15
1 ဒီးစီၤနဘးအဖိခွါ စီၤပၤယၤရၤဘၣ်အနံၣ်ပှဲၤထီၣ်တ ဆံဃိးနံၣ်တနံၤန့ၣ်စီၤအဘံယၣ်ကဲထီၣ်စီၤပၤ လၢယူ ဒၤအဖီခိၣ်န့ၣ်လီၤ.
2 ဒီးကဲစီၤပၤသၢနံၣ်လၢယရူၤၡလ့ၣ် အပူၤ, ဒီးအမိၢ်အမံၤမ့ၢ်နီၢ်မၤကၤ,စီၤအးဘၡါလိၣ်အဖိ မုၣ်န့ၣ်လီၤ.
3 ဒီးလဲၤဝဲလၢအပၢ်အတၢ်ဒဲးဘးလၢ အမၤဝဲလၢအမဲာ် ညါခဲလၢာ်အပူၤ, ဒီးအသးတလၢတပှဲၤဘၣ်ဒီးယွၤဒ်အ ပၢ်စီၤဒၤဝံးအသးအသိးန့ၣ်ဘၣ်.
4 ဘၣ်ဆၣ်ဒီးလၢစီၤ ဒၤဝံးအဃိန့ၣ်ယွၤ, အကစၢ်ဟ့ၣ်လီၤအီၤလၢမ့ၣ်အူဒၢ တဖျၢၣ်လၢယရူၤၡလ့ၣ်အပူၤ ဒ်သိးအကပာ်လီၤအဖိခွါ လၢအလီၢ်ခံန့ၣ် ဒီးမၤဂၢၤမၤကျၢၤယရူၤၡလ့ၣ်န့ၣ်လီၤ.
5 အဂ့ၢ်ဒ်အံၤ, စီၤဒၤဝံးမၤတၢ်အလိၤလၢယွၤအမဲာ်,ဒီး တဃၣ်ကွံာ်အသးလၢတၢ်လၢအမၤလိာ်အီၤ နီတမံၤ တစိၤဒၣ်အီၤလီၤ. ဃၣ်ကွံာ်အသးထဲလၢတၢ်ဘၣ်ဃး ဒီးပှၤဃ့ၤသးဖိစီၤအူၤရံယၤတမံၤဧိၤလီၤ.
6 ဒီးတၢ်ဒုးသုးအိၣ်ဝဲလၢစီၤရဃၤဘၣ် ဒီးစီၤယၤရၤဘၣ် အဘၢၣ်စၢၤတစိၤဒၣ်အီၤလီၤ.
7 ဒီးတၢ်အိၣ်လီၤတဲာ်ဘၣ်ဃးဒီး စီၤအဘံယၣ်, ဒီးက ယဲၢ်တၢ်လၢအမၤဝဲန့ၣ်ကွဲးအသးလၢ ယူဒၤအစီၤပၤအ လံာ်ကွဲးနီၣ်တၢ်အပူၤ,တမ့ၢ်ဘၣ်ဧါ. ဒီးတၢ်ဒုးသုးအိၣ် ဝဲလၢစီၤအဘံယၣ်ဒီးစီၤယၤရၤဘၣ်အဘၢၣ်စၢၤန့ၣ်လီၤ.
8 ဒီးစီၤအဘံယၣ်မံဝဲဒီးအပၢ်တဖၣ်, ဒီးပှၤခူၣ်လီၤကွံာ် အီၤလၢစီၤဒၤဝံးအဝ့ၢ်ပူၤ, ဒီးအဖိခွါစီၤအၤစါကဲထီၣ်စီၤ ပၤလၢအလီၢ်လီၤ.
9 ဒီးအံၣ်စရ့လးအစီၤပၤစီၤယၤရၤဘၣ်အနံၣ် ပှဲၤထီၣ်ခံ ဆံ, စီၤအၤစါကဲထီၣ်စီၤပၤလၢယူဒၤအဖီခိၣ်န့ၣ်လီၤ.
10 ဒီးကဲစီၤပၤလၢယရူၤၡလ့ၣ်အပူၤလွံၢ်ဆံတနံၣ်, ဒီးအ မိၢ်အမံၤမ့ၢ်နီၢ်မၤကၤ, စီၤအးဘၡါလိၣ်အဖိမုၣ်လီၤ.
11 ဒီးစီၤအၤစါမၤတၢ်လၢအလိၤလၢယွၤအမဲာ်, ဒ်အပၢ် စီၤဒၤဝံးအသိးန့ၣ်လီၤ.
12 ဒီးမၤဟးဂီၤကွံာ်ပှၤအဲၣ်ပကၢၤ ဖိလၢကီၢ်ပူၤန့ၣ်, ဒီးသုးကွံာ်တၢ်ဂီၤ လၢအပၢ်တ့ဝဲခဲ လၢာ်လီၤ.
13 ဒီးသုးကွံာ်အမိၢ်နီၢ်မၤကၤဒၣ်လဲာ်လၢနီၢ် ပၤမုၣ်အလီၢ်လၢအတ့အရှ့ရၤအဂီၤအဃိန့ၣ်လီၤ. ဒီးစီၤ အၤစါမၤဟးဂီၤကွံာ်အတၢ်ဂီၤ, ဒီးဆူးထီၣ်ကွံာ်အီၤလၢ ထံကျိကံဒြိၣ်အနံၤလီၤ.
14 ဒီးတၢ်အလီၢ်ထီၣ်ထီတဖၣ်န့ၣ် တဘၣ်တၢ်သုးကွံာ် ဘၣ်. ဘၣ်ဆၣ်ဒီးစီၤအၤစါ အသးအိၣ်ဝဲဒီဖျၢၣ်ညါဒီး ယွၤတစိၤဒၣ်အီၤလီၤ.
15 ဒီးဟဲစိာ်တၢ်လၢအပၢ်မၤဘူၣ် ဝဲ, ဒီးတၢ်လၢအမၤဘူၣ်အကစၢ်ဒၣ်ဝဲတဖၣ် ဆူယွၤအ ဟံၣ်ပူၤ, ကျိၣ်ဧိၤစ့ဧိၤ, ဒီးထူဧိၤလွဲဧိၤ, ဒီးတၢ်အဃၢၤအ ဃိၢ်လီၤ.
16 ဒီးတၢ်ဒုးသုးအိၣ်ဝဲလၢ စီၤအၤစါဒီးအံၣ်စရ့လးအစီၤ ပၤဘါၡၤတစိၤဒၣ်အီၤလီၤ.
17 ဒီးအံၣ်စရ့လးအစီၤပၤဘါ ၡၤန့ၣ်လဲၤထီဒါယူဒၤ, ဒီးတ့ရၤမါဒ်သိးအကတြီပှၤလဲၤ ထီၣ်ဒီးဟဲနုာ်လၢယူဒၤအစီၤပၤအၤစါအအိၣ်လီၤ.
18 ဒီးစီၤအါစၤဟံးန့ၢ်ကျိၣ်ဧိၤစ့ဧိၤ, ဒီးထူဧိၤလွဲဧိၤ,လၢအ အိၣ်လီၤတဲာ်လၢယွၤအဟံၣ်ပူၤ အပာ်ဖှိၣ်အလီၢ်,ဒီးလၢ စီၤပၤအဟံၣ်ပူးအပာ်ဖှိၣ်အလီၢ်, ဒီးဟ့ၣ်လီၤအီၤလၢအ ခ့အပှၤအစုပူၤ, ဒီးစီၤပၤအၤစါဟ့ၣ်ယုၢ်အီၤဆူစူၤရံအစီၤ ပၤဘ့ၣ်ဟဒး, စီၤတၤဘြံမိၣ်အဖိခွါ,စီၤဃ့စိၣ်အဖိခွါလၢ အအိၣ်ဝဲဆိးဝဲလၢဒၤမ့ၤစ့းအပူၤ,ဒီးစံးဝဲဒၣ်,
19 တၢ်အၢၣ် လီၤအီလီၤအိၣ်ဝဲဒီးယၤဒီးနၤ, ဒီးယပၢ်ဒီးနပၢ်လီၤ.ကွၢ်, ကွၢ်, ယဟ့ၣ်ယုၢ်နၤလၢခိၣ်ဖး, ကျိၣ်ဧိၤစ့ဧိၤ,ဒီးထူဧိၤ လွဲဧိၤလီၤ. ဟဲဒီးမၤဟးဂီၤနတၢ်အၢၣ်လီၤအီလီၤဒီးအံၣ် စရ့လးအစီၤပၤဘါၡၤ ဒ်သိးအကဟးထီၣ်ကွံာ်လၢယ အိၣ်တက့ၢ်.
20 ဒီးစီၤဘ့ၣ်ဟဒးဒိကနၣ်စီၤပၤအၤစါအကလုၢ်, ဒီးမၢ လီၤပှၤသုးမုၢ်အခိၣ်တဖၣ်လၢ အအိၣ်ဒီးအီၤထီဒါအံၣ်စ ရ့လးအဝ့ၢ်တဖၣ်, ဒီးကျီကွံာ်ဧံၤယိၣ်,ဒီးဒၣ်,ဒီးအၤဘ့ၤ လးဘ့ၤသမၤကၤ, ဒီးကံးန့ၤရ့သးဒီဘ့ၣ်ညါ, ဒီးကီၢ်နး သးလံဒီဘ့ၣ်ညါလီၤ.
21 ဒီးတုၤစီၤဘါၡၤနၢ်ဟူဝဲဒီး, တၢ်မၤအသးလၢအတ့ရၤ မါန့ၣ်အိၣ်ကတီၢ်ဝဲ, ဒီးအိၣ်ဝဲလၢတံးရစၢ်အပူၤလီၤ.
22 ဒီးစီၤပၤအၤစါဒုးကိးထီၣ်တၢ် လၢယူဒၤဒီဘ့ၣ်ညါ (တဒုးပူၤဒုးဖျဲဘၣ်နီတဂၤဘၣ်), ဒီးပှၤစိာ်ထီၣ်ကွံာ်ရၤ မါအလၢၢ်တဖၣ်, ဒီးအသ့ၣ်တဖၣ်လၢစီၤဘါၡၤမၤဝဲ လၢအီၤလီၤ. ဒီးစီၤပၤအၤစါတ့က့ဘၤဘံၣ်ယၤမံၣ်,ဒီးမံး စပၤလၢအီၤလီၤ.
23 ဒီးတၢ်အိၣ်လီၤတဲာ်ဘၣ်ဃးဒီးစီၤအၤစါ, ဒီးအစိအ ကမီၤခဲလၢာ်, ဒီးကယဲၢ်တၢ်လၢအမၤဝဲဒီးခူဧိၤဝ့ၢ်ဧိၤလၢ အတ့ဝဲန့ၣ်ကွဲးအသးလၢယူဒၤစီၤပၤအလံာ်ကွဲးနီၣ်တၢ် အပူၤ,တမ့ၢ်ဘၣ်ဧါ. ဘၣ်ဆၣ်ဒီးလၢအသးပှၢ်အကတီၢ် န့ၣ်အခီၣ်ဆါလီၤ.
24 ဒီးစီၤအၤစါမံဝဲဒီးအပၢ်တဖၣ်, ဒီးပှၤခူၣ်လီၤကွံာ်အီၤ ဒီးအပၢ်တဖၣ်လၢအပၢ်စီၤဒၤဝံးအဝ့ၢ်ပူၤ, ဒီးအဖိခွါစီၤ ယဟိၡၤဖးကဲထီၣ်စီၤပၤလၢအလီၢ်န့ၣ်လီၤ.
25 ဒီးယူဒၤအစီၤပၤအၤစါ အနံၣ်ပှဲၤထီၣ်ခံနံၣ်တနံၣ်န့ၣ် စီၤယၤရၤဘၣ်အဖိခွါစီၤနၤဒးကဲသီစီၤပၤလၢ အံၣ်စရ့ လးအဖီခိၣ်, ဒီးကဲစီၤပၤလၢအံၣ်စရ့လးအဖီခိၣ်ခံနံၣ် လီၤ.
26 ဒီးမၤတၢ်အၢလၢယွၤအမဲာ်ညါ,ဒီးလဲၤတၢ်လၢ အပၢ်အကျဲပူၤ, ဒီးလၢအတၢ်ဒဲးဘးအပူၤလၢအဒုးမၤ အံၣ်စရ့လးလၢတၢ်ဒဲးဘးလီၤ.
27 ဒီးစီၤယံးစၣ်ကၢ်အပှၤဟံၣ်ဖိ စီၤအဃံယၤအဖိခွါစီၤ ဘါၡၤကူၣ်ထီၣ်တၢ်ထီဒါအီၤ, ဒီးစီၤဘါၡၤကျီကွံာ်အီၤ လၢကံးဘသိၣ်အပူၤလၢ အဘၣ်ဃးဒီးပှၤဖလ့ၡသးဖိ, (အဂ့ၢ်ဒ်အံၤ,စီၤနၤဒး, ဒီးအံၣ်စရ့လးခဲလၢာ်ကဝီၤဃာ် ကံးဘသိၣ်),
28 ဒီးလၢယူဒၤအစီၤပၤအၤစါအနံၣ်ပှဲၤထီၣ် သၢနံၣ်တနံၣ်န့ၣ် စီၤဘါၡၤမၤသံအီၤ,ဒီးကဲထီၣ်စီၤပၤ လၢအလီၢ်န့ၣ်လီၤ.
29 ဒီးတုၤအကဲစီၤပၤဒီး, တၢ်မၤအသးလၢအကျီကွံာ်စီၤ ယၤရၤဘၣ်အပှၤဟံၣ်ဖိခဲလၢာ်, မၤဟးဂီၤကွံာ်အီၤ,တ ပာ်လီၤတဲာ်ဘၣ်ပှၤအသါလၢ စီၤယၤရၤဘၣ်အဂီၢ်နီတ ဂၤဘၣ်, ဒ်ယွၤအကလုၢ်လၢအကတိၤဝဲလၢအခ့အပှၤ, ပှၤၡံလိၤဖိ စီၤအဃံယၤအစုပူၤအသိးန့ၣ်လီၤ.
30 မ့ၢ်စီၤ ယၤရၤဘၣ်အတၢ်ဒဲးဘး, ဒီးလၢအဒုးမၤအံၣ်စရ့လး လၢတၢ်ဒဲးဘးလၢအတၢ်ထိၣ်ဂဲၤလၢ အထိၣ်ဂဲၤ ယွၤအံၣ်စရ့လးအကစၢ် အသးထီၣ်န့ၣ်အဃိလီၤ.
31 ဒီးတၢ်အိၣ်လီၤတဲာ်ဘၣ်ဃးဒီး စီၤနၤဒး, ဒီးကယဲၢ် တၢ်လၢအမၤဝဲခဲလၢာ်, ကွဲးအသးလၢအံၣ်စရ့လးအစီၤ ပၤအလံာ်ကွဲးနီၣ်တၢ်အပူၤ, တမ့ၢ်ဘၣ်ဧါ.
32 ဒီးတၢ်ဒုးသုးအိၣ်ဝဲလၢ စီၤအၤစါဒီးအံၣ်စရ့လးအစီၤ ပၤဘါၡၤတစိၤဒၣ်အီၤလီၤ.
33 ဒီးလၢယူဒၤအစီၤပၤအၤစါ အနံၣ်ပှဲၤထီၣ်သၢနံၣ်တ နံၣ်န့ၣ် စီၤအဃံယၤအဖိခွါ စီၤဘါၡၤကဲသီစီၤပၤလၢ အံၣ်စရ့လးခဲလၢာ်အဖီခိၣ် လၢတံးရစၢ်အပူၤခံဆံလွံၢ် နံၣ်လီၤ.
34 ဒီးမၤတၢ်အၢလၢယွၤအမဲာ်ညါ, ဒီးလဲၤတၢ် လၢစီၤယၤရၤဘၣ်အကျဲ, ဒီးလၢအတၢ်ဒဲးဘးအပူၤလၢ အဒုးမၤအံၣ်စရ့လးလၢတၢ်ဒဲးဘးလီၤ.