3
1 ဒီးစီၤၡလိၤမိၤဒီသိၣ်ဒီသီဒီး အဲၤကူပတူးအစီၤပၤဖးရိၤ, ဒီးဟံးန့ၢ်ဖၤရိၤအဖိမုၣ်,ဒီးဟဲစိာ်အီၤဆူစီၤဒၤဝံးအ ဝ့ၢ်ပူၤတုၤအမၤဝံၤအဟံၣ်ဒၣ်ဝဲ, ဒီးယွၤအဟံၣ်,ဒီးဝ့ၢ်ခိၣ် ဒူဝးတရံးယရူၤၡလ့ၣ်လီၤ.
2 ထဲပှၤဂီၢ်မုၢ်လုၢ်တၢ်လၢ တၢ်အလီၢ်ထီၣ်ထီတဖၣ်အ ဖီခိၣ်လီၤ. အဂ့ၢ်ဒ်အံၤ,တၢ်တမၤဒံးဘၣ်ဟံၣ်လၢယွၤအ မံၤအဂီၢ်ဘၣ်တုၤလီၤလၢမုၢ်နံၤတဖၣ်န့ၣ်လီၤ.
3 ဒီးစီၤၡလိၤမိၤအဲၣ်ယွၤ, ဒီးလဲၤတၢ်လၢအပၢ်စီၤဒၤဝံး အတၢ်မၤလိာ်အပူၤ, ထဲအလုၢ်တၢ်ဒီးဆိၣ်ကဲၤတၢ်နၢမူ လၢတၢ်အလီၢ်ထီၣ်ထီတဖၣ်အဖီခိၣ်လီၤ.
4 ဒီးစီၤပၤလဲၤဆူကံးဘိၣ်အပူၤ ဒ်သိးအကလုၢ်တၢ်ဖဲန့ၣ် လီၤ. အဂ့ၢ်ဒ်အံၤ, တၢ်အလီၢ်ထီၣ်ထီဖးဒိၣ်အိၣ်ဝဲဖဲန့ၣ် တပူၤလီၤ. စီၤၡလိၤမိၤလုၢ်ထီၣ်တၢ်လုၢ်မ့ၣ်အူအကထိ လၢတၢ်လုၢ်လီၢ်အဖီခိၣ်လီၤ.
5 ယွၤလီၣ်ဖျါထီၣ်အသးလၢ စီၤၡလိၤမိၤအမဲာ်ညါလၢ တၢ်မံမီၢ်အပူၤလၢမုၢ်နၤလၢကံးဘိၣ်အပူၤလီၤ. ဒီးယွၤ စံးဝဲဒၣ်, ယကဟ့ၣ်လီၤနၤလၢမနုၤလဲၣ်န့ၣ်ဃ့တက့ၢ်.
6 ဒီးစီၤၡလိၤမိၤစံးဝဲဒၣ်, နမၤဘျုးမၤဖှိၣ်ယပၢ်နခ့နပှၤ စီၤဒၤဝံးဒိၣ်ဒိၣ်ကလဲာ်, ဒ်အလဲၤတၢ်လၢနမဲာ်ညါလၢ တၢ်မ့ၢ်တၢ်တီအပူၤ, ဒီးလၢတၢ်တီတၢ်လိၤအပူၤ,ဒီးလၢ အသးလိၤဒီးနၤအသိးန့ၣ် ဒီးနတိၢ်န့ၢ်တၢ်ဘျုးတၢ်ဖှိၣ် ဖးဒိၣ်အံၤလၢအဂီၢ်, ဒီးနဟ့ၣ်လီၤအီၤလၢအဖိခွါလၢအ ဆ့ၣ်နီၤလၢအလီၢ်ပစိာ်အဖီခိၣ် ဒ်လၢမုၢ်မဆါတနံၤအံၤ အသိးန့ၣ်လီၤ.
7 ဒီးခဲကနံၣ်အံၤ,ယွၤကစၢ်ဧၢ,နပာ်လီၤ နခ့နပှၤလၢ စီၤပၤလၢအပၢ်စီၤဒၤဝံးအလီၢ်,ဒီးယမ့ၢ်ဖိ သၣ်အဆံး, ဒီးယလဲၤထီၣ်ဟဲနုာ်န့ၣ် ယတသ့ၣ်ညါ ဘၣ်,
8 ဒီးနခ့နပှၤအိၣ်ဝဲလၢနပှၤဂီၢ်မုၢ်လၢနဃုထၢအီၤ အသးကံၢ်ပူၤ, ပှၤဂီၢ်မုၢ်ဖးဒိၣ်လၢပှၤဂံၢ်အီၤဒွးအီၤတသ့ ဘၣ်, လၢအအိၣ်အါကဲၣ်ဆိးအဃိန့ၣ်လီၤ.
9 မၤသးဒ် န့ၣ်ဒီး ဟ့ၣ်လီၤနခ့နပှၤအသူၣ်ဆးသးဆး,ဒ်သိးအက စံၣ်ညီၣ်နပှၤဂီၢ်မုၢ်, ဒ်သိးအကနီၤဖးတၢ်ဂ့ၤဒီးတၢ်အၢ အဆၢန့ၣ်တက့ၢ်. အဂ့ၢ်ဒ်အံၤ,မ့ၢ်မတၤစံၣ်ညီၣ်ပှၤဂီၢ်မုၢ် ဖးဒိၣ်အံၤကသ့တဂၤလဲၣ်.
10 ဒီးတၢ်ကတိၤန့ၣ် ဂ့ၤဝဲလၢယွၤအမဲာ်လၢစီၤၡလိၤမိၤ ဃ့တၢ်တမံၤန့ၣ်လီၤ.
11 ဒီးယွၤစံးဘၣ်အီၤ, မ့ၢ်နဃ့တၢ်တမံၤအံၤ,ဒီးတဃ့ဘၣ် အါနံၤအါသီလၢနဂီၢ်ဘၣ်, ဒီးတဃ့ဘၣ်တၢ်ထူးတၢ် တီၤလၢနဂီၢ်, ဒီးတဃ့ဘၣ်နဒုၣ်နဒါတဖၣ်အသးသမူ ဘၣ်, ဒီးမ့ၢ်နဃ့သူၣ်ဆးနသးဆးဒ်သိးနကတိၢ်န့ၢ်တၢ် စံၣ်ညီၣ်ဒီး,
12 ကွၢ်ကွၢ်, ယမၤလံတၢ်ဒ်နတၢ်ကတိၤအ သိးန့ၣ်လံ. ကွၢ်ကွၢ်,ယဟ့ၣ်လီၤနၤလၢနသးလၢအကူၣ် တၢ်သ့, ဒီးနသူၣ်ဆးနသးဆး, တုၤပှၤဒ်နၤအသိးတ အိၣ်ဘၣ်လၢနမဲာ်ညါ, ဒီးလၢနလီၢ်ခံန့ၣ် ပှၤတဂဲၤဆၢ ထၢၣ်ဘၣ်ဒ်နၤအသိးဘၣ်.
13 ဒီးယဟ့ၣ်လီၤစ့ၢ်ကီးနၤ လၢတၢ်လၢနတဃ့ဘၣ်, တၢ်ထူးတၢ်တီၤ,ဒီးတၢ်လၤ ကပီၤ, တုၤပှၤလၢစီၤပၤတဖၣ်အကျါန့ၣ် တဒ်သိးဘၣ် ဒီးနၤနီတဂၤဘၣ်တစိၤဒၣ်နၤလီၤ.
14 ဒီးနမ့ၢ်ပိာ်ယကျဲတဖၣ်, ဒီးတိၢ်န့ၢ်ယတၢ်သိၣ်တၢ်သီ, ဒီးယတၢ်မၤလိာ်,ဒ်နပၢ်စီၤဒၤဝံး လဲၤတၢ်အသိးန့ၣ်ဒီး, ယကဒုးအိၣ်ကၢအိၣ်ခိးနၤလီၤ.
15 ဒီးစီၤၡလိၤမိၤဖုသံနီၣ်ထီၣ်, ဒီးကွၢ်ကွၢ်, မ့ၢ်တၢ်မံမီၢ် လီၤ. ဒီးဟဲဝဲဆူယရူၤၡလ့ၣ်,ဒီးဆၢထၢၣ်လၢယွၤအတၢ် အၢၣ်လီၤအီလီၤအတလါအမဲာ်ညါ, ဒီးလုၢ်တၢ်လုၢ်မ့ၣ် အူ,ဒီးတၢ်လုၢ်မၤဃူမၤဖိးတၢ်, ဒီးမၤတၢ်အီၣ်တၢ်အီအ ဘူၣ်လၢအခ့အပှၤခဲလၢာ်အဂီၢ်လီၤ.
16 ဒီးပှၤဃဲသဲမုၣ်ခံဂၤ ဟဲဆူစီၤပၤအအိၣ်, ဒီးဆၢထၢၣ် လၢအမဲာ်ညါလီၤ.
17 ဒီးပိာ်မုၣ်တဂၤစံးဝဲဒၣ်,အိ,ယကစၢ်ဧၢ, ယဲဒၣ်ဒီးပိာ် မုၣ်တဂၤအံၤ, ပအိၣ်ပဆိးလၢဟံၣ်တဖျၢၣ်ဃီ,ဒီးယဆံး စၢ်န့ၢ်ယဖိတဂၤအိၣ်ဒီးအီၤလၢဟံၣ်ပူၤန့ၣ်လီၤ.
18 ဒီးယ ဆံးစၢ်န့ၢ်တၢ်အလီၢ်ခံသၢနံၤတနံၤန့ၣ် တၢ်မၤအသးလၢ ပိာ်မုၣ်တဂၤအံၤ ဆံးစၢ်န့ၢ်တၢ်စ့ၢ်ကီး, ဒီးပအိၣ်တပူၤ ဃီ,ဒီးပှၤတမှံၤတအိၣ်ဘၣ်ဒီးပှၤဘၣ်, အိၣ်ထဲပဝဲဒၣ်ခံ ဂၤလၢဟံၣ်ပူၤလီၤ.
19 ဒီးပိာ်မုၣ်တဂၤအံၤ အဖိသံဝဲလၢ မုၢ်နၤလီၤ.အဂ့ၢ်ဒ်အံၤ,ကျံၤသံဘၣ်အီၤလီၤ.
20 ဒီးဂဲၤဆၢ ထၢၣ်ဝဲလၢဖးဖီမုၢ်,ဒီးဟံးန့ၢ်ယဖိလၢယကပၤထံး, ဒီး နကုၢ်ပိာ်မုၣ်မံသပ့ၤ, ဒီးပာ်ဝဲလၢအသးနါပှၢ်,ဒီးပာ်အ ဖိသံတဂၤလၢယသးနါပှၢ်အပူၤလီၤ.
21 ဒီးမုၢ်ဆ့ၣ်ထီၣ် န့ၣ် ယဂဲၤဆၢထၢၣ်ဒ်သိးယကဒုးအီၣ်နုၢ်ယဖိ,ဒီးကွၢ်, သံလံဝဲလံ. ဒီးလၢမုၢ်ဂီၤန့ၣ်ယကွၢ်ထံကွၢ်ဆး, ဒီးကွၢ် ကွၢ်, တမ့ၢ်ဘၣ်ယဖိလၢယဆံးစၢ်န့ၢ်အီၤဘၣ်.
22 ဒီးပိာ်မုၣ်အဝဲတဂၤစံးဝဲဒၣ်, တမ့ၢ်ဘၣ်.ဖိလၢအမူတ ဂၤမ့ၢ်ယဖိ, ဒီးတၢ်အသံတဂၤန့ၣ်မ့ၢ်နဖိလီၤ.ဒီးအဝဲတ ဂၤန့ၣ်စံးဝဲဒၣ်, တမ့ၢ်ဘၣ်.တၢ်အသံမ့ၢ်နဖိ,ဒီးဖိလၢအ မူတဂၤမ့ၢ်ယဖိလီၤ. ဒီးကတိၤဝဲဒ်န့ၣ်လၢစီၤပၤအမဲာ် ညါလီၤ.
23 ဒီးစီၤပၤစံးဝဲဒၣ်, အဝဲတဂၤစံးဝဲ,တၢ်လၢအမူဝဲန့ၣ်မ့ၢ် ယဖိ, ဒီးနဲနဖိမ့ၢ်တၢ်သံလီၤ. ဒီးအဝဲတဂၤစံးဝဲ,တမ့ၢ် ဘၣ်.နဖိမ့ၢ်တၢ်သံ, ဒီးယဖိမ့ၢ်တၢ်လၢအမူတဂၤန့ၣ်လီၤ.
24 ဒီၤစီၤပၤစံးဝဲဒၣ်, ဟဲစိာ်န့ၢ်ယၤလၢနးတဘ့ၣ်တက့ၢ်. ဒီးပှၤဟဲစိာ်နးတဘ့ၣ်ဆူစီၤပၤအမဲာ်ညါလီၤ.
25 ဒီးစီၤပၤစံးဝဲဒၣ်, ဖှဲးသ့ၣ်ဖးဖိသၣ်လၢအမူန့ၣ်ခံခီ,ဒီး ဟ့ၣ်လီၤအီၤတဂၤတခီတဂၤတခီတက့ၢ်.
26 ဒီးပိာ်မုၣ်လၢဖိသၣ်လၢအမူဝဲ မ့ၢ်အတၢ်တဂၤန့ၣ်က တိၤတၢ်ဒီးစီၤပၤ, (အဂ့ၢ်ဒ်အံၤ,အသးအိၣ်အဖိ,) ဒီးစံး ဝဲဒၣ်, ယကစၢ်ဧၢဟ့ၣ်လီၤအီၤလၢဖိသၣ်လၢအမူဝဲ,ဒီး မၤသံအီၤလ့ၤတက့ၤတဂ့ၤ. ဒီးအဝဲတဂၤန့ၣ်စံးဝဲဒၣ်,ယ တၢ်ဂ့ၤဂ့ၤ,နတၢ်ဂ့ၤဂ့ၤ, မ်အသုတမ့ၢ်တဂ့ၤ. ဖှဲးသ့ၣ်ဖး အီၤတက့ၢ်.
27 ဒီးစီၤပၤစံးဆၢတၢ်ဒီးစံးဝဲဒၣ်, ဟ့ၣ်လီၤအီၤလၢဖိသၣ် လၢအမူဝဲတက့ၢ်. ဒီးမၤသံအီၤလ့ၤတက့ၤတဂ့ၤ.အဝဲဒၣ် န့ၣ်မ့ၢ်အမိၢ်လီၤ.
28 ဒီးအံၣ်စရ့လးခဲလၢာ်နၢ်ဟူတၢ်စံၣ်ညီၣ် လၢစီၤပၤစံၣ် ညီၣ်ဝဲ,ဒီးပျံၤစီၤပၤလီၤ. အဂ့ၢ်ဒ်အံၤ,ထံၣ်ဘၣ်ဝဲလၢယွၤ အတၢ်ကူၣ်သ့အိၣ်ဒီးအီၤ, ဒ်သိးအကစံၣ်ညီၣ်တၢ်လီၤ.