7
1 ဒီးကံးရယးယဧၤရံၣ် အပှၤကညီန့ၣ် ဟဲဒီးက့ၤစိာ် ထီၣ်ယွၤအတလါ, ဒီးစိာ်နုာ်ဝဲဆူစီၤအဘံနဒာ်အဟံၣ် ပူၤလၢတၢ်စိခိၣ်အလိၤ, ဒီးပာ်စီဆှံအဖိခွါစီၤအလၤဧၤ စၢ် ဒ်သိးအကပၢၤယွၤအတလါန့ၣ်လီၤ.
2 ဒီးမုၢ်တနံၤလၢတလါန့ၣ် အိၣ်ဝဲလၢကံးရယးယဧၤ ရံၣ်အပူၤလံၤလံၤန့ၣ် တၢ်မၤအသးလၢအအိၣ်ဝဲ,အါ နံၤအါသီလီၤ. အဂ့ၢ်ဒ်အံၤ, အိၣ်ဝဲအနံၣ်ခံဆံ,ဒီးအံၣ် စရ့လးအပှၤဟံၣ်ဖိခဲလၢာ်သးသယုၢ်ယွၤလီၤ.
3 ဒီးစီၤၡမူၤအ့လးကတိၤတၢ်ဒီး အံၣ်စရ့လးအပှၤဟံၣ် ဖိခဲလၢာ်, ဒီးစံးဝဲဒၣ်, သုမ့ၢ်ဟဲက့ၤကဒါက့ၤဆူယွၤ အအိၣ်လၢသုသးဒီဖျၢၣ်ညါဒီး, သုးကွံာ်ပှၤတခီဘီမုၢ် ဖိအကစၢ်တဖၣ်, ဒီးအၤၡတြိးလၢသုအိၣ်တက့ၢ်.ဒီး သုသးန့ၣ်ကတဲာ်ကတီၤအီၤလၢယွၤအဂီၢ်, ဒီးမၤထဲ အဝဲတဂၤဧိၤန့ၣ်အတၢ်တက့ၢ်. ဒီးကမၤပူၤဖျဲးသုလၢ ပှၤဖလ့ၡသးဖိအစုပူၤလီၤ.
4 ဒီးပှၤအံၣ်စရ့လးဖိသုးကွံာ်ဘဧၤလးတဖၣ်, ဒီးအၤၡ တြိး, ဒီးမၤထဲယွၤအတၢ်ဧိၤလီၤ.
5 ဒီးစီၤၡမူၤအ့လးစံးဝဲဒၣ်, ဒုးအိၣ်ဖှိၣ်ရိဖှိၣ်အံၣ်စရ့လး ခဲလၢာ်ဆူမံးစပၤန့ၣ်တက့ၢ်. ဒီးယကဘါထုကဖၣ်န့ၢ် သုဂီၢ်လၢယွၤလီၤ.
6 ဒီးအဝဲသ့ၣ်အိၣ်ဖှိၣ်ရိဖှိၣ်ဆူမံးစပၤ, ဒီးဒၢၣ်ထီၣ်ထံ, ဒီးလူလီၤဝဲလၢယွၤအမဲာ်ညါဒီး ဒုၣ်တၢ်အီၣ်လၢမုၢ်တ နံၤန့ၣ်, ဒီးစံးဝဲဖဲန့ၣ်, ပမၤကမၣ်ဘၣ်လံယွၤလံ. ဒီး စီၤၡမူၤအ့လး စံၣ်ညီၣ်ပှၤအံၣ်စရ့လးဖိလၢမံးစပၤအပူၤ လီၤ.
7 ဒီးတုၤပှၤဖလ့ၡသးဖိ နၢ်ဟူဝဲလၢ ပှၤအံၣ်စရ့လးဖိ အိၣ်ဖှိၣ်ရိဖှိၣ်ဆူမံးစပၤဒီး, ပှၤဖလ့ၡသးဖိအပဒိၣ်ဖး ဒိၣ်တဖၣ်လဲၤထီၣ်ဆူပှၤအံၣ်စရ့လးဖိအအိၣ်လီၤ. ဒီး ပှၤအံၣ်စရ့လးဖိနၢ်ဟူဝဲ, ဒီးပျံၤပှၤဖလ့ၡသးဖိန့ၣ်လီၤ.
8 ဒီးအံၣ်စရ့လးဖိစံးဘၣ်စီၤၡမူၤအ့လး, ဆိတ့ၢ်လၢန ကကိးထီၣ်ယွၤပကစၢ်လၢပဂီၢ်, ဒီးဒ်သိးအကအုၣ်က့ၤ ခီၣ်က့ၤပှၤလၢပှၤဖလ့ၡသးဖိအစုပူၤန့ၣ်တဂ့ၤ.
9 ဒီးစီၤၡမူၤအ့လးဟံးန့ၢ်သိဖိလၢ အအီၣ်နုၢ်တဒု, ဒီး လုၢ်ဝဲလၢတၢ်လုၢ်မ့ၣ်အူဒီဒုလၢယွၤအဂီၢ်လီၤ. ဒီးစီၤၡ မူၤအ့လးကိးထီၣ်ယွၤလၢအံၣ်စရ့လးအဂီၢ်, ဒီးယွၤဒိ ကနၣ်အကလုၢ်လီၤ.
10 ဒီးစီၤၡမူၤအ့လးလုၢ်တၢ်လုၢ်မ့ၣ်အူအဖၢမုၢ်ဒီး,တၢ်မၤ အသးလၢပှၤဖလ့ၡသးဖိသုးဘူးအသး ဒ်သိးအကဒုး တၢ်ဒီးအံၣ်စရ့လးလီၤ. ဒီးတၢ်လၢမုၢ်တနံၤန့ၣ်ယွၤမၢ လီသီၣ်လၢတၢ်သီၣ်ဖးဒိၣ်လၢ ပှၤဖလ့ၡသးဖိအလိၤ ဒီးမၤဃၣ်အီၤ, ဒီးအဝဲသ့ၣ်ဘၣ်တၢ်ကျီကွံာ်ဝဲလၢအံၣ် စရ့လးအမဲာ်ညါလီၤ.
11 ဒီးအံၣ်စရ့လးအပှၤကညီ လဲၤထီၣ်လၢမံးစပၤ, ဒီး လူၤပှၤဖလ့ၡသးဖိ, ဒီးကျီကွံာ်အီၤပၢၢ်လၢဘ့ၤသကၢ် အဖီလာ်လီၤ.
12 ဒီးစီၤၡမူၤအ့လးဟံးန့ၢ်လၢၢ်တဖျၢၣ်, ဒီးပာ်ဝဲလၢမံး စပၤဒီးရှ့ၣ်အဘၢၣ်စၢၤ, ဒီးယုၢ်ဝဲအမံၤလၢအ့ဘ့ၣ်န့စၢ်, ဒီးစံးဝဲဒၣ်, ယွၤမၤစၢၤပှၤတုၤခဲကနံၣ်အံၤလီၤ.
13 ဒီးပှၤဖလ့ၡသးဖိဃၣ်ဝဲ, ဒီးတဟဲလၢၤဘၣ်ဆူအံၣ် စရ့လးအကီၢ်ဃၢၤဘၣ်. ဒီးယွၤအစုအိၣ်ဝဲလၢပှၤဖလ့ ၡသးဖိအလိၤ လၢစီၤၡမူၤအ့လးအမုၢ်နံၤခဲလၢာ်အတီၢ် ပူၤလီၤ.
14 ဒီးတၢ်ဒုးန့ၢ်က့ၤ အံၣ်စရ့လးလၢဝ့ၢ်တဖၣ်လၢပှၤဖ လ့ၡသးဖိမၤန့ၢ်တ့ၢ်အီၤလၢအံၣ်စရ့လး, လၢဧ့ကြိၣ်ပၢၢ် လၢကၤသး, ဒီးအကီၢ်ဃၢၤတဖၣ်န့ၣ် အံၣ်စရ့လး မၤပူၤမၤဖျဲးဝဲလၢ ပှၤဖလ့ၡသးဖိအစုပူၤလီၤ. ဒီးအံၣ်စ ရ့လး, ဒီးပှၤအမိၢ်ဖိအိၣ်ဃူလိာ်အသးလီၤ.
15 ဒီးစီၤၡမူၤအ့လး စံၣ်ညီၣ်အံၣ်စရ့လးတစိၤဒၣ်အီၤ လီၤ.
16 ဒီးလဲၤတရံးတၢ် တနံၣ်ဘၣ်တနံၣ်ဆူ ဘ့ၤသ့ လး,ဒီးကံးလကၤလး, ဒီးမံးစပၤ, ဒီးစံၣ်ညီၣ်အံၣ်စရ့ လးလၢအလီၢ်တဖၣ်န့ၣ်ခဲလၢာ်လီၤ.
17 ဒီးအတၢ်ဟဲ က့ၤန့ၣ် မ့ၢ်ဆူရၤမါလီၤ. အဂ့ၢ်ဒ်အံၤ, အဟံၣ်အိၣ်ဖဲ န့ၣ်, ဒီးမၤထီၣ်တၢ်လုၢ်လီၢ်လၢယွၤအဂီၢ်ဖဲန့ၣ်လီၤ.