4
1 မၤသးဒ်န့ၣ်ဒီး, ပကစံးလၢပပၢ်စီၤအၤဘြၤဟၣ်ထံၣ် န့ၢ်တၢ်ဘၣ်ဃးဒီး တၢ်ဖံးတၢ်ညၣ်လၢမနုၤတမံၤလဲၣ်.-
2 အဂ့ၢ်ဒ်အံၤ, စီၤအၤဘြၤဟၣ်မ့ၢ်ဘၣ်တၢ်ပာ်တီပာ်လိၤလၢအတၢ်မၤအဃိဒီး, ပာ်အသးကဖၢလၢ အလီၢ်ကအိၣ်ဝဲလီၤ. ဘၣ်ဆၣ်ဒီးလၢ ယွၤအမဲာ်ညါတမ့ၢ်ဘၣ်.-
3 အဂ့ၢ်ဒ်အံၤ, တၢ်ကွဲးအသးစံးဝဲဒ်လဲၣ်.စီၤအၤဘြၤဟၣ် နာ်ယွၤဒီး, တၢ်ပးကဲ(အတၢ်နာ်) လၢတၢ်တီတၢ်လိၤ လၢအဂီၢ်လီၤ.
4 Ref 4.4 ၁မိၤ. ၁၅း၆ဒီးပှၤလၢအမၤတၢ်အဂီၢ် န့ၣ်တၢ်ပာ်အဘူးအလဲ ဒ်လၢတၢ်ဘျုးအသိးတမ့ၢ်ဘၣ်. မ့ၢ်ဒ်လၢတၢ်ကမၢ်အသိးလီၤ.
5 မ့မ့ၢ်ပှၤလၢအတမၤဘၣ် တၢ်ဘၣ်,ဒီးနာ်ပှၤလၢအပာ်တီပာ်လိၤပှၤတယူးတယီၣ် ဘၣ်ယွၤန့ၣ်, တၢ်ပးကဲအတၢ်နာ်လၢ တၢ်တီတၢ်လိၤ လီၤ.
6 ဒ်န့ၣ်အသိး, စီၤဒၤဝံးစံးလၢပှၤလၢအတမၤဘၣ် တၢ်ဘၣ်ဒီးယွၤပာ်တီပာ်လိၤအီၤ, ဘၣ်တၢ်ဆိၣ်ဂ့ၤဝဲအ ဂ့ၢ်အကျိၤ,
7 ပှၤလၢအတၢ်ကမၣ်ပျၢ်လံ,ဒီးအတၢ်ဒဲးဘးဘၣ်ကျၢၢ်ဘၢလံန့ၣ်, ဘၣ်ဆိၣ်ဂ့ၤဝဲ လီၤ.
8 ပှၤကညီလၢ ယွၤတပာ်ဘၣ်တၢ်ဒဲးဘးလၢအလိၤတ ဂၤန့ၣ်,ဘၣ်ဆိၣ်ဂ့ၤဝဲလီၤ.Ref 4.8 စံး. ၃၂း၁
9 မၤသးဒ်န့ၣ်ဒီး, တၢ်ဆိၣ်ဂ့ၤန့ၣ်မ့ၢ်အဘၣ်ပှၤလၢအဒိး တၢ်ကူးတရံးဧါ, မ့ၢ်အဘၣ်စ့ၢ်ကီးပှၤလၢအတဒိးဘၣ် တၢ်ကူးတရံးလဲၣ်. အဂ့ၢ်ဒ်အံၤ,ပစံးလၢတၢ်ပးကဲတၢ်နာ် လၢတၢ်တီတၢ်လိၤလၢစီၤအၤဘြၤဟၣ်အဂီၢ်လီၤ.
10 မၤ သးဒ်န့ၣ်ဒီးပးကဲဝဲဒ်လဲၣ်. မ့ၢ်အအိၣ်လၢတၢ်ကူးတရံး အပူၤဧါ, လၢတၢ်တကူးတရံးဘၣ်အပူၤလဲၣ်. လၢတၢ် ကူးတရံးအပူၤတမ့ၢ်ဘၣ်, မ့ၢ်လၢတၢ်တကူးတရံးဘၣ် အပူၤလီၤ.
11 ဒီးဒိးတၢ်ကူးတရံး အတၢ်ပနီၣ်လၢအမ့ၢ် တၢ်နာ်အတၢ်တီတၢ်လိၤ လၢအအိၣ်ဒီးအီၤဖဲအတချုး ဒိးဒံးဘၣ်တၢ်ကူးတရံးန့ၣ်, အတၢ်စဲပနီၣ်ဃာ်ဒ်သိးအ ကကဲထီၣ်ကယဲၢ်ပှၤနာ်တၢ်, လၢအတဒိးဘၣ်တၢ်ကူး တရံးဘၣ်ခဲလၢာ်အပၢ်, ဒ်သိးတၢ်တီတၢ်လိၤကဘၣ် တၢ်ပးကဲအီၤလၢအဝဲသ့ၣ်အဂီၢ်လီၤ.
12 ဒီးပှၤဒိးတၢ်ကူး တရံးအပၢ်,ထဲပှၤဒိးတၢ်ကူးတရံးဧိၤအဂီၢ်တမ့ၢ်ဘၣ်,မ့ၢ် ပှၤလၢအယီၢ်စ့ၢ်ကီးပပၢ်စီၤအၤဘြၤဟၣ် အတၢ်နာ်လၢ အအိၣ်ဒီးအီၤလၢ အတချုးဒိးဒံးဘၣ်တၢ်ကူးတရံးဘၣ်, အခီၣ်လီၢ်အဂီၢ်န့ၣ်လီၤ.
13 အဂ့ၢ်ဒ်အံၤ, တၢ်စံးပာ်လၢစီၤအၤဘြၤဟၣ်မ့ၢ်ဂ့ၤ,အချံ အသၣ်မ့ၢ်ဂ့ၤ, တမ့ၢ်ဘၣ် အကန့ၢ်သါဟီၣ်ခိၣ်လၢတၢ် သိၣ်တၢ်သီအဃိဘၣ်. မ့ၢ်လၢတၢ်နာ်အတၢ်တီတၢ်လိၤ အဃိလီၤ.
14 အဂ့ၢ်ဒ်အံၤ, ပှၤဘၣ်ဃးဒီးတၢ်သိၣ်တၢ်သီ မ့ၢ်န့ၢ်သါတၢ်ဒီး, တၢ်နာ်န့ၣ်ကကဲလၢတၢ်ကလီကလီ, ဒီးတၢ်စံးပာ်န့ၣ်ကဟးဂီၤကွံာ်ဝဲလီၤ.
15 အဂ့ၢ်ဒ်အံၤ,တၢ် သိၣ်တၢ်သီန့ၣ်ဒုးအိၣ်ထီၣ်တၢ်သးထီၣ်လီၤ. အဂ့ၢ်ဒ် အံၤ, ဖဲတၢ်သိၣ်တၢ်သီတအိၣ်ဘၣ်န့ၣ်,တၢ်လုၣ်သ့ၣ်ခါ ပတာ်တအိၣ်ဘၣ်လီၤ.
16 မ်ဒ်န့ၣ်ဒီးမ့ၢ်လၢတၢ်နာ်,ဒ်သိး အကဘၣ်ဃးဒီးတၢ်ဘျုးတၢ်ဖှိၣ်, ဒ်သိးတၢ်စံးပာ်က အိၣ်ဂၢၢ်ဆိးကျၢၤဒီးအချံအသၣ်ခဲလၢာ်, ထဲပှၤဘၣ်ဃး ဒီးတၢ်သိၣ်တၢ်သီဧိၤတမ့ၢ်ဘၣ်, မ့ၢ်ပှၤဘၣ်ဃးဒီးစီၤအၤ ဘြၤဟၣ်လၢ အမ့ၢ်ပဝဲခဲလၢာ်အပၢ် အတၢ်နာ်စ့ၢ် ကီး,
17 (ဒ်တၢ်ကွဲးအသးအသိး, ယပာ်လံနၤလၢပှၤအါ ကလုာ်အပၢ်လံ.)Ref 4.17 ၁မိၤ. ၁၇း၅လၢယွၤလၢအနာ်ဝဲ လၢအမၤမူထီၣ်ပှၤသံဒီးကိးတၢ်တအိၣ်ဘၣ်ဒ်အအိၣ်အ သိး,အမဲာ်ညါလီၤ.
18 အဝဲဒၣ်န့ၣ်, တၢ်မုၢ်လၢ်အလီၢ်တ အိၣ်ဘၣ်ဒီး, နာ်ဝဲလၢတၢ်မုၢ်လၢ်အပူၤ, ဒ်သိးအကကဲ ထီၣ်ပှၤအါကလုာ်အပၢ်, ဒ်တၢ်စံးတ့ၢ်ဝဲအသိး, နချံန သၣ်ကကဲထီၣ်ဒ်န့ၣ်အသိးလီၤ.
19 Ref 4.19 ၁မိၤ. ၁၅း၅အ တၢ်နာ်တစၢ်ဘၣ်, ဒီးအနံၣ်အိၣ်တကယၤဃၣ်ဃၣ်ဒီး အနီၢ်ခိသံလံမ့ၢ်ဂ့ၤ, ဒီးနီၢ်စၤရါအဒၢလီၢ်သံလံမ့ၢ်ဂ့ၤ,ဆိ ကမိၣ်ဝဲဘၣ်ဆၣ်ဒီး,
20 အသးတဒ့ဒီဘၣ်လၢတၢ်တနာ် ဘၣ်ယွၤအတၢ်စံးပာ်အဃိ, မ့ၢ်အနာ်ဝဲဆူၣ်ဆူၣ်ဒီး,မၤ လၤကပီၤယွၤ,
21 ဒီးနာ်ဝဲလၢလၢပှဲၤပှဲၤလၢပှၤလၢအစံး ပာ်တၢ်တဂၤန့ၣ်, မၤဝဲသ့စ့ၢ်ကီးလီၤ.
22 မၤသးဒ်န့ၣ်ဒီး, တၢ်ပးကဲအီၤလၢတၢ်တီတၢ်လိၤလၢအဂီၢ်လီၤ.
23 ဒီးတၢ်ကွဲးဝဲထဲအဝဲဒၣ်အဃိဧိၤ,လၢအဘၣ်တၢ်ပးကဲ ဝဲလၢအဂီၢ်န့ၣ်တမ့ၢ်ဘၣ်.
24 မ့ၢ်လၢပဃိစ့ၢ်ကီး,ဒီးပမ့ၢ် စူၢ်က့ၤနာ်က့ၤပှၤလၢ အဒုးဂဲၤဆၢထၢၣ်က့ၤပကစၢ်ယ့ၣ် ရှူးလၢတၢ်သံဒီး, တၢ်ကပးကဲဝဲလၢပဂီၢ်လီၤ.
25 အဝဲဒၣ် န့ၣ်, ဘၣ်တၢ်ဟ့ၣ်လီၤကွံာ်လၢပတၢ်ကမၣ်အဃိ, ဒီး ဘၣ်တၢ် ဒုးဂဲၤဆၢထၢၣ်က့ၤအီၤလၢ တၢ်ပာ်တီပာ်လိၤ ပှၤအဂ့ၢ်လီၤ.