3
1 ပှၤအံၣ်စရ့လးဖိသ့ၣ်ဧၢ, ဒိကနၣ်တၢ်ကစီၣ်အံၤလၢယွၤကတိၤတ့ၢ် တၢ်ဘၣ်ဃးဒီးသု, တၢ်ကတိၤထီဒါပှၤဒီကလုာ်ညါလၢအဒုးဟးထီၣ်ကွံာ်ဝဲလၢကီၢ် အဲၤကူပတူးပူၤတက့ၢ်.
2 “လၢပှၤကလုာ်ခဲလၢာ်လၢဟီၣ်ခိၣ်ချၢအကျါန့ၣ်, သုမ့ၢ်ပှၤထဲတကလုာ်ဧိၤလၢယသ့ၣ်ညါတ့ၢ်ယဲဒီးအံးထွဲကွၢ်ထွဲ တ့ၢ်န့ၣ်လီၤ. တၢ်န့ၣ်မ့ၢ်တၢ်လၢအဒုးကဲထီၣ်သုတၢ်ကမၣ်လၢတၢ် လီၤပျံၤလီၤဖုးဖးဒိၣ်ဒီးလၢတၢ်န့ၣ်အဃိယဘၣ်စံၣ်ညီၣ်သုလၢ တၢ်န့ၣ်တဖၣ်အဂ့ၢ်လီၤ.”
3 ပှၤခံဂၤအသးမ့ၢ်တဒ်သိးသိးဘၣ်ဒီး, ကလဲၤတၢ်တပူၤဃီစ့ၢ်ကီးဧါ.
4 တၢ်လၢကဖီၣ်မၤသံအီၣ်ဝဲမ့ၢ်တအိၣ်ဘၣ်ဒီးခ့ယုၢ် ကကညီၤထီၣ်လၢသ့ၣ်ပှၢ်ကျါစ့ၢ်ကီးဧါ.
ခ့ယုၢ်ဖိမ့ၢ်တဖီၣ်န့ၢ်ဘၣ်တၢ်ဘၣ်ဒီးကမၤသီၣ်ထီၣ်တၢ်လၢအတဝၢ ပူၤစ့ၢ်ကီးဧါ.
5 ထုမ့ၢ်တဆဲထီၣ်ဘၣ်အသးလၢဟီၣ်ခိၣ်အဖီခိၣ်ဘၣ်ဒီးထိၣ် ကဘၣ်ထုစ့ၢ်ကီးဧါ.
တၢ်လၢအဖီၣ်န့ၢ်ဝဲမ့ၢ်တအိၣ်ဘၣ်တၢ်နီတမံၤဘၣ်ဒီး, ပျံၤသကွီၤကထုးသဖှူးအသးစ့ၢ်ကီးဧါ.
6 တၢ်ဒုးတၢ်ယၤအကွဲၤမ့ၢ်သီၣ်ထီၣ်လၢဝ့ၢ်ပူၤဒီးပှၤကညီတပျံၤ ဘၣ်တၢ်ဘၣ်ဧါ.
ယွၤမ့ၢ်တဆှၢလီၤဘၣ်ဒီး, တၢ်ဟးဂူာ်ဟးဂီၤဖးဒိၣ်ကအိၣ်လၢဝ့ၢ်ပူၤစ့ၢ်ကီးဧါ.
7 ယွၤမ့ၢ်တလီၣ်ဖျါထီၣ်အတၢ်ကူၣ်တၢ်ကျဲၤလၢအခ့ အပှၤဝံတဖၣ်ဘၣ်ဒီးမ့ၢ်မးတၢ်စိတၢ်ကမီၤခဲလၢာ်အကစၢ်တမၤ ဘၣ်တၢ်ဘၣ်.
8 ဖဲခ့ယုၢ်ကညီၤထီၣ်န့ၣ်မတၤတပျံၤဘၣ်တၢ်တဂၤလဲၣ်.
ဖဲတၢ်စိတၢ်ကမီၤခဲလၢာ်အကစၢ်ယွၤကတိၤတၢ်ဒီးမ့ၢ်မတၤတလီၣ် ဖျါထီၣ်ဘၣ်အတၢ်ကစီၣ်ဘၣ်ဒီးအိၣ်ဝဲကသ့တဂၤလဲၣ်.
9 ဘိးဘၣ်သ့ၣ်ညါတၢ်ဆူပှၤအိၣ်လၢကီၢ်အဲၤကူပတူးဒီးဝ့ၢ် အၤစဒိာ်အနူၢ်အစီၤတဖၣ်အပူၤဒီးစံး, “ပာ်ဖှိၣ်ထီၣ်သုသးလၢကစၢၢ် ကလိတဖၣ်လၢအအိၣ်ဝးတရံးကီၢ်ၡၤမရံဒီးကွၢ်တၢ်တၢထီၣ်တၢလီၤ ဖးဒိၣ်လၢအပူၤဒီးတၢ်မၤအၢမၤနးတဖၣ်လၢအဘၣ်တၢ်မၤအီၤဖဲန့ၣ် တက့ၢ်.
10 ပှၤသ့ၣ်တဖၣ်အံၤမၤပှဲၤအဟံၣ်အဃီဒီးတၢ်တဖၣ်လၢအမၤန့ၢ်ဝဲတၢ်မၤ ဆူၣ်မၤနၢၤဒီးတၢ်ဂုာ်ဆူၣ်ပျီဆူၣ်န့ၣ်လီၤ. ကဘၣ်အိၣ်မူတီတီလိၤလိၤဒ်လဲၣ်ဒၣ်လဲာ်န့ၣ်တသ့ၣ်ညါဝဲဘၣ်.
11 မၤသးဒ်န့ၣ်ဒီးဒုၣ်ဒါတဖုကကဝီၤဃာ်အထံအကီၢ်, ကမၤဟးဂီၤကွံာ်အပှၤခိးတြီတၢ်တဖၣ်, ဒီးဂုာ်ဆူၣ်ပျီဆူၣ်ကွံာ်အဟံၣ်အဃီတဖၣ်န့ၣ်လီၤ.”
12 ယွၤစံးဝဲဒၣ်, “ဒ်ပှၤကွၢ်သိဂုာ်န့ၢ်က့ၤသိဖိအခီၣ်ခံခီမ့ၢ်ဂ့ၤအနၢ်တစဲး မ့ၢ်ဂ့ၤလၢခ့ယုၢ်အထးခိၣ်အသိးန့ၣ်, အံၣ်စရ့လးအဖိတဖၣ် လၢအအိၣ်လၢကီၢ်ၡၤမရံအပူၤန့ၣ်ကဘၣ်တၢ်မၤပူၤဖျဲး အီၤထဲသိးဒၣ်လီၢ်မံခးအခီၣ်ခံခီဒီးလီၢ်ဆ့ၣ်နီၤအက့အခီဖိဧိၤလီၤ.
13 ဒိကနၣ်ခဲကနံၣ်အံၤ, ဒီးဟ့ၣ်ပလီၢ်စီၤယၤကိာ်အစၢၤအသွဲၣ်တဖၣ် တက့ၢ်,” တၢ်စိတၢ်ကမီၤခဲလၢာ်အကစၢ်, သ့တၢ်လၢာ်ယွၤစံးဝဲဒၣ်.
14 မုၢ်တနံၤဖဲယစံၣ်ညီၣ်အံၣ်စရ့လးအပှၤဂီၢ်မုၢ်လၢအတၢ်ဒဲးဘး တဖၣ်န့ၣ်, ယကမၤဟးဂီၤကွံာ်တၢ်လုၢ်လီၢ်တဖၣ်လၢဘ့ၤသ့လးန့ၣ်လီၤ. ကယဲၢ်တၢ်လုၢ်လီၢ်အနၢၣ်ခဲလၢာ်ကကၢ်ကွံာ်ဝဲဒီးကလီၤ တဲာ်လၢဟီၣ်ခိၣ်လိၤန့ၣ်လီၤ.
15 ယကမၤဟးဂီၤကွံာ်တၢ်ဂိၢ်ကတီၢ်အဟံၣ်တဖၣ် ဒီးတၢ်ကိၢ်ကတီၢ်အဟံၣ်တဖၣ်လီၤ. ဟံၣ်တဖၣ်လၢအဘၣ်တၢ်ကယၢကယဲအီၤလၢကဆီမဲ ကလီၤပှီၢ်ကွံာ်ဝဲဒၣ်ဆူတၢ်ဟးဂူာ်ဟးဂီၤအပူၤ, ဒီးကယဲၢ်ဟံၣ်ဖးဒိၣ် ကဘၣ်တၢ်မၤဟးဂီၤကွံာ်အီၤန့ၣ်လီၤ.