42
တၢ်အခိၣ်အဂီၢ်လၢစီၤကိးရးအဖိခွါအသိၣ်တၢ်.
1 ဒ်တၤဟိဆၢန့ၢ်ထံကျိအသိးန့ၣ် ယသးဆၢန့ၢ်နၤဒ် န့ၣ်အသိး, ကစၢ်ဧၢ.
2 တၢ်သူယသးလၢယွၤယကစၢ် လၢအမူဝဲတဂၤလီၤ. ယကလဲၤအိၣ်လၢယွၤအမဲာ်ညါ အကတီၢ်ဖဲလဲၣ်.
3 ယမဲာ်ထံမ့ၢ်ယတၢ်အီၣ်လၢမုၢ်ဆါ ဆဲးလၢမုၢ်နၤဖဲပှၤစံးဘၣ်ယၤတထံၣ်ဃီ, နကစၢ်အိၣ် ဖဲလဲၣ်န့ၣ်လီၤ.
4 ယသ့ၣ်နီၣ်ထီၣ်က့ၤ တၢ်တဖၣ်အံၤ, ဒီးလူလီၤယသးလၢယပူၤလီၤ. အဂ့ၢ်ဒ်အံၤ,ယလဲၤတ့ၢ် ဒီးပှၤဂီၢ်မုၢ်, ယလဲၤတ့ၢ်ဒီးအီၤဆူယွၤအဟံၣ်ဒီး တၢ် သူၣ်ဖှံသးညီအသီၣ်, ဒီးတၢ်စံးထီၣ်ပတြၢၤအိၣ်ဒီး ပှၤ ဂီၢ်မုၢ်လၢအမၤဘူၣ်တၢ်လီၤ.
5 ဘၣ်မနုၤလၢနသူၣ်ကၢ်နသးလီၤလဲၣ်,ယသးဧၢ. ဒီး နသူၣ်ကိၢ်သးဂီၤလၢယပူၤဘၣ်မနုၤလဲၣ်. ကွၢ်လၢ်ယွၤ အကျဲတက့ၢ်. အဂ့ၢ်ဒ်အံၤ, ယကစံးထီၣ်ပတြၢၤဒံးအီၤ လၢအမဲာ်အတၢ်မၤစၢၤအဃိန့ၣ်လီၤ.
6 ကစၢ်ဧၢ,ယသူၣ်ကၢ်ယသးလီၤလၢယပူၤလီၤ. မၤသး ဒ်န့ၣ်ဒီး ယကသ့ၣ်နီၣ်ထီၣ်က့ၤနၤလၢ ယၢ်ဒ့ၣ်အကီၢ် ပူၤ,ဒီးကစၢၢ်ဃ့ရမိၣ်အလိၤ,လၢကစၢၢ်မံစၢ်အလိၤလီၤ.
7 ထံယိာ်ပူၤကိးဝဲဆူထံယိာ်ပူၤ လၢနထံကျိတဖၣ်အ သီၣ်လီၤ. ကယဲၢ်နလပီဝါခိၣ်,ဒီးနလပီမုၢ်ဟဲကျၢၢ်ဘၢ ယၤလီၤ.
8 လၢမုၢ်ဆါခီန့ၣ်ယွၤမၤလိာ်အဘျုးအဖှိၣ်, ဒီး လၢမုၢ်နၤန့ၣ်အတၢ်သးဝံၣ်အိၣ်ဒီးယၤ, ယတၢ်ဘါထု ကဖၣ်ဆူယသးသမူအကစၢ်လီၤ.
9 ယကစံးကစၢ်, ယ လၢၢ်ယလ့ဧၢ, နသးပ့ၤနီၣ်ယၤဘၣ်မနုၤလဲၣ်. ယလဲၤ တၢ်ဒီး ယသူၣ်အုးသးအုးလၢ တၢ်အဒုၣ်အဒါအမၤအၢ တၢ်အဃိဘၣ်မနုၤလဲၣ်.
10 တုၤယဒုၣ်ယဒါစံးဘၣ်ယၤ ကိးမုၢ်နံၤမုၢ်နၤဒဲး, နကစၢ်အိၣ်ဖဲလဲၣ်န့ၣ်ဒီးဒုၣ်ဒွဲၣ်ယၤ ဒီးယမၤသး ဒ်တၢ်မၤသံတၢ်လၢ ယဃံကျါအသိးန့ၣ် လီၤ.
11 ဘၣ်မနုၤလၢနသူၣ်ကၢ်သးလီၤလဲၣ်,ယသးဧၢ. ဒီးန သူၣ်ကိၢ်သးဂီၤ လၢယပူၤဘၣ်မနုၤလဲၣ်. ကွၢ်လၢ်ယွၤ အကျဲတက့ၢ်. အဂ့ၢ်ဒ်အံၤ, ယကစံးထီၣ်ပတြၢၤဒံး အီၤ, ယမဲာ်အတၢ်မၤစၢၤဒီးယကစၢ်လီၤ.