5
1 မၤသးဒ်န့ၣ် ဒီးတၢ်ပာ်တီပာ်လိၤပှၤလၢတၢ်နာ်သတး ဒီး,ပဃူပဖိးဒီးယွၤလၢပကစၢ်ယ့ၣ်ရှူးခရံာ်အဃိလီၤ.-
2 အဝဲဒၣ်အဃိ, မ့ၢ်တၢ်နာ်ဒီး, ပလဲၤနုာ်ဆူတၢ်ဘျုးတၢ် ဖှိၣ်လၢပဆၢထၢၣ်လၢအပူၤအံၤ, ဒီးသူၣ်ဖှံသးညီလၢ တၢ်မုၢ်လၢ်ယွၤအလၤကပီၤအပူၤလီၤ.
3 ဒီးထဲန့ၣ်ဧိၤတ မ့ၢ်ဘၣ်, မ့ၢ်ပသူၣ်ဖှံသးညီလၢတၢ်နးတၢ်ဖှီၣ်အပူၤစ့ၢ်ကီး လီၤ. အဂ့ၢ်ဒ်အံၤ, ပသ့ၣ်ညါလၢတၢ်နးတၢ်ဖှီၣ်မၤအိၣ် ထီၣ်တၢ်ဝံသးစူၤ,
4 ဒီးတၢ်ဝံသးစူၤန့ၣ်မၤအိၣ်ထီၣ်တၢ် မၤကွၢ်အတၢ်အုၣ်အသး, ဒီးတၢ်မၤကွၢ်အတၢ်အုၣ်အ သးန့ၣ်,ဒုးအိၣ်ထီၣ်တၢ်မုၢ်လၢ်လီၤ.
5 ဒီးတၢ်မုၢ်လၢ်န့ၣ်, တမၤမဲာ်ဆှးဘၣ်တၢ်ဘၣ်. အဂ့ၢ်ဒ်အံၤ,သးစီဆှံလၢတၢ် ဟ့ၣ်လီၤအီၤလၢပှၤန့ၣ်, ဂၢ်လီၤယွၤအတၢ်အဲၣ်တၢ်ကွံ လၢပသးကံၢ်ပူၤလီၤ.
6 အဂ့ၢ်ဒ်အံၤ, ဖဲပဂံၢ်စၢ်ဘါစၢ်န့ၣ်,အမုၢ်အလါဘၣ်ဒီး, ခရံာ်ဒိးသံအသးလၢ ပှၤတယူးတယီၣ်ဘၣ်ယွၤအဂီၢ် လီၤ.
7 အဂ့ၢ်ဒ်အံၤ, ပှၤကဒိးသံအသးလၢပှၤတီအဂီၢ်ကီ မးလီၤ. ဘၣ်ဆၣ်ဒီးလၢပှၤဂ့ၤအဂီၢ်န့ၣ်,ပှၤဒိးသံအသး ဘူၣ်ကအိၣ်ဝဲတဂၤဂၤသ့ၣ်သ့ၣ်လီၤ.
8 မ့မ့ၢ်ဖဲပမ့ၢ်ပှၤတၢ် ဒဲးဘးဖိအဖၢမုၢ်ဒီး, ခရံာ်ဒိးသံအသးလၢပဂီၢ်သတးဒီး, ယွၤပာ်ဖျါထီၣ်အတၢ်အဲၣ်တၢ်ကွံဒၣ်ဝဲလၢပှၤလီၤ.-
9 မၤသးဒ်န့ၣ်ဒီးခဲကနံၣ်အံၤ, ပဘၣ်တၢ်ပာ်တီပာ်လိၤပှၤ လၢအသွံၣ်ဝံၤဒီး, ပကဘၣ်တၢ်အုၣ်က့ၤခီၣ်က့ၤပှၤလၢ တၢ်သးထီၣ်, လၢအဝဲဒၣ်အဃိ,အါန့ၢ်အန့ၣ်တက့ၢ်ဒိၣ် မးလီၤ.
10 အဂ့ၢ်ဒ်အံၤ, ဖဲပမ့ၢ်အဒုၣ်အဒါအဖၢမုၢ်ဒီး,ပမ့ၢ် ဃူလိာ်ဖိးလိာ်ဒီးယွၤလၢအဖိခွါသံအဃိဒီး, ပဃူလိာ် ဖိးလိာ်ဝံၤဒီး, ပကတုၤလၢတၢ်အုၣ်က့ၤခီၣ်က့ၤပှၤလၢအ မူဝဲအဃိ, အါန့ၢ်အန့ၣ်တက့ၢ်ဒိၣ်မးလီၤ.
11 ဒီးထဲန့ၣ်ဧိၤ တမ့ၢ်ဘၣ်, မ့ၢ်ပသူၣ်ဖှံသးညီလၢယွၤအပူၤစ့ၢ်ကီး,လၢပ ကစၢ်ယ့ၣ်ရှူးခရံာ်အဃိ, လၢပဒိးန့ၢ်တၢ်ဃူလိာ်ဖိးလိာ် ခဲကနံၣ်အံၤလၢအီၤအဃိလီၤ.
12 မ်ဒ်န့ၣ်ဒီးဒ်တၢ်ဒဲးဘး ဟဲနုာ်ဆူဟီၣ်ခိၣ်ချၢလၢပှၤတ ဂၤအဃိ, ဒီးတၢ်သံတၢ်ပှၢ်လၢ တၢ်ဒဲးဘးအဃိအသိး န့ၣ်, ဒီးဒ်န့ၣ်အသိးပှၤခဲလၢာ်မၤတ့ၢ်တၢ်ဒဲးဘးသတးဒီး, ပှၤခဲလၢာ်ဘၣ်တၢ်သံတၢ်ပှၢ်,
13 (အဂ့ၢ်ဒ်အံၤ,တၢ်ဒဲးဘး အိၣ်လၢဟီၣ်ခိၣ်ချၢ တုၤလီၤလၢ တၢ်သိၣ်တၢ်သီအိၣ် ထီၣ်လီၤ. မ့မ့ၢ်တၢ်သိၣ်တၢ်သီမ့ၢ်တအိၣ်ဘၣ်ဒီး,တၢ်တ ပာ်ဘၣ်တၢ်ဒဲးဘးဘၣ်.
14 ဘၣ်ဆၣ်ဒီးလၢစီၤအၤဒၣ်အ စိၤတုၤလီၤလၢစီၤမိၤရှ့အစိၤန့ၣ်, ပှၤလၢအတမၤဘၣ်တၢ် ဒဲးဘးဒ်စီၤအၤဒၣ် အတၢ်လုၣ်သ့ၣ်ခါပတာ်အသိးဒၣ် လဲာ်န့ၣ်, တၢ်သံပၢဘၣ်အီၤလီၤ.အဝဲဒၣ်န့ၣ်မ့ၢ်ပှၤလၢအ ကဟဲတဂၤအဒိအတဲာ်လီၤ.
15 မ့မ့ၢ်တၢ်ဘျုးန့ၣ်, ဒ်တၢ်လီၤကမၣ်အသိးတမ့ၢ်ဘၣ်. အဂ့ၢ်ဒ်အံၤ, ပှၤအါဂၤ မ့ၢ်သံလၢပှၤတဂၤအလီၤကမၣ် တၢ်အဃိဒီး, ယွၤအဘျုးဒီးအတၢ်ဟ့ၣ်လၢအဟဲဝဲလၢ တၢ်ဘျုးဘၣ်ဃးဒီးပှၤတဂၤယ့ၣ်ရှူးခရံာ်န့ၣ်, အါထီၣ်ဝဲ လၢပှၤအါဂၤအဂီၢ်,အါန့ၢ်အန့ၣ်တက့ၢ်လီၤ.
16 ဒီးတၢ်ဟ့ၣ်န့ၣ် တဒ်သိးဘၣ်ဒီးပှၤတဂၤမၤကမၣ်တၢ် အသိးန့ၣ်ဘၣ်. အဂ့ၢ်ဒ်အံၤ,တၢ်စံၣ်ညီၣ်ဟဲလၢတၢ်လီၤ ကမၣ်တမံၤ, ပၢၢ်လၢတၢ်စံၣ်ညီၣ်ဃၣ်လီၤ.မ့မ့ၢ်တၢ်ဟ့ၣ် န့ၣ်ဟဲလၢတၢ်ကမၣ်အါမံၤ, ပၢၢ်လၢတၢ်ပာ်တီပာ်လိၤ န့ၣ်လီၤ.
17 အဂ့ၢ်ဒ်အံၤ, လၢပှၤတဂၤအတၢ်ကမၣ်အဃိ, တၢ်သံမ့ၢ်ပၢတၢ်လၢပှၤတဂၤအဃိဒီး, ပှၤလၢအဒိးန့ၢ် တၢ်အဘျုးအါလုၣ်ကွံာ်ဒီး တၢ်ဟ့ၣ်ဘၣ်ဃးဒီးတၢ်တီ တၢ်လိၤတဖၣ်, ကပၢတၢ်လၢတၢ်မူအပူၤ,လၢပှၤတဂၤ, ယ့ၣ်ရှူးခရံာ်အဃိ,အါန့ၢ်အန့ၣ်တက့ၢ်ဒိၣ်မးလီၤ).
18 မၤသးဒ်န့ၣ်ဒီး, ဒ်တၢ်စံၣ်ညီၣ်ဃၣ်ဟဲဆူပှၤခဲလၢာ် လၢတၢ်ကမၣ်တမံၤအဃိအသိးန့ၣ်, တၢ်တီတၢ်လိၤ ဘၣ်ဃးဒီးတၢ်မူကဟဲဆူပှၤခဲလၢာ် လၢတၢ်တီတၢ်လိၤ တမံၤအဃိ,ဒ်န့ၣ်အသိးလီၤ.
19 အဂ့ၢ်ဒ်အံၤ,ဒ်တၢ်ပာ်ပှၤ အါဂၤလၢတၢ်ဒဲးဘးဖိလၢ ပှၤတဂၤအတၢ်တစူၢ်ဘၣ်အ ဃိအသိးန့ၣ်, တၢ်ကပာ် ပှၤအါဂၤလၢတၢ်တီတၢ်လိၤ လၢပှၤတဂၤအစူၢ်တၢ်အဃိ,ဒ်န့ၣ်အသိးလီၤ.
20 ဒီးတၢ်သိၣ်တၢ်သီ ဟဲနုာ်ဒ်သိးတၢ်လီၤကမၣ်ကအါ ထီၣ်လီၤ. ဘၣ်ဆၣ်ဒီးဖဲတၢ်ဒဲးဘးအါထီၣ်န့ၣ်,တၢ်ဘျုး အါထီၣ်အါန့ၢ်အန့ၣ်တက့ၢ်လၢအဖီခိၣ်လီၤ.
21 ဒ်သိး,ဒ် တၢ်ဒဲးဘးပၢတၢ်လၢတၢ်သံအဃိအသိးန့ၣ်, တၢ်ဘျုး ကပၢတၢ်လၢတၢ်တီတၢ်လိၤပၢၢ်လၢတၢ်မူအထူအယိာ် လၢပကစၢ်ယ့ၣ်ရှူးခရံာ်အဃိ,ဒ်န့ၣ်အသိးလီၤ.