ဖဲယထံၣ်တၢ်အံၤဒီး, ယလီၤဃံၤအီထီလာ်လၢဟီၣ်ခိၣ်လိၤလီၤ. အန့ၣ်ဒီးယနၢ်ဟူတၢ်ကလုၢ်တမံၤ,

1 လၢအစံးဝဲ, “ပှၤကညီလၢအသံသ့ဧၢ, ဂဲၤဆၢထၢၣ်တက့ၢ်. ယအဲၣ်ဒိးကတိၤတၢ်ဒီးနၤလီၤ.” 2 ဖဲတၢ်ကလုၢ်ကတိၤဒံးတၢ်အဖၢမုၢ်န့ၣ်, ကစၢ်ယွၤအသးဟဲနုာ်လၢ ယပူၤဒီးဒုးဆၢထၢၣ်ယၤလၢယခီၣ်ဒီးယနၢ်ဟူတၢ်ကလုၢ်သီၣ်စံး ဝဲ, 3 “ပှၤကညီလၢအသံသ့ဧၢ, ယမၢလီၤနၤဆူကီၢ်အံၣ်စရ့လးအပှၤဂီၢ် မုၢ်အအိၣ်လီၤ. အဝဲသ့ၣ်ပူထီၣ်တၢ်ဒီးဃၣ်ကွံာ်အသးထီဒါယၤ, ဒီးမ့ၢ်ဒံးဒၣ်ပှၤပူထီၣ်တၢ်ဖိတဖၣ်ဒ်သိးဒၣ်အမိၢ်ပၢ်ဖံဖု လၢပျၢၤတဖၣ်မ့ၢ်တ့ၢ်ဝဲန့ၣ်လီၤ. 4 အဝဲသ့ၣ်အခိၣ်ကိၤဒီးတပာ်ကဲယၤဘၣ်. လၢတၢ်န့ၣ်အဃိ ယမၢလီၤနၤလၢနကတဲဘၣ်အဝဲသ့ၣ်, တၢ်လၢယၤ, ယွၤပၢဘၣ်တၢ်ခဲလၢာ်ကစၢ်, စံးဘၣ်အဝဲသ့ၣ်န့ၣ်လီၤ. 5 ပှၤပူထီၣ်တၢ်ဖိတဖၣ်န့ၣ်, ဒိကနၣ်နၤမ့ၢ်ဂ့ၤ, တဒိကနၣ်နၤမ့ၢ်ဂ့ၤ, အဝဲသ့ၣ်ကသ့ၣ်ညါဝဲလၢဝံတဂၤအိၣ်လံလၢအဝဲသ့ၣ်အကျါလံန့ၣ်လီၤ. 6 ဘၣ်ဆၣ်နဲဒၣ်, ပှၤကညီလၢအသံသ့အံၤ, နတဘၣ်ပျံၤအဝဲသ့ၣ်မ့ၢ် ဂ့ၤ, တၢ်လၢအဝဲသ့ၣ်စံးဝဲတမံၤမံၤမ့ၢ်ဂ့ၤန့ၣ်ဘၣ်. အဝဲသ့ၣ်ကခီၣ်ဆၢနၤဒီးကပာ်နၤဒ်ပှၤလၢတဂိာ်တသီၣ်တၢ်ဘၣ် န့ၣ်လီၤ. တၢ်န့ၣ်ကမၤအသးဒ်တၢ်အိၣ်ဆိးလၢပတ့ၤချဲးတဖၣ် အကျါအသိးန့ၣ်လီၤ. အန့ၣ်ဒၣ်လဲာ်ပျံၤပှၤပူထီၣ်တၢ်ဖိ တဖၣ်န့ၣ်မ့ၢ်ဂ့ၤ, တၢ်တမံၤမံၤလၢအဝဲသ့ၣ်စံးဝဲမ့ၢ်ဂ့ၤ, န့ၣ်တဂ့ၤ. 7 တၢ်တမံၤဂ့ၤတမံၤဂ့ၤလၢယတဲဘၣ်နၤလၢနကဘၣ်စံးကတိၤအီၤန့ၣ်, အဝဲသ့ၣ်ဒိကနၣ်ဝဲမ့ၢ်ဂ့ၤ, တဒိကနၣ်ဝဲမ့ၢ်ဂ့ၤနကဘၣ်တဲဘၣ်အဝဲ သ့ၣ်န့ၣ်လီၤ. သ့ၣ်နီၣ်ထီၣ်က့ၤလၢအဝဲသ့ၣ်မ့ၢ်ပှၤပူထီၣ်တၢ်ဖိ တဖၣ်ဒ်လဲၣ်န့ၣ်တက့ၢ်. 8 ပှၤကညီလၢအသံသ့ဧၢ, ဒိကနၣ်တၢ်လၢယတဲဘၣ်နၤတက့ၢ်. ပူထီၣ်တၢ်ဒ်အဝဲသ့ၣ်အသိးတဂ့ၤ. အိးထီၣ်နကိာ်ပူၤဒီးအီၣ်တၢ် လၢယကဟ့ၣ်လီၤနၤန့ၣ်တက့ၢ်.” 9 ယထံၣ်ဘၣ်စုတခီယူာ်ဃီၤအသးဆူယအိၣ်, ဒီးဟံးဃာ်လံာ်ထူ တထူလီၤ. 10 စုတခီန့ၣ်သလၣ်ထီၣ်လံာ်ထူန့ၣ်, ဒီးယထံၣ်ဘၣ်လၢတၢ်ကွဲးအသး အိၣ်ခံကပၤလိာ်လီၤ. တၢ်ဟီၣ်တၢ်ယၢၤ, တၢ်ကအုကစွါဒီးတၢ်ကိးထီၣ်လၢတၢ်သူၣ်အုးသး အုးအပူၤတဖၣ်အိၣ်ကွဲးလီၤတ့ၢ်အသးဖဲန့ၣ်လီၤ.