26
1 ဒ်မူခိၣ်ဖီလၢတၢ်ကိၢ်ခါ, ဒီးတၢ်ဟဲစူၤလၢကူးဘုအခါ အသိးန့ၣ် တၢ်လၤကပီၤတကြၢးဘၣ်ဒီးပှၤဟးဂီၤဖိဘၣ်.
2 ဒ်ထိၣ်ဖှံးယူၤဝ့ၤဝီၤအသိးန့ၣ်, ဒ်ထိၣ်ဘျ့ၣ်ဘျီၣ်ဧိၤယူၤ ထီၣ်ကွံာ်အသိးန့ၣ် တၢ်ဆိၣ်အၢလၢအဂ့ၢ်တအိၣ်ဘၣ် ဘၣ်န့ၣ်တဟဲဘၣ်ဝဲဘၣ်.
3 နီၣ်ဖျ့လၢကသ့ၣ်အဂီၢ်, ထးခိၣ်ပျံၤလၢကသ့ၣ်ယီၤ အဂီၢ်, ဒီးနီၣ်တီၢ်လၢပှၤဟးဂီၤဖိအချၢဃံအဂီၢ်လီၤ.
4 စံးဆၢပှၤဟးဂီၤဖိ ဒ်အပှၤဟးဂီၤဖိအတၢ်အသိးန့ၣ်တ ဂ့ၤ.နကလီၤဂာ်ဘၣ်ဖုးဒီးအီၤလီၤ.
5 စံးဆၢပှၤဟးဂီၤဖိ ဒ်အပှၤဟးဂီၤဖိအတၢ်အသိးန့ၣ်တ က့ၢ်. ကကူၣ်တၢ်သ့ဘၣ်ဖုးလၢအမဲာ်ဒၣ်ဝဲလီၤ.
6 ပှၤလၢအတလိတၢ်ကတိၤလၢ ပှၤဟးဂီၤဖိအစုပူၤ န့ၣ်ဒီၣ်တဲာ်အခီၣ်ဒၣ်ဝဲ, ဒီးအီတၢ်မၤအၢလီၤ.
7 ပှၤလၢအခီၣ်ဟးဂီၤန့ၣ် အခီၣ်လီၤစဲၤဝဲစၢ်ကဘံၣ်, ဒီး တၢ်ကတိၤဒိလၢ ပှၤဟးဂီၤဖိအထးခိၣ်န့ၣ်မ့ၢ်ဒ်န့ၣ်သိး လီၤ.
8 ဒ်ပှၤလၢအစၢဃာ်လၢၢ်တဖျၢၣ်လၢ နီၣ်ဘျုးအပူၤအ သိးန့ၣ်ပှၤလၢအမၤလၤကပီၤပှၤဟးဂီၤဖိန့ၣ် မ့ၢ်ဒ်န့ၣ်အ သိးလီၤ.
9 ဒ်တၤဆှုၣ်ယူာ်ထီၣ်အသးလၢ ပှၤအီမူၤသံးအစုပူၤအ သိးန့ၣ်, တၢ်ကတိၤဒိလၢ ပှၤဟးဂီၤဖိအထးခိၣ်မ့ၢ်ဒ်န့ၣ် သိးလီၤ.
10 ဒ်ပျၢ်လၢအဆဲးပှၤကိးဂၤဒဲးအသိးန့ၣ် ပှၤငါပှၤဟးဂီၤ ဖိ, ဒီးပှၤလဲၤပူၤကွံာ်တၢ်ဖိ, မ့ၢ်ဒ်န့ၣ်သိးလီၤ.
11 ဒ်ထွံၣ်က့ၤကဒါက့ၤဆူအတၢ်ဘှိးအသိးန့ၣ် ပှၤဟး ဂီၤဖိကမၤက့ၤကဒီးအပှၤဟးဂီၤအတၢ်ဒ်န့ၣ်သိးလီၤ.
12 နထံၣ်ဘၣ်ပှၤလၢအကူၣ်တၢ်သ့လၢ အမဲာ်ဒၣ်ဝဲန့ၣ် စ့ၢ်ကီးဧါ. ပမုၢ်လၢ်တၢ်လၢပှၤဟးဂီၤဖိဒိၣ်န့ၢ်အဝဲဒၣ်တ က့ၢ်လီၤ.
13 ပှၤအကၢၣ်န့ၣ်စံးဝဲဒၣ်, ခ့ယုၢ်အိၣ်ဝဲလၢကျဲ, ခ့ယုၢ် အိၣ်ဝဲလၢကျဲပူၤလီၤ.
14 ဒ်တြဲၤတရံးတၢ်လၢအသံၣ်ကျီၤ အသိးန့ၣ်ပှၤအကၢၣ် ဃၣ်အသးလၢအလီၢ်မံပူၤဒ်န့ၣ် သိးလီၤ.
15 ပှၤအကၢၣ်န့ၣ် ဘျၢလီၤအစုလၢလီခီပူၤလီၤ. ထုးက့ၤဆူအထးခိၣ်ပူၤန့ၣ် မၤဘှံးအသးလီၤ.
16 ပှၤအ ကၢၣ်န့ၣ်ကူၣ်တၢ်သ့လၢ အမဲာ်ဒၣ်ဝဲဒိၣ်န့ၢ်ပှၤနွံဂၤလၢ အစံးဆၢတၢ်သ့တက့ၢ်လီၤ.
17 ပှၤလၢအလဲၤပူၤတၢ်, ဒီးမၤကိၢ်ထီၣ်အသးလၢတၢ် အ့ၣ်လိာ်လၢအတဘၣ်ဃးဘၣ်ဒီးအီၤန့ၣ် မၤသးဒ်ပှၤ လၢအဟံးဃာ်ထွံၣ်အနၢ်အသိးန့ၣ်လီၤ.
18 ဒ်ပှၤပျုၢ်လၢအကွံာ်မ့ၣ်အူခံ, ဒီးပျၢ်ဧိၤစၤဧိၤ, ဒီးတၢ် သံအသိးန့ၣ်,
19 ပှၤလၢအလီန့ၢ်ပှၤလၢအဃၢၤ, ဒီးစံးဝဲ, ယမၤလိာ်ကွဲတၢ်တမ့ၢ်ဘၣ်ဧါန့ၣ်မ့ၢ်ဒ်န့ၣ်အသိးလီၤ.
20 ဖဲသ့ၣ်မုၣ်တအိၣ်ဘၣ်ဒီး, မ့ၣ်အူလီၤပံာ်လီၤ.ဒီးဖဲပှၤ ကတိၤခဲၣ်တၢ်တအိၣ်ဘၣ်န့ၣ်တၢ်အ့ၣ်လိာ်ဆိးက့လိာ် ဆိတ့ၢ်ဝဲလီၤ.
21 ဒ်သွဲၣ်လးလၢမ့ၣ်ကဖးအဂီၢ်အသိး, ဒ်သ့ၣ်မုၣ်လၢမ့ၣ် အူအဂီၢ်အသိးန့ၣ်, ပှၤလၢအဂ့ၢ်လိာ်ဘှီလိာ်ဒၣ်တၢ်မ့ၢ် တၢ်ထိၣ်ဂဲၤထီၣ်တၢ်အ့ၣ်လိာ်ဆိးက့လိာ်အဂီၢ်လီၤ.
22 ပှၤခဲၣ်တၢ်အတၢ်ကတိၤန့ၣ် မၤသးဒ်တၢ်ကတိၤလိာ် ကွဲအသိး ဘၣ်ဆၣ်ဒီး, လဲၤလီၤဝဲဆူပှၤအသးကံၢ်ပူၤ လီၤ.
23 ပျုၤအဲၣ်တၢ်ဆူၣ်အိၣ်ဒီးသးအၢန့ၣ် မၤသးဒ်သပၢၤ ဟီၣ်ခိၣ်ပီၤဒီးစ့အအ့ၣ်အသိးန့ၣ်လီၤ.
24 ပှၤလၢအသးဟ့တၢ်န့ၣ်လီတၢ်လၢအပျုၤ, ဒီးပာ်ဖှိၣ် လီတၢ်လၢအသးကံၢ်ပူၤလီၤ.
25 တုၤအကတိၤတၢ်မုာ်မုာ် ဒီး, နာ်အီၤတဂ့ၤ.အဂ့ၢ်ဒ်အံၤ, တၢ်သးဘၣ်အၢနွံမံၤအိၣ် ဝဲလၢ အသးကံၢ်ပူၤလီၤ.
26 လီတၢ်န့ၣ်ကျၢၢ်ဘၢအတၢ် သးဟ့ဘၣ်ဆၣ်ဒီး အတၢ်အၢကအိၣ်ဖျါထီၣ်လၢတၢ် အိၣ်ဖှိၣ်ဖးဒိၣ်အမဲာ်ညါလီၤ.
27 ပှၤလၢအခူၣ်လီၤတၢ်ပူၤန့ၣ်ကလီၤတဲာ်လၢအပူၤ, ဒီး ပှၤလၢအတလ့ၣ်လၢၢ်တဖျၢၣ်န့ၣ် အတၢ်ကတလ့ၣ်က့ၤ ကဒါက့ၤလၢအလိၤလီၤ.
28 ပှၤအပျုၤကဘျံးကဘျၣ်န့ၣ် သးဟ့ပှၤလၢအဘၣ်တၢ် မၤအၢလၢအီၤ, ဒီးထးခိၣ်လၢအလွဲတၢ်န့ၣ်မၤဟးဂီၤ တၢ်လီၤ.