43
1 စံၣ်ညီၣ်ယၤ,ကစၢ်ဧၢ, ဒီးလိာ်ယကွီၢ်ဒီးပှၤတယူးတ ယီၣ်ဘၣ်ယွၤတကလုာ်န့ၣ်တက့ၢ်. မၤပူၤမၤဖျဲးယၤဒီး ပှၤလီတၢ်ဒီးပှၤအၢန့ၣ်တက့ၢ်.
2 အဂ့ၢ်ဒ်အံၤ, နမ့ၢ်ယဂံၢ် ယဘါအကစၢ်လီၤ. ဘၣ်မနုၤလၢ နညိကွံာ်ယၤလဲၣ်. ယလဲၤတၢ်ဒီး သူၣ်အုးသးအုးလၢတၢ်အဒုၣ်အဒါအမၤ အၢတၢ်အဃိမ့ၢ်အဘၣ်မနုၤလဲၣ်.
3 မၢလီၤနတၢ်ကပီၤ, ဒီးနတၢ်မ့ၢ်တၢ်တီန့ၣ်တက့ၢ်, မ်အဆှၢယၤတက့ၢ်. မ် အဒုးလဲၤယၤဆူနကစၢၢ်စီဆှံ, ဒီးဆူနအိၣ်အလီၢ်န့ၣ် တက့ၢ်.
4 ဒီးယကလဲၤဆူယွၤအတၢ်လုၢ်လီၢ်, ဆူယွၤ လၢအမ့ၢ်ယတၢ်သးခုဒီး ယတၢ်သူၣ်ဖှံသးညီတဂၤအ အိၣ်, ဒီးစံးထီၣ်ပတြၢၤနၤလၢတနၢ်,ယွၤ,ယကစၢ်ဧၢ.
5 ဘၣ်မနုၤလၢ နသူၣ်ကၢ်နသးလီၤလဲၣ်. ယသးဧၢ, ဒီးနသူၣ်ကိၢ်သးဂီၤလၢယပူၤဘၣ်မနုၤလဲၣ်. ကွၢ်လၢ် ယွၤအကျဲတက့ၢ်. အဂ့ၢ်ဒ်အံၤ, ယကစံးထီၣ်ပတြၢၤဒံး အီၤ, တၢ်အုၣ်က့ၤခီၣ်က့ၤယမဲာ်, ဒီးယကစၢ်လီၤ.