23
1 ဒီးနွံနံၣ်တနံၣ်န့ၣ် စီၤယဟိယဒါပာ်ဆူၣ်ထီၣ်အသး, ဒီးဟံးန့ၢ်ပှၤတကယၤအခိၣ်, စီၤယရိဃၣ်အဖိခွါစီၤဧစၤ ရယၤ, ဒီးစီၤယိဃၤနၣ်အဖိခွါစီၤယံးၡမၤဧ့လး, ဒီးစီၤ ဧိၤဘ့းအဖိခွါစီၤဧစၤရယၤ, ဒီးစီၤဧဒါယၤအဖိခွါစီၤမၤစ့ ယၤ, ဒီးစီၤစံးကရံးအဖိခွါစီၤအလံၡဖး, ဒီးအၢၣ်လီၤအီ လီၤတၢ်ဒီးအီၤလီၤ.
2 ဒီးအဝဲသ့ၣ်လဲၤဝ့ၤဝီၤတၢ်လၢ ယူဒၤအပူၤ, ဒီးဒုးအိၣ် ဖှိၣ်ရိဖှိၣ်ပှၤလ့ၤဝံဖိ လၢယူဒၤအဝ့ၢ်ခဲလၢာ်, ဒီးအံၣ်စရ့ လးအပၢ်တဖၣ်အခိၣ်တဖၣ်, ဒီးဟဲဝဲဆူယရူၤၡလ့ၣ်အ ပူၤလီၤ.
3 ဒီးပှၤအိၣ်ဖှိၣ်ခဲလၢာ်န့ၣ် အၢၣ်လီၤအီလီၤတၢ်ဒီး စီၤ ပၤလၢယွၤအဟံၣ်ပူၤလီၤ. ဒီးအဝဲဒၣ်စံးဘၣ်အီၤ, ကွၢ် ကွၢ်, စီၤပၤအဖိခွါကကဲထီၣ်စီၤပၤဒ်ယွၤစံးတၢ်လၢ စီၤ ဒၤဝံးအဖိခွါအဂ့ၢ်အကျိၤအသိးန့ၣ်လီၤ.
4 အအံၤမ့ၢ်တၢ်လၢ သုဘၣ်မၤတမံၤ, သုဝဲသ့ၣ်တဖၣ် သၢဖုတဖုလၢ အလဲၤနုာ်လၢအိၣ်ဘှံးအနံၤတဖၣ်လၢပှၤ လုၢ်တၢ်အဒိၣ်, ဒီးပှၤလ့ၤဝံဖိအကျါကကဲထီၣ်ပှၤပၢၤတၢ် ဖိလၢကျဲစၢၤအခီၣ်ထံး,
5 ဒီးပှၤသၢဖုတဖုကအိၣ်လၢစီၤ ပၤအဟံၣ်, ဒီးပှၤသၢဖုတဖုကအိၣ်ဝဲလၢတၢ်အခီၣ်ထံး အပဲတရီ, ဒီးပှၤဂီၢ်မုၢ်ခဲလၢာ်ဘၣ်အိၣ်ဝဲလၢယွၤအဟံၣ် အဂၢၤတဖၣ်အပူၤလီၤ.
6 ဒီးဒုးလဲၤနုာ်ထဲ ပှၤလုၢ်တၢ်အ ဒိၣ်တဖၣ်ဒီးပှၤလ့ၤဝံဖိလၢအမၤတၢ်တဖၣ်န့ၣ်ဧိၤတက့ၢ်. အဝဲသ့ၣ်တဖၣ်န့ၣ်ကလဲၤနုာ်ဘၣ်လီၤ. အဂ့ၢ်ဒ်အံၤ, မ့ၢ် အစီဆှံဝဲလီၤ. မ့မ့ၢ်ပှၤဂီၢ်မုၢ်ဘၣ်ခိးယွၤအတၢ်ကွၢ်လီၤ.-
7 ဒီးပှၤလ့ၤဝံဖိဘၣ်ကဝီၤဃာ်စီၤပၤဝးတရံးအီၤ, တဂၤဒီး အစုကဝဲၤလၢအစုပူၤ, တဂၤဒီးအစုကဝဲၤလၢအစုပူၤဒီး ဖဲဒၣ်ပှၤလၢအလဲၤနုာ်လၢဟံၣ်အပူၤ, ကဘၣ်တၢ်မၤသံ အီၤလီၤ. ဒီးတုၤစီၤပၤဟးထီၣ်, ဒီးတုၤအဟဲနုာ်ဒီး, အိၣ် သုဝဲဒီးစီၤပၤတက့ၢ်.
8 ဒီးပှၤလ့ၤဝံဖိဒီးယူဒၤခဲလၢာ်န့ၣ် မၤဝဲဒ်ကယဲၢ်တၢ်လၢ ပှၤလုၢ်တၢ်အဒိၣ် စီၤယဟိယဒါမၤလိာ်ဝဲအသိးန့ၣ်, ဒီး ဟံးန့ၢ်စုာ်စုာ်အပှၤလၢအကဟဲနုာ်လၢ မုၢ်အိၣ်ဘှံးအနံၤ, ဒီးပှၤလၢအကဟးထီၣ်လၢ အိၣ်ဘှံးအနံၤလီၤ. အဂ့ၢ်ဒ် အံၤ, ပှၤလုၢ်တၢ်အဒိၣ် စီၤယဟိယဒါတပျၢ်ဘၣ်ပှၤအ တီၤတဖၣ်ဘၣ်.
9 ဒီးပှၤလုၢ်တၢ်အဒိၣ် စီၤယဟိယဒါဟ့ၣ်လီၤပှၤတက ယၤအခိၣ်တဖၣ်လၢစီၤပၤဒၤဝံးအဘီတဖၣ်,ဒီးအကတီၤ ဖးဒိၣ်,ဒီးအကတီၤဖိလၢအအိၣ်ဝဲလၢယွၤအဟံၣ်ပူၤလီၤ.
10 ဒီးပှၤပာ်ပှၤဂီၢ်မုၢ်ခဲလၢာ် တဂၤအိၣ်ဒီးအစုကဝဲၤလၢ အစုပူၤ, တဂၤအိၣ်ဒီးအစုကဝဲၤလၢအစုပူၤ, အိၣ်ဝးတ ရံးစီၤပၤလၢဟံၣ်သနၢၣ်လၢစုထွဲပၢၢ်လၢဟံၣ်သနၢၣ်လၢ စုစ့ၣ်, လၢတၢ်လုၢ်လီၢ်ဒီးဟံၣ်အဃၢၤန့ၣ်လီၤ.
11 ဒီးဟဲစိာ်စီၤပၤအဖိခွါ, ဒီးဒုးကုာ်အီၤလၢခိၣ်သလုး, ဒီးပာ်တၢ်အၢၣ်လီၤအီလီၤ, ဒီးပာ်အီၤလၢစီၤပၤ, ဒီးစီၤ ယဟိယဒါဒီးအဖိခွါတဖၣ်ဖှူအီၤ, ဒီးစံးဝဲဒၣ်, မ်စီၤပၤ မူဝဲတက့ၢ်.
12 ဒီးတုၤနီၢ်ဧသၤလယၤနၢ်ဟူပှၤဂီၢ်မုၢ်ဃ့ၢ်ဝဲ, ဒီးစံးထီၣ် ပတြၢၤစီၤပၤအသီဒီး, ဟဲဝဲဆူပှၤဂီၢ်မုၢ်အအိၣ်လၢယွၤအ ဟံၣ်ပူၤလီၤ.
13 ဒီးကွၢ်ဝဲ, ဒီးကွၢ်ကွၢ်, စီၤပၤဆၢထၢၣ်လၢ အလီၢ်ထီၣ်ထီ, ဖဲတၢ်လဲၤနုာ်န့ၣ်, ဒီးပဒိၣ်ဖးဒိၣ်တဖၣ်, ဒီးပှၤအူကွဲၤတဖၣ်အိၣ်ဝဲလၢစီၤပၤအဃၢၤန့ၣ်လီၤ.ဒီးကီၢ် အပှၤဂီၢ်မုၢ်ခဲလၢာ်သူၣ်ခုသးခုဒီးအူကွဲၤ, ဒီးပှၤသးဝံၣ်တၢ် ဖိအိၣ်ဝဲဒီးဒံၣ်ဒၢပီၤဒွါ, ဒီးပှၤလၢအသိၣ်လိတၢ်စံးထီၣ် ပတြၢၤလီၤ. ဒီးနီၢ်ဧသၤလယၤဖှီအဆ့, ဒီးကိးထီၣ်, တၢ် ပူထီၣ်, တၢ်ပူထီၣ်န့ၣ်လီၤ.
14 ဒီးပှၤလုၢ်တၢ်အဒိၣ် စီၤယဟိယဒါ ဒုးလဲၤထီၣ်ပှၤတ ကယၤအခိၣ်တဖၣ်, ပှၤသုးမုၢ်အခိၣ်တဖၣ်, ဒီးစံးဘၣ် အီၤ, ဟီထီၣ်ကွံာ်အီၤလၢဟံၣ်ပူၤလၢ တၢ်အဂ့ၢ်တဖၣ် ဆူခိ, ဒီးမ်ပှၤလၢအပိာ်ထွဲအခံန့ၣ် ဘၣ်တၢ်မၤသံအီၤ လၢနးတက့ၢ်. အဂ့ၢ်ဒ်အံၤ, ပှၤလုၢ်တၢ်အဒိၣ်စံးတ့ၢ်ဝဲ ဒၣ်, မ်သုသုတမၤသံအီၤလၢယွၤအဟံၣ်ပူၤတဂ့ၤ.
15 ဒီးပှၤဟံးဃာ်အီၤလၢအစု, ဒီးလဲၤဝဲလၢကျဲလၢ က သ့ၣ်တဖၣ် ဟဲဝဲဆူစီၤပၤအဟံၣ်, ဒီးပှၤမၤသံအီၤဖဲန့ၣ် လီၤ.
16 ဒီးစီၤယဟိယဒါအၢၣ်လီၤအီလီၤတၢ်, ဒီးဒုးအၢၣ်လီၤ ပှၤဂီၢ်မုၢ်ခဲလၢာ်, ဒီးစီၤပၤဒ်သိးအကကဲထီၣ်ယွၤအပှၤဂီၢ် မုၢ်လီၤ.
17 ဒီးပှၤဂီၢ်မုၢ်ခဲလၢာ်လဲၤဆူ ဘဧၤလးအဟံၣ်ပူၤ, ဒီးမၤ လီၤပှီၢ်ဝဲ, ဒီးမၤကၢ်လီၤကလဲအတၢ်လုၢ်လီၢ်ဒီးအတၢ်ဂီၤ, ဒီးမၤသံဘဧၤလးအပှၤလုၢ်တၢ်အဒိၣ် စီၤမးတၣ်လၢတၢ် လုၢ်လီၢ်တဖၣ်အမဲာ်ညါလီၤ.
18 ဒီးစီၤယဟိယဒါပာ်လီၤ ယွၤအဟံၣ်အတၢ်မၤတဖၣ်, လၢပှၤလုၢ်တၢ်အဒိၣ်ပှၤလ့ၤ ဝံဖိအစုပူၤ, လၢစီၤဒၤဝံးနီၤဖးဝဲအဆၢလၢယွၤအဟံၣ်ပူၤ ဒ်သိးအကလုၢ်ယွၤလၢတၢ်လုၢ်မ့ၣ်အူ, ဒ်တၢ်ကွဲးအသး လၢစီၤမိၤရှ့အတၢ်သိၣ်တၢ်သီအသိးန့ၣ် အိၣ်ဒီးတၢ်သူၣ် ခုသးခု,ဒီးသးဝံၣ်တၢ်ဒ်စီၤဒၤဝံးမၤလိာ်ဝဲအသိးန့ၣ်လီၤ.-
19 ဒီးပာ်ပှၤပၢၤတၢ်ဖိဖဲ ယွၤအဟံၣ်အပဲတရီတဖၣ်ဒ်သိးတၢ် တကဆှီဘၣ်အသုတဟဲနုာ်နီတမံၤတဂ့ၤလီၤ.
20 ဒီးဟံးန့ၢ်ပှၤတကယၤအခိၣ်တဖၣ်, ဒီးပှၤအိၣ်ဒီးအ ကဟုကညီၢ်တဖၣ်, ဒီးပှၤပၢၤပှၤဂီၢ်မုၢ်, ဒီးကီၢ်အပှၤဂီၢ် မုၢ်ခဲလၢာ်, ဒီးဟဲစိာ်စီၤပၤလၢယွၤအဟံၣ်, ဒီးဟဲဝဲလၢ ပဲတရီထီအပူၤဆူစီၤပၤအဟံၣ်ပူၤ, ဒီးဒုးဆ့ၣ်နီၤစီၤပၤလၢ ဘီမုၢ်အလီၢ်ပစိာ်အဖီခိၣ်လီၤ.
21 ဒီးကီၢ်အပှၤဂီၢ်မုၢ်ခဲလၢာ် သူၣ်ခုသးခု, ဒီးဝ့ၢ်အိၣ်ဃူ အိၣ်ဖိးဒီးပှၤမၤသံနီၢ်ဧသၤလယၤလၢနးလီၤ.