4
1 ဒီးတၢ်ကတိၤလၢခံကတၢၢ်, ပုၢ်သ့ၣ်ဝဲၢ်သ့ၣ်ဧၢ,သုဂ့ၤ လဲၤဒ်လဲၣ်ဒ်လဲၣ်, ဒီးမၤဘၣ်ယွၤအသး, ဒ်သုဒိးန့ၢ်တၢ် လၢပအိၣ်ဒီးသုလဲၤတၢ်အသိး, ပဃ့ကညးသု, ဒီးသ ဆၣ်ထီၣ်သုခံလၢကစၢ်ယ့ၣ်ရှူးအပူၤ, ဒ်သိးသုကမၤအါ ထီၣ်န့ၣ်လီၤ.
2 အဂ့ၢ်ဒ်အံၤ,ပဟ့ၣ်လီၤသုတၢ်မၤလိာ်မနုၤ မနုၤလၢကစၢ်ယ့ၣ်ရှူးအအိၣ်န့ၣ်သုသ့ၣ်ညါလီၤ.
3 အဂ့ၢ် ဒ်အံၤ, ယွၤအတၢ်ဘၣ်အသးန့ၣ်မ့ၢ်တၢ်အံၤ,ဒ်သိးသုက စီကဆှံ,ဒီးသုကဟးဆှဲးတၢ်မၤကမၣ်မုၣ်ကမၣ်ခွါ,
4 ဒ် သိးသုဝဲတဂၤဒီးတဂၤ, ကသ့ၣ်ညါဟံးဃာ်အသပၢၤဒၣ် ဝဲလၢတၢ်စီဆှံဒီးတၢ်လၤကပီၤအပူၤလီၤ.
5 လၢသးကွံ တၢ်ဘၣ်ဃးဒီးတၢ်ကလုာ်ကလိၤ, ဒ်ပှၤကလုာ်တဖၣ် လၢအတသ့ၣ်ညါဘၣ်ယွၤအသိးတမ့ၢ်ဘၣ်,
6 ဒ်သိးပှၤ သုတမၤကမၣ်, ဒီးလီန့ၢ်အဒီပုၢ်ဝဲၢ်အတၢ်နီတဂၤတဂ့ၤ လီၤ. အဂ့ၢ်ဒ်အံၤ,ယွၤမ့ၢ်တၢ်မၤဆၢမၤကၣ်တၢ်လၢတၢ် န့ၣ်တဖၣ်ခဲလၢာ်, ဒ်ပစံးပာ်စ့ၢ်ကီးသု, ဒီးအုၣ်ပသးအ သိးန့ၣ်လီၤ.
7 အဂ့ၢ်ဒ်အံၤ, တမ့ၢ်ဘၣ်ယွၤကိးက့ၤပှၤဆူ တၢ်အဲၣ်တလ့ၤအဲၣ်တဘီအပူၤဘၣ်. မ့ၢ်ဆူတၢ်စီဆှံအ ပူၤလီၤ.
8 မၤသးဒ်န့ၣ်ဒီး, ပှၤလၢအတပးလ့ၢ်ပးကါဘၣ် တၢ်ဘၣ်, တမ့ၢ်ဘၣ်အတပးလ့ၢ်ပးကါဘၣ်ပှၤကညီဘၣ်, မ့ၢ်ယွၤလၢအဟ့ၣ်လီၤစ့ၢ်ကီးသုလၢအသးစီဆှံလီၤ.
9 မ့မ့ၢ်ဒီပုၢ်ဝဲၢ်အဲၣ်လိာ်အသးအဂ့ၢ်အကျိၤန့ၣ်, ယကွဲး န့ၢ်သုအလီၢ်တအိၣ်ဘၣ်. အဂ့ၢ်ဒ်အံၤ,သုကစၢ်ဒၣ်သုဝဲ, သုဘၣ်တၢ်သိၣ်လိသုလၢယွၤ ဒ်သိးသုကအဲၣ်လိာ်ကွံ လိာ်သုသးလီၤ.
10 အဂ့ၢ်ဒ်အံၤ,သုမၤတၢ်အံၤလၢဒီပုၢ်ဝဲၢ်ခဲ လၢာ်အိၣ်လၢမၤက့းဒနံဒီကီၢ်ညါစ့ၢ်ကီးလီၤ. ဘၣ်ဆၣ် ဒီးပုၢ်သ့ၣ်ဝဲၢ်သ့ၣ်ဧၢ, ပဃ့ကညးသု ဒ်သိးသုကမၤအါ ထီၣ်အါထီၣ်လီၤ.
11 ဒီးပလီၢ်သုသးသပှၢ်ပှၢ်လၢသုက အိၣ်ဂၢၢ်အိၣ်ဘှီၣ်, ဒီးမၤသုတၢ်ဒၣ်သုဝဲ,ဒီးမၤတၢ်ဖံးတၢ် လၢသုစုဒၣ်သုဝဲ, ဒ်ပမၤလိာ်တ့ၢ်သုအသိးန့ၣ်,
12 ဒ်သိး သုကလဲၤတၢ်ဂ့ၤဂ့ၤဘၣ်ဘၣ်လၢ ပှၤအိၣ်လၢခိအမဲာ်ညါ ဒီးသုန့ၢ်ဘၣ်တၢ်အလီၢ်သုတအိၣ်နီတမံၤတဂ့ၤလီၤ.
13 ဒီးပုၢ်သ့ၣ်ဝဲၢ်သ့ၣ်ဧၢ, တဘၣ်ဘၣ်ပသးလၢသုတသ့ၣ် ညါဘၣ်ပှၤလၢအမံအဂ့ၢ်အကျိၤန့ၣ်, ဒ်သိးသုသးသုတ တအုး, ဒ်ပှၤဂၤလၢအတၢ်မုၢ်လၢ်တအိၣ်ဘၣ်အသိးန့ၣ် တဂ့ၤ.
14 အဂ့ၢ်ဒ်အံၤ,ပမ့ၢ်စူၢ်က့ၤနာ်က့ၤလၢယ့ၣ်ရှူးသံဝဲ, ဒီးဂဲၤဆၢထၢၣ်က့ၤဝဲဒီး, ပှၤလၢအမံလၢယ့ၣ်ရှူးအပူၤတ ဖၣ်န့ၣ်, ယွၤကဒုးဟဲက့ၤထီၣ်အီၤလၢအသိးဒ်န့ၣ်အသိး စ့ၢ်ကီးလီၤ.
15 အဂ့ၢ်ဒ်အံၤ, ပစံးဘၣ်သုလၢတၢ်အံၤ, လၢယွၤအက လုၢ်အကထါအပူၤ,လၢပှၤလၢအမူ,ဒီးအိၣ်တုၤကစၢ်ဟဲ က့ၤန့ၣ်ပဝဲဒၣ်အံၤ, ပတလဲၤထီၣ်လၢပှၤလၢအမံတဖၣ် အမဲာ်ညါဘၣ်.
16 အဂ့ၢ်ဒ်အံၤ,ကစၢ်အကစၢ်ဒၣ်ဝဲကဟဲ လီၤလၢမူခိၣ်အိၣ်ဒီးတၢ်ကိးပသူ, ဒီးကလူးအခိၣ်တဂၤ အကလုၢ်သီၣ်, ဒီးအိၣ်ဒီးယွၤအကွဲၤဒီး,ပှၤလၢအသံလၢ ခရံာ်အပူၤတဖၣ်န့ၣ်ကဂဲၤဆၢထၢၣ်ဆိဝဲ,
17 တုၤနုၤတစု, ပှၤလၢအမူဒီးအိၣ်ဒံးပဝဲဒၣ်အံၤ, တၢ်ကထုးထီၣ်န့ၢ်ပှၤ တပူၤဃီဒီးအဝဲသ့ၣ်, ဆူတၢ်အၢၣ်အပူၤ, ဒ်သိးပကသ ဂၢၢ်ကစၢ်လၢမူကပိာ်လိၤ, ဒီးပကအိၣ်ဒီးကစၢ်အစိၤစိၤ အဃၣ်ဃၣ်ဒ်န့ၣ်လီၤ.
18 မၤသးဒ်န့ၣ်ဒီး, မၤမုာ်ထီၣ်လိာ်သုသးလၢတၢ်ကတိၤ တဖၣ်အံၤတက့ၢ်.