25
1 အအံၤမ့ၢ်စ့ၢ်ကီးစီၤၡလိၤမိၤအတၢ်ကတိၤဒိ လၢယူဒၤ အစီၤပၤစီၤဃံးစကံယၤအပှၤကညီကွဲးဆဲဝဲလီၤ.
2 ယွၤပာ်ခူသူၣ်တၢ်တမံၤမ့ၢ်အလၤကပီၤလီၤ. မ့မ့ၢ်စီၤ ပၤဃုဖျါထီၣ်တၢ်တမံၤမ့ၢ်အလၤကပီၤလီၤ.
3 မူခိၣ်လၢတၢ်ထီအဂီၢ်, ဒီးဟီၣ်ခိၣ်လၢတၢ်ယိာ်အဂီၢ်, ဒီးဒ်န့ၣ်သိးစီၤပၤအသးန့ၣ်ပှၤဃုဖျါတဘၣ်ဘၣ်.
4 ဟံးထီၣ်စ့အအ့ၣ်လၢစ့ပူၤတက့ၢ်, ဒီးလီခီလၢပှၤသိ တၢ်ဖိအဂီၢ်ကဟဲထီၣ်လီၤ.
5 ဟံးထီၣ်ကွံာ်ပှၤအၢလၢစီၤ ပၤအမဲာ်ညါတက့ၢ်.ဒီးအလီၢ်ပစိာ်ကအိၣ်ဂၢၢ်ဆိးကျၢၤ လၢတၢ်တီတၢ်လိၤအပူၤလီၤ.
6 မၤလၤကပီၤနသးလၢစီၤပၤအမဲာ်ညါတဂ့ၤ, ဒီးဆၢ ထၢၣ်လၢပှၤအဒိၣ်အလီၢ်ပူၤတဂ့ၤ.
7 အဂ့ၢ်ဒ်အံၤ, ပှၤစံး လၢနၤ, ဟဲထီၣ်ဖဲအံၤတက့ၢ်န့ၣ်, ဂ့ၤန့ၢ်ပှၤဆီၣ်လီၤနၤလၢပဒိၣ်လၢနမဲာ်ထံၣ်ဘၣ်အီၤအမဲာ်ညါတက့ၢ်လီၤ.
8 လဲၤထီၣ်ချ့ချ့ဒ်သိးနကလိာ်ကွီၢ်တဂ့ၤ. တုၤပှၤအိၣ် လၢနဃၢၤဒုးမဲာ်ဆှးနၤဒီး, လၢခံကတၢၢ်နကမၤဒ်လဲၣ် ဒ်လဲၣ်န့ၣ်နတသ့ၣ်ညါဘၣ်ဖုးလီၤ.
9 နလိာ်ကွီၢ်ဒီးပှၤလၢနဃၢၤဘၣ်ဆၣ်ဒီး, လီၣ်ဖျါပှၤဂၤ အတၢ်အိၣ်ခူသူၣ်န့ၣ်တဂ့ၤ.
10 ပှၤလၢအနၢ်ဟူနကလုၢ် န့ၣ်ကဒုးမဲာ်ဆှးဘၣ်ဖုးနၤ, ဒီးနတၢ်ဒုၣ်ဒွဲၣ်အလီၢ်န့ၣ် တဟးသဒၣ်ဘၣ်နၤဘၣ်.
11 တၢ်ကတိၤလၢ ပှၤကတိၤလၢအကတီၢ်ဒၣ်ဝဲန့ၣ်မၤ သးဒ်သၣ်သွံထူအိၣ်ဝဲလၢတၢ်ဂီၤစ့အပူၤအသိးန့ၣ်လီၤ.
12 ပှၤသိၣ်ဃီၣ်တၢ်လၢ ပှၤကူၣ်တၢ်သ့တဂၤလၢအနၢ် လၢအဒိကနၣ်တၢ်အပူၤန့ၣ် မၤသးဒ်ကွီၤထူ, ဒီးတၢ်က ယၢကယဲထူစီအသိးန့ၣ်လီၤ.
13 ဒ်မူခိၣ်ဖီအတၢ်ခုၣ်လၢ ကူးဘုအကတီၢ်အသိးန့ၣ်မ့ၢ် ကလူးအကလုၢ်တီလၢပှၤလၢအမၢလီၤအီၤန့ၣ်လီၤ. အ ဂ့ၢ်ဒ်အံၤမၤကျၢၤထီၣ်အကစၢ်အသးလီၤ.
14 ပှၤလၢအပာ်ကဖိအသးလၢ ခိၣ်ဖးကဘျံးကဘျၣ်အ ဃိန့ၣ်မၤသးဒ်တၢ်အၢၣ်, ဒီးကလံၤ, ဒီးတၢ်တဟဲစူၤဘၣ် အသိးန့ၣ်လီၤ.
15 ပှၤသးထီၣ်ကီမၤန့ၢ်ပဒိၣ်အသး, ဒီးပှၤအပျ့ၤလၢအ စၢ်န့ၣ်မၤကၢ်တၢ်ဃံလီၤ.
16 နထံၣ်န့ၢ်ကနဲစီစ့ၢ်ကီးဧါ. အီၣ်ဖဲအကြၢးတက့ၢ်. န ကပှဲၤကဲၣ်ဆိးဘၣ်ဖုးလၢအီၤ, ဒီးဘှိးထီၣ်အီၤလီၤ.
17 သုးကွံာ်နခီၣ်လၢပှၤလၢနဃၢၤအဟံၣ်တက့ၢ်. အသး ကဘှံးဘၣ်ဖုးလၢနၤ, ဒီးသးဟ့နၤလီၤ.
18 ပှၤလၢအအုၣ်အသးကဘျံးကဘျၣ်ထီဒါပှၤလၢအဃၢၤ န့ၣ်, မ့ၢ်ခံၣ်ခူၣ်, ဒီးနးဧိၤဘီဧိၤ, ဒီးပျၢ်လၢအအ့ၣ်ဝဲလီၤ.
19 တၢ်သန့ၤအသးလၢ ပှၤလီတၢ်လၢတၢ်ကိၢ်တၢ်ဂီၤအ မုၢ်တနံၤန့ၣ်မၤသးဒ်မဲကၢ်အသးတဘ့ၣ်, ဒီးခီၣ်လၢအ ဆၢလီၤတလံာ်ကွံာ်အသိးန့ၣ်လီၤ.
20 ဒ်ပှၤလၢအဟံးထီၣ်ကွံာ်ယၣ်လၢတၢ်ဂိၢ်အနံၤအသိး, ဒ်တၤဆံၣ်ထံလၢဘျါအ့ၣ်အဖီခိၣ်အသိးန့ၣ်, မ့ၢ်ပှၤလၢ အသးဝံၣ်တၢ်သးဝံၣ်လၢ ပှၤလၢအသူၣ်အုးသးအုးန့ၣ် လီၤ.
21 နဒုၣ်နဒါန့ၣ် တၢ်မ့ၢ်သၣ်ဝံၤအသးဒီး, ဟ့ၣ်အီၣ်အီၤ လၢကိၣ်တက့ၢ်. ဒီးတၢ်မ့ၢ်သူအသးလၢထံဒီးဟ့ၣ်အီ အီၤလၢထံတက့ၢ်.
22 နကပာ်ဖှိၣ်မ့ၣ်အူကဖးလၢအခိၣ်ဖီ ခိၣ်, ဒီးယွၤကဟ့ၣ်လီၤနၤလၢနဘူးနလဲလီၤ.
23 ကလံၤလၢကလံၤစိးန့ၣ် ဒုးဟဲတၢ်စူၤ, ဒီးပျ့ၤလၢအ ဘၣ်ဃးဒီးသီၣ်ဝံသဲကလၤဒုးအိၣ်ထီၣ် ပှၤမဲာ်လီၤမှဲၤလီၤ.
24 အိၣ်ဝဲဆိးဝဲလၢဟံၣ်ခိၣ်အသနၢၣ်န့ၣ် ဂ့ၤန့ၢ်အိၣ်ဝဲဒီး ပိာ်မုၣ်လၢအဂ့ၢ်လိာ်ဘှီလိာ်တၢ်လၢ ဟံၣ်ဖးလဲၢ်အပူၤ တက့ၢ်လီၤ.
25 ဒ်ထံခုၣ်လၢပှၤလၢ တၢ်သူအသးလၢထံအဂီၢ်အသိး န့ၣ်အကစီၣ်ဂ့ၤဟဲလၢထံယံၤကီၢ်ယံၤမ့ၢ်ဒ်န့ၣ်သိးလီၤ.
26 ပှၤတီပှၤလိၤလီၤဃံၤဝဲလၢပှၤတတီတလိၤဘၣ်အမဲာ် ညါန့ၣ် မၤသးဒ်ထံမူလၢအဒုဝဲ, ဒီးထံထီၣ်ပၢၢ်လၢအ အုၣ်ဝဲအသိးန့ၣ်လီၤ.
27 အီၣ်ကနဲစီလၢအအါတဂ့ၤဘၣ်, ဒ်န့ၣ်အသိး, ပှၤဃု အလၤကပီၤဒၣ်ဝဲန့ၣ်မၤဘှံးအသးလီၤ.
28 ပှၤလၢအတပၢဘၣ်အသးဒၣ်ဝဲန့ၣ် မၤသးဒ်ဝ့ၢ်လၢ အလီၤပှီၢ်ဝဲ, အခိၣ်ဒူတအိၣ်ဘၣ်အသိးန့ၣ်လီၤ.