4
1 ဒီးစီၤပၤၡလိၤမိၤကဲစီၤပၤလၢ အံၣ်စရ့လးခဲလၢာ်အဖီ ခိၣ်လီၤ.
2 ဒီးအအံၤမ့ၢ်အပဒိၣ်ဖးဒိၣ်လၢအအိၣ်ဒီးအီၤလီၤ. ပှၤ လုၢ်တၢ်အဒိၣ်စီၤစၤဒိးအဖိခွါစီၤဧစၤရယၤ,
3 ဒီးစီၤၡံၡၤ အဖိခွါစီၤအလံၤဃိရ့ာ်, ဒီးစီၤအဃံယၤမ့ၢ်ပှၤကွဲးလံာ်, စီၤအဃံလူးအဖိခွါစီၤယဟိၡဖးမ့ၢ်ပှၤကွဲးနီၣ်တၢ်,
4 ဒီး စီၤယဟိၤယဒါအဖိခွါ စီၤဘနါယၤအိၣ်ဝဲလၢပှၤသုးမုၢ် အဖီခိၣ်, ဒီးစီၤစၤဒိး,ဒီးစီၤအ့ဘယၤသၣ်မ့ၢ်ပှၤလုၢ်တၢ် အဒိၣ်လီၤ.
5 ဒီးစီၤနၤသၣ်အဖိခွါ စီၤဧစၤရယၤအိၣ်ဝဲ လၢပဒိၣ်တဖၣ်အဖီခိၣ်, ဒီးစီၤနၤသၣ်အဖိခွါစီၤစၤဘူး မ့ၢ်ပဒိၣ်ဖးဒိၣ်အဒိၣ်ကတၢၢ်, စီၤပၤအတံၤသကိးလီၤ.-
6 ဒီးစီၤအဃံၡၢ်အိၣ်ဝဲလၢ ပှၤဟံၣ်ဖိအဖီခိၣ်, ဒီးစီၤဧၤဘ ဒါအဖိခွါစီၤအဒိၤနံရၣ်အိၣ်ဝဲလၢ တၢ်ဟ့ၣ်သွဲအဖီခိၣ် လီၤ.
7 ဒီးစီၤၡလိၤမိၤအိၣ်ဒီးအပဒိၣ်ဖးဒိၣ်တဆံခံဂၤ လၢအံၣ် စရ့လးခဲလၢာ်အဖီခိၣ်, လၢအကတဲာ်ကတီၤစီၤပၤဒီး အပှၤဟံၣ်ဖိအတၢ်အီၣ်တၢ်အီလီၤ. တနံၣ်အတီၢ်ပူၤန့ၣ် ကတဲာ်ကတီၤတၢ်တဂၤတလါတဂၤတလါစုာ်စုာ်လီၤ.
8 ဒီးအအံၤမ့ၢ်အမံၤ, စီၤဃူၢ်အဖိခွါလၢကစၢၢ်အ့ဖရဲၣ်အလိၤ,
9 စီၤဒ့က့ၢ်အဖိ ခွါလၢမၤကးအပူၤ, ဒီးလၢၡလးဘံၣ်အပူၤ,ဒီးဘ့ၤသရှ့ မ့ၣ်အပူၤ, ဒီးအ့လိၣ်ဘ့ၤသဃၤနၣ်အပူၤ,
10 စီၤဃ့စ့းအ ဖိခွါလၢအရူဘိးအပူၤ, အဝဲဒၣ်အိၣ်ဒီးစိကိၤ,ဒီးကီၢ်ဃ့ ဖ့ၢ်ဒီဘ့ၣ်ညါ,
11 ဒီးစီၤအဘံနဒာ်အဖိခွါလၢဒိၢ်အကီၢ်ပူၤ ဒီဘ့ၣ်ညါ, အဝဲန့ၢ်ဘၣ်စီၤၡလိၤမိၤအဖိမုၣ်နီၢ်တၤဖးလၢ အမါ,
12 စီၤအဃံလူးအဖိခွါစီၤဘၤနါအိၣ်ဒီးတၤနးဒီး မကံးဒိၤ, ဒီးဘ့ၤသၡၣ်လၢအအိၣ်လၢ စြတၤနၤအဃၢၤ,လၢယံးစရ့လးအဖီလာ် လၢဘ့ၤသၡၣ်ပၢၢ်လၢအၤဘ့ လးမဃိလး, ပၢၢ်လၢယးနၣ်ဝၢ်ဘးခီလီၤ.
13 စီၤက့ဘ့ၢ် အဖိခွါလၢရၤမိးကံးလဧးအပူၤ, အဝဲဒၣ်အိၣ်ဒီးစီၤမနၤ ရှ့အဖိခွါစီၤယၤအံၢ်အဝ့ၢ်တဖၣ် လၢအအိၣ်ဝဲလၢကံး လဧးအပူၤ, ဒီးအဝဲဒၣ်အိၣ်စ့ၢ်ကီးဒီးကီၢ်အၢ်ကိးလၢအ အိၣ်ဝဲလၢဘၤၡၣ်အပူၤ, ဝ့ၢ်ဖးဒိၣ်ဃုဆံအိၣ်ဒီးအခိၣ်ဒူ, ဒီးတြဲၤအနီၣ်ဘိတိၢ်လီၤ.
14 စီၤဧံးဒိၤအဖိခွါစီၤအဃံနဒာ် အိၣ်ဒီးမၤဃန့ၤ,
15 ဒီးစီၤအဃံမ့ၤဧးအိၣ်ဝဲလၢနးသၤလံ အပူၤ,အဝဲဒၣ်စ့ၢ်ကီးန့ၢ်ဘၣ် စီၤၡလိၤမိၤအဖိမုၣ်နီၢ်ဘၤ စမးလၢအမါလီၤ.
16 ဒီးစီၤဃူၡဲၤအဖိခွါစီၤဘၤနါအိၣ်ဝဲ လၢအၤရှ့ၢ်အပူၤ,ဒီးလၢဧၤလိးအပူၤ,
17 ဒီးစီၤပၤရူၤအဖိ ခွါစီၤယဟိၡဖးလၢယးစၣ်ကၢ်အပူၤ,
18 စီၤအ့လၤအဖိ ခွါစီၤၡံးမံၤလၢဘံၣ်ယၤမံၣ်အပူၤ,
19 ဒီးစီၤအူရံၤယၤအဖိ ခွါစီၤက့ဘ့ၢ်လၢကီၢ်ကံးလဧၤအပူၤ, ပှၤအမိၢ်ဖိအစီၤပၤ စံဃိၣ်အကီၢ်,ဒီးဘၤၡၣ်အစီၤပၤဧိာ်, ဒီးအဝဲဒၣ်မ့ၢ်ပဒိၣ် တဂၤဧိၤလၢကီၢ်တဘ့ၣ်န့ၣ်လီၤ.
20 ယူဒၤဒီးအံၣ်စရ့လးန့ၣ် အါဝဲဒ်မဲးဧိၤဟီၣ်ဧိၤလၢပီၣ် လဲၣ်နံၤအသိးန့ၣ်ဒီးအီၣ်ဝဲ,ဒီးအီဝဲ,ဒီးသးခုဝဲလီၤ.
21 ဒီးစီၤၡလိၤမိၤကဲစီၤပၤလၢ ဘီမုၢ်ခဲလၢာ်အဖီခိၣ်လၢ အအိၣ်ဝဲလၢထံမိၢ်ပှၢ်ပၢၢ်လၢပှၤဖလ့ၡသးဖိအကီၢ်, ဒီး ပၢၢ်လၢအဲၤကူပတူးအဃၢၤလီၤ. ဒီးပှၤဟဲစိာ်ဝဲလၢခိၣ် ဖးတဖၣ်, ဒီးမၤစီၤၡလိၤမိၤအတၢ်တစိၤဒၣ်အီၤလီၤ.
22 ဒီးစီၤၡလိၤမိၤအတၢ်အီၣ်လၢ မုၢ်တနံၤအဂီၢ်န့ၣ်မ့ၢ်ကိၣ် ကမူၣ်ပြံကဒံအကိၢ်သၢဆံ, ဒီးကိၣ်ကမူၣ်အကိၢ်ဃု ဆံ,
23 ဂီၤဖံးဘီၣ်ဆံဆဲၣ်ဒု, ဒီးဂီၤဖံးလၢတဖုအကျါခံ ဆံ,ဒီးသိတကယၤ, ဒီးတၤယုၢ်,ဒီးတၤဟိစဘံ,ဒီးတၤ ယုၢ်ယးပမိၢ်,ဒီးထိၣ်ဖိလံၣ်ဖိအဘီၣ်လီၤ.
24 အဂ့ၢ်ဒ်အံၤ,ပၢတၢ်လၢကီၢ်ဒီဘ့ၣ်ညါလၢ အအိၣ်ဝဲလၢ ထံမိၢ်ပှၢ်အအံၤတခီလၢတံပစၤပၢၢ်လၢဂါစၤ, လၢက ယဲၢ်စီၤပၤအဖီခိၣ်, အိၣ်လၢထံမိၢ်ပှၢ်အအံၤတခီလီၤ.ဒီး တၢ်ဃူတၢ်ဖိးအိၣ်ဝဲလၢ အကီၢ်အဃၢၤတပူၤလၢ်လၢ် ဝးတရံးဝဲလီၤ.
25 ဒီးလၢစီၤၡလိၤမိၤအမုၢ်နံၤခဲလၢာ်န့ၣ် ယူဒၤဒီးအံၣ်စ ရ့လးအိၣ်ခၢၣ်သနၢၢ်, ပှၤအိၣ်ဝဲလၢစပံးမုၢ်,ဒီးပှၤအိၣ်ဝဲ လၢအချၢၣ်ဒၢအဖီလာ်စုာ်စုာ်လၢဒၣ် ပၢၢ်လၢဘ့ၢ်ၡဘၤ လီၤ.
26 ဒီးစီၤၡလိၤမိၤအိၣ်ဝဲဒီးကသ့ၣ်အဒၢလွံၢ်ကထိ လၢအ လ့ၣ်ကဟၣ်အဂီၢ်, ဒီးပှၤကသ့ၣ်သုးဖိတကလးခံကထိ လီၤ.
27 ဒီးပဒိၣ်ဖးဒိၣ်တဖၣ်န့ၣ် ကတဲာ်ကတီၤတၢ်အီၣ်လၢ စီၤပၤၡလိၤမိၤအဂီၢ်, ဒီးလၢကယဲၢ်ပှၤလၢအဟဲဝဲဆူစီၤ ပၤၡလိၤမိၤအစီၢ်နီၤခိၣ်အဂီၢ်လီၤ. တဂၤလၢအလါဒၣ်ဝဲ တဘ့ၣ်အပူၤန့ၣ်, ဒီးတၢ်လၢအတအါဘၣ်တမံၤမံၤန့ၣ် တအိၣ်ဘၣ်နီတမံၤဘၣ်.
28 ဒီးပှၤဟဲစိာ်ဘုမုယီၤ, ဒီးလီၢ်ဧိၤဒံးဧိၤလၢကသ့ၣ်, ဒီး ကသ့ၣ်အချ့တဖၣ်အဂီၢ်ဆူအလီၢ်ဖဲန့ၣ်, တဂၤဒ်တၢ် စံၣ်ညီၣ်အီၤအသိးန့ၣ်စုာ်စုာ်လီၤ.
29 ဒီးယွၤဟ့ၣ်လီၤစီၤၡလိၤမိၤလၢအတၢ်ကူၣ်သ့, ဒီးအ သူၣ်ဆးသးဆးဒိၣ်ဒိၣ်ကလဲာ်,ဒီးအသးဖးလဲၢ်, ဒ်မဲးဧိၤ ဟီၣ်ဧိၤလၢပီၣ်လဲၣ်နံၤအသိးန့ၣ်လီၤ.
30 ဒီးစီၤၡလိၤမိၤအတၢ်ကူၣ်သ့ ဒိၣ်န့ၢ်ပှၤမုၢ်ထီၣ်ဖိအတၢ် ကူၣ်သ့, ဒီးအဲၤကူပတူးအတၢ်ကူၣ်သ့ခဲလၢာ်န့ၣ်တ က့ၢ်လီၤ.
31 ဒီးအကူၣ်တၢ်သ့ဂ့ၤန့ၢ်ပှၤကညီခဲလၢာ်, ဂ့ၤ န့ၢ်ပှၤအ့စရၤဃးဖိစီၤအ့သၣ်, ဒီးစီၤဟ့မၣ်,ဒီးစီၤကးလ ကိးလး,ဒီးစီၤဒၢ်ဒၤ, စီၤမၤဃိလးအဖိခွါတဖၣ်န့ၣ်တ က့ၢ်လီၤ. ဒီးအမံၤဟူထီသါလီၤလၢကယဲၢ်ပှၤကလုာ်ခဲ လၢာ်အကျါဝးတရံးဝဲလီၤ.
32 ဒီးကတိၤဒိတၢ်အထံၣ်သၢကထိ, ဒီးအလံာ်ထါန့ၣ် အိၣ်ဝဲတကထိယဲၢ်တီၤလီၤ.
33 ဒီးကတိၤတၢ်လၢသ့ၣ်အဂ့ၢ်အကျိၤလၢ သ့ၣ်ဆှိးအ့ရ့း အိၣ်ဝဲလၢ လဘၤနိၣ်ပၢၢ်လၢသ့ၣ်ကဖျီၣ်အ့စိၤလၢအမဲ ထီၣ်လၢတၢ်ဒူၣ်အလိၤလီၤ. ဒီးကတိၤဝဲလၢဆၣ်ဖိကီၢ် ဖိအဂ့ၢ်အကျိၤ, ဒီးလၢထိၣ်ဖိလံၣ်ဖိအဂ့ၢ်အကျိၤ,ဒီးလၢ တၢ်စွါအဂ့ၢ်အကျိၤ, ဒီးလၢဒ့ၣ်ဧိၤညၣ်ဧိၤအဂ့ၢ်အကျိၤ လီၤ.
34 ဒီးပှၤဟဲဝဲလၢပှၤကလုာ်ခဲလၢာ်အကျါ ဒ်သိးအကနၢ် ဟူစီၤၡလိၤမိၤအတၢ်ကူၣ်သ့, လၢကယဲၢ်ဟီၣ်ခိၣ်အစီၤ ပၤအအိၣ်လၢအနၢ်ဟူတ့ၢ်လၢ အတၢ်ကူၣ်သ့အဂ့ၢ်အ ကျိၤလီၤ.