5
1 ဒီးပုၢ်သ့ၣ်ဝဲၢ်သ့ၣ်ဧၢ, အမုၢ်အလါဒီးအဆၢအကတီၢ် အဂ့ၢ်အကျိၤန့ၣ်, တၢ်ကွဲးန့ၢ်သုအလီၢ်တအိၣ်ဘၣ်.
2 အ ဂ့ၢ်ဒ်အံၤ, သုသ့ၣ်ညါသုကစၢ်ဒၣ်သုဝဲလီၤတံၢ်လီၤဆဲး, လၢကစၢ်အမုၢ်နံၤန့ၣ် ဟဲဝဲဒ်တၢ်ဘျၣ် လၢမုၢ်နၤအသိး လီၤ.
3 တုၤပှၤစံးလၢတၢ်ဃူတၢ်ဖိးဒီးတၢ်ဂၢၢ်တၢ်ကျၢၤ အိၣ်ဝဲဒီး, တၢ်ဟးဂူာ်ဟးဂီၤဟဲဘၣ်အီၤတကီၢ်ခါ,ဒ်တၢ် ဟုးဆါဘၣ်ပိာ်မုၣ်လၢအဒၢထီၣ်အသိးန့ၣ်, ဒီးထူၣ်ဖျဲး တသ့ဘၣ်လီၤ.
4 မ့မ့ၢ်သုဝဲ,ပုၢ်သ့ၣ်ဝဲၢ်သ့ၣ်ဧၢ, သုတအိၣ်ဘၣ်လၢတၢ် ခံးကျါဒ်သိးမုၢ်နံၤန့ၣ်ကချုးန့ၢ်သု ဒ်တၢ်ဘျၣ်အသိးန့ၣ် ဘၣ်.
5 အဂ့ၢ်ဒ်အံၤ,သုမ့ၢ်ပှၤတၢ်ကပီၤဖိ,ဒီးပှၤမုၢ်ဆါဖိခဲ လၢာ်လီၤ. တမ့ၢ်ဘၣ်ပဘၣ်ဃးဒီးမုၢ်နၤဒီးတၢ်ခံးန့ၣ် ဘၣ်.
6 မၤသးဒ်န့ၣ်ဒီး,မ်ပသုတမံသပ့ၤဒ်ပှၤဂၤအသိးန့ၣ် တဂ့ၤ,ဒီးမ်ပဆိးသီဒီးကီၤပသးတက့ၢ်.
7 အဂ့ၢ်ဒ်အံၤ,ပှၤ လၢအမံတဖၣ်န့ၣ်မံဝဲလၢမုၢ်နၤ, ဒီးပှၤလၢအအီမူၤသံး တဖၣ်န့ၣ်, အီမူၤသံးလၢမုၢ်နၤလီၤ.
8 မ့မ့ၢ်ပှၤလၢအဘၣ် ဃးဒီးမုၢ်ဆါပဝဲဒၣ်အံၤ, မ်ပကီၤပသးတက့ၢ်.သိးထီၣ် တၢ်နာ်ဒီးတၢ်အဲၣ်တၢ်ကွံအသဃိးတက့ၢ်. ဒီးကုာ်ထီၣ် တၢ်မုၢ်လၢ် ဘၣ်ဃးဒီးတၢ်အုၣ်က့ၤခီၣ်က့ၤ အခိၣ်ကုာ် သုးန့ၣ်တက့ၢ်.
9 အဂ့ၢ်ဒ်အံၤ,ယွၤတပာ်ပှၤလၢပကဘၣ် တၢ်သးဒိၣ်ထီၣ်အဂီၢ်ဘၣ်. မ့ၢ်လၢပကတုၤလၢတၢ်အုၣ် က့ၤခီၣ်က့ၤအဂီၢ်, လၢပကစၢ်ယ့ၣ်ရှူးခရံာ်အဃိ,
10 လၢ အဒိးသံအသးလၢပဂီၢ်, ဒ်သိး,ပဖုသံနီၣ်မ့ၢ်ဂ့ၤ,ပမံသပ့ၤ မ့ၢ်ဂ့ၤ,ပကမူဃုာ်ဒီးအီၤလီၤ.
11 မၤသးဒ်န့ၣ်ဒီးမၤမုၣ်ထီၣ် လိာ်သုသး, ဒီးမၤထီၣ်မၤထီလိာ်သုသးသကိးသကိး,ဒ် သုမၤစ့ၢ်ကီးအသိးန့ၣ်တက့ၢ်.
12 ဒီးပုၢ်သ့ၣ်ဝဲၢ်သ့ၣ်ဧၢ, ပှၤလၢအမၤတၢ်လၢသုကျါ,ဒီး အိၣ်လၢသုဖီခိၣ်လၢကစၢ်အပူၤ, ဒီးသိၣ်က့ၤသီက့ၤသု တဖၣ်န့ၣ်, ပဃ့ကညးသုဒ်သိးသုကသ့ၣ်ညါအီၤ,
13 ဒီး ပာ်ဒိၣ်အီၤလၢတၢ်အဲၣ်တၢ်ကွံအပူၤလၢ အမၤတၢ်အ ဃိဒိၣ်မးလီၤ. ဒီးအိၣ်ဃူလိာ်ဖိးလိာ်သုသးသကိးသကိး တက့ၢ်.
14 ဒီးပုၢ်သ့ၣ်ဝဲၢ်သ့ၣ်ဧၢ, ပဃ့ကညးသု,ပှၤလၢအတဒိ ကနၣ်ဘၣ်တဖၣ်န့ၣ်,သိၣ်က့ၤသီက့ၤအီၤတက့ၢ်.ပှၤလၢ အသးတခုဘၣ်တဖၣ်န့ၣ်,မၤမုာ်ထီၣ်အီၤတက့ၢ်.ပှၤလၢ အဂံၢ်စၢ်ဘါစၢ်တဖၣ်န့ၣ်, မၤစၢၤအီၤတက့ၢ်.ဝံသးစူၤပှၤ ခဲလၢာ်တက့ၢ်.
15 ဒ်သိးပှၤသုတမၤဆၢတၢ်အၢလၢပှၤနီ တဂၤတဂ့ၤဒီး, ကွၢ်သုဝဲတက့ၢ်,အခိၣ်တလိာ်,ဖဲအဘၣ် ဃးဒီးသုဝဲသ့ၣ်သကိးသကိးမ့ၢ်ဂ့ၤ, ဖဲအဘၣ်ဃးဒီးပှၤခဲ လၢာ်မ့ၢ်ဂ့ၤ,လူၤတၢ်ဂ့ၤတၢ်ဝါတထံၣ်ဃီတက့ၢ်.
16 သူၣ်ဖှံ သးညီတဘိယူၢ်ဃီတက့ၢ်.
17 ဘါထုကဖၣ်တၢ်တထံၣ် ဃီတက့ၢ်.
18 လၢတၢ်ခဲလၢာ်အပူၤန့ၣ်, စံးထီၣ်ပတြၢၤ တၢ်အဘျုးအဖှိၣ်တက့ၢ်. အဂ့ၢ်ဒ်အံၤ, အဝဲန့ၣ်မ့ၢ်တၢ် ဘၣ်ယွၤအသးလၢယ့ၣ်ရှူးခရံာ်အပူၤလၢသုဂီၢ်လီၤ. ၁၉-၂၀ သုတမၤလီၤပံာ်ကွံာ်သးန့ၣ်တဂ့ၤ.-သုတမၤတရီ တပါတၢ်ကတိၤလၢဝံအကျိာ်တဂ့ၤ.
21 ပစီကွၢ်တၢ်ခဲ လၢာ်, ဟံးဃာ်တၢ်အဂ့ၤတက့ၢ်.
22 ဟးဆှဲးတၢ်အၢလၢ ကိးတၢ်အက့ၢ်အဂီၤဒဲးတက့ၢ်.
23 ဒီးတၢ်ဃူတၢ်ဖိးအက စၢ်ဒၣ်ဝဲန့ၣ်, မ်အမၤစီဆှံသုလၢလၢပှဲၤပှဲၤတက့ၢ်.ဒီးမ် တၢ်အံးက့ၤကွၢ်က့ၤသုဒီဂၤညါ, ဒ်သိးသုသး,ဒီးသုသး သမူ, ဒီးသုနီၢ်ခိခဲလၢာ်ကအိၣ်လၢတၢ်ပာ်တၢ်ကမၣ်အ လီၢ်တအိၣ်ဘၣ်, ဖဲပကစၢ်ယ့ၣ်ရှူးခရံာ်ဟဲက့ၤန့ၣ်တ က့ၢ်.
24 ပှၤလၢအကိးန့ၢ်သုမ့ၢ်ပှၤလၢအကလုၢ်တီ,ဒီးအဝဲ ဒၣ်ကမၤစ့ၢ်ကီးဝဲန့ၣ်လီၤ.
25 ပုၢ်သ့ၣ်ဝဲၢ်သ့ၣ်ဧၢ,ဘါထုကဖၣ်လၢပဂီၢ်တက့ၢ်.
26 နၢမူပဒီပုၢ်ဝဲၢ်ခဲလၢာ်လၢတၢ်နၢမူစီဆှံတက့ၢ်.
27 ဒ်သိးပှၤကဖးလံာ်တဘ့ၣ်အံၤလၢ ဒီပုၢ်ဝဲၢ်စီဆှံခဲလၢာ် အမဲာ်ညါဒီး,ယမၤလိာ်သုလၢကစၢ်အမဲာ်ညါလီၤ.
28 ပကစၢ်ယ့ၣ်ရှူးခရံာ်အဘျုးအဖှိၣ်, မ်အအိၣ်ဒီးသုတ က့ၢ်. [ အၤမ့ၣ်].