10
1 ယစံးဘၣ်တဲဘၣ်သု တီတီလိၤလိၤ, ပှၤလၢအတဟဲ နုာ်ဘၣ်လၢ သိကရၢအကျဲစၢၤဘၣ်, ဒီးဟဲခါပတာ်အ လီၢ်တပူၤဒၣ်န့ၣ်, မ့ၢ်တၢ်ဟုၣ်တၢ်ဘျၣ်ဒီး တမျိးတမျာ် လီၤ.
2 မ့မ့ၢ်ပှၤလၢအဟဲနုာ်လၢကျဲစၢၤတဂၤန့ၣ်, မ့ၢ်ပှၤ ကွၢ်သိလီၤ.
3 ဒီးပှၤပၢၤကျဲစၢၤတဂၤန့ၣ်အိးထီၣ်န့ၢ်အဂီၢ်, ဒီးအသိတဖၣ်န့ၣ်ကနၣ်အကလုၢ်, ဒီးကိးထီၣ်အသိဒၣ် ဝဲလၢအမံၤ, ဒီးဟးထီၣ်ယုၤအီၤလီၤ.
4 တုၤအဒုးဟးထီၣ် အသိဒၣ်ဝဲဒီး, လဲၤဝဲလၢညါ, ဒီးသိန့ၣ်ပိာ်ထီၣ်အခံလီၤ. အဂ့ၢ်ဒ်အံၤ, သ့ၣ်ညါအကလုၢ်လီၤ.
5 မ့မ့ၢ်ပှၤတမှံၤအခံ န့ၣ်တပိာ်ဘၣ်ဝဲဘၣ်. မ့ၢ်အဃ့ၢ်ကွံာ်လၢအအိၣ်လီၤ. အ ဂ့ၢ်ဒ်အံၤ, တသ့ၣ်ညါဘၣ်ပှၤတမှံၤအကလုၢ်ဘၣ်.
6 ယ့ၣ်ရှူးစံးဘၣ်အီၤလၢတၢ်ကတိၤဒိအံၤ ဘၣ်ဆၣ်ဒီး, ပှၤအနၢ်တပၢၢ်ဘၣ်တၢ်လၢအစံးလၢအီၤဘၣ်.
7 မၤသးဒ်န့ၣ်ဒီးယ့ၣ်ရှူးစံးဘၣ်ကဒီးအီၤ, ယစံးဘၣ်တဲ ဘၣ်သုတီတီလိၤလိၤ, ယဲဒၣ်အံၤ, ယမ့ၢ်သိအကျဲစၢၤ လီၤ.
8 ကယဲၢ်ပှၤဟဲဆိလၢယမဲာ်ညါတဂၤလၢ်လၢ်န့ၣ်, မ့ၢ်တၢ်ဟုၣ်တၢ်ဘျၣ်ဒီးတမျိးတမျာ်လီၤ. မ့မ့ၢ်အဝဲသ့ၣ် န့ၣ်, သိတကနၣ်ဘၣ်အကလုၢ်ဘၣ်.
9 ယဲဒၣ်အံၤ, ယမ့ၢ် ကျဲစၢၤလီၤ. မ့ၢ်ယၤသတးဒိး, ပှၤမ့ၢ်ဟဲနုာ်ဝဲဒီး, ကတုၤ လၢတၢ်အုၣ်က့ၤခီၣ်က့ၤအီၤ, ဒီးကနုာ်က့ၤဟးထီၣ်, နုာ် က့ၤဟးထီၣ်ဝဲ, ဒီးကထံၣ်န့ၢ်တၢ်အီၣ်တၢ်အီလီၤ.
10 တၢ် ဟုၣ်တၢ်ဘျၣ်န့ၣ်, မ့တမ့ၢ်ဘၣ်ဒ်သိးအကဟုၣ်တၢ်, ဒီး မၤသံတၢ်, ဒီးမၤဟးဂီၤတၢ်ဒီး, တဟဲဘၣ်ဝဲဘၣ်. မ့မ့ၢ် ယဲဒၣ်အံၤ, ဒ်သိးအကန့ၢ်ဘၣ်တၢ်မူဒီး န့ၢ်ဘါအါအါ ကလဲာ်ဒီး, ယဟဲယဲလီၤ.
11 ယဲဒၣ်အံၤ, ယမ့ၢ်ပှၤကွၢ်သိ, လၢအဂ့ၤတဂၤလီၤ. ပှၤ ကွၢ်သိလၢအဂ့ၤတဂၤန့ၣ်, ပာ်လီၤကွံာ်အသးသမူလၢသိ အဂီၢ်လီၤ.
12 မ့မ့ၢ်ပှၤဒိးလဲအသးဒီး တမ့ၢ်ဘၣ်ပှၤကွၢ်သိ ဘၣ်, လၢသိတမ့ၢ်ဘၣ်အတၢ်ဘၣ်န့ၣ်, တုၤအထံၣ်ထွံၣ် မံၤဟဲဒီး, ဃ့ၢ်သဒၣ်သိ, ဒီးထွံၣ်မံၤဂုာ်အ့ၣ်အီၤ, ဒီးမၤ လီၤပြံလီၤပြါကွံာ်သိတဖၣ်လီၤ.
13 ပှၤဒိးလဲအသးတဂၤ န့ၣ်, မ့ၢ်ပှၤလၢအဒိးလဲအသးအဃိဒီး, အသးတအိၣ် ဘၣ်သိဘၣ်, ဒီးဃ့ၢ်သဒၣ်ကွံာ်ဝဲလီၤ. ယဲဒၣ်အံၤ, ယ မ့ၢ်ပှၤကွၢ်သိလၢအဂ့ၤတဂၤလီၤ.
14 ဒီးယသ့ၣ်ညါယတၢ်, ဒီးယတၢ်သ့ၣ်ညါယၤ,
15 ဒ်ပၢ်သ့ၣ်ညါယၤ, ဒီးယသ့ၣ် ညါပၢ်အသိးန့ၣ်လီၤ. ဒီးယပာ်လီၤကွံာ်ယသးသမူလၢ သိအဂီၢ်လီၤ.
16 ဒီးယသိလၢအဂုၤအဂၤ, လၢအတမ့ၢ် ဘၣ်လၢကရၢအံၤဘၣ်တဖၣ်န့ၣ်, ယဘၣ်ဟဲယုၤအီၤ, ဒီး အဝဲသ့ၣ်ကဒိကနၣ်ယကလုၢ်, ဒီးကကဲထိၣ်သိတဖုဃီ, ပှၤကွၢ်သိတဂၤဃီလီၤ.
17 မၤသးဒ်န့ၣ်ဒီး ယပၢ်အဲၣ်ယၤ လီၤ. အဂ့ၢ်ဒ်အံၤ, မ့ၢ်ယပာ်လီၤကွံာ်ယသးသမူဒ်သိးယ ကဟံးက့ၤအီၤလီၤ.
18 ပှၤတဂုာ်န့ၢ်ပျီန့ၢ်ဘၣ်အီၤလၢယၤ နီတဂၤဘၣ်. မ့ၢ်ယပာ်လီၤကွံာ်ဒၣ်အိၤလီၤ. ယပာ်လီၤ ကွံာ်အီၤသ့, ဒီးယဟံးထီၣ်က့ၤအီၤသ့လီၤ. တၢ်မၤလိာ် န့ၣ်ယဒိးန့ၢ်လၢယပၢ်လီၤ.
19 မၤသးဒ်န့ၣ်ဒီး လၢတၢ်ကတိၤတဖၣ်န့ၣ်အဃိဒီး, ပှၤယူဒၤဖိတဖၣ် မၤထီၣ်ကဒီးအသးဖုၣ်ထံၣ်ဖုၣ်ထီလီၤ.-
20 ဒီးပှၤအါဂၤလၢအကျါစံးဝဲဒၣ်, မ့ၢ်တၢ်နါအိၣ်လၢအလိၤ, ဒီးမ့ၢ်ပှၤအပျုၢ်လီၤ. ဘၣ်မနုၤလၢ သုဒိကနၣ်အကလုၢ် လဲၣ်.
21 အဂၤတနီၤစံးဝဲဒၣ်, တၢ်ကတိၤတဖၣ်အံၤ, တ မ့ၢ်ဘၣ်ပှၤလၢတၢ်နါအိၣ်လၢအလိၤ အတၢ်ကတိၤဘၣ်. တၢ်နါအိးထီၣ်ပှၤမဲာ်ဘျီၣ်အမဲာ်ဘၣ်ကသ့ဧါ.
22 ဒီးဘၣ်တၢ်ဂိၢ်အခါ, ဒီးဘၣ်လၢပှၤမၤဘူၣ်အ့းကဲနံၤ လၢယရူၤၡလ့ၣ်အပူၤ,
23 ဒီးယ့ၣ်ရှူးဟးယဲၤယီၤလၢတၢ် လုၢ်အဟံၣ်ဖဲစီၤၡလိၤမိၤ အတၢ်ခိၣ်ဒုးထီၣ်အသးအပူၤ လီၤ.
24 မၤသးဒ်န့ၣ်ဒီးပှၤယူဒၤဖိ ဟဲအိၣ်တရံးအီၤဒီးစံး ဘၣ်အီၤ, နဲဒၣ်အံၤ, နကမၤဒ့ဒီပသးဆံးယံာ်လဲၣ်. နမ့ မ့ၢ်ခရံာ်ဒီးစံးဘၣ်တဲဘၣ်ပှၤစၢၢ်ဆၢပံၢ်ကလံာ်တက့ၢ်.
25 ဒီးယ့ၣ်ရှူးကတိၤဆၢအီၤ, ယစံးဘၣ်တဲဘၣ်တ့ၢ်သု, ဒီးသုတနာ်ဘၣ်သုဝဲဘၣ်. တၢ်မၤလၢယမၤလၢယပၢ်အ မံၤတဖၣ်န့ၣ်, အုၣ်အသးလၢယဂ့ၢ်ယကျိၤလီၤ.
26 မ့မ့ၢ် သုဝဲသ့ၣ်အံၤ, သုတနာ်ဘၣ်သုဝဲဘၣ်. အဂ့ၢ်ဒ်အံၤ, သု တမ့ၢ်ဘၣ်ယသိဘၣ်.
27 ဒ်ယစံးတ့ၢ်သုအသိးန့ၣ်, ယသိ တဖၣ်ဒိကနၣ်ယကလုၢ်, ဒီးယသ့ၣ်ညါအီၤ, ဒီးအဝဲသ့ၣ် ပိာ်ယခံလီၤ.
28 ဒီးယဟ့ၣ်လီၤအီၤလၢတၢ်မူအထူအယိာ်, ဒီးတဟးဂူာ်ဟးဂီၤဘၣ်ဝဲနီတခီၣ်ဘၣ်.
29 ဒီးပှၤတဂုာ်န့ၢ် ပျီန့ၢ်ဘၣ်အီၤလၢယစုပူၤနီတဂၤဘၣ်. ယပၢ်လၢအဟ့ၣ် လီၤအီၤလၢယၤတဂၤန့ၣ်, ဒိၣ်န့ၢ်ကယဲၢ်တၢ်ခဲလၢာ်, ဒီး ပှၤဂုာ်န့ၢ်ပျီန့ၢ်အီၤလၢယပၢ်အစုပူၤ တသ့နီတဂၤဘၣ်.-
30 ယဲဒၣ်ဒီးယပၢ်န့ၣ်, မ့ၢ်တၢ်တမံၤဃီလီၤ.
31 မၤသးဒ်န့ၣ်ဒီးပှၤယူဒၤဖိတဖၣ်, ဒ်သိးအကကွံာ်ဘၣ် အီၤလၢလၢၢ်ဒီး, ထၢထီၣ်ကဒီးလၢၢ်လီၤ.
32 ဒီးယ့ၣ်ရှူးက တိၤဆၢအီၤ, ယဒုးနဲၣ်သုလၢတၢ်မၤလၢအဂ့ၤအါမံၤလၢ ယပၢ်လံ, ဒီးလၢတၢ်တဖၣ်န့ၣ်အကျါ, မ့ၢ်သုကကွံာ် ယၤလၢလၢၢ်, လၢဖဲလဲၣ်တမံၤအဃိလဲၣ်.
33 ပှၤယူဒၤဖိ ကတိၤဆၢအီၤဒီးစံးဝဲဒၣ်, ပကွံာ်နၤလၢလၢၢ်န့ၣ်, တမ့ၢ် ဘၣ်လၢတၢ်မၤဂ့ၤအဃိဘၣ်. မ့ၢ်လၢတၢ်ဒုၣ်ဒွဲၣ်ယွၤ, ဒီး လၢနမ့ၢ်ပှၤကညီဘၣ်ဆၣ်ဒီး, နပာ်နသးလၢယွၤန့ၣ်အ ဃိလီၤ.
34 ယ့ၣ်ရှူးကတိၤဆၢအီၤ, တၢ်ကွဲးအသးလၢသု တၢ်သိၣ်တၢ်သီအပူၤ, လၢယစံးတ့ၢ်လၢသုမ့ၢ်ကစၢ်သ့ၣ်, တမ့ၢ်ဘၣ်ဧါ.Ref 10.34 စံး. ၈၂း၆
35 ပှၤလၢအဒိးန့ၢ်ယွၤအကလုၢ် ကထါတဖၣ်န့ၣ်, တၢ်မ့ၢ်ကိးအီၤလၢကစၢ်တဖၣ်, ဒီး လံာ်အကလုၢ်န့ၣ်ဟးဂီၤတသ့ဘၣ်သတးဒီး,
36 ပှၤလၢပၢ် ပာ်စီဆှံအီၤ, ဒီးမၢလီၤအီၤဆူဟီၣ်ခိၣ်တဂၤန့ၣ်မ့ၢ်အစံး ဝဲ, ယဲဒၣ်အံၤယမ့ၢ်ယွၤအဖိခွါဒီး, မ့ၢ်သုစံးလၢအဒုၣ်ဒွဲၣ် ယွၤန့ၣ်ဧါ.
37 ယပၢ်အတၢ်မၤန့ၣ်, ယမ့ၢ်တမၤဘၣ်ဒီး, နာ်ယၤတဂ့ၤ.
38 ယမ့ၢ်မၤဒီး, သုတနာ်ဘၣ်ယၤနာ်သက့ ဒီး, နာ်တၢ်မၤန့ၣ်ဒ်သိးသုကသ့ၣ်ညါဒီး နာ်လၢပၢ်အိၣ် လၢယပူၤ, ဒီးယအိၣ်လၢပၢ်အပူၤန့ၣ်တက့ၢ်.
39 မၤသး ဒ်န့ၣ်ဒီး အဝဲသ့ၣ်ဃုဟံးဃာ်ကဒီးအီၤ, ဒီးအဝဲဒၣ်ဟး ထီၣ်ကွံာ်လၢအစုပူၤလီၤ.
40 ဒီးလဲၤကဒီးဆူယၢ်ဒ့ၣ်ဝၢ်ဘးခီ, ဖဲစီၤယိၤဟၣ်ဘျၢ*တၢ် လၢအခီၣ်ထံးအလီၢ်, ဒီးအိၣ်ဝဲဖဲန့ၣ်လီၤ.
41 ဒီးပှၤအါဂၤ ဟဲဆူအအိၣ်ဒီးစံးဝဲဒၣ်, စီၤယိၤဟၣ်တမၤဘၣ်တၢ်လီၤ လးနီတမံၤဘၣ်. မ့မ့ၢ်ကယဲၢ်တၢ်လၢစီၤယိၤဟၣ်ကတိၤ လၢအဝဲတဂၤအံၤအဂ့ၢ်အကျိၤန့ၣ်, မ့ၢ်အမ့ၢ်အတီလီၤ.-
42 ဒီးပှၤအါဂၤနာ်အီၤဖဲန့ၣ်လီၤ.