8
1 ဒီးတုၤစီၤၡမူၤအ့လးအသးပှၢ်တ့ၢ်ဒီး, တၢ်မၤအသး လၢအပာ်အဖိခွါတဖၣ် လၢပှၤစံၣ်ညီၣ်ကွီၢ်လၢအံၣ်စ ရ့လးအဂီၢ်လီၤ.
2 ဒီးအဖိခွါဝဲၢ်ကိအမံၤန့ၣ် မ့ၢ်စီၤယိၤအ့လး,ဒီးခံဂၤတ ဂၤအမံၤန့ၣ်မ့ၢ်စီၤအဘံယၤလီၤ. မ့ၢ်ဝဲလၢပှၤစံၣ်ညီၣ် ကွီၢ်လၢဘ့ၢ်ၡဘၤအပူၤလီၤ.
3 ဒီးအဖိခွါတဖၣ်န့ၣ် တလဲၤဘၣ်လၢအကျဲတဖၣ်အ ပူၤဘၣ်, ဒီးဃၣ်ကပၤဆူတၢ်သးကွံတၢ်, ဒီးဟံးန့ၢ်ခိၣ် ဖးတဖၣ်, ဒီးဘိးကမၣ်တၢ်စံၣ်ညီၣ်လီၤ.
4 ဒီးအံၣ်စရ့လးအပၤသူၣ်က့သးပှၢ် အိၣ်ဖှိၣ်ရိဖှိၣ်ခဲလၢာ်, ဒီးဟဲဝဲဆူစီၤၡမူၤအ့လးအအိၣ်ဖဲရၤမါအပူၤ,-
5 ဒီးစံးဘၣ်အီၤ,ကွၢ်ကွၢ်, နသးပှၢ်တ့ၢ်လံ, ဒီးနဖိခွါတ တဖၣ်တလဲၤဘၣ်လၢနကျဲတဖၣ်ဘၣ်. ပာ်န့ၢ်ပှၤလၢ စီၤပၤတဂၤလၢအကစံၣ်ညီၣ်ပှၤ, ဒ်ကယဲၢ်ပှၤကလုာ် ခဲလၢာ်အသိးန့ၣ်တက့ၢ်.
6 ဒီးလၢအစံး, ဟ့ၣ်လီၤန့ၢ်ပှၤလၢစီၤပၤတဂၤလၢအက စံၣ်ညီၣ်ပှၤန့ၣ်မ့ၢ်တၢ်အၢလၢ စီၤၡမူၤအ့လးအမဲာ်, ဒီး စီၤၡမူၤအ့လးဘါထုကဖၣ်ယွၤလီၤ.
7 ဒီးယွၤစံးဘၣ်စီၤၡမူၤအ့လးန့ၣ်, လၢကယဲၢ်တၢ်လၢ ပှၤဂီၢ်မုၢ်စံးဘၣ်နၤန့ၢ်ကနၣ်အကလုၢ်တက့ၢ်. အဂ့ၢ်ဒ် အံၤ,တမ့ၢ်ဘၣ်အညိကွံာ်နၤဘၣ်, မ့ၢ်အညိကွံာ်ယၤ, ဒ်သိးယသုတကဲစီၤပၤလၢ အဖီခိၣ်တဂ့ၤလီၤ.
8 ဒ်က ယဲၢ်တၢ်မၤလၢအမၤဝဲလၢမုၢ်တနံၤလၢ ယဒုးဟးထီၣ် ကွံာ်အီၤလၢ အဲၤကူပတူးလံၤလံၤ တုၤမုၢ်မဆါတနံၤ အံၤ, အဝဲသ့ၣ်လဲၤသဒၣ်ယၤ, ဒီးမၤကစၢ်အဂၤတဖၣ် အတၢ်မၤအသိးန့ၢ်, အဝဲသ့ၣ်တဖၣ်မၤနၤစ့ၢ်ကီးဒ်န့ၣ် အသိးလီၤ.
9 ဒီးခဲကနံၣ်အံၤ ဒိကနၣ်အကလုၢ်တက့ၢ်. ဘၣ်ဆၣ်ဒီးအုၣ်နသးလၢအမဲာ်ညါသပှၢ်ပှၢ်, ဒီးဒုးနဲၣ် အီၤလၢစီၤပၤလၢအကပၢတၢ် လၢအဖီခိၣ်အလုၢ်အ လၢ်န့ၣ်တက့ၢ်.
10 ဒီးစီၤၡမူၤအ့လး စံးဘၣ်တဲဘၣ်ပှၤဂီၢ်မုၢ်လၢအဃ့စီၤ ပၤလၢအီၤ, လၢယွၤအကလုၢ်ကထါခဲလၢာ်လီၤ.
11 ဒီးစံး ဝဲဒၣ်, အအံၤမ့ၢ်စီၤပၤလၢအကပၢတၢ်လၢ သုဖီခိၣ်အ လုၢ်အလၢ်န့ၣ်လီၤ. ကဟံးန့ၢ်သုဖိခွါတဖၣ်, ဒီးပာ်ဝဲ လၢအဂီၢ်ဒၣ်ဝဲ, လၢအလ့ၣ်ကဟၣ်အဂီၢ်, လၢပှၤဒိးက သ့ၣ်အဂီၢ်, ဒီးအဝဲသ့ၣ်ကဃ့ၢ်ဝဲလၢအလ့ၣ်ကဟၣ်အ မဲာ်ညါလီၤ.
12 ဒီးလၢအဂီၢ်ဒၣ်ဝဲန့ၣ်ကပာ်လၢပှၤတက ထိအခိၣ်, ဒီးပှၤယဲၢ်ဆံအခိၣ်, ဒီးကပာ်ဝဲဒ်သိးအက ထဲၣ်အဟီၣ်ခိၣ်, ဒီးကူးအဘု, ဒီးပိာ်အပှၤသုးဖိအစု ကဝဲၤ,ဒီးအလ့ၣ်ကဟၣ်အပိးအလီလီၤ.
13 ဒီးကဟံးန့ၢ် သုဖိမုၣ်တဖၣ်, ဒီးကဒုးကဲထီၣ်အီၤလၢပှၤမၤဃါဃုာ် တၢ်နၢမူ, ဒီးပှၤဖီမ့ၤ, ဒီးပှၤကုၢ်ကိာ်လီၤ.
14 ဒီးကဟံးန့ၢ် သုစံာ်ဧိၤပှဲၤဧိၤ, ဒီးသုစပံးအလီၢ်, ဒီးသုသ့ၣ်စၤယံးအ လီၢ်အဂ့ၤကတၢၢ်တဖၣ်, ဒီးဟ့ၣ်လီၤဝဲလၢအခ့အပှၤ လီၤ.
15 ဒီးသုတၢ်ချံသုတၤသၣ်, ဒီးသုစပံးအလီၢ်န့ၣ် ကဟံးန့ၢ်ဆံဆဲၣ်ပူတပူ, ဒီးဟ့ၣ်လီၤဝဲလၢအပဒိၣ်တ တဖၣ်, ဒီးလၢအခ့ပှၤတဖၣ်လီၤ.
16 ဒီးကဟံးန့ၢ်သုကုၢ် ပိာ်ခွါ, ဒီးသုကုၢ်ပိာ်မုၣ်, ဒီးသုပှၤဖိၣ်သၣ်ခွါလၢအဂ့ၤ, ဒီးသုကသ့ၣ်ယီၤ, ဒီးဒုးမၤအီၤလၢအတၢ်မၤလီၤ.
17 ဒီး ကဟံးန့ၢ်သုသိသုမဲာ်တဲးလဲးဆံဆဲၣ်ပူတပူ, ဒီးသုက ကဲထီၣ်အကုၢ်အပှၤလီၤ.
18 ဒီးတၢ်လၢမုၢ်တနံၤန့ၣ် သု ကကိးပသူထီၣ်လၢစီၤပၤ လၢသုဃုထၢန့ၢ်အီၤတဂၤ အဃိ, ဒီးတၢ်လၢမုၢ်တနံၤန့ၣ် ယွၤတဒိကနၣ်ဘၣ်သု ကလုၢ်ဘၣ်.
19 ဒီးဒိကနၣ် စီၤၡမူၤအ့လးအကလုၢ်န့ၣ် ပှၤဂီၢ်မုၢ်ဂ့ၢ် လိာ်ဝဲ, ဒီးစံးဝဲဒၣ်, တမ့ၢ်ဘၣ်, မ့ၢ်ပကအိၣ်ဒီးစီၤပၤလၢ ပဖီခိၣ်တဂၤလီၤ.
20 ဒီးပကအိၣ်စ့ၢ်ကီး ဒ်ပှၤကလုာ် ခဲလၢာ်အသိးန့ၣ်, ဒီးပစီၤပၤကစံၣ်ညီၣ်ပှၤ, ဒီးလဲၤ တၢ်လၢပမဲာ်ညါ,ဒီးဒုးတၢ်ဒုးသုးလၢပဂီၢ်လီၤ.
21 ဒီးစီၤၡမူၤအ့လးကနၣ်ပှၤဂီၢ်မုၢ်အကလုၢ်ခဲလၢာ်, ဒီး စံးဘၣ်က့ၤတၢ်လၢယွၤအနၢ်ပူၤလီၤ.
22 ဒီးယွၤစံးဘၣ်စီၤၡမူၤအ့လး, ဒိကနၣ်အကလုၢ်,ဒီးဒုး အိၣ်အီၤဒီးစီၤပၤတက့ၢ်. ဒီးစီၤၡမူၤအ့လးစံးဘၣ်အံၣ် စရ့လးအပှၤကညီ, က့ၤက့ၤတဂၤဆူအဝ့ၢ်ဒၣ်ဝဲ, တ ဂၤဆူအဝ့ၢ်ဒၣ်ဝဲန့ၣ်တက့ၢ်.