9
1 ဒီးလဲၤပူၤကွံာ်တၢ်အဖၢမုၢ်ဒီး, ထံၣ်ပှၤမဲာ်ဘျီၣ်လၢအ အိၣ်ဖျဲၣ်မဲာ်ဘျီၣ်တဂၤလီၤ.
2 ဒီးအပျဲၢ်အဘီၣ်သံကွၢ်အီၤ ဒီးစံးဝဲဒၣ်, ရၤဘံဧၢ, မ့ၢ်မတၤမၤတၢ်ဒဲးဘးလၢပှၤတဂၤ အံၤကအိၣ်ဖျဲၣ်အမဲာ်ဘျီၣ်လဲၣ်. မ့ၢ်ပှၤတဂၤအံၤ, မ့ၢ်အ မိၢ်အပၢ်လဲၣ်.
3 ဒီးယ့ၣ်ရှူးစံးဆၢဝဲဒၣ်, အဝဲဒၣ်မ့ၢ်ဂ့ၤ, အမိၢ်အပၢ်မ့ၢ်ဂ့ၤ, တမၤဘၣ်တၢ်ဒဲးဘးဘၣ်. မ့ၢ်ဒ်သိးယွၤ အတၢ်မၤ ကအိၣ်ဖျါလၢအလိၤလီၤ.
4 ပှၤလၢအမၢလီၤ ယၤတဂၤအတၢ်မၤန့ၣ်ယဘၣ်မၤလၢမုၢ်ဆါခီလီၤ. မုၢ်နၤ လၢပှၤမၤတၢ်တသ့ဘၣ်နီတဂၤဘၣ်ကဟဲဝဲလီၤ.
5 ဖဲယ အိၣ်လၢဟီၣ်ခိၣ်အဖၢမုၢ်ဒီး, ယမ့ၢ်ဟီၣ်ခိၣ်အကပီၤလီၤ.
6 စံးတၢ်န့ၣ်ဒီး, ထူးပှဲာ်ဟီၣ်ခိၣ်, ဒီးမၤကပံာ်လၢအထူး ပျ့ၤ, ဒီးပဲလီၤကပံာ်လၢပှၤမဲာ်ဘျီၣ်အမဲာ်,
7 ဒီးစံးဘၣ် အီၤ, လဲၤဆူနိၣ်ၡံလိၤ, (အခီပညီမ့ၢ်တၢ်မၢလီၤ), ဒီးပျၢ် ကွံာ်တက့ၢ်. မၤသးဒ်န့ၣ်ဒီးအဝဲဒၣ်လဲၤပျၢ်ကွံာ် ဒီးထံၣ် ထီၣ်တၢ်ဒီးဟဲက့ၤဝဲလီၤ.
8 ဒီးပှၤအိၣ်လၢအဃၢၤ, ဒီးပှၤလၢအထံၣ်တ့ၢ်အီၤလၢ အမဲာ်ဘျီၣ်န့ၣ်, စံးဝဲဒၣ်, အဝဲအံၤမ့ၢ်ပှၤလၢအဆ့ၣ်နီၤဃ့ အီၣ်တၢ်, တမ့ၢ်ဘၣ်ဧါ.
9 အဂၤတနီၤစံးဝဲဒၣ်, မ့ၢ်အဝဲ ဒၣ်သၢၣ်. အဂၤတနီၤစံးဝဲဒၣ်, မ့ၢ်အလီၤဂာ်လၢအဝဲဒၣ် န့ၣ်လီၤ. အကစၢ်စံးဝဲဒၣ်, မ့ၢ်ယၤလီၤ.
10 မၤသးဒ်န့ၣ်ဒီး အဝဲသ့ၣ်စံးဘၣ်အီၤ, နမဲာ်အိးထီၣ်အသးဒ်လဲၣ်.
11 ဒီး ကတိၤဆၢတၢ်ဒီးစံးဝဲဒၣ်, ပှၤကိးဝဲအမံၤလၢယ့ၣ်ရှူးတဂၤ န့ၣ်, မၤကပံာ်ဒီးပဲလီၤယမဲာ်, ဒီးစံးဘၣ်ယၤ, လဲၤဆူနိၣ် ၡံလိၤ, ဒီးပျၢ်ကွံာ်တက့ၢ်. ဒီးယလဲၤပျၢ်ကွံာ်ဒီးယထံၣ် ထီၣ်တၢ်လီၤ.
12 မၤသးဒ်န့ၣ်ဒီးအဝဲသ့ၣ်စံးဘၣ်အီၤ, မ့ၢ် အအိၣ်ဖဲလဲၣ်. ဒီးစံးဝဲဒၣ်, ယတသ့ၣ်ညါဘၣ်.
13 ဒီးအဝဲသ့ၣ်လဲၤဆှၢ ပှၤလၢအမဲာ်ဘျီၣ်တ့ၢ်တဂၤ, ဆူ ပှၤဖၤရံၤၡဲအအိၣ်လီၤ.
14 ဒီးလၢယ့ၣ်ရှူးမၤကပံာ် ဒီးအိး ထီၣ်အမဲာ်န့ၣ်, မ့ၢ်အိၣ်ဘှံးအနံၤလီၤ.
15 မၤသးဒ်န့ၣ်ဒီး ပှၤဖၤရံၤၡဲသ့ၣ်တဖၣ်သံကွၢ်ကဒီးအီၤ, မ့ၢ်နထံၣ်ထီၣ်တၢ် ဒ်လဲၣ်. ဒီးအဝဲဒၣ်စံးဘၣ်အီၤ, ပဲလီၤယမဲာ်လၢကပံာ်, ဒီးယပျၢ်ကွံာ်ဒီးယထံၣ်ထီၣ်တၢ်လီၤ.
16 မၤသးဒ်န့ၣ်ဒီးပှၤ ဖၤရံၤၡဲတနီၤနီၤစံးဝဲဒၣ်, ပှၤတဂၤန့ၣ်တတိၢ်န့ၢ်ဘၣ်အိၣ် ဘှံးအနံၤဘၣ်ဒီး, တဘၣ်ဃးဘၣ်ဒီးယွၤဘၣ်လီၤ. အဂၤ တနီၤစံးဝဲဒၣ်, ပှၤတၢ်ဒဲးဘးဖိမၤတၢ်လီၤလးထဲအံၤကသ့ ဒ်လဲၣ်. ဒီးဖုၣ်ထံၣ်ဖုၣ်ထီလိာ်အသးတကူၢ်သ့ၣ်လီၤ.
17 ဒီး စံးဘၣ်ကဒီးပှၤမဲာ်ဘျီၣ်, အဝဲဒၣ်လၢအအိးထီၣ်နမဲာ်အ ဃိဒီး, နစံးနဲလၢအဂ့ၢ်အကျိၤဒ်လဲၣ်. ဒီးစံးဝဲဒၣ်, မ့ၢ်ဝံတ ဂၤလီၤ.
18 ဒီးပှၤယူဒၤဖိ, တချုးအကိးဒံးဘၣ်ပှၤလၢအထံၣ်ထီၣ် တၢ်တဂၤအမိၢ်အပၢ်ဒီး, တနာ်ဘၣ်လၢအမဲာ်ဘျီၣ်တ့ၢ် ဒီးထံၣ်ထီၣ်က့ၤတၢ်န့ၣ်ဘၣ်.
19 ဒီးသံကွၢ်အီၤဒီးစံးဝဲဒၣ်, အဝဲအံၤမ့ၢ်သုဖိခွါ, လၢသုစံးလၢအအိၣ်ဖျဲၣ်မဲာ်ဘျီၣ်န့ၣ် ဧါ. မၤသးဒ်န့ၣ်ဒီး မ့ၢ်အထံၣ်ထီၣ်တၢ်ခဲကနံၣ်အံၤ ဒ် လဲၣ်.
20 အမိၢ်အပၢ်ကတိၤဆၢအီၤဒီးစံးဝဲဒၣ်, ပသ့ၣ်ညါ လၢအဝဲအံၤမ့ၢ်ပဖိခွါ, ဒီးလၢအအိၣ်ဖျဲၣ်မဲာ်ဘျီၣ်လီၤ.-
21 ဘၣ်ဆၣ်ဒီးမ့ၢ်အထံၣ်ထီၣ်တၢ်ခဲကနံၣ်အံၤ ဒ်လဲၣ်ဒ်လဲၣ် န့ၣ်, ပတသ့ၣ်ညါဘၣ်. ဒီးမ့ၢ်မတၤအိးထီၣ်အမဲာ်တဂၤ န့ၣ်, ပတသ့ၣ်ညါဘၣ်. အဝဲဒၣ်န့ၣ်ဒိၣ်တုာ်ခိၣ်ပှဲၤလံ. သံကွၢ်အီၤတက့ၢ်. ကကတိၤတၢ်လၢအဂီၢ်ဒၣ်ဝဲလီၤ.
22 အမိၢ်အပၢ်ပျံၤပှၤယူဒၤဖိဒီး, စံးတၢ်တဖၣ်န့ၣ်လီၤ. အဂ့ၢ် ဒ်အံၤ, ပှၤယူဒၤဖိတဖၣ်ပာ်လီၤအသး လၢပှၤတဂၤဂၤ မ့ၢ်အၢၣ်လီၤအီလီၤလၢခရံာ်န့ၣ်ဒီး, ကဘၣ်တၢ်ဟီထီၣ် ကွံာ်လၢဘူၣ်ဘျီၣ်ပူၤလီၤ.
23 မ်ဒ်န့ၣ်ဒီးအမိၢ်အပၢ်စံးဝဲလၢ အဒိၣ်တုာ်ခိၣ်ပှဲၤလံ. သံကွၢ်လၢအီၤတက့ၢ်.
24 မၤသးဒ်န့ၣ်ဒီးအဝဲသ့ၣ်တဖၣ်ကိးန့ၢ်ခံစုတစု ပှၤလၢ အမဲာ်ဘျီၣ်န့ၣ်ဒီးစံးဘၣ်အီၤ, မၤလၤကပီၤယွၤတက့ၢ်. ပ သ့ၣ်ညါလၢပှၤတဂၤအံၤမ့ၢ်ပှၤတၢ်ဒဲးဘးဖိလီၤ.
25 မၤသး ဒ်န့ၣ်ဒီးအဝဲဒၣ်ကတိၤဆၢတၢ်ဒီးစံးဝဲဒၣ်, ပှၤတဂၤအံၤ မ့ၢ်ပှၤတၢ်ဒဲးဘးဖိဧါ, ယတသ့ၣ်ညါဘၣ်. တၢ်တမံၤလၢ ယမ့ၢ်တ့ၢ်ပှၤမဲာ်ဘျီၣ်ဒီး ခဲကနံၣ်အံၤယထံၣ်ထီၣ်တၢ်န့ၣ်, ယသ့ၣ်ညါလီၤ.
26 ဒီးအဝဲသ့ၣ်စံးဘၣ်ကဒီးအီၤ, မ့ၢ်အမၤ နၤလၢမနုၤလဲၣ်. မ့ၢ်အအိးထီၣ်နမဲာ်ဒ်လဲၣ်.
27 အဝဲဒၣ် ကကတိၤဆၢအီၤဒီးစံးဝဲဒၣ်, ယစံးဘၣ်တဲဘၣ်လံမးသု တစုလံ, ဒီးသုတကနၣ်ဘၣ်. တၢ်မိၣ်နၢ်ဟူကဒီးသုသး ဘၣ်မနုၤလဲၣ်. တၢ်မိၣ်ကဲထီၣ်သုသးလၢ အပျဲၢ်အဘီၣ် ဧါ.
28 ဒီးအဝဲသ့ၣ်ဒုၣ်ဒွဲၣ်အီၤဒီးစံးဝဲဒၣ်, နဲဒၣ်အံၤနမ့ၢ်အ ဝဲန့ၣ်အပျဲၢ်အဘီၣ်, မ့မ့ၢ်ပဝဲဒၣ်အံၤ, ပမ့ၢ်စီၤမိၤရှ့အပျဲၢ် အဘီၣ်လီၤ.
29 ပသ့ၣ်ညါလၢယွၤကတိၤတၢ်ဒီး စီၤမိၤရှ့ လီၤ. မ့မ့ၢ်အဝဲတဂၤအံၤ, မ့ၢ်အအိၣ်ထီၣ်လၢလဲၣ်လၢလဲၣ် န့ၣ်, ပတသ့ၣ်ညါဘၣ်.
30 ပှၤကညီတဂၤန့ၣ်ကတိၤဆၢ တၢ်ဒီးစံးဘၣ်အီၤ, အအံၤမ့ၢ်တၢ်ကမၢကမၣ်အလီၢ်လီၤ. အဂ့ၢ်ဒ်အံၤ, မ့ၢ်အအိးထီၣ်နာ်သက့ယမဲာ်ဒီး, အိၣ်ထီၣ် လၢလဲၣ်လၢလဲၣ်န့ၣ်, သုတသ့ၣ်ညါဘၣ်.
31 ဘၣ်ဆၣ်ဒီး ပသ့ၣ်ညါလၢပှၤတၢ်ဒဲးဘးဖိတဖၣ်န့ၣ်, ယွၤတဒိကနၣ် ဘၣ်ဝဲဘၣ်. မ့မ့ၢ်ပှၤလၢအယူးယီၣ်ယွၤ, ဒီးမၤဝဲဖဲယွၤအ သးတဂၤန့ၣ်, ယွၤဒိကနၣ်အကလုၢ်လီၤ.
32 တၢ်အိးထီၣ် ပှၤအိၣ်ဖျဲၣ်မဲာ်ဘျီၣ်တဂၤအမဲာ်န့ၣ် လၢဟီၣ်ခိၣ်ခီၣ်ထံး လံၤလံၤ ပှၤတနၢ်ဟူဘၣ်နီတခီၣ်ဘၣ်.
33 အဝဲဒၣ်မ့ၢ်တ ဘၣ်ဃးဘၣ်ဒီးယွၤဘၣ်ဒီး, မၤတၢ်တသ့နီတမံၤဘၣ်.-
34 ဒီးအဝဲသ့ၣ်ကတိၤဆၢတၢ်ဒီးစံးဘၣ်အီၤ, နဲဒၣ်အံၤ,နအိၣ် ဖျဲၣ်လၢတၢ်ဒဲးဘးအပူၤလၢာ်လ့ၤတက့ၤဒီး,မ့ၢ်နသိၣ်က့ၤ ပှၤဧါ. ဒီးဟီထီၣ်ကွံာ်အီၤလီၤ.
35 ဒီးယ့ၣ်ရှူးနၢ်ဟူလၢအဘၣ်တၢ်ဟီထီၣ်ကွံာ်, ဒီးထံၣ်န့ၢ်အီၤ, ဒီးစံးဘၣ်အီၤ, ယွၤအဖိခွါန့ၣ်နနာ်စ့ၢ်ကီးဧါ.-
36 ဒီးအဝဲဒၣ်ကတိၤဆၢတၢ်ဒီးစံးဘၣ်အီၤ, ကစၢ်ဧၢ, ဒ်သိး ယကနာ်အီၤဒီး, မ့ၢ်အမ့ၢ်မတၤတဂၤလဲၣ်.
37 ဒီးယ့ၣ်ရှူး စံးဘၣ်အီၤ, နထံၣ်အီၤ, ဒီးပှၤလၢအကတိၤတၢ်ဒီးနၤ အံၤ, မ့ၢ်အဝဲဒၣ်လီၤ.
38 ဒီးစံးဝဲဒၣ်, ကစၢ်ဧၢ, ယနာ်လီၤ. ဒီးဘူၣ်ထီၣ်ဘါထီၣ်အီၤလီၤ.
39 ဒီးယ့ၣ်ရှူးစံးဝဲဒၣ်, ပှၤလၢအတထံၣ်ဘၣ် တၢ်တဖၣ် န့ၣ်, ဒ်သိးအကထံၣ်တၢ်, ဒီးပှၤလၢအထံၣ်တၢ်တဖၣ် န့ၣ်, ဒ်သိးအမဲာ်ကဘျီၣ်ဒီး, ယဟဲဆူဟီၣ်ခိၣ်အံၤ, လၢ တၢ်စံၣ်ညီၣ်အဂီၢ်လီၤ.
40 ဒီးပှၤဖၤရံၤၡဲလၢအအိၣ်ဒီးအီၤ တနီၤနီၤနၢ်ဟူဝဲဒီးစံးဘၣ်အီၤ, ပဝဲဒၣ်အံၤ, ပမဲာ်ဘျီၣ် စ့ၢ်ကီးဧါ. ယ့ၣ်ရှူးစံးဘၣ်အီၤ, သုမဲာ်မ့ၢ်ဘျီၣ်ဒီးသုတၢ် ဒဲးဘးတအိၣ်ဘၣ်. မ့မ့ၢ်ခဲကနံၣ်အံၤ, သုစံးလၢသုထံၣ် တၢ်, မၤသးဒ်န့ၣ်ဒီး, သုတၢ်ဒဲးဘးအိၣ်ဒၣ်တၢ်လီၤ.