထးဘျးယဲၢ်ဆံဒီးထီထီၣ်အီၤလၢကွီၤဖိတဖၣ် အပူၤလၢတၢ်ဒုးစဲဘူးယၣ်ဘျးသဒၢခံကရူၢ်အံၤဒ်သိးကကဲထီၣ် တဘ့ၣ်ဃီအဂီၢ်တက့ၢ်.
12 ဘျးထီၣ်တၢ်ကံးယာ်အိၣ်ဘျဲၣ်တ့ၢ်တဝာ်န့ၣ်လၢဒဲစီဆှံအလီၢ်ခံ တၢ်ဖီခိၣ်တက့ၢ်.
13 တကပၤစုာ်စုာ်အအိၣ်ဘျဲၣ်ဒံးလၢအထီအိၣ်ဝဲတပျၢ်န့ၣ်တၢ်ကဘၣ်ဘျး ထီၣ်အီၤလၢဒဲစီဆှံအကပၤအဖီခိၣ်ဒ်သိးကမၤဘၢအီၤန့ၣ်လီၤ.
14 ဆးအါထီၣ်တၢ်အခိၣ်ဒုးခံဘ့ၣ်, တဘ့ၣ်န့ၣ်လၢသိဖါအဖံးလၢတၢ် စုၣ်ဂီၤအီၤဒီးအဂၤတဘ့ၣ်လၢတၢ်ဖံးအဂ့ၤဒ်သိးကကဲထီၣ်ယၣ်ဘျး သဒၢလၢတၢ်ချၢတကပၤအဂီၢ်တက့ၢ်.
15 မၤန့ၢ်သ့ၣ်ဘၣ်အဘျၢတဖၣ်လၢသ့ၣ်ဖှ့ၡံးတၤလၢဒဲစီဆှံအတကွီၣ် အဂီၢ်တက့ၢ်.
16 သ့ၣ်ဘ့ၣ်ဘၣ်ကိးခီဒဲးန့ၣ်ကဘၣ်အိၣ်အထီအပျၢ်တဆံဒီးအလဲၢ်တပျၢ် တထါလီၤ.
17 သ့ၣ်ဘ့ၣ်ဘၣ်တဖၣ်ကဘၣ်အိၣ်ဒီးနီၣ်စဲလၢအဒ်သိးလိာ်အသးခံခါ စုာ်စုာ်ဖဲအခီၣ်ထံးဒ်သိးတၢ်ထီထီၣ်ဒုးစဲဘူးအီၤကသ့ဝဲ န့ၣ်လီၤ. သ့ၣ်ဘ့ၣ်ဘၣ်ခဲလၢာ်ကဘၣ်အိၣ်ဒီးနီၣ်စဲတဖၣ်အံၤလီၤ.
18 လၢဒဲစီဆှံအကပၤလၢကလံၤထံးအဂီၢ်န့ၣ်မၤန့ၢ်သ့ၣ်ဘ့ၣ်ဘၣ် အဘ့ၣ်ခံဆံတက့ၢ်.
19 တၢ်ခီၣ်ထံးအဖျီၣ်စ့ကဘၣ်အိၣ်ဝဲအခါလွံၢ်ဆံလၢအဝဲသ့ၣ်အဖီ လာ်, ခံခါစုာ်စုာ်လၢသ့ၣ်ဘၣ်တဘ့ၣ်အဖီလာ်ဒ်သိးတၢ်ကဖျီၣ်နုာ်နီၣ် စဲခံခါအဂီၢ်န့ၣ်လီၤ.
20 လၢဒဲစီဆှံအကပၤလၢကလံၤစိးအဂီၢ်န့ၣ်မၤန့ၢ်သ့ၣ်ဘ့ၣ်ဘၣ် အဘ့ၣ်ခံဆံ,
21 ဒီးတၢ်အခီၣ်ထံးအဖျီၣ်စ့အခါလွံၢ်ဆံ, ခံခါစုာ်စုာ်လၢသ့ၣ် ဘ့ၣ်ဘၣ်တဘ့ၣ်အဂီၢ်တက့ၢ်.
22 လၢဒဲစီဆှံအလီၢ်ခံမုၢ်နုာ်တကပၤအဂီၢ်န့ၣ်မၤန့ၢ်သ့ၣ်ဘ့ၣ်ဘၣ် ဃုဘ့ၣ်,
23 ဒီးသ့ၣ်ဘ့ၣ်ဘၣ်ခံဘ့ၣ်လၢတၢ်သနၢၣ်တဖၣ်အဂီၢ်တက့ၢ်.
24 သ့ၣ်ဘ့ၣ်ဘၣ်လၢတၢ်အသနၢၣ်အဂီၢ်တဖၣ်ကဘၣ်တၢ်မၤစဲ ဘူးအီၤဖဲအခီၣ်ထံးဒီးစဲဘူးတသရဲၣ်ဃီတုၤလၢအထိးနါန့ၣ် လီၤ. သ့ၣ်ဘ့ၣ်ဘၣ်ခံဘ့ၣ်လၢကကဲထီၣ်တၢ်အသနၢၣ်ခံခါန့ၣ် တၢ်ကဘၣ်ဘှီအီၤဒ်န့ၣ်လီၤ.
25 မၤသးဒ်န့ၣ်ဒီးသ့ၣ်ဘ့ၣ်ဘၣ်ကဘၣ်အိၣ်ခဲလၢာ်ဃိးဘ့ၣ်ဃုာ်ဒီးတၢ် အခီၣ်ထံးအဖျီၣ်စ့တဆံဃုခါ, ခံခါစုာ်စုာ်လၢသ့ၣ်ဘ့ၣ်ဘၣ်တဘ့ၣ်စုာ်စုာ်အဖီလာ်န့ၣ်လီၤ.
26 မၤန့ၢ်နီၣ်ဘိတဆံယဲၢ်ဘိလၢသ့ၣ်ဖှ့ၡံးတၤတက့ၢ်. ယဲၢ်ဘိန့ၣ်ကဘၣ်မ့ၢ်လၢဒဲစီဆှံအဒူၣ်တကပၤသ့ၣ်ဘ့ၣ်ဘၣ်တဖၣ်အဂီၢ်,
27 ယဲၢ်ဘိန့ၣ်လၢသ့ၣ်ဘ့ၣ်ဘၣ်တဖၣ်လၢအအိၣ်လၢအဒူၣ်အဂၤတကပၤ အဂီၢ်ဒီးယဲၢ်ဘိန့ၣ်လၢတၢ်လၢသ့ၣ်ဘ့ၣ်ဘၣ်တဖၣ်လၢအအိၣ် လၢမုၢ်နုာ်တကပၤ, လၢတၢ်လီၢ်ခံတခီအဂီၢ်လီၤ.
28 နီၣ်ဘိအခၢၣ်သးတဘိ, လၢအဘၣ်တၢ်ပာ်အီၤဖဲသ့ၣ်ဘ့ၣ်ဘၣ်တဖၣ် အကစီၤထီၣ်ဖးဖီန့ၣ်, ဒီးကဘၣ်ထီဝဲစးထီၣ်လၢဒဲစီဆှံအဒူၣ်အအံၤ တခီတုၤဆူအဒူၣ်လၢအဂၤတခီန့ၣ်လီၤ.
29 သ့ၣ်ဘ့ၣ်ဘၣ်တဖၣ်ကးဘၢအီၤလၢထူဒီးထီထီၣ်ထူအကွီၤတဖၣ် လၢကဟံးဃာ်နီၣ်ဘိတဖၣ်လၢကဘၣ်တၢ်ပီၤစ့ၢ်ကီးအီၤလၢထူန့ၣ် တက့ၢ်.
30 သူၣ်ထီၣ်ယွၤအဒဲစီဆှံဒ်တၢ်တိာ်ကျဲၤလၢယဒုးနဲၣ်သုလၢကစၢၢ် အလိၤအသိးန့ၣ်တက့ၢ်.
31 ဆးန့ၢ်ယၣ်ဘျးသဒၢတဘ့ၣ်လၢတၢ်ကံးယာ်အဂ့ၤလၢအဘၣ်တၢ်ထါအီၤလၢ တၢ်အလွဲၢ်လါ, အလွဲၢ်လုးတကုာ်ဒီးသိအဆူၣ်ဂီၤတက့ၢ်. ဆးဒဲးကံၣ်ဒဲးဝ့ၤ အီၤလၢတၢ်အသးလၢအအိၣ်ဒီးအဒံးဆ့တဖၣ်အဂီၤတက့ၢ်.
32 ဘျးလီၤစဲၤအီၤလၢသ့ၣ်ဖှ့ၡံးတၤအထူၣ်လွံၢ်ထူၣ်လၢဘၣ်တၢ်ပီၤ အီၤလၢထူအလိၤ, ထီထီၣ်အီၤလၢထးဘျးဒီးဆီလီၤအီၤလၢတၢ်အခီၣ်ထံးအဖျီၣ်စ့ လွံၢ်ခါအလိၤန့ၣ်တက့ၢ်.
33 ပာ်လီၤယၣ်ဘျးသဒၢလၢဒဲစီဆှံအခိၣ်ဒုးပူၤထးဘျးရဲၣ်လီၤ အသးတဖၣ်အဖီလာ်, ဒီးပာ်တၢ်အၢၣ်လီၤအီလီၤအတလါစီဆှံလၢအအိၣ်ဒီးတၢ်မၤလိာ် အထံၣ်တဆံအလၢၢ်ဘ့ၣ်ဘၣ်တဖၣ်န့ၣ်လၢယၣ်ဘျးသဒၢအလီၢ်ခံတက့ၢ်. ယၣ်ဘျးသဒၢန့ၣ်ကနီၤဖးတၢ်စီဆှံအလီၢ်ဒီးတၢ်စီဆှံကတၢၢ် အလီၢ်အဆၢန့ၣ်လီၤ.
34 ပာ်ထီၣ်တလါအခိၣ်ကၢၢ်လၢတၢ်အၢၣ်လီၤအီလီၤအတလါစီဆှံဖီခိၣ် တက့ၢ်.
35 လၢတၢ်လီၢ်စီဆှံကတၢၢ်အချၢန့ၣ်, ပာ်လီၤစီၢ်နီၤခိၣ်ဖဲဒဲစီ ဆှံအမဲာ်ညါလၢကလံၤစိးတကပၤဒီးတၢ်ပာ်မ့ၣ်အူဒၢအလီၢ်ဖဲ ကလံၤထံးတကပၤတက့ၢ်.
36 လၢယွၤအဒဲစီဆှံအကျဲစၢၤအဂီၢ်န့ၣ်, မၤယၣ်ဘျးသဒၢတဘ့ၣ်လၢ တၢ်ကံးယာ်လုၣ်အဂ့ၤ, ဘၣ်တၢ်ထါအီၤလၢတၢ်အလွဲၢ်လါ, အလွဲၢ်လုးတကုာ်ဒီးသိဆူၣ်ဂီၤဒီးမၤဃံမၤလၤအီၤဒီးတၢ်ဆး ဒဲးကံၣ်ဒဲးဝ့ၤတက့ၢ်.
37 လၢယၣ်ဘျးသဒၢအံၤအဂီၢ်မၤန့ၢ်တၢ်အထူၣ်ယဲၢ်ဘိလၢသ့ၣ်ဖှ့ၡံးတၤဒီးပီၤအီၤလၢထူ, ဒီးဘျးထီၣ်ယၣ်န့ၣ်လၢထးဘျးထူတဖၣ်တက့ၢ်. မၤန့ၢ်တၢ်အခီၣ်ထံးအဖျီၣ်တိၢ်ဘီယဲၢ်ခါလၢထူၣ်တဖၣ်အံၤအဂီၢ်တက့ၢ်.