16
1 ဒီးယွၤအကလုၢ်လီၤဘၣ်လၢ စီၤဃနၤနံအဖိခွါစီၤယ့ၤ ဟူထီဒါစီၤဘါၡၤ,ဒီးစံးဝဲဒၣ်.
2 မ့ၢ်ယပာ်ထီၣ်ထီနၤလၢ ဟီၣ်ခိၣ်အကမူၣ်အပူၤ, ဒီးပာ်နၤလၢတၢ်အခိၣ်လၢယ ပှၤဂီၢ်မုၢ်အံၣ်စရ့လးအဖီခိၣ်, ဒီးနလဲၤတၢ်လၢစီၤယၤရၤ ဘၣ်အကျဲပူၤ, ဒီးဒုးမၤယပှၤဂီၢ်မုၢ်အံၣ်စရ့လးလၢတၢ် ဒဲးဘးဒ်သိးနကထိၣ်ဂဲၤယသးထီၣ် လၢအတၢ်ဒဲးဘးအ ဃိဒီး,
3 ကွၢ်ကွၢ်, ယကစိာ်ထီၣ်ကွံာ်စီၤဘါၡၤအဖိအ လံၤ, ဒီးအပှၤဟံၣ်ဖိအဖိအလံၤ, ဒီးယကပာ်နဟံၣ်ဒ် စီၤနဘးအဖိခွါစီၤယၤရၤဘၣ်အဟံၣ်အသိးန့ၣ်လီၤ.
4 ဒီး ပှၤဘၣ်ဃးဒီးစီၤဘါၡၤလၢအသံဝဲလၢဝ့ၢ်ပူၤန့ၣ် ထွံၣ်က အီၣ်ကွံာ်အီၤ, ဒီးပှၤဘၣ်ဃးဒီးအီၤလၢအသံဝဲလၢပှၢ်လၢ် ကျါန့ၣ်ထိၣ်ဧိၤလံၣ်ဧိၤလၢတၢ်ဖးဖီကအီၣ်ကွံာ်အီၤလီၤ.
5 ဒီးတၢ်အိၣ်လီၤတဲာ်ဘၣ်ဃးဒီးစီၤဘါၡၤ, ဒီးတၢ်လၢ အမၤဝဲ, ဒီးအစိကမီၤန့ၣ်ကွဲးအသးလၢအံၣ်စရ့လးအ စီၤပၤအလံာ်ကွဲးနီၣ်တၢ်အပူၤ, တမ့ၢ်ဘၣ်ဧါ.
6 ဒီးစီၤဘါၡၤမံဝဲဒီးအပၢ်တဖၣ်, ဒီးပှၤခူၣ်လီၤကွံာ်အီၤ လၢတံးရစၢ်အပူၤ, ဒီးအဖိခွါစီၤအ့လၤကဲထီၣ်စီၤပၤလၢ အပၢ်အလီၢ်န့ၣ်လီၤ.
7 မၤကဒီးလၢစီၤဃနၤနံအဖိခွါ ဝံယ့ၤဟူအစုပူၤန့ၣ်ယွၤ အကလုၢ်အိၣ်ထီၣ်ထီဒါစီၤဘါၡၤ, ဒီးထီဒါအပှၤဟံၣ် ဖိလၢကယဲၢ်တၢ်အၢလၢ အမၤဝဲလၢယွၤအမဲာ်ညါလၢ အထိၣ်ဂဲၤအသးထီၣ်လၢအတၢ်မၤလၢအစု, လၢအလီၤ ဂာ်စီၤယၤရၤဘၣ်အပှၤဟံၣ်ဖိအသိးန့ၣ်အဃိ, ဒီးလၢ အမၤသံအီၤအဃိလီၤ.
8 ဒီးလၢယူဒၤအစီၤပၤအၤစါအနံၣ်ပှဲၤထီၣ် ခံဆံဃုနံၣ် တနံၣ်န့ၣ် စီၤဘါၡၤအဖိခွါစီၤအ့လၤ ကဲသီစီၤပၤလၢ အံၣ်စရ့လးအဖီခိၣ်လၢတံးရစၢ်အပူၤခံနံၣ်လီၤ.
9 ဒီးအခ့အပှၤ,အလ့ၣ်ကဟၣ်ခံပူတပူအခိၣ်, စီၤစံၣ်ရံၤ ကူၣ်ထီၣ်တၢ်ထီဒါအီၤဖဲအအီမူၤအသးလၢ အပှၤကွၢ် အဟံၣ်လၢတံးရစၢ်စီၤအၢ်စၤအဟံၣ်ပူၤလၢ တံးရစၢ်အ ဖၢမုၢ်န့ၣ်လီၤ.
10 ဒီးယူဒၤအစီၤပၤအၤစါ အနံၣ်ပှဲၤထီၣ်ခံဆံနွံနံၣ်တနံၣ် န့ၣ်စီၤစံၣ်ရံၤလဲၤနုာ်, ဒီးကျီကွံာ်အီၤ, ဒီးမၤသံအီၤ,ဒီး ကဲထီၣ်စီၤပၤလၢအလီၢ်လီၤ.
11 ဒီးတုၤအကဲစီၤပၤ, တုၤအဆ့ၣ်နီၤလၢအလီၢ်ပစိာ်န့ၣ် ဒီး, တၢ်မၤအသးလၢအမၤသံ စီၤဘါၡၤအပှၤဟံၣ်ဖိခဲ လၢာ်လီၤ. အဘူးအတံၢ်မ့ၢ်ဂ့ၤ, အတံၤသကိးမ့ၢ်ဂ့ၤ,တ ပာ်လီၤတဲာ်ဘၣ်ပှၤဘၣ်ဃးဒီးအီၤလၢအမ့ၢ် ပှၤပိာ်ခွါနီ တဂၤဘၣ်.
12 ဒီးစီၤစံၣ်ရံၤမၤဟးဂီၤကွံာ် စီၤဘါၡၤအပှၤဟံၣ်ဖိခဲ လၢာ်, ဒ်ယွၤအကလုၢ်ကထါလၢအကတိၤထီဒါစီၤဘါ ၡၤလၢဝံယ့ၤဟူအစုပူၤအသိးန့ၣ်လီၤ.
13 မ့ၢ်စီၤဘါၡၤအဖိ ခွါစီၤအ့လၤအတၢ်ဒဲးဘးခဲလၢာ် လၢအမၤတၢ်ဒဲးဘး, ဒီးဒုးမၤအံၣ်စရ့လးလၢတၢ်ဒဲးဘးလၢ အထိၣ်ဂဲၤယွၤ အံၣ်စရ့လးအကစၢ်အသးထီၣ် လၢအတၢ်ကလီကလီ န့ၣ်အဂ့ၢ်လီၤ.
14 ဒီးတၢ်အိၣ်လီၤတဲာ်ဘၣ်ဃးဒီးစီၤအ့လၤ, ဒီးကယဲၢ် တၢ်လၢအမၤဝဲခဲလၢာ်န့ၣ် ကွဲးအသးလၢအံၣ်စရ့လးအ စီၤပၤအလံာ်ကွဲးနီၣ်တၢ်အပူၤ,တမ့ၢ်ဘၣ်ဧါ.
15 လၢယူဒၤအစီၤပၤအၤစါအနံၣ်ပှဲၤထီၣ် ခံဆံနွံနံၣ်န့ၣ် စီၤစံၣ်ရံၤကဲစီၤပၤလၢတံးရစၢ်အပူၤနွံသီလီၤ. ဒီးပှၤဂီၢ် မုၢ်သူၣ်ဒဲထီဒါကံးဘသိၣ်လၢ အဘၣ်ဃးဒီးပှၤဖလ့ၡ ဖိန့ၣ်လီၤ.
16 ဒီးပှၤဂီၢ်မုၢ်လၢအသူၣ်ဒဲန့ၣ် နၢ်ဟူပှၤစံးလၢစီၤစံၣ်ရံၤ ကူၣ်ထီၣ်တၢ်အၢ, ဒီးမၤသံစ့ၢ်ကီးစီၤပၤန့ၣ်လီၤ. ဒီးအံၣ် စရ့လးခဲလၢာ်ပာ်ပှၤသုးမုၢ်အခိၣ်စီၤဧိၣ်ရံၤလၢ စီၤပၤ လၢအံၣ်စရ့လးအဖီခိၣ်လၢပှၤသူၣ်ဒဲအလီၢ် ပူၤလၢမုၢ် တနံၤဃီန့ၣ်လီၤ.
17 ဒီးစီၤဧိၣ်ရံၤလဲၤထီၣ်လၢကံးဘသိၣ်, ဒီးအံၣ်စရ့လးခဲ လၢာ်အိၣ်ဒီးအီၤ,ဒီးကဝီၤဃာ်တံးရစၢ်လီၤ.
18 ဒီးတုၤစီၤ စံၣ်ရံၤထံၣ်ဘၣ်ဝဲလၢ ပှၤမၤန့ၢ်ဝ့ၢ်ဒီး,တၢ်မၤအသးလၢ အလဲၤနုာ်ဝဲလၢစီၤပၤအဟံၣ်အနူၢ်ပူၤဒီး ဆူးထီၣ်ကွံာ် စီၤပၤအဟံၣ်လၢအဖီခိၣ်လၢမ့ၣ်အူ,ဒီးသံဝဲလီၤ.
19 မ့ၢ်အ တၢ်ဒဲးဘးလၢအမၤဝဲလၢအမၤတၢ်အၢလၢ ယွၤအမဲာ် လၢအလဲၤတၢ်လၢ စီၤယၤရၤဘၣ်အကျဲပူၤ, ဒီးလၢအ တၢ်ဒဲးဘးအပူၤလၢအမၤဝဲလၢ အဒုးမၤအံၣ်စရ့လးလၢ တၢ်ဒဲးဘးအဃိလီၤ.
20 ဒီးတၢ်အိၣ်လီၤတဲာ်ဘၣ်ဃးဒီး စီၤစံၣ်ရံၤ, ဒီးအတၢ် ကူၣ်ထီၣ်တၢ်အၢလၢအကူၣ်ထီၣ်ဝဲန့ၣ် ကွဲးအသးလၢ အံၣ်စရ့လးအစီၤပၤအလံာ်ကွဲးနီၣ်တၢ်အပူၤ, တမ့ၢ်ဘၣ် ဧါ.
21 တုၤနုၤတစုပှၤအံၣ်စရ့လး အပှၤဂီၢ်မုၢ်လီၤမုၢ်လီၤဖး လၢခံဖုလီၤ. ပှၤဂီၢ်မုၢ်တဝာ်လူၤစီၤကံနးအဖိခွါစီၤတံး ဘနံၤ ဒ်သိးအကပာ်အီၤလၢစီၤပၤ, ဒီးတဝာ်လူၤစီၤဧိၣ် ရံၤလီၤ.
22 ဒီးပှၤဂီၢ်မုၢ်လၢအလူၤစီၤဧိၣ်ရံၤန့ၣ် ဆူၣ်န့ၢ်ပှၤဂီၢ်မုၢ် လၢအလူၤစီၤကံနးအဖိခွါစီၤတံးဘနံၤတက့ၢ်လီၤ. ဒီးစီၤ တံးဘနံၤသံဝဲ, ဒီးစီၤဧိၣ်ရံၤကဲထီၣ်စီၤပၤလီၤ.
23 လၢယူဒၤအစီၤပၤအၤစါ အနံၣ်ပှဲၤထီၣ်သၢဆံတနံၣ် အနံၣ်န့ၣ်စီၤဧိၣ်ရံၤကဲသီစီၤပၤလၢ အံၣ်စရ့လးအဖီခိၣ် တဆံခံနံၣ်လီၤ. ကဲစီၤပၤလၢတံးရစၢ်အပူၤဃုနံၣ်လီၤ.
24 ဒီးပှ့ၤန့ၢ်ကစၢၢ်ၡၤမရံလၢစီၤရှ့မ့ၢ်လၢစ့ခံကံကၢ်,ဒီးတ့ ဝ့ၢ်လၢကစၢၢ်လိၤ, ဒီးယုၢ်ဝ့ၢ်လၢအတ့ဝဲအမံၤလၢၡၤမ ရံ,ဒ်သိးဒီးကစၢၢ်အကစၢ်စီၤရှ့မ့ၢ်အမံၤလီၤ.
25 ဒီးစီၤဧိၣ်ရံၤမၤတၢ်အၢလၢယွၤအမဲာ်, ဒီးမၤတၢ်အၢန့ၢ်ကယဲၢ်ပှၤလၢအအိၣ်တ့ၢ်ဝဲလၢ အမဲာ်ညါတက့ၢ်လီၤ.-
26 ဒီးလဲၤဝဲလၢစီၤနဘးအဖိခွါ စီၤယၤရၤဘၣ်အကျဲဒီဘိ ညါ, ဒီးလၢအတၢ်ဒဲးဘးအပူၤလၢ အဒုးမၤအံၣ်စရ့လး လၢတၢ်ဒဲးဘး လၢအထိၣ်ဂဲၤယွၤအံၣ်စရ့လး အကစၢ် အသးထီၣ်လၢအတၢ်ကလီကလီလီၤ.
27 ဒီးတၢ်အိၣ်လီၤတဲာ်ဘၣ်ဃးဒီး စီၤဧိၣ်ရံၤလၢအမၤဝဲ, ဒီးအတၢ်မၤဆူၣ်လၢအမၤဝဲန့ၣ် ကွဲးအသးလၢအံၣ်စရ့ လးအစီၤပၤအလံာ်ကွဲးနီၣ်တၢ်အပူၤ,တမ့ၢ်ဘၣ်ဧါ.
28 ဒီးစီၤဧိၣ်ရံၤမံဝဲ ဒီးအပၢ်တဖၣ်, ဒီးပှၤခူၣ်လီၤကွံာ်အီၤ လၢၡၤမရံအပူၤ, ဒီးအဖိခွါစီၤအၤဃာ်ကဲထီၣ်စီၤပၤလၢ အလီၢ်န့ၣ်လီၤ.
29 ဒီးလၢယူဒၤအစီၤပၤအၤစါအနံၣ်ပှဲၤထီၣ် သၢဆံဃိး နံၣ်တနံၣ်န့ၣ်စီၤဧိၣ်ရံၤအဖိခွါစီၤအၤဃာ် ကဲသီစီၤပၤ လၢအံၣ်စရ့လးအဖီခိၣ်, ဒီးစီၤဧိၣ်ရံၤအဖိခွါစီၤအၤဃာ် ကဲစီၤပၤလၢအံၣ်စရ့လးအဖီခိၣ် လၢၡၤမရံအပူၤခံဆံခံ နံၣ်လီၤ.
30 ဒီးစီၤဧိၣ်ရံၤအဖိခွါစီၤအၤဃာ် မၤတၢ်အၢလၢယွၤအ မဲာ်ညါနးန့ၢ် ကယဲၢ် ပှၤလၢအအိၣ်ဝဲ လၢအမဲာ်ညါခဲ လၢာ်တက့ၢ်လီၤ.
31 ဒီးတၢ်မၤအသးလၢအပာ်အလဲၤတၢ်လၢ စီၤနဘးအ ဖိခွါစီၤယၤရၤဘၣ်အတၢ်ဒဲးဘးအပူၤ လၢတၢ်အဖှံ, ဒီး ဟံးန့ၢ်အမါလၢပှၤစံဒိၣ်ဖိအစီၤပၤ အ့သဘၤလးအဖိမုၣ် နီၢ်အံၤစ့ဘ့ၤလး,ဒီးလဲၤဝဲ, ဒီးမၤဘဧၤလးအတၢ်,ဒီးဘူၣ်
32 ထီၣ်ဘါထီၣ်အီၤလီၤ. ဒီးမၤတၢ်လုၢ်လီၢ်လၢဘဧၤလး အဂီၢ်လၢဘဧၤလးအဟံၣ်ပူၤလၢအမၤဝဲလၢ ၡၤမရံအ ပူၤလီၤ.
33 ဒီးစီၤအၤဃာ်တ့အရှ့ရၤအဂီၤ, ဒီးတၢ်ထိၣ်ဂဲၤယွၤအံၣ် စရ့လးအကစၢ်အသးထီၣ်န့ၣ် စီၤအၤဃာ်မၤအါန့ၢ်က ယဲၢ်အံၣ်စရ့လးအစီၤပၤလၢအအိၣ်ဝဲလၢ အမဲာ်ညါခဲ လၢာ်တက့ၢ်လီၤ.
34 လၢအမုၢ်နံၤတဖၣ်န့ၣ် ပှၤဘ့ၤသ့လးဖိစီၤဃံၤအ့လး တ့ယရံၤဃိလီၤ. ပာ်ဝဲအခီၣ်ထံးလၢအဖိဝဲၢ်ကိစီၤအဘံ ရၣ်, ဒီးဘိးဆၢထၢၣ်အတြဲၤလၢအဖိသဒါစီၤစကံာ်,ဒ် ယွၤအကလုၢ်လၢအကတိၤဝဲလၢ စီၤနိၣ်အဖိခွါစီၤယိၤ ရှူအစုပူၤန့ၣ်လီၤ.